ᓘᑲᓯᐅᑉ ᐊᒡᓚᖏᑦ 9:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓯᕿᓂᖅ ᐊᒃᐸᓕᕐᒪᑦ ᐅᓐᓄᓕᕐᑎᓪᓗᒍ; ᐃᓕᓐᓂᐊᕐᑎᖏᑦ ᔩᓱᓯᒧᐊᕐᐳᑦ ᐅᖃᐅᑎᓪᓗᒍ, “ᐃᓄᐃᑦ ᐊᐅᓪᓚᖁᓕᒃᑭᑦ, ᓄᓇᓕᖕᓄᐊᕐᓗᑎᒃ ᖃᓂᒋᔭᖏᓪᓄᓪᓗ ᓯᓂᒃᑕᕐᕕᖕᓄᐊᕐᓗᑎᒃ ᓂᕆᔭᓴᕐᑖᕐᓂᐊᕐᒪᑕ; ᒫᓂ ᐃᓄᖃᖏᑦᑐᒦᒃᑲᑦᑕ.”

Aglait Ijjurnaittut

¹² Siqiniq akpalirmat unnuliqtillugu; ilinniaqtingit Jiisusimuaqput uqautillugu, “Inuit aullaqulikkit, nunalingnuarlutik qanigijanginnullu siniktarvingnuarlutik nirijasaqtaarniarmata; maani inuqanngittumiikkatta.”

ᓘᑲᓯᐅᑉ ᐊᒡᓚᖏᑦ 9:12 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᕼᐆᓯᐊᑉ ᐊᒡᓚᖏᑦ 13:5

ᑲᑎᒪᓚᐅᕐᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ.

ᒫᑎᐅᓯᐅᑉ ᐊᒡᓚᖏᑦ 14:13

ᔩᓱᓯᐅᑉ ᑕᒪᓐᓇ ᑐᓴᕋᒥᐅᒃ, ᑕᕝᕙᓐᖓᑦ ᐅᒥᐊᒃᑯᑦ ᐊᐅᓪᓚᕐᐳᖅ ᐃᓄᖃᖏᑦᑐᒧᑦ ᐃᓄᑑᔭᑐᕐᓗᓂ. ᐃᓄᒐᓴᒡᔪᐊᑦ ᑐᓴᕋᒥᒃ, ᓄᓇᒥᖕᓂᑦ ᐊᐅᓪᓚᕐᐳᑦ ᒪᓕᓕᕐᓗᒍ ᐱᓱᒡᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 15:23

ᔩᓱᓯ ᐊᕐᓇᒧᑦ ᑭᐅᓐᖏᓚᕐᓘᓐᓃᑦ. ᑕᕝᕙ ᐃᓕᓐᓂᐊᕐᑎᖏᑕ ᔩᓱᓯ ᐅᐸᒃᓗᒍ ᕿᓄᕕᒋᕚᑦ, ᐅᖃᕐᓗᑎᒃ, “ᐅᓇ ᐊᕐᓇᖅ ᐊᐅᓪᓚᕐᑎᓚᐅᕈᒃ, ᐅᕙᑦᑎᓐᓂᒃ ᒪᓕᑲᑕᒡᓗᓂ ᓂᐱᓕᐊᓗᑐᐃᓐᓇᐅᖕᒪᑦ!”

ᒫᑎᐅᓯᐅᑉ ᐊᒡᓚᖏᑦ 15:32

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐃᒻᒥᓄᑦ ᕾᖁᓪᓗᒋᑦ ᐅᖃᐅᑎᕔᑦ, “ᐅᑯᐊ ᐃᓄᒐᓴᒡᔪᐊᑦ ᐃᓚᑦᓱᒋᕙᒃᑲ, ᐅᓪᓗᓂᒃ ᐱᖓᓱᓂᒃ ᐅᕙᓐᓃᒻᒪᑕ ᓂᕆᓚᐅᕋᑎᒃ; ᑳᒃᑎᓪᓗᒋᑦ ᐊᐅᓪᓚᕐᑎᑐᐃᓐᓇᕈᒪᓐᖏᓚᒃᑲ, ᐊᖏᕐᕋᕋᓱᐊᓕᕐᓗᑎᒃ ᐊᖅᑯᑎᒥᖕᓂ ᓄᑮᕈᑎᑐᐃᓐᓇᕆᐊᖃᕐᒪᑕ.”

ᓘᑲᓯᐅᑉ ᐊᒡᓚᖏᑦ 9:11

ᐃᓄᒋᐊᒃᑐᑦ ᖃᐅᔨᒐᒥᒃ, ᒪᓕᒃᓴᕐᐹᑦ; ᔩᓱᓯᐅᑉ ᑐᓐᖓᓱᒃᑎᑉᐰᑦ ᐅᖃᓪᓚᒡᕕᒋᓪᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ, ᐋᖅᑭᒃᑕᐅᔭᕆᐊᓖᑦ ᐋᓐᓂᐊᔪᑦ ᐋᖅᑭᒃᐰᑦ.

ᓘᑲᓯᐅᑉ ᐊᒡᓚᖏᑦ 9:13

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᓂᕆᑎᓚᐅᕐᓯᐅᒃ.” ᐃᓕᓐᓂᐊᕐᑎᖏᑦ ᐅᖃᕐᐳᑦ, “ᑕᓪᓕᒤᓐᓇᕐᓂᒃ ᓂᐊᖂᔭᖃᕐᐳᒍᑦ ᐃᖃᓘᖕᓂᒡᓗ ᒪᕐᕉᖕᓂᒃ, ᓂᐅᕕᕆᐊᖁᕕᑎᒎᑦ? ᐅᑯᐊ ᐃᓄᒋᐊᒑᓗᐃᑦ ᓂᕆᔭᒃᓴᖏᓐᓂᒃ?”

ᔪᐊᓇᓯᐅᑉ ᐊᒡᓚᖏᑦ 6:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᐃᑳᕐᐳᕐᑕᓯᐅᑉ ᒐᓕᓕᐊᑉ ᐊᑭᐊᓄᑦ (ᑍᔭᐅᔪᒧᑦ, ᑍᐱᐅᕆᐊᓯᐅᑉ ᐃᒪᖓᓂᒃ).

ᐱᓕᐱᒥᐅᓄᑦ 1:19

ᖃᐅᔨᒪᒐᒪ, ᑐᒃᓯᐅᑦᔨᓂᑦᓯᓐᓄᑦ ᐃᑲᔪᕐᓂᑦᓯᓐᓄᓪᓗ ᔩᓱᓯ ᙭ᔅᑑᓯᐅᑉ ᐊᓂᕐᓂᖓᓂᑦ ᐱᔪᒧᑦ ᐊᓂᑎᑕᐅᓂᐊᕋᒪ.