ᓘᑲᓯᐅᑉ ᐊᒡᓚᖏᑦ 6:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

Aglait Ijjurnaittut

³⁵ Akiraqtuqtisi nagligisiuk, pitsiarvigilugillu, atuqtippaglugillu utiqtitsiviuniariaksaq isumanngillusi; tavva akiliqtauniksasi angijualuujumaaqpuq, quttingniqpaangujuup irniriniaqpaasi; taanna pitsiarmat qujalinngittunut piunngittulijunullu.

ᓘᑲᓯᐅᑉ ᐊᒡᓚᖏᑦ 6:35 Iomraidhean Croise

ᐃᓐᖏᕈᑎᑦ 112:5

ᐱᓪᓗᕆᒃᐳᖅ ᐊᓐᓂᕈᓱᖃᖏᑦᑐᖅ ᐊᑦᑕᑐᕐᑎᑦᓯᖃᑦᑕᕐᑐᕐᓗ; ᑖᑦᓱᒪ ᒪᑭᒪᐅᑎᒃᓴᓂ ᓯᓔᕐᕆᒃᓯᓂᖃᖏᑦᑐᒃᑯᑦ ᐋᖅᑭᒃᓯᒪᑎᓐᓂᐊᕐᒪᒋᑦ.

ᐃᓐᖏᕈᑎᑦ 145:9

ᐊᑕᓂᖅ ᐱᑦᓯᐊᕐᕕᖃᕐᐳᖅ ᑕᒤᓐᓄᑦ, ᓂᑲᒍᓱᒃᓗᓂᓗ ᓴᓇᓯᒪᔭᓕᒫᒥᓂᒃ.

ᐃᓐᖏᕈᑎᑦ 37:26

ᑍᒪᓐᖓᑦ ᐊᓐᓂᕈᓱᓐᖏᓚᑦ, ᐊᑐᕐᑎᑦᓯᔪᒪᕙᒡᓗᑎᒡᓗ; ᑭᖑᕚᖏᓪᓗ ᓮᒻᒪᕐᑎᓯᒪᕗᑦ.

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:9

ᐃᖅᑲᓱᒃᐸᒃᑐᖅ ᐊᓯᒥᓂᒃ ᓮᒻᒪᕐᑎᑕᐅᓂᐊᕐᐳᖅ, ᐊᒃᓱᔪᓄᑦ ᑐᓂᓯᖃᑦᑕᕋᒥ ᓂᕿᖁᑎᒥᓂᒃ.

ᒫᑎᐅᓯᐅᑉ ᐊᒡᓚᖏᑦ 5:9

ᓮᒪᓇᕐᑐᒦᑉᐳᑦ ᐃᓅᖃᑎᒌᑦᓯᐊᖏᑦᑐᓂᒃ ᐃᓚᒌᑦᓯᐊᓕᕐᑎᑦᓯᔪᑦ; ᒎᑎᐅᑉ ᕿᑐᕐᖓᒥᓂᒃ ᑍᔪᒫᕐᒪᒋᑦ.

ᒫᑯᓯᐅᑉ ᐊᒡᓚᖏᑦ 5:7

ᕾᒐᓛᕐᓗᓂ ᓂᐱᖁᕐᑐᓪᓗᓂ ᐅᖃᕐᐳᖅ, “ᐅᕙᓐᓅᑦ ᖃᓄᐃᓕᐅᕆᐊᕐᑐᕐᐲᑦ ᔩᓱᓰ, ᒎᑎᐅᑉ ᖁᑦᓯᖕᓂᕐᐹᑉ ᐃᕐᓂᖓ? ᒎᑎᐅᑉ ᓵᖓᓂ ᕿᓄᕕᒋᕙᒋᑦ, ᐋᓐᓂᕐᓯᕐᑍᓕᓐᖓ.”

ᓘᑲᓯᐅᑉ ᐊᒡᓚᖏᑦ 1:32

ᑖᓐᓇ ᐊᖏᓂᕐᐹᖑᔪᒫᕐᐳᖅ, ᑍᔭᐅᔪᒫᕐᓗᓂᓗ ᖁᓪᓕᕐᐸᐅᔫᑉ ᐃᕐᓂᖓᓂᒃ; ᐊᑕᓂᐅᑉ ᒎᑎᐅᑉ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐹ ᓯᕗᓕᕕᓂᖓᑐᑦ ᑍᕕᑎᑐᑦ.

ᓘᑲᓯᐅᑉ ᐊᒡᓚᖏᑦ 6:36

ᓂᑲᒍᓱᒋᑦᓯ, ᐊᑖᑕᓯᑕᐅᖅ ᓂᑲᒍᓱᖕᒪᑦ.”

ᔪᐊᓇᓯᐅᑉ ᐊᒡᓚᖏᑦ 13:35

ᐃᓕᑦᓯᓐᓄᑦ ᓇᒡᓕᒃᑎᒌᒍᑦᓯ, ᑕᒪᑐᒨᓇ ᐃᓄᓕᒫᑦ ᑐᑭᓯᔪᒫᕐᐳᑦ ᐅᕙᓐᓄᑦ ᐃᓕᓐᓂᐊᕐᑎᐅᓂᑦᓯᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 14:17

ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᑎᒧᑎᒧᑦ ᐂᑉᐸᖏᑦ 3:2

ᐃᓄᖃᓕᕈᒫᕐᒪᑦ ᓇᖕᒥᓂᑐᐊᖅ ᐃᓱᒪᒋᔪᓂᒃ, ᑮᓇᐅᔭᓂᒃ ᐱᔪᒪᓗᐊᕐᑐᓂᒃ, ᐱᐅᔪᕆᔪᓂᒃ, ᐊᓯᒥᖕᓂᒃ ᓈᓚᒍᓐᓇᖏᑦᑐᓂᒃ, ᒥᑕᐅᑎᖃᕐᑎᓂᒃ, ᐊᖓᔪᖅᑳᒥᖕᓂᒃ ᐊᑖᑕᒃᑯᒻᒥᖕᓂᒃ ᐊᓈᓇᑯᒻᒥᖕᓂᒃ ᓈᓚᖏᑦᑐᓂᒃ, ᖁᔭᓕᔪᓐᓇᖏᑦᑐᓂᒃ, ᐅᒃᐱᕐᓂᖃᖏᑦᑐᓂᒃ.