ᓘᑲᓯᐅᑉ ᐊᒡᓚᖏᑦ 8:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐱᕈᕐᓯᐊᒃᓮᑦ ᐅᔭᕋᓛᓄᑦ ᐃᑦᔪᑭᑦᑐᒧᑦ ᑲᑕᒃᑐᑦ ᑖᒃᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓚᓕᐅᕐᓯᔪᓪᓗ ᖁᕕᐊᓱᒡᓗᑎᒃ; ᑭᓯᐊᓂᓕ ᐊᒫᑭᓐᓇᒥᒃ ᓄᓇᒧᑦ ᒪᖑᒃᓯᒪᔪᓂᒃ, ᐅᒃᐱᕈᓱᓚᐅᕋᓗᐊᕐᓗᑎᒃ ᐱᐅᓐᖏᑐᒥᒃ ᐱᔪᒥᓵᕐᑕᐅᓕᕋᒥᒃ ᑲᑕᒃᐳᑦ.

Aglait Ijjurnaittut

¹³ Piruqsiaksait ujaralaanut ijjukittumut kataktut taakkuanguvut, uqausirnik tusaqtut, ilaliuqsijullu quviasuglutik; kisianili amaakinnamik nunamut manguksimajunik, ukpirusulauraluarlutik piunngittumik pijumisaaqtauliramik katakput.

ᓘᑲᓯᐅᑉ ᐊᒡᓚᖏᑦ 8:13 Iomraidhean Croise

ᔫᐱᐅᑉ ᐊᒡᓚᖏᑦ 19:28

ᐅᖃᕋᔭᕈᑦᓯ, ‘ᖃᓄᕐᖑᓇ ᐋᓐᓂᕐᓯᒃᑲᓐᓂᕈᓐᓇᕐᑕᕗᑦ? ᕿᓂᕋᑦᓯ ᓱᓕ ᐅᕙᓐᓂᒃ ᐱᒋᐊᒃᑲᓐᓂᕈᑎᒃᓴᒥᒃ’;

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:12

ᐱᐅᖏᑦᑐᑦ ᐱᐅᖏᑦᑐᓕᔪᑦ ᐱᓂᐊᕐᓂᖏᓐᓂᒃ ᑐᓱᕗᑦ, ᐃᓱᐊᕐᑐᓪᓕ ᐊᒫᖃᕐᐳᑦ ᐸᐅᕐᖓᓂᒃ ᐱᕈᕐᕕᐅᓕᕈᓐᓇᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:3

ᐃᓄᒃ ᐃᓂᖃᑦᓯᐊᕈᓐᓇᓐᖏᓚᖅ ᐱᐅᖏᑦᑐᒧᑦ ᐊᐅᓚᑕᐅᔪᒥ, ᐃᓱᐊᕐᑐᓪᓕ ᐃᓂᒋᔭᖓᑦ ᐊᐅᓚᑦᔭᒃᑕᐅᔪᓐᓇᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 33:32

ᑕᑯᒋᓪᓗ, ᑐᓴᕐᓂᔮᕈᑎᑐᐃᓐᓇᕐᑎᑐᑦ ᑍᒤᑉᐳᑎᑦ ᑖᒃᑯᓄᖓ, ᐃᖏᓗᒃᑖᕈᑎᖃᕐᑐᑎᑐᑦ ᓇᒡᓕᒍᓱᖕᓂᕐᒥᒃ ᓂᐱᑦᓯᐊᕆᒃᑐᓄᑦ ᑯᑭᑦᑕᐹᕐᓯᑎᐅᔪᑎᑐᓪᓗ, ᐃᓕᖕᓂᒃ ᑐᓵᖃᑦᑕᕋᓗᐊᕐᐳᑦ, ᒪᓕᒍᒪᓐᖏᓚᓪᓕ ᐅᖃᐅᓯᕆᔭᕐᓂᒃ.

ᕼᐆᓯᐊᑉ ᐊᒡᓚᖏᑦ 6:4

ᐊᑕᓂᕐᓕ ᐅᖃᕐᐳᖅ, “ᐃᕗᕅᒦ ᔫᑖᓗ ᐃᓕᑦᓯᓐᓅᑦ ᖃᓄᐃᓕᐅᕐᑐᒃᓴᐅᕗᖔ? ᓇᒡᓕᖕᓂᓯ ᓄᖑᑉᐸᖕᒪᑦ ᑕᒃᓯᕐᑎᑐᑦ ᐅᓪᓛᒃᑯᑦ ᐊᓯᐅᕙᒃᑐᑎᑐᑦ; ᐂᔪᖓᔪᑎᑐᓪᓗ ᖃᑯᐊᕐᑎᓯᒪᔪᑎᑐᑦ ᐅᓪᓘᑉ ᐱᒋᐊᕐᓂᖓᓂ ᐊᓯᐅᕙᒃᑐᑐᑦ.

ᒫᑯᓯᐅᑉ ᐊᒡᓚᖏᑦ 6:20

ᐃᕉᑕᓯᐅᑉ ᔪᐊᓇᓯ ᐃᓕᕋᒋᓚᐅᕐᒪᒍ, ᖃᐅᔨᒪᒐᒥᐅᒃ ᓇᓛᒎᕐᒪᑦ ᐃᑦᔪᕐᓁᑑᓪᓗᓂ, ᑍᒤᒻᒪᑦ ᓴᐳᑎᓯᒪᓚᐅᕐᐹ. ᑐᓵᓕᕌᖓᒥᐅᒃ ᖁᐊᕐᓵᕐᑎᑕᐅᒻᒪᕆᒃᐸᒃᑲᓗᐊᕐᓗᓂ ᐅᖃᓪᓚᓕᕌᖓᑦ; ᓈᓚᒋᐊᖓ ᖁᕕᐊᒋᓪᓗᓂᐅᒃ.

ᓘᑲᓯᐅᑉ ᐊᒡᓚᖏᑦ 8:12

ᐱᕈᕐᓯᐊᒃᓮᑦ ᑲᓐᖓᕐᓲᑕᐅᔪᑦ ᐊᖅᑯᑎᒧ ᑲᑕᒃᑐᑦ, ᐅᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ; ᓵᑖᓇᓯᐅᑉ ᐅᖃᐅᓰᑦ ᐃᓱᒪᖏᓐᓂᑦ ᐲᔭᕆᐊᕐᑐᕐᐰᑦ, ᐅᒃᐱᓕᖁᓇᒋᑦ ᐱᐅᓕᔭᐅᖁᓇᒋᓪᓗ.

ᓘᑲᓯᐅᑉ ᐊᒡᓚᖏᑦ 8:14

ᐊᒻᒪ ᐱᕈᕐᓯᐊᒃᓴᑦ ᐅᕐᐱᖕᓄᑦ ᑲᑭᓪᓚᐅᑎᓕᖕᓄᑦ ᑲᑕᒃᑐᑦ ᐅᑯᐊᖑᒋᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓱᒪᔮᕐᓂᕐᒧᓪᓕ ᐱᖁᑎᑖᕈᒪᓂᕐᓄᓪᓗ, ᐱᕈᕐᓯᐊᒃᓴᖏᓪᓗ ᐱᕈᕈᓐᓇᕐᓯᓇᑎᒃ.

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 15:6

ᐅᕙᓐᓃᖏᓐᓇᖏᑦᑐᖅ, ᐃᒋᑕᐅᓂᐊᕐᐳᖅ ᓇᐹᕐᑑᑉ ᐊᕙᓚᖓᔪᖏᑎᑐᑦ ᐸᓂᕐᑐᑎᑐᑦ; ᐊᕙᓚᖓᔪᑦ ᑲᑎᑕᐅᓪᓗᑎᒃ, ᐃᒋᑕᐅᕙᖕᒪᑕ ᐃᑯᒪᒧᑦ, ᐃᑯᐊᓪᓚᒃᑕᐅᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 5:35

ᑖᓐᓇ ᓇᓂᕈᐊᑎᑐᑦ ᐃᑯᒪᓪᓗᓂ ᖃᐅᒪᔪᑎᑐᑦ ᑍᒤᑉᐳᖅ, ᐃᓕᑦᓯ ᓯᕕᑭᑦᑐᒥᒃ ᖁᕕᐊᓲᑎᖃᕈᒪᓚᐅᕐᐳᓯ ᑖᑦᓱᒪ ᖃᐅᒪᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:2

ᑕᒪᒃᑯᑎᒎᓇᖅ ᐱᐅᓕᔭᐅᓯᒪᒐᑦᓯ, ᐅᖃᐅᓰᑦ ᐱᓯᒤᓐᓇᕈᑦᓯᐅᒃ, ᐅᒃᐱᓕᕐᓂᓯ ᑕᒪᐅᖕᒊᓐᓈᓚᐅᖏᑉᐸᑦ.

ᒐᓔᑎᐊᒥᐅᓄᑦ 3:1

ᒐᓔᑎᐊᒥᐅᖑᔪᓯ ᓯᓔᑦᑑᕗᓯ! ᑭᓇᒧᑦ ᐊᖓᒃᑯᕐᑕᐅᓐᓂᕐᐱᓰ? ᑐᑭᓯᑦᓯᐊᓚᐅᕋᓗᐊᕋᑦᓯ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᑕᐅᓚᐅᕐᓂᖓᓂᒃ.

ᒐᓔᑎᐊᒥᐅᓄᑦ 3:4

ᐃᒃᑯᐊᓕ ᖃᐅᔨᓚᐅᕐᑕᓯ ᐊᑑᑎᖃᕐᓂᖏᑦᑑᑦ? ᐊᑑᑎᓕᐅᒐᓗᐊᓂᒃᑯᐊ ᐃᓕᑦᓯᓐᓄᑦ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 2:7

ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᕐᓯᐅᒃ, ᐅᒃᐱᕐᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᕐᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:5

ᑍᒤᒻᒪᑦ ᑎᒧᑎ ᑎᓕᔭᕆᐊᖃᓕᓚᐅᕐᐸᕋ ᕿᓄᐃᓵᕈᓐᓁᓕᒐᒪ ᐅᒃᐱᕐᓂᑦᓯᓐᓂᒃ ᑐᓴᕈᒪᓪᓗᖓ, ᓵᑖᓇᓯᒧᑦ ᐆᒃᑐᕐᓗᒃᑕᐅᓂᑦᓯᓐᓄᑦ ᐱᓇᓱᐊᕐᓂᕆᓯᒪᔭᕗᑦ ᑕᒪᐅᖎᓐᓈᕐᑎᑕᐅᓂᐊᕋᓱᒋᓪᓗᒍ.

ᑎᒧᑎᒧᑦ ᓯᕗᓪᓖᑦ 1:19

ᐅᒃᐱᕐᓂᖃᕐᓗᑎᑦ ᐃᓱᒪᒃᑯᓪᓗ ᐸᓯᔭᐅᖏᓪᓗᑎᑦ. ᐃᓄᐃᑦ ᐃᓱᒪᒥᒃᑎᒍᑦ ᐸᓯᔭᒃᓴᐅᓂᕐᒥᒃ ᐃᒃᐱᒍᓱᖏᓗᐊᕐᓂᕐᒧᑦ, ᐅᒃᐱᕐᓂᖏᑦ ᓯᖁᒥᑕᐅᓯᒪᖕᒪᑕ;

ᐄᑉᕈᐃᓄᑦ 10:39

ᐅᕙᒍᓪᓕ ᐃᓚᒋᓐᖏᓚᕗᑦ ᓴᐱᓕᖃᑦᑕᕐᑐᑦ ᓱᒋᐊᕐᑕᐅᔪᒫᓕᕐᑐᓪᓗ, ᐃᓚᒋᕙᕗᓪᓕ ᐅᒃᐱᕐᓂᖃᕐᑐᑦ ᑕᕐᓂᖏᑕ ᐱᐅᓕᔭᐅᑦᔪᑎᒋᔭᖓᓂᒃ.

ᔧᒥᓯᐅᑉ ᐊᒡᓚᖏᑦ 2:26

ᓲᕐᓗ ᑎᒥ ᐊᓂᕐᓂᖃᖏᒃᑯᓂ ᑐᖁᖓᖕᒪᑦ, ᑍᒫᒃᑕᐅᖅ ᐅᒃᐱᕐᓂᖅ ᐱᓂᐊᕐᓂᕐᒥᒃ ᐃᓚᖃᖏᒃᑯᓂ ᑐᖁᖓᒋᕗᖅ.

ᐲᑦᑐᕉᓯ ᐂᑉᐸᖏᑦ 2:20

ᐃᓄᒃ ᕿᒤᓯᒪᓕᕐᑐᖅ ᓯᓚᕐᔫᑉ ᓴᓗᒤᓕᓇᕐᓂᖓᓂᒃ ᖃᐅᔨᑎᑕᐅᓂᕐᒥᒍᑦ ᐊᑕᓂᑦᑎᒍᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ, ᓵᓚᒋᔭᐅᒍᓂᓕ ᕿᓚᒃᑕᐅᒃᑲᓐᓂᕐᓗᓂᓗ ᑕᒪᒃᑯᓄᖓ, ᐱᐅᖏᑦᑐᒦᓐᓂᕐᓴᐅᓕᕐᓂᐊᕐᐳᖅ ᓯᕗᓪᓕᕐᒥᑦ.

ᐲᑦᑐᕉᓯ ᐂᑉᐸᖏᑦ 2:22

ᑖᒃᑯᓄᖓ ᐅᖃᐅᓯᑐᖃᖅ ᓱᓕᕗᖅ ᐅᖃᐅᓯᐅᕙᓚᐅᕐᑐᖅ, “ᕿᒻᒥᖅ ᒥᕆᐊᕐᒥᓂᒃ ᓂᕆᓲᖑᕗᖅ,” ᐊᒻᒪᓗ “ᑰᒃᑰᓯ ᐅᐊᓴᕐᑕᐅᓯᒪᔪᖅ ᒪᕐᕋᕐᒧᑦ ᐅᑎᕐᐳᖅ ᒪᕋᓐᖑᕐᑎᒃᑲᓐᓂᓕᕐᓗᓂ.”

ᔪᐊᓇᓯ ᓯᕗᓪᓖᑦ 2:19

ᑖᒃᑯᐊ ᐅᕙᑦᑎᓐᓂᒃ ᕿᒤᕗᑦ, ᐃᓚᒋᔭᐅᓪᓚᕆᒃᓯᒪᖏᓐᓇᒥᒃ; ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᒍᑎᒃ, ᐃᓚᐅᖏᓐᓇᕋᔭᓚᐅᕐᐳᑦ; ᕿᒤᓯᒪᕗᓪᓕ, ᓇᓗᓇᕈᓐᓁᖁᓪᓗᒋᑦ ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᖏᓐᓂᖏᓐᓂᒃ.

ᔫᑎᐅᑉ ᐊᒡᓚᖏᑦ 1:12

ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᓂᕆᕕᒃᔪᐊᖃᑎᒌᖕᓂᑦᓯᓂ ᐱᓐᖏᑦᓯᕐᑐᕐᓗᑎᒃ ᐱᖃᑕᐅᕗᑦ ᓱᕅᔪᒪᓪᓗᑎᒃ ᐃᓕᑦᓯᓐᓂᒃ, ᐃᒻᒥᖕᓂᑐᐊᖅ ᐃᓱᒪᒋᕗᑦ; ᓄᕗᔭᑎᑐᑦ ᓯᓚᓗᒃᑎᑦᓯᔪᓐᓇᖏᑦᑐᑎᑐᑦ ᐊᓄᕆᒧᑦ ᐃᖏᕐᕋᔪᑎᑐᑦ ᑍᒤᑉᐳᑦ; ᓇᐹᕐᑐᑎᑐᑦ ᐱᕈᕐᑐᖃᖏᑦᑐᑎᑐᑦ ᐅᑭᐊᒃᓵᖑᓕᕐᑎᓪᓗᒍ, ᓇᐹᕐᑐᑦ ᐊᒫᖏᑎᒍᑦ ᐲᕐᑕᐅᓯᒪᔪᑎᑐᑦ, ᑐᖁᖓᓪᓚᕆᒃᐳᑦ.