ᓘᑲᓯᐅᑉ ᐊᒡᓚᖏᑦ 24:47 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁷ ᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

Aglait Ijjurnaittut

⁴⁷ Christuusiup atingani saagiariaqarnirmik ajurnillu isumagijunnaiqtaujunnarningit ajuriqtuijutaujariaqaliqput inuuqatigiigasagjuanut, Jiruusalimmit pigiarluni.

ᓘᑲᓯᐅᑉ ᐊᒡᓚᖏᑦ 24:47 Iomraidhean Croise

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 67:7

ᒎᑎᐅᑉ ᓮᒻᒪᕐᑎᓚᐅᕐᐹᑎᒍᑦ, ᓄᓇᕐᔪᐊᓕᒫᓪᓗ ᐃᓱᐊ ᑎᑭᓪᓗᒍ ᓯᕘᕋᒋᔭᒃᓴᕆᕚᑦ.

ᐃᓐᖏᕈᑎᑦ 86:9

ᐃᓅᖃᑎᒌᒡᔪᐊᓕᒫᑦ ᐱᓐᖑᕐᑎᓚᐅᕐᑕᑎᑦ ᕾᓗᑎᒃ ᐃᓕᖕᓄᑦ ᑐᒃᓯᐊᕈᒫᕐᐳᑦ ᓵᖕᓂ, ᐊᑕᓃᖅ, ᐊᑎᕐᓂᒃ ᓂᕐᑐᐃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 49:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐃᓅᖃᑎᒌᒡᔪᐊᓄᑦ ᑕᓕᕋ ᐃᓵᒍᒫᕐᐸᕋ, ᓇᓗᓁᒃᑯᑕᕋᓗ ᓇᑉᐸᕐᑎᓪᓗᒍ ᐃᓄᖕᓄᑦ; ᑖᒃᑯᐊ ᐃᓕᑦᓯᓐᓄᑦ ᕾᔪᒫᕐᐳᑦ ᐃᕐᓂᓯ ᐊᒡᔭᕐᓗᒋᑦ, ᐸᓂᓯᓗ ᑲᑲᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 5:4

ᓱᓇᒥᒃ ᐱᔭᕆᐊᖃᒃᑲᓐᓂᕋᓗᐊᕐᓗᖓ ᐱᓐᓂᖏᓐᓇᒫ? ᐸᐅᕐᖓᑦᓯᐊᕙᖕᓂᒃ ᓂᕆᐅᒃᑲᓗᐊᕋᒪ, ᓱᖕᒪᑦ ᐸᐅᕐᖓᓂᒃ ᐱᐅᖏᑦᑐᓂᒃ ᐱᕈᕐᑐᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᕼᐆᓯᐊᑉ ᐊᒡᓚᖏᑦ 2:23

“ᑖᓐᓇᓗ ᑲᓐᖓᕐᓱᐃᕕᒋᔪᒫᕐᐸᕋ ᓇᖕᒥᓂᓐᓂᒃ ᓄᓇᒥ ᐊᔪᕐᓴᕈᓐᓁᕐᑎᓪᓗᒍ. ᓂᑲᒍᓱᖕᓂᕐᒥᒡᓗ ᓴᖅᑭᑎᑦᓯᕕᒋᔪᒫᕐᐸᕋ ᓇᒡᓕᒋᔭᐅᖏᑦᑑᔪᓐᓃᕐᓗᓂ, ᑍᒃᑯᐊᓗ ᐅᖃᐅᑦᔭᖃᑦᑕᓚᐅᕐᑐᑦ ᐃᓄᖁᑎᒋᓐᖏᑕᒃᑲ, ᐅᖃᐅᑎᔪᒫᕐᐸᒃᑲ ‘ᐃᓄᖁᑎᒋᕙᑦᓯ’; ᑖᒃᑯᐊᓗ ᑭᐅᔪᒫᕐᐳᑦ, ‘ᐃᕝᕕᑦ ᒎᑎᒋᕙᑦᑎᒋᑦ.’”

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 9:13

ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.”

ᓘᑲᓯᐅᑉ ᐊᒡᓚᖏᑦ 13:34

“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!

ᐋᐴᓯᑕᓖᑦ ᐱᓂᐊᕐᓂᖏᑦ 10:43

ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:28

“ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᕉᒪᒥᐅᓄᑦ 5:20

ᐱᖁᔭᖅ ᓴᖅᑭᑎᑕᐅᓚᐅᕐᐳᖅ ᐊᔪᕐᑐᓕᓂᐅᑉ ᐊᖏᔪᓂᖓ ᓇᓗᓁᕐᑕᐅᒃᑲᓐᓂᖁᓪᓗᒍ; ᐊᔪᕐᑐᓕᓂᕐᓕ ᐊᖏᒡᓕᖕᒪᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᖏᓂᕐᓴᒥᒃ ᐱᓇᓱᐊᓕᓚᐅᕐᐳᖅ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᔪᐊᓇᓯ ᓯᕗᓪᓖᑦ 2:12

ᕿᑐᕐᖔᐱᒃᑲ, ᑎᑎᕋᕐᕕᒋᕙᑦᓯ, ᐊᔪᕐᓂᓯ ᐃᓱᒪᒋᔪᓐᓁᕐᑕᐅᓯᒪᖕᒪᑕ ᙭ᔅᑑᓯ ᐱᑦᔪᑎᒋᓪᓗᒍ.