ᓘᑲᓯᐅᑉ ᐊᒡᓚᖏᑦ 21:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

Aglait Ijjurnaittut

³⁶ Taimanngat qaujisatsainnarissi, tuksiaqattarlusi pijunnarniqaqtitauqullusi aniguijunnaqullusi tamakkua pijumaaqtut atuliqpata, nangirunnaqullusilu Inuup Irningata saangani.”

ᓘᑲᓯᐅᑉ ᐊᒡᓚᖏᑦ 21:36 Iomraidhean Croise

ᔫᐱᐅᑉ ᐊᒡᓚᖏᑦ 27:10

ᐊᔪᒐᖃᖏᑦᑐᖅ ᖁᕕᐊᓲᑎᒋᔪᓐᓇᕐᐸᐅᒃ? ᒎᑎᓗ ᑍᒪᓐᖓᑦ ᓂᓪᓕᐊᕕᒋᖃᑦᑕᕋᔭᕐᐸᐅᒃ?

ᐃᓐᖏᕈᑎᑦ 1:5

ᑍᒤᒻᒪᑦ ᒎᑎᖃᖏᑦᑐᑦ ᓇᖏᕈᒫᓐᖏᓚᑦ ᐃᖅᑲᕐᑐᐃᕕᖕᒥ, ᐱᐅᖏᑦᑐᓕᔪᓪᓗ ᓇᖏᖃᑕᐅᔪᒫᓐᖏᓚᑦ ᐱᓇᓱᐊᑦᓯᐊᕐᑐᓂ.

ᔨᕆᒤᐊᐅᑉ ᐊᒡᓚᖏᑦ 35:19

ᑕᒪᓐᓇ ᐱᓪᓗᒍ, ᐃᒫᒃ ᐊᑕᓂᖅ ᐊᔪᖓᖃᖏᑦᑐᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ; ᔫᓇᑕᐅᑉ ᕆᑳᐱᐅᑉ ᐃᕐᓂᖓ ᐱᔨᑦᓯᕐᑎᒃᓴᓂᒃ ᐊᔪᕐᓴᓕᓚᐅᕐᓯᒪᓂᐊᓐᖏᓚᑎᑦ.”

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᒫᑎᐅᓯᐅᑉ ᐊᒡᓚᖏᑦ 24:42

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐊᑕᓂᑦᓯ ᑎᑭᕝᕕᒃᓴᖓ ᐅᓪᓗᖅ ᖃᐅᔨᒪᖏᓐᓇᑦᓯᐅᒃ.

ᒫᑎᐅᓯᐅᑉ ᐊᒡᓚᖏᑦ 24:43

ᐅᓇ ᑐᑭᓯᓯᐅᒃ; ᐃᒡᓗᖃᕐᑐᖅ ᖃᐅᔨᒪᒍᓂ ᑎᒡᓕᒃᑎᐅᑉ ᑎᒡᓕᒋᐊᕐᑐᕐᕕᒋᒐᔭᕐᑕᖓᓂᒃ, ᑖᓐᓇ ᐱᒑᕋᔭᕐᐳᖅ ᑎᒡᓕᒃᑎ ᐃᑎᖁᓇᒍ ᐃᒡᓗᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 24:44

ᑍᒤᒻᒪᑦ ᐃᓕᑦᓯᑦᑕᐅᖅ ᐅᐸᓗᖕᒊᕐᓯᒪᔪᒃᓴᐅᕗᓯ; ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐃᑲᕐᕋᒥ ᓂᕆᐅᒡᕕᒋᓐᖏᑕᑦᓯᓐᓂ.”

ᒫᑎᐅᓯᐅᑉ ᐊᒡᓚᖏᑦ 25:13

“ᑍᒤᒻᒪᑦ ᖃᐅᔨᓴᕆᑦᓯ, ᐅᓪᓗᖅ ᐃᑲᕐᕋᕐᓗ ᖃᐅᔨᒪᖏᓐᓇᑦᓯᐅᒃ.”

ᒫᑎᐅᓯᐅᑉ ᐊᒡᓚᖏᑦ 26:41

ᖃᐅᔨᓴᕆᓯ ᑐᒃᓯᐊᕐᓗᓯᓗ ᐱᐅᖏᑦᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ; ᐊᓂᕐᓂᖅ ᐱᔪᒪᑦᓯᐊᕋᓗᐊᕐᐳᖅ, ᑎᒥᓕ ᓴᓐᖐᑉᐳᖅ.”

ᒫᑎᐅᓯᐅᑉ ᐊᒡᓚᖏᑦ 8:20

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”

ᒫᑯᓯᐅᑉ ᐊᒡᓚᖏᑦ 13:33

ᖃᐅᔨᒪᓇᓱᐊᑦᓯᐊᕆᑦᓯ, ᖃᐅᔨᓴᑦᓯᐊᕐᓗᓯ; ᖃᖓ ᓇᓪᓕᐅᑎᔪᒫᕐᒪᖔ ᖃᐅᔨᒪᖕᒋᓐᓇᑦᓯᐅᒃ.

ᒫᑯᓯᐅᑉ ᐊᒡᓚᖏᑦ 13:37

ᐃᓕᑦᓯᓐᓄᑦ ᐅᖃᐅᓯᕆᔭᕋ ᑕᒤᓐᓄᑦ ᐅᖃᕐᐸᕋ: ᐃᖅᑯᒪᑦᑎᐊᕆᑦᓯ.”

ᓘᑲᓯᐅᑉ ᐊᒡᓚᖏᑦ 1:19

ᐂᖏᓕᐅᑉ ᑭᐅᕚ, “ᒊᐳᕆᐅᓕᐅᕗᖓ, ᒎᑎᐅᑉ ᓇᔪᒐᖓᓂᓐᖔᕐᐳᖓ; ᑖᑦᓱᒪ ᑎᓕᕚᖓ ᐃᓕᖕᓄᑦ ᐅᖃᕆᐊᕐᑐᖁᓪᓗᖓ; ᑕᒪᑐᒥᖓ ᑐᓴᕈᒥᓇᕐᑐᒥᒃ ᐅᖃᐅᑦᔭᐅᖁᖕᒪᑎᑦ.

ᓘᑲᓯᐅᑉ ᐊᒡᓚᖏᑦ 18:1

ᔩᓱᓯᐅᑉ ᐃᓕᓐᓂᐊᕐᑎᓂ ᐊᑦᔨᐅᔪᒥᒃ ᐊᔪᕆᕐᑐᕐᐰᑦ, ᑐᒃᓯᐊᖏᓐᓇᖃᑕᖁᓪᓗᒋᑦ ᓴᐱᓕᕐᑍᓕᖁᓪᓗᒋᓪᓗ.

ᓘᑲᓯᐅᑉ ᐊᒡᓚᖏᑦ 20:35

ᐊᖑᑏᓪᓕ ᐊᕐᓁᓪᓗ ᑐᖁᖓᔪᓂᑦ ᒪᑭᑦᓱᒫᕐᑐᑦ ᓯᕗᓂᒃᓴᑦᑎᓐᓂ ᓄᓕᐊᓂᒋᐊᖃᕈᒫᓐᖏᓚᑦ ᐅᐃᓂᒋᐊᖃᕈᒫᕋᑎᒡᓗ.

ᓘᑲᓯᐅᑉ ᐊᒡᓚᖏᑦ 21:35

ᑕᒪᓐᓇ ᑎᑭᑦᓱᒫᕐᒪᑦ ᐃᓄᓕᒫᓄᑦ ᓄᓇᕐᔪᐊᕐᒦᑦᑐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:14

ᖃᐅᔨᒪᒐᑦᑕ ᒎᑎᐅᑉ ᐊᑕᓂᕐᒥᒃ ᔩᓱᓯᒥᒃ ᐆᒻᒪᕐᑎᑦᓯᔫᑉ, ᐆᒻᒪᕐᑎᑦᓱᒫᕐᒥᖕᒪᑎᒍᑦ ᔩᓱᓯᒃᑯᑦ, ᐃᓚᒋᓗᓯᓗ ᓴᖅᑭᑎᓪᓗᓂᑎᒍᑦ ᓇᔪᒐᒥᓄᑦ.

ᑯᓘᓯᐊᒥᐅᓄᑦ 4:2

ᑐᒃᓯᐊᕐᓂᕐᒧᑦ ᑲᔪᓯᑦᓯᐊᕆᑦᓯ, ᖃᐅᔨᓴᑦᓯᐊᖃᑦᑕᕐᓗᓯ ᖁᔭᓕᖃᑦᑕᕐᓗᓯᓗ ᒎᑎᒧᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:17

ᑍᒪᓐᖓᑦ ᑐᒃᓯᐊᑦᓮᓐᓇᕆᑦᓯ,

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯ ᓯᕗᓪᓖᑦ 2:28

ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:4

ᑖᒃᑯᐊᒡᓗ ᒪᕐᕉᒃ ᓇᓗᓁᕐᓯᔩᒃ ᓇᐹᕐᑑᕘᒃ ᐅᕐᓱᒃᓴᓕᖕᓂᒃ ᐸᐅᕐᖓᓖᒃ ᓇᓂᕈᐊᓪᓗ ᑐᓐᖓᕕᖏᒃ ᒪᕐᕉᒃ ᓄᓇᕐᔪᐊᓕᒫᑉ ᐊᑕᓂᖓᑕ ᓵᖓᓃᑦᑑᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:17

ᓂᓐᖓᖕᓂᕐᔪᐊᖓᑕ ᑲᑉᐱᐊᓇᕐᓂᖓ ᓇᓪᓕᐅᑎᖕᒪᑦ, ᑭᓇᓗ ᑖᑦᓱᒧᖓ ᓵᓐᖓᓗᓂ ᓇᖏᕈᓐᓇᕐᐹ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:2

ᑕᕝᕙ ᑕᑯᓕᕐᐳᖓ ᐂᖏᓖᓂᒃ 7ᓂᒃ ᒎᑎᐅᑉ ᓵᖓᓂ ᓇᖏᕐᑐᓂᒃ, ᑎᑦᑐᓚᐅᑎᓂᒡᓗ 7ᓂᒃ ᑐᓂᓯᕕᐅᕗᑦ.