ᓘᑲᓯᐅᑉ ᐊᒡᓚᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᔪᐊᓇᓯᐅᑉ ᑕᒪᕐᒥᒃ ᐅᖃᐅᑎᕔᑦ, “ᐃᒥᕐᒧᑦ ᐹᑉᑎᑉᐸᑦᓯ; ᐅᕙᓐᓂᓪᓕ ᐱᔪᓐᓇᕐᓂᕐᓴᖅ ᑎᑭᓐᓂᐊᕐᐳᖅ, ᓇᓗᖅᑯᑎᕗᖓ ᑖᑦᓱᒪ ᐃᑎᒐᒍᑎᖏᓐᓂᒃ ᓯᖐᑦᔮᕐᓯᔭᕆᐊᒃᓴᖅ; ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

Aglait Ijjurnaittut

¹⁶ Juanasiup tamarmik uqautivait, “Imirmut paaptippassi; uvannilli pijunnarniqsaq tikinniaqpuq, naluqqutivunga taassuma itigagutinginnik singiijjaaqsijariaksaq; taassuma paaptittumaaqpaasi Anirnirmut Ijjurnaittumut ikumamullu.

ᓘᑲᓯᐅᑉ ᐊᒡᓚᖏᑦ 3:16 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:23

ᓈᓚᒋᑦ ᐃᓂᕐᑎᕆᑦᔪᑎᓐᓂᒃ; ᐃᓱᒪᒋᔭᒃᑲ ᐃᓕᖕᓄᑦ ᑯᕕᑎᓐᓂᐊᕋᒃᑭᑦ; ᐅᖃᐅᓯᒃᑲᓗ ᐃᓕᖕᓄᑦ ᖃᐅᔨᔭᐅᑎᓐᓂᐊᕋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 32:15

ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᒫᑎᐅᓯᐅᑉ ᐊᒡᓚᖏᑦ 3:12

ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᔪᐊᓇᓯᐅᑉ ᐊᒡᓚᖏᑦ 1:26

ᔪᐊᓇᓯᐅᑉ ᑭᐅᕔᑦ, “ᐃᒪᕐᒧᑦ ᐹᑉᑎᑦᓯᕗᖓ; ᐊᑯᓐᓇᑦᓯᓐᓂᓕ ᓇᖏᕐᑐᖃᕐᐳᖅ ᖃᐅᔨᒪᓐᖏᑕᑦᓯᓐᓂᒃ,

ᔪᐊᓇᓯᐅᑉ ᐊᒡᓚᖏᑦ 1:27

ᑖᓐᓇ ᑭᖑᓂᒃᑯᑦ ᕾᓂᐊᕐᑐᖅ, ᓇᓗᖅᑯᑎᕗᖓ ᐊᒡᓛᑦ ᐃᑎᒐᒍᑎᖏᓐᓂᒃ ᓯᖐᑦᔮᕐᓯᔭᕆᐊᒃᓴᖅ.”

ᔪᐊᓇᓯᐅᑉ ᐊᒡᓚᖏᑦ 1:33

ᐅᕙᖓᓕ ᓇᖕᒥᓂᖅ ᖃᐅᔨᒪᓚᐅᓐᖏᓚᕋ; ᑎᓕᔨᒪᓕ ᐃᒪᕐᒧᑦ ᐹᑉᑎᑎᕆᔭᕐᑐᖁᓪᓗᖓ ᐅᖃᐅᑎᓚᐅᕐᐹᖓ, ‘ᐊᖑᒻᒧᑦ ᐊᓂᕐᓂᕐᒥᒃ ᐊᖅᑲᕐᑐᒥᒃ ᑕᑯᒍᕕᑦ ᑕᕝᕙᓃᓕᕐᑐᒥᒃ, ᑖᓐᓇᐅᕗᖅ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐹᑉᑎᑎᕆᔨ.’

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 1:5

ᔪᐊᓇᓯ ᐹᑉᑎᑦᓯᓚᐅᕐᐳᖅ ᐃᒥᕐᒧᑦ, ᐅᓪᓗᐃᑦ ᒪᒃᑯᐊ ᐅᓄᖏᑦᑐᑦ ᑭᖑᓂᖓᑦᑎᒍᑦ ᐹᑉᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:44

ᐲᑦᑐᕉᓯ ᓱᓕ ᑕᒪᒃᑯᓂᖓ ᐅᖃᓪᓚᒃᑎᓪᓗᒍ, ᐊᓂᕐᓂᖅ ᐃᑦᔪᕐᓁᑦᑐᖅ ᐊᖅᑲᕐᐳᖅ ᐅᖃᐅᓯᕐᓂᒃ ᑐᓵᔪᓕᒫᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.