ᓘᑲᓯᐅᑉ ᐊᒡᓚᖏᑦ 9:48 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁸ ᑖᒃᑯᐊ ᐅᖃᐅᑎᕔᑦ, “ᓇᓪᓕᐊᑦ ᐆᒥᖓ ᓱᕈᓯᑯᓗᖕᒥᒃ ᐃᓚᓕᐅᕐᓯᔪᖅ ᐱᑦᔪᑎᒋᓗᖓ ᐅᕙᓐᓂᒃ ᐃᓚᓕᐅᕐᓯᕗᖅ, ᐅᕙᓐᓂᒡᓗ ᐃᓚᓕᐅᕐᓯᔫᑉ ᐅᕙᓐᓂᒃ ᑎᓕᓯᔪᖅ ᐃᓚᓕᐅᕆᕚ; ᐃᓕᑦᓯᓐᓂᑦ ᒥᑭᓐᓂᕐᐹᖑᔪᖅ ᑖᓐᓇ ᐱᓚᕆᐅᓂᕐᐹᖑᕗᖅ.”

Aglait Ijjurnaittut

⁴⁸ taakkua uqautivait, “Nalliat uuminga surusikulungmik ilaliuqsijuq pijjutigilunga uvannik ilaliuqsivuq, uvanniglu ilaliuqsijuup uvannik tilisijuq ilaliurivaa; ilissinnit mikinniqpaangujuq taanna pilariuniqpaanguvuq.”

ᓘᑲᓯᐅᑉ ᐊᒡᓚᖏᑦ 9:48 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:12

ᐊᓯᕈᕐᑕᐅᓂᖅ ᐱᒋᐊᓚᐅᕐᑎᓐᓇᒍ ᐃᓄᒃ ᐆᒻᒪᑎᒥᒍᑦ ᐱᔪᓐᓇᕋᓱᒋᓗᐊᕐᓂᖃᓲᖑᕗᖅ, ᒥᑭᒡᓕᑎᕐᓯᒪᓂᕐᓕ ᓯᕗᓪᓕᐅᓲᖑᕗᖅ ᐅᐱᒋᔭᐅᓂᖅ ᐊᑐᓚᐅᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 18:10

“ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 18:14

ᑍᒫᑦᓮᓐᓇᕐᑕᐅᖅ, ᐊᑖᑕᓯ ᕿᓚᖕᒦᑦᑐᖅ ᑕᒪᒃᑯᓂᖓᑯᓗᒃ ᐊᓯᐅᖁᔨᓐᖏᓚᖅ.”

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 25:45

ᑕᕝᕙ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᒥᑭᓐᓂᕐᐸᐅᔪᑦ ᐱᓇᓱᐊᕐᕕᒋᖏᓐᓇᑦᓯᐅᒃ, ᑕᕝᕙ ᐅᕙᓐᓂᒃ ᐱᓇᓱᐊᕐᕕᖃᓚᐅᓐᖏᓚᓯ.’

ᒫᑯᓯᐅᑉ ᐊᒡᓚᖏᑦ 9:37

“ᓇᓪᓕᐊᑦ ᑍᒤᑦᑐᒥᒃ ᓱᕈᓯᑯᓗᖕᒥᒃ ᑐᓐᖓᓱᒃᑎᑦᓯᔪᖅ ᐊᑎᓐᓂ ᑖᓐᓇ ᐅᕙᓐᓂᒃ ᑐᓐᖓᓱᒃᑎᑦᓯᕗᖅ; ᐅᕙᓐᓂᒡᓗ ᑐᓐᖓᓱᒃᑎᑦᓯᔪᖅ, ᐅᕙᓐᓂᑐᐊᖅ ᑐᓐᖓᓱᒃᑎᑦᓯᓐᖏᓚᖅ ᑎᓕᔨᓐᓂᒡᓕ ᑐᓐᖓᓱᒃᑎᑦᓯᒋᕗᖅ.”

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᓘᑲᓯᐅᑉ ᐊᒡᓚᖏᑦ 14:11

ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”

ᓘᑲᓯᐅᑉ ᐊᒡᓚᖏᑦ 22:26

ᐃᓕᑦᓯᓕ ᑍᒤᑦᑕᕆᐊᖃᓐᖏᓚᓯ; ᓇᓕᕐᓯᓕ ᐊᖏᓂᕐᐹᖑᔪᖅ ᐃᓕᑦᓯᓐᓂᑦ ᐃᓅᓱᖕᓂᕐᐹᑎᑐᑦ ᑍᒤᑦᑕᕆᐊᖃᕐᐳᖅ, ᓯᕗᓕᕐᑎᐅᔪᕐᓗ ᐱᔨᒋᔭᐅᔪᑐᑦ ᑍᒤᑦᑕᕆᐊᖃᕐᐳᖅ.

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᓘᑲᓯᐅᑉ ᐊᒡᓚᖏᑦ 7:28

ᓱᓕ ᐅᖃᕐᐳᖅ, “ᐅᖃᐅᑎᕙᑦᓯ, ᔪᐊᓇᓯ ᐹᑉᑎᑎᕆᔪᖅ ᐊᖏᓂᕐᓴᐅᕗᖅ ᐊᕐᓇᒧᑦ ᐃᕐᓂᐊᕆᔭᐅᓚᐅᕐᓯᒪᔪᓂᑦ ᑕᒤᓐᓂᑦ; ᑭᓯᐊᓂᓕ ᓇᓪᓕᐊᑦ ᒎᑎᐅᑉ ᐊᑕᓂᐅᕕᖓᓂ ᒥᑭᓐᓂᕐᐸᐅᔪᖅ ᑖᓐᓇ ᐊᖏᓂᕐᓴᐅᕗᖅ ᔪᐊᓇᓯᒥᑦ.”

ᔪᐊᓇᓯᐅᑉ ᐊᒡᓚᖏᑦ 13:20

ᓱᓕᔪᒥᒃ ᐅᖃᐅᑎᕙᑦᓯ, ᑎᓕᔭᓐᓂᒃ ᐃᓚᓕᐅᕐᓯᔪᖅ ᑖᓐᓇ ᐅᕙᓐᓂᒃ ᐃᓚᓕᐅᕐᓯᒋᕗᖅ; ᐅᕙᓐᓂᒡᓕ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᒋᕗᖅ.”

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᐲᑦᑐᕉᓯ ᓯᕗᓪᓖᑦ 5:6

ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:14

ᐃᒡᓗᒐᓴᒡᔪᐊᓪᓗ ᐊᕙᓗᕐᔪᐊᖓ ᑐᓐᖓᕕᖃᕐᐳᖅ 12ᓂᒃ, ᑐᓐᖓᕕᖏᓪᓗ ᑎᑎᕋᕐᓯᒪᒋᕗᑦ ᓄᕐᕋᐅᔭᐅᑉ ᐋᐴᓯᑕᓕᖏᑕ ᐊᑎᖏᓐᓂᒃ 12ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.