ᓘᑲᓯᐅᑉ ᐊᒡᓚᖏᑦ 9:44 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁴ “ᐅᑯᐊ ᐅᖃᐅᓯᕆᓂᐊᕐᑕᒃᑲ ᐳᐃᒍᕐᑍᓕᓯᐅᒃ; ᐃᓅᑉ ᐃᕐᓂᖓ ᐱᑎᑕᐅᒋᐊᕕᓕᕐᐳᖅ ᐃᓄᐃᑦ ᐱᔪᓐᓇᕐᓂᖏᓐᓄᑦ.”

Aglait Ijjurnaittut

⁴⁴ “Ukua uqausiriniaqtakka puiguqtailisiuk; Inuup Irninga pititaugiaviliqpuq inuit pijunnarninginnut.”

ᓘᑲᓯᐅᑉ ᐊᒡᓚᖏᑦ 9:44 Iomraidhean Croise

ᓴᒧᐃᓕ ᐂᑉᐸᖏᑦ 24:14

ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.”

ᒫᑎᐅᓯᐅᑉ ᐊᒡᓚᖏᑦ 16:21

ᑕᕝᕙᓐᖓᑦ ᐱᒋᐊᕐᓗᓂ ᔩᓱᓯ ᓇᓗᓇᖏᑦᓯᐊᕐᑐᒥᒃ ᐃᓕᓐᓂᐊᕐᑎᒥᓄᑦ ᐅᖃᐅᓯᖃᓕᕐᐳᖅ, “ᔨᕉᓴᓕᒻᒧᐊᕆᐊᖃᕐᐳᖓ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᖓ ᐊᖏᔪᒥᒃ ᔫᑎᓄᑦ ᐊᖓᔪᖅᑲᐅᔪᓄᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᐳᖓ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖓ.”

ᒫᑎᐅᓯᐅᑉ ᐊᒡᓚᖏᑦ 26:2

“ᖃᐅᔨᒪᕗᓯ ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᐅᓂᐊᓕᕐᒪᑦ, ᐃᓅᑉ ᐃᕐᓂᖓ ᑐᓂᔭᐅᓛᕐᐳᖅ ᑭᑭᐊᒃᑐᕐᑕᐅᖁᓪᓗᒍ.”

ᒫᑯᓯᐅᑉ ᐊᒡᓚᖏᑦ 8:31

ᑕᑉᕙ ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ ᐃᓅᑉ ᐃᕐᓂᖓ ᐋᓐᓂᐊᑎᑕᐅᔭᕆᐊᖃᕐᓂᖓᓂᒃ ᐊᖏᔪᒥᒃ, ᔪᑎᑦ ᐊᖓᔪᖅᑳᖏᓐᓄᑦ ᓇᕐᕈᒋᔭᐅᒻᒪᕆᒍᒫᕐᓂᒥᓂᒃ ᑐᓂᕐᕈᓯᕐᑎᑦᓯᔨᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᓂᒥᓂᒡᓗ, ᐅᓪᓗᐃᑦ ᐱᖓᔪᐊᓐᓂ ᒪᑭᑦᓱᒫᕐᓂᒥᓂᒃ.

ᒫᑯᓯᐅᑉ ᐊᒡᓚᖏᑦ 9:31

ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ, ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐱᔭᐅᑎᑕᐅᔪᒫᕐᐳᖅ ᐃᓄᖕᓄᑦ, ᑖᒃᑯᐊ ᑐᖁᑦᓱᒫᕐᐹᑦ; ᑐᖁᖓᓚᐅᕐᓗᓂ, ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᒪᑭᑦᓱᒫᕆᕗᖅ.”

ᓘᑲᓯᐅᑉ ᐊᒡᓚᖏᑦ 1:66

ᑐᓴᕐᑐᓕᒫᑦ ᐃᓱᒪᒃᓴᕐᓯᐅᓕᕐᐳᑦ, ᐅᖃᕐᓗᑎᒃ, “ᖃᓄᐃᓕᐅᕐᑎᒃᓴᐅᒑᒦᓐᓇ ᓄᑕᕋᑯᓗᒃ?” ᓇᓗᓇᓚᐅᖏᒻᒪᑦ ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᕐᒪᒍ.

ᓘᑲᓯᐅᑉ ᐊᒡᓚᖏᑦ 18:31

ᔩᓱᓯᐅᑉ ᐃᓕᓐᓂᐊᕐᑎᓂ 12 ᐃᓄᑑᑎᓪᓗᒋᑦ ᐅᖃᐅᑎᕔᑦ, “ᑕᑯᒋᑦ ᔨᕉᓴᓕᒻᒧᐊᓕᕐᐳᒍᑦ, ᐅᖃᐅᓯᐅᓯᒪᔪᑦ ᑕᒪᕐᒥᒃ ᓇᓚᐅᑦᑍᔪᓂ ᐃᓅᑉ ᐃᕐᓂᖓᑕ ᒥᒃᓵᓄᑦ ᑲᔪᓯᑎᑕᐅᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 2:19

ᒥᐊᕆᐅᓪᓕ ᑕᒪᒃᑯᐊᓕᒫᑦ ᐃᓱᒪᒥᐅᑕᕆᓕᕐᐰᑦ, ᐃᓱᒪᒃᓴᕐᓯᐅᕈᑎᒋᓪᓗᒋᓪᓗ.

ᓘᑲᓯᐅᑉ ᐊᒡᓚᖏᑦ 2:51

ᔩᓱᓯᐅᑉ ᐊᖓᔪᖅᑳᖕᓂ ᐊᖏᕐᕋᐅᖃᑎᒋᓕᕐᐹᒃ ᓈᓴᕇᑎᒧᑦ, ᓈᓚᑦᓯᐊᕐᓗᒋᒃ; ᐊᓈᓇᖓᑕᓕ ᑕᒪᒃᑯᐊ ᐅᖃᐅᓯᓕᒫᖏᑦ ᐃᓱᒪᒥᐅᑕᕆᓕᕐᐰᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᓘᑲᓯᐅᑉ ᐊᒡᓚᖏᑦ 9:22

ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐊᖏᔪᒥᒃ ᐋᓐᓂᐊᑎᑕᐅᔭᕆᐊᖃᕐᐳᖅ, ᓇᕐᕈᒋᔭᐅᓗᓂ ᔫᑎᑦ ᐊᖓᔪᖅᑳᖏᓐᓂᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓂᑦ, ᐱᖁᔭᓂᒡᓗ ᐃᓕᓮᔨᓂᑦ, ᑐᖁᑕᐅᓛᕐᐳᖅ, ᐅᓪᓗᐃᑦ ᐱᖓᔪᐊᓐᓂᒃ ᒪᑭᓛᕆᕗᖅ.”

ᔪᐊᓇᓯᐅᑉ ᐊᒡᓚᖏᑦ 16:31

ᔩᓱᓯᐅᑉ ᑭᐅᕔᑦ, “ᒫᓐᓈ ᐅᒃᐱᓕᕐᐱᓰ?

ᔪᐊᓇᓯᐅᑉ ᐊᒡᓚᖏᑦ 19:11

ᔩᓱᓯᐅᑉ ᑭᐅᕚ, “ᐅᕙᓐᓄᑦ ᐱᔪᓐᓇᕐᓂᖃᕋᔭᓐᖏᓚᑎᑦ ᑐᓂᓯᕕᐅᖏᒃᑯᕕᑦ ᑕᑉᐹᓐᖓᑦ; ᑍᒤᒻᒪᑦ ᐅᕙᓐᓂᒃ ᐱᔭᐅᑎᑦᓯᔪᖅ ᐃᓕᖕᓄᑦ ᐊᔪᕐᓂᖃᕐᓂᕐᓴᐅᕗᖅ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.