ᓘᑲᓯᐅᑉ ᐊᒡᓚᖏᑦ 7:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᓱᓇᒥᒡᓕ ᑕᑯᔭᕐᑐᓚᐅᕐᐱᓰ? ᐊᖑᒻᒥᒃ ᐊᓐᓄᕌᑦᓯᐊᕐᓯᒪᔪᒥᒃ ᑕᑯᔭᕐᑐᓚᐅᕐᐱᓰ? ᑕᑯᒋᑦ, ᐊᓐᓄᕌᑦᓯᐊᕆᒃᑐᑦ ᐊᔪᕐᓴᖏᑦᑑᓪᓗᑎᒃ, ᐊᖓᔪᖅᑳᕐᔪᐊᑉ ᐃᒡᓗᖏᓐᓂ ᐃᓂᖃᓲᖑᕗᑦ.

Aglait Ijjurnaittut

²⁵ Sunamigli takujaqtulauqpisi? Angummik annuraatsiaqsimajumik takujaqtulauqpisi? Takugit, annuraatsiariktut ajuqsanngittuullutik, angajuqqaarjuap iglunginni iniqasuunguvut.

ᓘᑲᓯᐅᑉ ᐊᒡᓚᖏᑦ 7:25 Iomraidhean Croise

ᓴᒧᐃᓕ ᐂᑉᐸᖏᑦ 19:35

80ᓂᒃ ᐊᕐᕌᒍᖃᓕᕇᕋᒪ; ᖁᕕᐊᒋᔭᖃᕈᓐᓁᕐᓗᖓᓗ ᓱᓇᑐᐃᓐᓇᒥᒃ, ᓁᒪᔪᓐᓁᕋᒪ ᓂᕆᔭᓐᓂᒃ ᐃᒥᕐᑕᓐᓂᒡᓗ, ᑐᓵᔪᓐᓁᕐᓗᖓᓗ ᐃᓐᖏᕐᑐᑦ ᓂᐱᖏᓐᓂᒃ. ᐃᓱᒫᓗᓇᕈᑎᑐᐃᓐᓇᐅᔪᒪᓐᖏᓚᖓ ᐊᖓᔪᖅᑳᕐᔪᐊᓐᓄᑦ.

ᐊᑕᓃᑦ ᓯᕗᓪᓖᑦ 10:5

ᑕᑯᓪᓗᓂᓗ ᓂᕿᓂᒃ ᓵᒧᑦ ᐊᑐᐃᓐᓇᕈᕐᑎᑕᐅᔪᓂᒃ, ᐊᖓᔪᖅᑳᖁᑎᖏᑕᓗ ᐃᓂᖏᓐᓂᒃ, ᐊᖏᕐᓯᒪᓂᖏᓐᓂᒡᓗ ᐊᖓᔪᖅᑳᕐᔪᐊᒃᑰᕕᖓᑕ ᐃᖅᑲᓁᔭᕐᑎᖏᓐᓂᒃ, ᐃᖅᑲᓁᔭᕐᑎᖏᑕᓗ ᐊᓐᓄᕌᖏᓐᓂᒃ, ᐱᔨᖏᑕᓗ ᓂᕆᕕᒡᔪᐊᓂᕐᒥ ᑐᓐᓂᕐᓮᔨᖏᓐᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᕐᓂᖏᓐᓂᒃ ᑐᒃᓯᐊᕐᕕᒡᔪᐊᒥ, ᐊᖏᔪᒥᒃ ᑕᑕᒥᓐᓂᐊᓚᐅᕐᐳᖅ ᑕᒪᒃᑯᐊ ᐱᔪᑎᒋᓪᓗᒋᑦ.

ᐊᑕᓃᑦ ᐂᑉᐸᖏᑦ 1:8

ᑖᒃᑯᐊ ᑭᐅᕚᑦ, “ᐊᖑᑦ ᑍᓐᓇ ᐊᓐᓄᕌᕐᓯᒪᔪᖅ ᒥᖅᑯᓕᖕᓂᒃ, ᑕᑦᓯᖃᕐᑐᖅ ᐊᒥᕕᓂᕐᒥᒃ.” ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐃᓔᑦᔭᐅᕗᖅ ᑎᔅᐰᑎᒥᐅᑕᖅ.”

ᐃᔅᑕᐅᑉ ᐊᒡᓚᖏᑦ 1:11

ᐂᒃᓯᖁᓪᓗᒋᑦ ᑯᐃᓐ ᕚᔅᑎᒥᒃ ᐊᖓᔪᖅᑳᕐᔪᐊᕐᒧᑦ ᐂᑎᑕᐅᖁᓪᓗᒍ, ᑯᐃᒃᓯᐅᑎᒥᓂᒃ ᓂᐊᖂᓯᕐᓯᒪᓗᓂ, ᑖᑦᓱᒪ ᐊᕐᓇᑦᓯᐊᕙᐅᓂᖓ ᑕᑯᔭᐅᑎᑦᓱᒪᓪᓗᓂᐅᒃ ᐃᓄᖕᓄᑦ ᐊᖓᔪᖅᑳᓄᓪᓗ, ᑯᐃᓐ ᕚᔅᑎ ᐊᕐᓇᑦᓯᐊᕙᓪᓚᕆᐅᖕᒪᑦ.

ᐃᔅᑕᐅᑉ ᐊᒡᓚᖏᑦ 1:3

ᐊᖓᔪᖅᑲᐅᓂᖓᑕ ᐊᕐᕌᒍᖏᑕ ᐱᖓᔪᖓᓐᓂ, ᓂᕆᕕᒃᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᓕᒫᒥᓂᒃ ᐱᔨᓕᒫᒥᓂᒡᓗ; ᐊᖓᔪᖅᑳᓕᒫᓄᑦ ᐱᔪᓐᓇᕐᓂᖃᕐᑐᓕᒫᓄᓪᓗ ᐴᕐᓯᐊᒥ ᒥᑎᐊᒥᓗ, ᓄᓇᓕᖕᓂ ᐊᐅᓚᑦᓯᔩᑦ ᐊᖓᔪᖅᑳᓕᒫᓪᓗ ᑕᕝᕙᓃᑉᐳᑦ.

ᐃᔅᑕᐅᑉ ᐊᒡᓚᖏᑦ 4:2

ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᑕ ᓴᓂᐊᓄᐊᓚᐅᕐᐳᖅ, ᓇᓪᓕᐊᓪᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕆᖃᓚᐅᓐᖏᒻᒪᑦ ᐳᑐᕐᓛᓂᒃ ᐊᓐᓄᕌᕐᓯᒪᓗᓂ.

ᐃᔅᑕᐅᑉ ᐊᒡᓚᖏᑦ 5:1

ᑕᕝᕙ ᐅᓪᓗᐃᑦ ᓂᕆᑦᑍᓕᓂᖏᑕ ᐱᖓᔪᒋᓕᕐᑕᖓᓂ ᐃᔅᑕᕐ ᐊᖓᔪᖅᑳᕐᓯᐅᑎᓂᒃ ᐊᓐᓄᕌᓂᒃ ᐊᑎᕗᖅ ᐊᖓᔪᖅᑳᕐᔪᐊᓪᓗ ᐃᒡᓗᖓᑕ ᐊᕙᓗᐊᑕ ᐃᓗᐊᓄᑦ ᐃᑎᕐᓗᓂ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᑭᓪᓗᐊᖓᓃᑦᑐᒧᑦ, ᐊᖓᔪᖅᑳᕐᔪᐊᕐᓕ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᓚᐅᕐᐳᖅ ᐊᖓᔪᖅᑳᐅᕕᖕᒥᓂ, ᐃᑎᕐᑕᕐᕕᖓᓄᑦ ᓵᓐᖓᓪᓗᓂ.

ᐃᔅᑕᐅᑉ ᐊᒡᓚᖏᑦ 8:15

ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 59:17

ᓇᓛᒎᕐᓂᖅ ᓴᒡᕕᖕᒥᐅᑕᕐᑖᕆᕚ, ᐱᐅᓕᔭᐅᓂᕐᓗ ᓇᓴᕐᑖᕆᓪᓗᒍ, ᐊᓐᓄᕌᕐᓗᓂᓗ ᐊᑭᓂᐊᕐᓂᕐᒥᒃ, ᓂᓐᖓᐅᒪᓂᕐᔪᐊᕐᓗ ᐊᑎᕚ ᐅᓕᒡᔪᐊᓕᐅᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 11:8

ᖃᓄᐃᑦᑐᒥᒡᓕ ᑕᑯᔭᕐᑐᓚᐅᕐᐱᓰ? ᐊᖑᒻᒥᒃ ᐊᓐᓄᕌᑦᓯᐊᕐᓯᒪᔪᒦᒃ? ᐊᓐᓄᕌᑦᓯᐊᕐᓯᒪᔪᓪᓕ ᐊᖓᔪᖅᑳᕐᔪᐊᒃᑯᕕᖕᒥ ᐃᓂᖃᓲᖑᕗᑦ!

ᒫᑎᐅᓯᐅᑉ ᐊᒡᓚᖏᑦ 3:4

ᔪᐊᓇᓯ ᐊᓐᓄᕌᖃᓚᐅᕐᐳᖅ ᑳᒥᓕᐅᑉ ᒥᖅᑯᖓᓂᒃ; ᑕᑦᓯᕈᑎᖃᕐᓗᓂ ᐊᒥᕕᓂᕐᒥᒃ, ᓂᕿᖃᕐᓗᓂᓗ ᐱᒡᓕᕐᑕᓂᒃ ᐃᒍᑦᑍᓪᓗ ᓰᕐᓇᐅᑎᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 6:29

ᐅᖃᐅᑎᕙᑦᓯ ᓲᓗᒨᓂ ᐊᖓᔪᖅᑳᕐᔪᐊᖅ ᐊᔪᕐᓴᖏᑦᑑᒐᓗᐊᕐᓗᓂ ᐊᓐᓄᕌᕐᓯᒪᕙᓚᐅᓐᖏᓚᖅ ᓄᓇᕋᕐᑎᑐᑦ ᑕᑯᒥᓇᕐᑎᒋᔪᓂᒃ.

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.

ᓘᑲᓯᐅᑉ ᐊᒡᓚᖏᑦ 7:24

ᔪᐊᓇᓯᐅᑉ ᑎᓕᓯᒪᔭᖏᒃ ᑕᕝᕙᓃᑦᓱᓐᓃᕐᒪᑎᒃ, ᔩᓱᓯ ᐃᓄᒋᐊᒃᑐᓄᑦ ᐅᖃᕐᐳᖅ ᔪᐊᓇᓯᒥᒃ ᐱᑦᔪᑎᖃᕐᓗᓂ, “ᔪᐊᓇᓯ ᑕᑯᔭᕐᑐᕋᑦᓯᐅᒃ ᐃᓄᖃᖏᑦᑐᒥ, ᖃᓄᐃᑦᑐᒥᒃ ᑕᑯᓂᐊᕋᓱᒋᓚᐅᕐᐱᓰ? ᐃᕕᒃᓱᒐᕐᔪᐊᒥᒃ ᐊᓄᕆᒧᑦ ᐊᐅᓚᑕᐅᔪᒥᒃ ᑕᑯᓂᐊᕋᓱᒋᓚᐅᕐᐱᓰ?

ᓘᑲᓯᐅᑉ ᐊᒡᓚᖏᑦ 7:26

ᓱᓇᒥᒃ ᑕᑯᔭᕐᑐᓚᐅᕐᐱᓰ? ᓇᓚᐅᑦᑍᔪᒥᒃ ᑕᑯᓂᐊᕋᓱᒋᓚᐅᕐᐱᓰ? ᐃᓛᒃ ᑖᓐᓇ ᓇᓚᐅᑦᑍᔪᒥᑦ ᐱᓪᓚᕆᐅᓂᕐᓴᐅᕗᖅ.