ᓘᑲᓯᐅᑉ ᐊᒡᓚᖏᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᖃᐅᑎᕔᑦ, “ᐃᓕᑦᓯᓐᓄᑦ ᒎᑎᐅᑉ ᐊᑕᓂᐅᕕᖓᑕ ᓇᓗᓇᕐᓂᖏᑦ ᓴᖅᑭᑕᐅᕗᑦ; ᐊᓯᑦᓯᓐᓄᓪᓕ ᐊᑦᔨᐅᔪᑎᒍᑦ ᓴᖅᑭᑕᐅᕗᑦ, ᑕᑯᒐᓗᐊᕐᓗᑎᒃ, ᓱᖅᑯᐃᕐᓯᖁᓇᒋᑦ, ᑐᓴᕋᓗᐊᕐᓗᑎᒡᓗ ᑐᑭᓯᖁᓇᒋᑦ.”

Aglait Ijjurnaittut

¹⁰ uqautivait, “Ilissinnut Guutiup Ataniuvingata nalunarningit saqqitauvut; asitsinnulli ajjiujutigut saqqitauvut, takugaluarlutik, suqquiqsiqunagit, tusaraluarlutiglu tukisiqunagit.”

ᓘᑲᓯᐅᑉ ᐊᒡᓚᖏᑦ 8:10 Iomraidhean Croise

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 44:18

ᑍᒤᑦᑐᑦ ᖃᐅᔨᒪᓐᖏᓚᑦ ᑐᑭᓯᓯᒪᓇᑎᒡᓗ; ᑕᑯᓐᓇᕐᑍᓕᒪᒐᒥᒃ ᑕᑯᔪᓐᓇᓐᖏᓚᑦ, ᐃᓱᒪᒥᒃᑎᒍᓪᓗ ᑐᑭᓯᔪᓐᓇᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 6:9

ᐅᖃᐅᑎᕚᖓᓗ, “ᐂᓕᕆᑦ, ᐃᓄᐃᓪᓗ ᐅᑯᐊ ᐅᖃᐅᑎᒃᑭᑦ, ‘ᑐᓵᖃᑦᑕᕋᓗᐊᕐᓗᓯ, ᑐᑭᓯᓂᐊᓐᖏᓚᓯ; ᑕᑯᖃᑦᑕᕋᓗᐊᕈᑦᓯ, ᑐᑭᓯᔪᓐᓇᕐᓂᐊᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 5:21

ᑐᓴᓕᕆᑦᓯ, ᐃᓕᑦᓯ ᓯᓔᑦᑐᓯ, ᐃᓱᒪᖃᑦᓯᐊᖏᑦᑐᓯᓗ ᐃᔨᖃᕋᓗᐊᕐᓗᓯ ᑕᐅᑐᖏᑦᑐᓯ, ᓯᐅᑎᖃᕋᓗᐊᕐᓗᓯᓗ ᑐᓵᖏᑦᑐᓯ.

ᐃᓯᑭᐊᓕᐅᑉ ᐊᒡᓚᖏᑦ 12:2

“ᐃᓅᑉ ᐃᕐᓂᖓ, ᓄᓇᖃᕐᐳᑎᑦ ᐊᑭᕋᕐᑐᕈᒪᔪᓂᒃ ᐃᓄᖃᕐᑐᓂᒃ, ᐃᔨᖃᕋᓗᐊᕐᐳᑦ ᑕᑯᔪᓐᓇᓐᖏᓚᑦ, ᓯᐅᑎᖃᕋᓗᐊᕐᐳᑦ ᑐᓴᕈᓐᓇᓐᖏᓚᑦ; ᐊᑭᕋᕐᑐᕐᑎᐅᒐᒥᒃ ᑭᖑᕚᖑᖃᑎᒌᑦ.

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑯᓯᐅᑉ ᐊᒡᓚᖏᑦ 4:11

ᑭᐅᕔᑦ, “ᐃᓕᑦᓯ ᓇᓗᓇᕐᑐᒥᒃ ᖃᐅᔨᑎᑕᐅᕗᓯ ᒎᑎᐅᑉ ᐊᑕᓂᐅᕕᖓᓂᒃ, ᐊᓯᓯᓕ ᒎᑎᐅᑉ ᐊᑕᓂᐅᕕᖓᑕ ᓯᓚᑖᓃᑦᑐᑦ ᑐᓴᕐᑎᑕᐅᕗᑦ ᐊᑦᔨᐅᔪᑎᒍᑦ;

ᒫᑯᓯᐅᑉ ᐊᒡᓚᖏᑦ 4:12

ᑍᒪ, ‘ᐃᔨᒥᖕᓄᑦ ᑕᑯᒐᓗᐊᕐᓗᑎᒃ, ᐃᓕᑕᕐᓯᖁᓇᒋᑦ, ᓯᐅᑎᒥᖕᓄᓪᓗ ᑐᓵᒐᓗᐊᕐᓗᑎᒃ, ᑐᑭᓯᖁᓇᒋᑦ; ᑍᒤᓐᖏᒃᑯᑎᒃ ᒎᑎᒧᑦ ᓵᒋᐊᕋᔭᕐᒪᑕ, ᑖᑦᓱᒪ ᐃᓱᒪᒋᔪᓐᓁᕐᕕᒋᒐᔭᕐᒪᒋᑦ ᐊᔪᕐᓂᖏᓐᓂᑦ.’”

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᕉᒪᒥᐅᓄᑦ 16:25

ᐃᓕᑦᓯᓐᓂᒡᓕ ᓲᖑᑎᑦᓯᔪᓐᓇᕐᑐᖅ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᔭᓐᓄᑦ, ᔩᓱᓯ ᙭ᔅᑑᓯᒥᒡᓗ ᐅᖃᐅᓯᖃᕐᓂᓐᓄᑦ, ᓇᓗᓇᕐᑑᑉ ᓇᓗᓇᕈᓐᓃᕐᑎᑕᐅᓂᖓᓄᑦ ᐊᕐᕌᒍᒐᓴᖕᓂ ᐊᓂᒍᕐᑐᓂ ᐃᔨᑦᓯᒪᓚᐅᕐᑐᓂᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:11

ᑕᒪᒃᑯᐊᓕᒫᓪᓕ ᐊᓂᕐᓂᐅᑉ ᑖᑦᓱᒪᑦᓮᓐᓇᐅᑉ ᐱᓇᓱᐊᕐᐰᑦ, ᑖᑦᓱᒪᓗ ᐊᑐᓂᑦ ᑐᓂᓯᕕᒋᕔᑦ ᐃᓱᒪᒥᓂᒃ ᐊᑦᔨᒌᖏᑦᑐᓂᒃ ᑐᓂᕐᕈᑎᓂᒃ.

ᒨᓯᓯ ᑕᓪᓕᒪᖏᑦ 29:4

ᑭᓯᐊᓂᓕ ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᓱᓕ ᑐᑭᓯᑎᓚᐅᕐᓯᒪᓐᖏᓛᓯ ᐊᑐᖃᑦᑕᓚᐅᕐᑕᑦᓯᓐᓂᒃ.

ᑯᓘᓯᐊᒥᐅᓄᑦ 2:2

ᑍᒤᓕᐅᕐᐳᖓ ᐆᒻᒪᑎᖏᑦ ᖃᔪᖏᕐᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᕐᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᓂᕐᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᓂᖓᓂᒃ, ᙭ᔅᑑᓯᒥᒡᓗ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.