ᓘᑲᓯᐅᑉ ᐊᒡᓚᖏᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒫᓐᓇ ᐅᓕᒪᐅᑦ ᐅᐸᓗᖕᒊᕐᑕᐅᓯᒪᓕᕇᕐᐳᖅ ᓇᐹᕐᑐᑦ ᒪᖑᒃᓯᒪᓂᖏᑎᒍᑦ ᓇᑲᑎᕐᑕᐅᖁᓪᓗᒋᑦ; ᑍᒤᒻᒪᑦ ᓇᐹᕐᑐᓕᒫᑦ ᐸᐅᕐᖓᖃᖏᑦᑐᑦ ᓇᑲᑕᐅᓂᐊᕐᐳᑦ ᐃᒋᑕᐅᓗᑎᒃ ᐃᑯᒪᒧᑦ.”

Aglait Ijjurnaittut

⁹ Maanna ulimaut upalungaiqtausimaliriiqpuq napaaqtut manguksimaningitigut nakatiqtauqullugit; taimaimmat napaaqtulimaat paurngaqanngittut nakatauniaqput igitaulutik ikumamut.”

ᓘᑲᓯᐅᑉ ᐊᒡᓚᖏᑦ 3:9 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 31:18

ᓂᕐᑐᕐᓇᕐᑑᓚᐅᕐᐲᑦ ᐊᔪᓐᖏᑎᒋᓪᓗᑎᓪᓗ ᐄᑕᓂᐅᑉ ᓇᐹᕐᑐᖏᑎᑐᑦ? ᐄᑕᓂᐅᓪᓕ ᓇᐹᕐᑐᖏᓐᓄᑦ ᓇᑲᑕᐅᖃᑕᐅᓂᐊᕐᐳᑎᑦ ᑐᖁᖓᔪᑦ ᐃᓂᖓᓄᐊᖃᑕᐅᓗᑎᑦ ᓄᓇᐅᑉ ᐊᑖᓄᑦ; ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ. ᑖᓐᓇᐅᕗᖅ ᑕᕝᕙ ᐰᕉᖅ ᐃᓄᒐᓴᒡᔪᐊᖁᑎᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 4:14

ᑖᓐᓇ ᓂᓪᓕᐊᕗᖅ ᓂᐱᖅᑯᕐᑐᓪᓗᓂ: ‘ᑭᐱᓕᕐᓯᐅᒃ ᓇᐹᕐᑐᖅ, ᐊᕙᓚᖓᔪᖏᑦ ᓇᑲᑎᕐᓗᒋᑦ, ᐅᖃᐅᔭᖏᓪᓗ ᐲᔭᕐᓗᒋᑦ, ᐸᐅᕐᖓᖏᓪᓗ ᓇᒧᑐᐃᓐᓇᖅ ᓯᐊᒻᒪᒃᑎᓪᓗᒋᑦ, ᐆᒪᔪᑦ ᐊᑖᓂᑦ ᕿᒫᓕᕐᓕᑦ, ᑎᖕᒥᐊᓪᓗ ᐊᕙᓚᖓᔪᖏᓐᓂᑦ ᑎᖏᓕᑦ.

ᑖᓂᐊᓕᐅᑉ ᐊᒡᓚᖏᑦ 4:23

ᐊᖓᔪᖅᑳᕐᔪᐊᖅ, ᑕᑯᓚᐅᕐᐳᑎᓪᓗ, ᑎᓕᔭᐅᓯᒪᔪᒥᒃ, ᐃᑦᔪᕐᓁᑦᑐᒥᒃ, ᕿᓚᖕᒥᑦ ᐱᔪᒥᒃ ᐅᖃᕐᑐᒥᒡᓗ, ‘ᓇᐹᕐᑐᖅ ᑭᐱᔭᐅᓕ ᐊᓯᕈᑕᐅᓗᓂᓗ, ᑭᐱᓂᑯᐊ ᓄᓇᒦᑐᐃᓐᓇᕐᓕ, ᐊᑦᑐᖏᕐᓗᒍᓗ ᓄᓇᒧᑦ ᓴᕕᕋᔭᖕᒧᑦ ᖃᑯᕐᓕᕐᒧᑦ, ᓄᓇᒥ ᐃᕕᒃᓱᒃᑲᓂ ᑐᖑᔪᕐᑐᓂ, ᐊᒫᖏᑦ ᓄᓇᒧᑦ ᑲᐳᑎᓯᒪᑐᐃᓐᓇᕐᓕᑦ, ᖃᐅᓯᕐᑎᑕᐅᓕᕐᓕ ᓯᓚᐅᑉ ᐂᔪᖕᓂᖓᓄᑦ; ᐃᓅᓯᖃᓕᕐᓕ ᐆᒪᔪᑎᑐᑦ, ᓇᓪᓕᐅᓃᑦ 7 ᐊᓂᒍᓚᐅᕐᑎᓐᓇᒋᑦ.’

ᒫᑎᐅᓯᐅᑉ ᐊᒡᓚᖏᑦ 3:10

ᐅᓕᒪᐅᑦ ᐊᑐᐃᓐᓇᐅᓕᕐᐳᖅ ᓇᐹᕐᑐᑦ ᐊᒫᖏᑎᒍᑦ ᓇᑲᑎᕆᓂᐊᕐᑐᖅ; ᓇᐹᕐᑐᓕᒫᑦ ᐱᐅᔪᒥᒃ ᐱᕈᕐᕕᐅᖏᑦᑐᑦ ᓇᑲᑕᐅᓂᐊᕐᐳᑦ ᐃᒋᑕᐅᓗᑎᒃ ᐃᑯᒪᒧᑦ.

ᒫᑎᐅᓯᐅᑉ ᐊᒡᓚᖏᑦ 7:19

ᓇᐹᕐᑐᖅ ᓇᓪᓕᐊᑦ ᐱᐅᔪᓂᒃ ᐱᕈᕐᕕᐅᖏᑦᑐᖅ, ᓇᑲᑕᐅᓗᓂ ᐃᒋᑕᐅᓂᐊᕐᐳᖅ ᐃᑯᒪᒧᑦ.

ᓘᑲᓯᐅᑉ ᐊᒡᓚᖏᑦ 13:6

ᐆᒥᖓ ᐊᑦᔨᐅᔪᒥᒃ ᐅᖃᐅᑎᕔᑦ: “ᐊᖑᑎᑕᖃᓚᐅᕐᐳᖅ ᐱᕈᕐᓰᕕᖁᑎᒥᓂ ᓇᐹᕐᑐᖁᑎᖃᕐᑐᒥᒃ ᐱᒋᓕᖕᓂᒃ ᐸᐅᕐᖓᓕᒃᓴᒥᒃ; ᐸᐅᕐᖓᓂᒃ ᕿᓂᕆᐊᕐᐳᖅ ᓇᐹᕐᑐᒧᑦ, ᓇᓂᓯᓇᓂ.

ᓘᑲᓯᐅᑉ ᐊᒡᓚᖏᑦ 13:7

ᐱᕈᕐᓰᕕᓕᕆᔨᖁᑎᒥᓄᑦ ᐅᖃᕐᐳᖅ, ‘ᑕᑯᒋᑦ, ᐊᕐᕌᒍᓂᒃ ᐱᖓᓱᓂᒃ ᑕᑯᔭᕐᑐᖃᑦᑕᕋᓗᐊᕐᐳᖓ ᐅᕗᖓ ᓇᐹᕐᑐᒧᑦ ᐸᐅᕐᖓᕐᓯᐅᕆᐊᕐᓗᖓ ᐱᑕᖃᓚᐅᕐᓯᒪᖏᒻᒪᑦ. ᓇᑲᓕᕈᒃ; ᓱᖕᒪᓄᓇ ᐱᕈᕐᓰᕕᖕᒥ ᐊᒡᕕᐊᕐᐹ?’

ᓘᑲᓯᐅᑉ ᐊᒡᓚᖏᑦ 13:9

ᐊᕐᕌᒍ ᐸᐅᕐᖓᓂᒃ ᐱᕈᕐᕕᐅᒃᐸᑦ ᓈᒻᒪᒃᐳᖅ; ᐱᕈᕐᕕᐅᖏᒻᒥᒃᐸᑦ ᑕᕝᕙ ᓇᑲᑕᐅᑎᒍᓐᓇᓛᕐᐸᑦ.’”

ᔪᐊᓇᓯᐅᑉ ᐊᒡᓚᖏᑦ 15:6

ᐅᕙᓐᓃᖏᓐᓇᖏᑦᑐᖅ, ᐃᒋᑕᐅᓂᐊᕐᐳᖅ ᓇᐹᕐᑑᑉ ᐊᕙᓚᖓᔪᖏᑎᑐᑦ ᐸᓂᕐᑐᑎᑐᑦ; ᐊᕙᓚᖓᔪᑦ ᑲᑎᑕᐅᓪᓗᑎᒃ, ᐃᒋᑕᐅᕙᖕᒪᑕ ᐃᑯᒪᒧᑦ, ᐃᑯᐊᓪᓚᒃᑕᐅᓪᓗᑎᒃ.

ᐄᑉᕈᐃᓄᑦ 10:28

ᓇᓪᓕᐊᑦ ᒨᓯᓯᐅᑉ ᐱᖁᔭᖏᓐᓂᒃ ᒪᓕᖏᑦᑐᖅ ᓂᑲᒋᔭᐅᓇᓂ ᑐᖁᑕᐅᖁᔭᐅᕗᖅ ᖃᐅᔨᓯᒪᔫᒃ ᒪᕐᕉᒃ ᐱᖓᓱᓪᓘᓐᓃᑦ ᓇᓗᓁᕐᓯᓂᖏᑦ ᒪᓕᒡᓗᒋᑦ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.