ᓘᑲᓯᐅᑉ ᐊᒡᓚᖏᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᔪᕆᕐᑐᐃᓪᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᖁᕕᐊᒋᔭᐅᒻᒪᕆᒃᐳᖅ ᐃᓄᓕᒫᓄᑦ.

Aglait Ijjurnaittut

¹⁵ Ajuriqtuilluni Juutit ukpirnirmut katimavinginni, quviagijaummarikpuq inulimaanut.

ᓘᑲᓯᐅᑉ ᐊᒡᓚᖏᑦ 4:15 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᒫᑎᐅᓯᐅᑉ ᐊᒡᓚᖏᑦ 13:54

ᓄᓇᑐᖃᒥᓄᑦ ᐅᑎᕋᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᐊᔪᕆᕐᑐᐃᓕᕐᐳᖅ, ᑐᓵᔪᓕᒫᑦ ᑲᒪᓂᐊᒻᒪᕆᒃᐳᑦ, ᐅᖃᕐᓗᑎᒃ, “ᓇᑭᓄᓇ ᓯᓚᑐᓂᕐᑖᕐᑐᕕᓂᖅ ᑲᒪᓇᕐᑐᓕᔪᓐᓇᕐᓯᓪᓗᓂᓗ?

ᒫᑎᐅᓯᐅᑉ ᐊᒡᓚᖏᑦ 4:23

ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 9:35

ᔩᓱᓯ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ ᐃᖏᕐᕋᕗᖅ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᔪᕆᕐᑐᐃᕙᒡᓗᓂ, ᐅᖃᓪᓚᒡᓗᓂᓗ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐃᓄᐃᓪᓗ ᖃᓄᑐᐃᓐᓇᖅ ᐋᓐᓂᐊᓖᑦ, ᖃᓂᒪᔪᓪᓗ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 9:8

ᐃᓄᐃᓪᓕ ᑕᒪᑐᒥᖓ ᑕᑯᓐᓇᕐᑐᑦ, ᑲᒪᓂᐊᒻᒪᕆᒃᐳᑦ, ᒎᑎᒥᒃ ᓂᕐᑐᐃᓕᕐᓗᑎᒃ, ᐃᓄᖕᓄᑦ ᐱᔪᓐᓇᕐᓂᕐᒥᒃ ᑐᓂᓯᓯᒪᓂᖓᓄᑦ.

ᒫᑯᓯᐅᑉ ᐊᒡᓚᖏᑦ 1:27

ᐃᓄᓕᒫᑦ ᑲᒪᓂᐊᒻᒪᕆᒃᐳᑦ, ᐃᒻᒥᖕᓄᑦ ᐅᖃᖃᑎᒌᓕᕐᓗᑎᒃ, “ᖃᓄᐃᑦᑐᕐᖑᓈ? ᓄᑖᒥᒃ ᐊᔪᕆᕐᑐᓯᕐᑕᖃᓕᕆᕚ? ᐱᔪᓐᓇᕐᓂᒃᑯᑦ ᐊᓂᖁᔨᕗᖅ ᐊᓂᕐᓂᕐᓗᖕᒥᒃ, ᓈᓚᒃᑕᐅᓪᓗᓂᓗ.”

ᒫᑯᓯᐅᑉ ᐊᒡᓚᖏᑦ 1:39

ᑍᒤᒻᒪᑦ ᐃᖏᕐᕋᓚᐅᕐᐳᖅ ᒐᓕᓕᐊᒦᑦᑐᓕᒫᓄᑦ ᓄᓇᓕᖕᓄᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᔪᕆᕐᑐᐃᕙᒡᓗᓂ, ᐊᓂᕐᓂᕐᓗᖕᒥᑦ ᐃᑎᕐᑕᐅᓯᒪᔪᑦ ᐃᓄᐃᑦ ᐊᓂᑎᑦᓯᕕᒋᕔᑦ.

ᒫᑯᓯᐅᑉ ᐊᒡᓚᖏᑦ 1:45

ᐊᖑᑦ ᕿᒪᕉᑎᒐᒥ ᐅᖃᕐᑍᓕᒪᖏᑦᓯᐊᕐᓗᓂ ᐅᖃᖃᑦᑕᕐᐳᖅ, ᐅᖃᓗᐊᕐᓂᖓᓄᑦ ᔩᓱᓯ ᓴᖅᑭᔮᑦᓯᐊᕐᓗᓂ ᓄᓇᓕᖕᓄᐊᕈᓐᓁᓪᓕᕗᖅ, ᐃᓄᖃᖏᑦᑐᒥ ᑭᓯᐊᓂ ᐃᓂᖃᕈᓐᓇᓕᕐᐳᖅ; ᐃᓄᐃᑦ ᔩᓱᓯᒧᐊᕐᐳᑦ ᓇᑭᑐᐃᓐᓈᕐᓯᒪᔪᑦ.

ᓘᑲᓯᐅᑉ ᐊᒡᓚᖏᑦ 13:10

ᓴᐸᑎᒥᒃ ᐊᔪᕆᕐᑐᐃᑎᓪᓗᒍ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ.

ᓘᑲᓯᐅᑉ ᐊᒡᓚᖏᑦ 4:16

ᑭᖑᕐᖓᒍᑦ ᔩᓱᓯ ᓈᓴᕇᑎᒧᐊᕐᐳᖅ, ᐱᕈᕐᓴᕕᒋᓚᐅᕐᑕᒥᓄᑦ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᐃᓕᖅᑯᓯᕆᕙᒃᑕᒥᑐᑦ ᓴᐸᑎᐅᑎᓪᓗᒍ, ᓂᑯᕕᑉᐳᖅ ᐊᑐᐊᕐᓯᓂᐊᓕᕋᒥ ᐊᒡᓚᖕᓂᒃ;