ᓘᑲᓯᐅᑉ ᐊᒡᓚᖏᑦ 24:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑖᒃᑯᐊᒃ ᐃᒻᒥᖕᓄᑦ ᐅᖃᓕᕐᐴᒃ, “ᐆᓇᕐᓯᔪᐊᓘᖅᑲᐅᒐᓗᐊᕐᐳᒍᒃ ᐃᓗᑦᑎᖕᓂ ᐅᖃᓪᓚᒃᑎᓪᓗᒍ ᐊᖅᑯᑎᒃᑰᕐᑎᓪᓗᑕ, ᐊᒡᓚᖕᓂᒃ ᐅᖃᕐᕕᒋᖕᒪᑎᒃᑯᒃ ᓇᓗᓁᕐᓯᕕᒋᓪᓗᓄᒡᓗ.”

Aglait Ijjurnaittut

³² Taakkuak immingnut uqaliqpuuk, “Uunaqsijualuuqqaugaluaqpuguk iluttingni uqallaktillugu aqqutikkuuqtilluta, aglangnik uqarvigingmatikkuk nalunaiqsivigillunuglu.”

ᓘᑲᓯᐅᑉ ᐊᒡᓚᖏᑦ 24:32 Iomraidhean Croise

ᐃᓐᖏᕈᑎᑦ 104:34

ᑖᑦᓱᒪ ᐃᓱᒪᒃᓴᕐᓯᐅᕈᑎᒋᔭᒃᑲ ᖁᕕᐊᒋᓕᒋᑦ, ᐊᑕᓂᕐᒥ ᖁᕕᐊᓲᑎᖃᖁᓪᓗᖓ.

ᐃᓐᖏᕈᑎᑦ 39:3

ᐆᒻᒪᑎᒐ ᐆᓇᕐᓯᓚᐅᕐᐳᖅ ᐃᓗᓐᓂ; ᐃᓱᒪᒃᓴᕐᓯᐅᕐᑎᓪᓗᖓᓕ, ᐃᓗᒐ ᐆᓇᕐᓯᓚᐅᕐᐳᖅ. ᑕᕝᕙ ᐅᖃᓕᓚᐅᕐᐳᖓ:

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:17

ᓲᕐᓗ ᓴᕕᕋᔭᒃ ᐃᐱᒃᓮᖕᒪᑦ ᓴᕕᕋᔭᖕᒥᒃ, ᑍᒫᒃᑕᐅᖅ ᐊᖑᑦ ᐃᓚᓐᓇᕆᔭᒥᓂᒃ ᐃᐱᒃᓮᒋᕗᖅ ᑕᐅᑦᑐᐊᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:9

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᓴᐅᑏᓪᓗ ᐆᒻᒪᑎᐅᑉ ᖁᕕᐊᒋᕔᑦ, ᑍᒫᒃᑕᐅᖅ ᐊᖑᑎᐅᑉ ᐃᓚᓐᓈᖓᑕ ᐅᖃᐅᑦᔪᐃᓂᖏᑦ ᓰᕐᓇᕐᑑᒋᕗᑦ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 20:9

ᐅᖃᕋᓗᐊᕋᒪ, “ᐊᑕᓂᖅ ᐅᖃᐅᑎᒋᓂᐊᕈᓐᓃᕐᐸᕋ ᐅᕝᕙᓘᓐᓃᑦ ᐅᖃᕐᑕᐅᖁᔭᖏᓐᓂᒃ ᐅᖃᕐᐸᖕᓂᐊᕈᓐᓃᕐᐳᖓ,” ᑕᕝᕙ ᐃᓗᓐᓂ ᐃᑯᐊᓚᔪᑎᑐᑦ ᑍᒤᑦᑐᖃᓕᕐᐳᖅ, ᓄᖅᑲᖓᑎᑕᒃᓴᐅᖏᑦᑐᓂᒃ, ᓄᖅᑲᖓᔭᕆᐊᒃᓴᕐᓗ ᐊᔪᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 23:29

ᐅᖃᐅᓯᕋ ᐃᑯᒪᔪᑎᑐᑦ ᑍᒤᑦᑑᓐᖏᓛᖅ, ᐊᑕᓂᖅ ᐅᖃᕐᐳᖅ, ᑲᑦᔫᑎᔪᕐᔪᐊᑎᑐᓪᓗ ᐅᔭᖅᑲᒥᒃ ᓯᖁᑦᑎᕆᔪᓐᓇᕐᑐᑎᑐᑦ?

ᒫᑯᓯᐅᑉ ᐊᒡᓚᖏᑦ 4:34

ᐊᑦᔨᐅᔪᑦ ᐊᓯᐊᒍᑦ ᐅᖃᓪᓚᒃᕕᒋᓐᖏᓔᑦ, ᐃᓕᓐᓂᐊᕐᑎᓂ ᐃᓚᑐᐊᕆᓕᕌᖓᒥᒋᑦ, ᐅᖃᐅᓯᕆᖅᑲᐅᔭᒥᓂᒃ ᐊᑦᔨᐅᔪᓂᒃ ᑕᒤᓐᓂᒃ ᓇᓗᓁᕐᓯᕕᒋᖃᑦᑕᕐᐰᑦ.

ᓘᑲᓯᐅᑉ ᐊᒡᓚᖏᑦ 24:45

ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ,

ᔪᐊᓇᓯᐅᑉ ᐊᒡᓚᖏᑦ 6:63

ᐊᓂᕐᓂᖅ ᐃᓅᓯᕐᑖᕐᑎᑦᓯᕗᖅ; ᑎᒥᐅᑉ ᐱᔪᓐᓇᕐᓂᖓ ᐃᑲᔪᕈᓐᓇᓐᖏᓚᖅ ᑕᒪᑐᒧᖓ; ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐊᓂᕐᓂᐅᕗᑦ ᐃᓅᓯᐅᓪᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.