ᓘᑲᓯᐅᑉ ᐊᒡᓚᖏᑦ 23:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

Aglait Ijjurnaittut

² Jiisusimik iqqaqtugaksanguqtitisimajut uqaqput, “Una qaujilauqpavut inuuqatittinnik tammaqsaijuq, iniqtilauqpaatigut Siisarimut taaksiijaqattaqunata, imminik Misaiasiunirarluni angajuqqaarjuanguniralunilu.”

ᓘᑲᓯᐅᑉ ᐊᒡᓚᖏᑦ 23:2 Iomraidhean Croise

ᐊᑕᓃᑦ ᓯᕗᓪᓖᑦ 18:17

ᐂᕼᐊᐱᐅᑉ ᐃᓔᑦᔭ ᑕᑯᒐᒥᐅᒃ, ᐅᖃᐅᑎᕚ, “ᑖᓐᓇᐅᕖᑦ ᐃᓴᕆᐊᓕᒥᐅᓂᒃ ᓈᒻᒪᖏᓕᐅᕐᑎᑦᓯᔨ?”

ᐃᓐᖏᕈᑎᑦ 35:11

ᓂᑲᒍᓱᖏᑦᑐᑦ ᐅᖃᕆᐊᕐᑐᕐᐳᑦ ᖃᐅᔨᓚᐅᕐᓂᕋᕐᓗᑎᒃ; ᐊᐱᖅᑯᑎᖃᕐᓗᑎᒡᓗ ᐅᕙᓐᓄᑦ ᑲᐅᔨᓚᐅᓐᖏᑕᓐᓂᒃ.

ᐃᓐᖏᕈᑎᑦ 62:4

ᐱᔮᕆᓗᑎᒃ ᐳᕐᑐᔪᒥᑦ ᐃᓂᖓᓂᑦ ᑲᑕᒃᑎᑦᓱᒪᓪᓗᒍ; ᖁᕕᐊᒋᔭᖃᕐᐳᑦ ᓴᒡᓗᓂᕐᒥᒃ, ᖃᓂᕐᒥᖕᓄᑦ ᓮᒻᒪᕐᑎᑦᓯᕗᑦ, ᐆᒻᒪᑎᒥᒍᓪᓕ ᐅᖃᕐᓂᕐᓗᒃᓗᑎᒃ. ᓰᓚ

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 38:4

ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”

ᐂᒨᓯᐅᑉ ᐊᒡᓚᖏᑦ 7:10

ᐊᒪᔧᐊ ᐱᑎᓕᒥ ᑐᓂᕐᕈᓯᕐᑎᑦᓯᔨ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑎᑦᓯᓪᓗᓂ ᔨᕈᐳᐊᒻᒧᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒫᒃ, “ᐂᒨᓯ ᐃᓱᒪᓕᐅᓕᕐᒪᑦ ᐊᑭᕋᕐᑐᕈᒪᓪᓗᓂ ᐃᓕᖕᓄᑦ ᐃᓴᕆᐊᓕᒥᐅᑎᒍᑦ, ᐅᖃᐅᓯᖏᓪᓗ ᐊᓯᕈᐃᓂᐊᕐᐳᑦ ᓄᓇᖁᑎᑦᑎᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

ᒫᑎᐅᓯᐅᑉ ᐊᒡᓚᖏᑦ 17:27

ᑖᒃᑯᐊᓕ ᐊᒡᕕᐊᕈᑎᒃᓴᓕᐅᕐᓂᐊᖏᓐᓇᑦᑎᒍ; ᑍᒤᒻᒪᑦ, ᑕᓯᕐᒧᑦ ᐃᖃᓪᓕᐊᓚᐅᕆᑦ; ᓯᕗᓪᓕᕐᐹᕐᓗ ᐃᖃᓗᒃᑍᑦ, ᖃᓂᖓ ᐂᑦᑕᕐᑎᓐᓂᐊᕐᐸᑦ, ᖃᓂᖓᓂᓪᓗ ᑮᓇᐅᔭᓂᒃ ᓇᓂᓯᓂᐊᕐᐳᑎᑦ ᐊᑭᓕᐅᑎᓪᓗᐊᕐᑕᑦᑎᓐᓂᒃ ᑐᒃᓯᐊᕐᕕᒡᔪᐊᕐᒧᑦ; ᑖᒃᑯᐊ ᑮᓇᐅᔭᑦ ᐱᓗᒋᑦ ᐊᑭᓕᐅᑎᒋᓂᐊᕐᐸᑎᑦ ᐊᑭᓕᐅᑎᒋᔭᕆᐊᖃᕐᑕᑦᑎᓐᓄᑦ ᑖᒃᓯᓄᑦ.”

ᒫᑎᐅᓯᐅᑉ ᐊᒡᓚᖏᑦ 22:21

ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 27:11

ᔩᓱᓯ ᓇᖏᕐᐳᖅ ᕉᒪᒥᐅᑦ ᓄᓇᓕᖕᓂ ᐊᐅᓚᑦᓯᔨᖓᑕ ᓵᖓᓂ, ᑖᑦᓱᒪ ᐊᐱᕆᕚ, “ᔫᑎᓄᑦ ᐊᖓᔪᖅᑳᕐᔪᐊᖑᕖᑦ?” ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕇᕐᐳᑎᑦ.”

ᒫᑯᓯᐅᑉ ᐊᒡᓚᖏᑦ 12:17

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᖅ ᓰᓴᕆ ᑐᓂᓯᕕᒋᓯᐅᒃ, ᐱᖏᓐᓂᒃ, ᒎᑎᓗ ᑐᓂᓯᕕᒋᓗᒍ ᐱᖏᓐᓂᒃ.” ᑖᒃᑯᐊ ᔩᓱᓯᐅᑉ ᑭᐅᑦᔪᑎᖓᓂᒃ ᑲᒪᕕᒃᔪᐊᕐᐳᑦ.

ᒫᑯᓯᐅᑉ ᐊᒡᓚᖏᑦ 15:2

ᐰᓛᑑᓯᐅᑉ ᔩᓱᓯ ᐊᐱᕆᕚ, “ᔫᑎᑦ ᐊᖓᔪᖅᑳᕐᔪᐊᕆᕚᑏᑦ?” ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕇᕐᐳᑎᑦ.”

ᓘᑲᓯᐅᑉ ᐊᒡᓚᖏᑦ 23:14

ᐅᖃᐅᑎᓪᓗᒋᑦ, “ᐅᓇ ᐅᕙᓐᓄᐊᕈᑎᔭᓯ ᐅᖃᐅᓯᕆᓪᓗᒍ ᑕᒻᒪᕐᓮᓂᕋᕐᓗᒍ ᐃᓄᖕᓂᒃ; ᖃᐅᔨᓴᕋᒃᑯ ᑕᑯᓐᓇᕐᑎᓪᓗᓯ, ᑕᑯᒋᑦ, ᓇᓂᓯᓐᖏᓚᖓ ᑖᑦᓱᒪ ᑐᖁᑕᐅᑦᔪᑎᒃᓴᖓᓂᒃ ᐸᓯᒃᓯᕈᑎᒋᔭᑦᓯᓐᓂᑦ;

ᓘᑲᓯᐅᑉ ᐊᒡᓚᖏᑦ 23:5

ᑖᒃᑯᐊ ᐱᒋᐊᓪᓚᒃᑲᓐᓂᕐᐳᑦ ᐊᒃᓱᕈᓕᕐᓗᑎᒃ, ᐅᖃᕐᐳᑦ, “ᐆᒪ ᐃᓄᐃᑦ ᐊᔪᕆᕐᑐᐃᑦᔪᑎᒥᓄᑦ ᐅᐃᒪᔮᕐᑎᑉᐰᑦ, ᔫᑎᐊᓕᒫᒥ, ᒐᓕᓕᐊᒥᓪᓗ ᐱᒋᐊᕐᓗᓂ ᒪᐅᖓᓘᓐᓃᑦ ᐊᒡᓛᑦ ᑎᑭᑉᐳᖅ.”

ᔪᐊᓇᓯᐅᑉ ᐊᒡᓚᖏᑦ 18:29

ᑕᕝᕙ ᐰᓛᑑᓯᐅᑉ ᐊᓂᕕᒋᓪᓗᒋᑦ ᐅᖃᐅᑎᕔᑦ, “ᓱᓇᒥᒃ ᐸᓯᒃᓯᕈᑎᖃᕐᐱᓰ ᐊᖑᒻᒧᑦ ᐆᒧᖓ?”

ᔪᐊᓇᓯᐅᑉ ᐊᒡᓚᖏᑦ 18:30

ᑖᒃᑯᐊ ᑭᐅᕗᑦ, “ᐅᓇ ᐱᐅᖏᑦᑐᓕᔨᐅᖏᑉᐸᑦ, ᐃᓕᖕᓄᐊᕈᑎᒐᔭᓐᖏᑕᕗᑦ.”

ᔪᐊᓇᓯᐅᑉ ᐊᒡᓚᖏᑦ 19:12

ᐰᓛᑑᓯᓕ ᕿᓂᕋᓱᐊᕋᓗᐊᕐᐳᖅ ᔩᓱᓯᐅᑉ ᐊᓂᑎᑕᐅᑦᔪᑎᒃᓴᖓᓂᒃ, ᔫᑎᓪᓕ ᕾᒐᓛᓕᕐᐳᑦ, “ᐅᓇ ᐊᓂᑎᓐᓂᐊᕈᕕᐅᒃ, ᐊᖓᔪᖅᑳᕐᔪᐊᑉ ᓰᓴᕆᐅᑉ ᐃᓚᓐᓈᕆᓂᐊᓐᖏᓛᑎᑦ; ᐃᒻᒥᓂᒃ ᐊᖓᔪᖅᑳᕐᔪᐊᖑᓂᕋᕐᑐᖅ ᐊᑭᕋᕐᑐᕐᒪᑦ ᐊᖓᔪᖅᑳᔪᐊᕐᒥᒃ ᓰᓴᕆᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:13

ᑖᒃᑯᐊ ᒫᓐᓇ ᐃᓕᖕᓄᑦ ᓇᓗᓁᕐᓯᒻᒪᕆᒍᓐᓇᓐᖏᓚᑦ ᐸᓯᒃᓯᕈᑎᒋᔭᒥᖕᓂᒃ ᐅᕙᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᕉᒪᒥᐅᓄᑦ 13:7

ᐊᑭᓖᕕᒋᓯᐅᒃ ᐊᑭᓕᕆᐊᓕᖕᓂᒃ, ᑖᒃᓰᕈᑎᑦᓯᓐᓂᒃ ᐊᑭᓖᕕᒋᓯᐅᒃ, ᓄᓇᖁᑎᑦᓯᓐᓄᓪᓗ ᐊᑭᓕᒃᓴᖃᕈᑦᓯ ᐊᑭᓖᕕᒋᓯᐅᒃ, ᑲᒪᑦᓯᐊᕆᑦᓯ ᑲᒪᒋᔭᐅᑦᓯᐊᕆᐊᓕᖕᓄᑦ; ᐅᐱᒍᓱᑦᓯᐊᕐᓗᓯᓗ ᐅᐱᒋᔭᐅᔭᕆᐊᓕᖕᓂᒃ.