ᓘᑲᓯᐅᑉ ᐊᒡᓚᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᓪᓗᐃᑦ ᐃᓚᖓᓐᓂᒃ ᔩᓱᓯ ᑕᓯᐅᑉ ᒋᓂᓴᕇᑎᐅᑉ ᓯᓈᓂ ᓇᖏᕐᑎᓪᓗᒍ, ᐃᓄᐃᑦ ᐃᓂᖃᕈᓐᓃᕐᑎᓕᕐᐹᑦ ᐃᒪᐅᑉ ᑭᒡᓕᖓᓂ, ᑐᓴᕈᒪᓪᓗᑎᒃ ᒎᑎᐅᑉ ᐅᖃᐅᓯᖏᓐᓂᒃ.

Aglait Ijjurnaittut

¹ Ulluit ilangannik Jiisusi tasiup Ginisariitiup sinaani nangiqtillugu, inuit iniqarunniiqtiliqpaat imaup kiglingani, tusarumallutik Guutiup uqausinginnik.

ᓘᑲᓯᐅᑉ ᐊᒡᓚᖏᑦ 5:1 Iomraidhean Croise

ᒨᓯᓯ ᓯᑕᒪᖏᑦ 34:11

ᓄᓇᐅᑉ ᑭᒡᓕᖓ ᓯᑉᕼᐋᒥᒥᑦ ᑕᐅᓄᖓ ᕆᑉᓚᒧᑦ ᐂᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᒧᑦ; ᓄᓇᐅᑉ ᑭᒡᓕᖓ ᑕᐅᓄᖓ ᑲᔪᓯᓗᓂ ᐃᒪᕐᔪᐊᑉ ᓯᓂᕆᑎᐅᑉ ᓯᕿᓂᖓᑕ ᓄᐃᕕᐊᓄᑦ;

ᒫᑎᐅᓯᐅᑉ ᐊᒡᓚᖏᑦ 11:12

ᑍᒪᓐᖓᑦ ᔪᐊᓇᓯᐅᑉ ᐅᖃᓪᓚᖃᑦᑕᓕᕐᓂᖓᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ ᒎᑎᐅᑉ ᐊᑕᓂᐅᕕᖓ ᐊᒃᓱᕈᕐᓇᕐᑐᒃᑰᕐᑎᑕᐅᓯᒪᕗᖅ, ᐃᓄᐃᓪᓗ ᐱᕋᔭᖕᓂᒃᑯᑦ ᐊᒃᓱᕈᕐᓗᑎᒃ ᐱᓇᓱᐊᕐᓯᒪᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 14:34

ᑕᓯᕐᒥᒃ ᐃᑳᕋᒥᒃ, ᓄᓈᕐᐳᑦ ᒋᓂᓴᕆᑎᒥᒃ ᐊᑎᓕᖕᒧᑦ,

ᒫᑯᓯᐅᑉ ᐊᒡᓚᖏᑦ 3:9

ᐃᓕᓐᓂᐊᕐᑎᓂ ᐅᒥᐊᒥᒃ ᐊᑐᐃᓐᓇᕈᐃᖁᓪᓗᒋᑦ ᐅᖃᐅᑎᕔᑦ ᐊᑐᕐᓂᐊᕐᑕᒥᓂᒃ, ᑕᓯᕐᒧᑦ ᐃᓄᖕᓂᑦ ᓯᖏᑕᐅᓂᐊᕋᓱᒋᓪᓗᓂ.

ᒫᑯᓯᐅᑉ ᐊᒡᓚᖏᑦ 4:1

ᑭᖑᓂᖓᒍᑦ ᒐᓕᓕᐊᑉ ᑕᓯᕐᔪᐊᖓᑕ ᓴᓂᐊᓂ ᐊᔪᕆᕐᑐᐃᓕᕆᕗᖅ. ᐃᓄᒋᐊᒃᑐᕐᔪᐊᑦ ᐊᕙᑖᓂ ᐅᓄᓗᐊᕐᓂᖏᓐᓄᑦ ᐅᒥᐊᒧᐊᕐᐳᖅ, ᑕᕝᕙᓂ ᐃᒃᓯᕙᓕᕐᐳᖅ ᐅᒥᐊᒥ ᐃᒫᓃᑦᑐᒥ, ᐃᓄᒋᐊᒃᑐᕐᔪᐊᓪᓗ ᑕᓯᐅᑉ ᓯᓈᓃᑉᐳᑦ.

ᒫᑯᓯᐅᑉ ᐊᒡᓚᖏᑦ 5:24

ᔩᓱᓯᐅᑉ ᒪᓕᓕᕐᐹ. ᐃᓄᒋᐊᒃᑐᕐᔪᐊᓪᓗ ᒪᓕᒃᐳᑦ ᐊᒡᓛᑦ ᓂᓐᓂᐅᕐᑎᓕᕐᓗᒍ ᐊᕙᑎᓕᒫᖓᓂᑦ.

ᒫᑯᓯᐅᑉ ᐊᒡᓚᖏᑦ 6:53

ᑕᓯᖅ ᐃᑳᕋᒥᑦᔪᒃ, ᓄᓇᓕᖕᓄᑦ ᑎᑭᑉᐳᑦ ᒋᓂᓴᕆᑎᒧᑦ, ᐅᒥᐊᑎᒃ ᐱᑐᒃᐹᑦ.

ᓘᑲᓯᐅᑉ ᐊᒡᓚᖏᑦ 12:1

ᐃᓄᐃᑦ 1,000 ᐅᖓᑖᓃᑦᑐᑦ ᑲᑎᕙᓪᓕᐊᑎᓪᓗᒋᑦ, ᐊᒡᓛᑦ ᐃᒻᒥᖕᓄᑦ ᑐᓪᓕᕋᖃᑦᑕᐅᑎᓕᕐᓗᑎᒃ ᐅᓄᓗᐊᒧᑦ, ᔩᓱᓯᐅᑉ ᐃᓕᓐᓂᐊᕐᑎᓂ ᓯᕗᓪᓕᐅᓪᓗᒋᑦ ᐅᖃᐅᑎᕔᑦ, “ᖃᐅᔨᓴᕆᑦᓯ ᐹᕆᓯᑦ ᐳᕙᓪᓚᖅᑯᑎᖓᓂᒃ, ᑕᒪᓐᓇ ᑕᒃᑯᕐᒨᕐᓂᐅᖕᒪᑦ.

ᓘᑲᓯᐅᑉ ᐊᒡᓚᖏᑦ 5:2

ᐅᒥᐊᖕᓂᒃ ᒪᕐᕉᖕᓂᒃ ᑕᑯᒐᒥ ᓄᓇᒧᑦ ᑐᓚᒃᑑᖕᓂᒃ, ᐃᓄᖏᑦ ᐃᖃᓗᒃᓯᐅᕐᑏᑦ ᓄᓇᒧᑦ ᓂᐅᓪᓗᑎᒃ ᓄᓗᐊᒥᖕᓂᒃ ᐃᕐᕈᕐᑐᐃᓕᕐᑐᓂᒃ.

ᓘᑲᓯᐅᑉ ᐊᒡᓚᖏᑦ 8:22

ᐅᓪᓗᐃᑦ ᐃᓚᖓᓐᓂᒃ ᔩᓱᓯ ᐅᒥᐊᒧᑦ ᐃᑭᕗᖅ ᐃᓕᓐᓂᐊᕐᑎᓂ ᐃᓚᒋᓪᓗᒋᑦ, ᐅᖃᐅᑎᓪᓗᒋᑦ, “ᑕᓯᐅᑉ ᐊᑭᐊᓄᑦ ᐃᑳᓚᐅᕐᑕ.” ᑕᕝᕙ ᐊᐅᓪᓚᓕᕐᐳᑦ.

ᓘᑲᓯᐅᑉ ᐊᒡᓚᖏᑦ 8:23

ᑎᖏᕐᕋᐅᑦᑎᔭᕐᓗᑎᒃ ᐃᖏᕐᕋᓕᕐᑎᓪᓗᒋᑦ ᔩᓱᓯ ᓯᓂᓕᕐᐳᖅ. ᐊᓄᕆᐊᓗᒃ ᑎᑭᒻᒪᑦ ᑕᓯᕐᒧᑦ, ᐅᒥᐊᖓᑦ ᐃᒪᒃᐸᓪᓕᐊᓕᕐᓗᓂ, ᓇᖏᐊᕐᓇᕐᑐᒦᓕᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 8:33

ᐊᓂᕐᓂᕐᓗᐃᑦ ᐃᓄᖕᒥᑦ ᐊᓂᒐᒥᒃ, ᑰᒃᑰᓯᓄᑦ ᐃᑎᕐᐳᑦ, ᑰᒃᑰᓯᒐᓴᒡᔪᐊᑦ ᐸᖓᓕᒃᓯᒐᒥᒃ ᐃᓐᓈᕈᒃᑯᑦ ᐃᔪᒃᑲᕐᐳᑦ ᐃᒫᓄᑦ ᐃᐱᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 8:45

ᔩᓱᓯ ᐅᖃᕐᐳᖅ, “ᑭᐊ ᐊᒃᑐᕐᐹᖓ?” ᐃᓄᐃᑦ ᐊᒃᑐᕐᓯᖏᓐᓂᕋᕐᒪᑕ, ᐲᑦᑐᕉᓯ ᐅᖃᕐᐳᖅ, “ᐊᔪᕆᕐᑐᐃᔩ, ᐃᓄᖕᓂᑦ ᐊᕙᓗᔭᐅᓯᒪᒐᕕᑦ ᓂᓐᓂᐅᕐᑎᑕᐅᕗᑎᑦ!”

ᔪᐊᓇᓯᐅᑉ ᐊᒡᓚᖏᑦ 1:40

ᑖᒃᑯᐊᒃ ᔪᐊᓇᓯ ᐅᖃᕐᑎᓪᓗᒍ ᑐᓴᓚᐅᕐᑑᒃ, ᔩᓱᓯᒥᒃ ᒪᓕᒃᓴᓚᐅᕐᑐᖅ ᐂᑉᐸᖓ ᐋᓐᑐᕉᖑᕗᖅ ᓮᒨᓂ ᐲᑦᑐᕉᓯᐅᑉ ᓄᑲᖓ.

ᔪᐊᓇᓯᐅᑉ ᐊᒡᓚᖏᑦ 6:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᐃᑳᕐᐳᕐᑕᓯᐅᑉ ᒐᓕᓕᐊᑉ ᐊᑭᐊᓄᑦ (ᑍᔭᐅᔪᒧᑦ, ᑍᐱᐅᕆᐊᓯᐅᑉ ᐃᒪᖓᓂᒃ).

ᒨᓯᓯ ᑕᓪᓕᒪᖏᑦ 3:17

ᓴᐅᒥᐊᓃᑦᑐᕐᓕ ᓄᓇᑖᕆᔭᖓᑦᑕ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐱᒋᐊᕐᕕᖃᕆᕗᖅ ᔪᐊᕐᑕᓂᐅᑉ ᑰᖓᓄᑦ ᑎᑭᐅᒪᓪᓗᒍ, ᓯᓂᕆᑎᒥᑦ ᑕᓯᕐᒥᑦ ᐱᒋᐊᕐᓗᓂ ᑕᓕᕐᐱᐊᒍᑦ ᑕᐅᓄᖓ ᐃᒪᕐᒧᑦ ᑕᕆᐅᕐᒧᑦ ᑎᑭᐅᒪᓪᓗᓂ ᓯᑭᓂᐅᑉ ᓇᓛᓃᑦᑐᒧᑦ ᑕᓕᕐᐱᐊᓄᓪᓗ ᐱᔅᒐᐅᑉ ᖃᖅᑲᖓᑕ ᑭᒡᓕᖓᓄᑦ ᑎᑭᐅᒪᓪᓗᓂ.

ᐄᑉᕈᐃᓄᑦ 13:7

ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 12:3

ᐅᑯᐊᓗ ᔪᐊᕐᑕᓂᐅᑉ ᑰᖓ ᓯᓂᕆᑎᐅᑉ ᑕᓯᖓᓂᑦ ᐱᒋᐊᕐᓗᒍ ᓯᕿᓂᕐᒧᑦ ᐱᑦ-ᔨᓯᒫᔅ ᑎᑭᓪᓗᒍ, ᑕᓯᐅᑉ ᑕᕆᐅᑉ ᓯᕿᓂᖓᑕ ᓄᐃᕕᐊᓃᑦᑐᒧᑦ, ᖃᖅᑲᐅᑉ ᐱᔅᒐᐅᑉ ᐅᕕᖓᓂᖓᑕ ᑭᒡᓕᖓᓄᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:27

ᓇᕐᓴᒦᑦᑐᑦ ᐅᑯᐊᖑᒋᕗᑦ ᐱᑦ-ᕼᐊᕋᒻ, ᐱᑦ-ᓂᒻᕋ, ᓱᑰᑎ, ᔮᕙᓐᓗ, ᐊᖓᔪᖅᑳᕐᔪᐊᓪᓗ ᓮᕼᐆᓂ ᕼᐊᓴᐸᓂᒥᐅᑕᐅᑉ ᐊᖓᔪᖅᑲᐅᕕᓕᒫᖓᓃᑦᑐᑦ, ᓯᕿᓂᐅᑉ ᓂᐱᕕᐊᓄᑦ ᓄᓇᖁᑎᖓ ᑭᒡᓕᖃᕐᐳᖅ ᔪᐊᕐᑕᓂᐅᑉ ᑰᖓᓄᑦ, ᑕᕐᕋᒧᑦ ᑭᒡᓕᖃᕐᓗᓂ ᓯᓂᕆᑎᐅᑉ ᑕᓯᖓᓄᑦ.