ᓘᑲᓯᐅᑉ ᐊᒡᓚᖏᑦ 9:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓕᓐᓂᐊᕐᑎᖏᑦ ᑭᐅᕗᑦ, “ᔪᐊᓇᓯ ᐹᑉᑎᑎᕆᔨᐅᓇᓱᒋᔭᐅᕗᑎᑦ; ᐃᓚᖏᓂᓪᓗ ᐃᓔᑦᔭᐅᓇᓱᒋᔭᐅᓪᓗᑎᑦ, ᐃᓚᖏᑕᓗ ᓇᓚᐅᑦᑍᔪᑦ ᐃᓚᖓᑦ ᐆᒻᒪᕐᑐᕕᓂᐅᓇᓱᒋᕚᑎᑦ.”

Aglait Ijjurnaittut

¹⁹ Ilinniaqtingit kiuvut, “Juanasi Paaptitsirijiunasugijauvutit; ilanginillu Ilaijjaunasugijaullutit, ilangitalu nalauttaijut ilangat uummaqtuviniunasugivaatit.”

ᓘᑲᓯᐅᑉ ᐊᒡᓚᖏᑦ 9:19 Iomraidhean Croise

ᒪᓚᑬᑉ ᐊᒡᓚᖏᑦ 4:5

“ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 14:2

ᐊᖓᔪᖅᑳᖁᑎᓂ ᐅᖃᐅᑎᕔᑦ, “ᔪᐊᓇᓯ ᐹᑉᑎᑎᕆᔨᓪᓚᕆᐅᓇᓱᒋᕙᕋ, ᑐᖁᖓᔪᓂᑦ ᒪᑭᑦᑐᕕᓂᖅ; ᑍᒤᒻᒪᑦ ᐱᔪᓐᓇᕐᓂᖃᓕᕐᐳᖅ ᑲᒪᓇᕐᑐᓕᓂᕐᓂᒃ ᐱᓇᓱᐊᕈᓐᓇᕐᓗᓂ.”

ᒫᑎᐅᓯᐅᑉ ᐊᒡᓚᖏᑦ 3:1

ᑍᑦᓱᒪᓂ ᔪᐊᓇᓯ ᐹᑉᑎᑎᕆᔨ ᐃᓄᖃᖏᑦᑐᒥ ᐊᔪᕆᕐᑐᐃᓕᕐᐳᖅ ᔫᑎᐊᒦᑦᑐᒥ.

ᒫᑯᓯᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᓪᓕ ᐃᕉᑕᓯᐅᑉ ᑕᒪᓐᓇ ᑐᓴᐅᒪᓕᕐᐹ; ᔩᓱᓯᐅᑉ ᐱᓇᓱᐊᕐᓂᖓ ᓇᓂᑐᐃᓐᓇᖅ ᑐᓴᐅᒪᔭᐅᓕᕐᒪᑦ. ᐃᓚᖏᑦ ᐅᖃᖃᑦᑕᕐᒪᑕ, “ᔪᐊᓇᓯ ᐹᑉᑎᑎᕆᔨ ᑐᖁᖓᔪᓂᑦ ᒪᑭᓯᒪᕗᖅ; ᑍᒤᒻᒪᑦ ᐱᔪᓐᓇᕐᓂᖃᕐᐳᖅ ᑲᒪᓇᕐᑐᓂᒃ ᐱᓇᓱᐊᕈᓐᓇᕐᓂᕐᒥᒃ.”

ᒫᑯᓯᐅᑉ ᐊᒡᓚᖏᑦ 6:15

ᐃᓚᖏᓪᓕ ᐅᖃᕐᐳᑦ, “ᑖᓐᓇ ᐃᓔᑦᔭᐅᕗᖅ.” ᐃᓚᖏᓪᓕ ᐅᖃᕆᕗᑦ, “ᓇᓚᐅᑦᑍᔫᕗᖅ, ᑍᑦᓱᒪᓂᐊᓗᒃ ᓇᓚᐅᑦᑍᔫᕙᓚᐅᕐᑐᑎᑐᑦ.”

ᓘᑲᓯᐅᑉ ᐊᒡᓚᖏᑦ 9:18

ᔩᓱᓯ ᐃᓄᑑᓪᓗᓂ ᑐᒃᓯᐊᕐᑎᓪᓗᒍ, ᐃᓕᓐᓂᐊᕐᑎᖏᑕ ᐅᐸᒃᐹᑦ; ᐃᓕᓐᓂᐊᕐᑎᓂ ᐊᐱᕆᕔᑦ, “ᐃᓄᖕᓂᑦ ᑭᓇᐅᓇᓱᒋᔭᐅᕗᖔ?”

ᓘᑲᓯᐅᑉ ᐊᒡᓚᖏᑦ 9:20

ᔩᓱᓯᐅᑉ ᐊᐱᕆᕔᑦ, “ᐃᓕᑦᓯᓕ, ᑭᓇᐅᓇᓱᒋᕕᓯᓐᖔ?” ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ ᒎᑎᒥᑦ ᐱᓯᒪᔪᖅ.”

ᔪᐊᓇᓯᐅᑉ ᐊᒡᓚᖏᑦ 1:21

ᑖᒃᑯᐊ ᐊᐱᕆᕚᑦ, “ᑭᓇᐅᒐᕕᓪᓖ? ᐃᓔᑦᔭᐅᕖᑦ?” ᑭᐅᕗᖅ, “ᑍᓐᓇᐅᓐᖏᓚᖓ.” “ᓇᓚᐅᑦᑍᔫᕖᑦ?” ᑭᐅᕔᑦ, “ᐋᒃᑲ.”

ᔪᐊᓇᓯᐅᑉ ᐊᒡᓚᖏᑦ 1:25

ᐊᐱᕆᓕᕆᕗᑦ, “ᓱᖕᒪᓪᓕ ᐹᑉᑎᑦᓯᖃᑦᑕᕐᐲᑦ? ᙭ᔅᑑᓯᐅᓇᒃ, ᐃᓔᑦᔭᐅᓇᒡᓗ, ᓇᓚᐅᑦᑍᔫᓇᒡᓗ.”

ᔪᐊᓇᓯᐅᑉ ᐊᒡᓚᖏᑦ 7:40

ᐃᓄᐃᓪᓕ ᐃᓚᖏᑦ ᐅᖃᐅᓯᕐᓂᒃ ᑕᒪᒃᑯᓂᖓ ᑐᓴᕐᑐᑦ ᐅᖃᕐᐳᑦ, “ᐅᓇ ᓇᓚᐅᑦᑍᔪᓪᓚᕆᐅᕗᖅ.”

ᔪᐊᓇᓯᐅᑉ ᐊᒡᓚᖏᑦ 9:17

ᑕᕝᕙ ᐹᕆᓯᑦ ᑖᓐᓇ ᑕᐅᑐᓚᐅᖏᑦᑐᖅ ᐊᐱᕆᒃᑲᓐᓂᓕᕐᐹᑦ, “ᖃᓄᕐᓕ ᑕᓐᓇ ᐅᖃᐅᓯᕆᔪᓐᓇᕐᐱᐅᒃ ᐃᓕᖕᓂᒃ ᑕᐅᑐᓕᕐᑎᑦᓯᓚᐅᕐᑐᖅ?” ᑖᑦᓱᒪ ᑭᐅᕔᑦ, “ᑖᓐᓇ ᓇᓚᐅᑦᑍᔫᕗᖅ.”