ᓘᑲᓯᐅᑉ ᐊᒡᓚᖏᑦ 21:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ “ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

Aglait Ijjurnaittut

³⁴ “Qaujisatsiarissi ilissinnik uummatissigut uqumailititauqunasi niriluarnirmut imiluarnirmullu inuusirmullu isumajaanaqtutaqarninganut, ullumut taissumunga upaluijauqunasi nigaqtitaujutitut.

ᓘᑲᓯᐅᑉ ᐊᒡᓚᖏᑦ 21:34 Iomraidhean Croise

ᒨᓯᓯ ᓯᕗᓪᓖᑦ 19:32

ᕾᒋᑦ, ᐊᑖᑕᕗᒃ ᐃᒥᕐᑎᓚᐅᕐᓚᕗᒃ ᕔᓂᒥᒃ, ᐃᓐᓇᖓᖃᑎᒋᓂᐊᕋᑦᑎᒃᑯᒃ, ᕿᑐᕐᖓᕐᑖᕐᓂᐊᕋᓐᓄᒃ ᐊᑖᑕᑦᑎᓐᓄᑦ ᑭᖑᕚᓕᐅᕐᑐᒃᓴᒥᒃ.”

ᒨᓯᓯ ᓯᕗᓪᓖᑦ 19:35

ᑍᒤᒻᒪᑦ ᐊᑖᑕᑎᒃ ᕔᓂᒥᒃ ᐃᒥᕐᑎᒃᑭᕚᒃ, ᓄᑲᕐᓕᐅᑉ ᐅᐸᒃᓗᒍ, ᐃᓐᓇᖓᖃᑎᒋᕚ; ᐊᑖᑕᖓᓗ ᖃᐅᔨᓚᐅᓐᖏᓚᖅ ᖃᖓ ᐃᓐᓇᕐᓂᕐᒪᖔᑦ ᖃᖓᓗ ᒪᑭᓐᓂᕐᒪᖔᑦ.

ᒨᓯᓯ ᓯᕗᓪᓖᑦ 27:14

ᑕᕝᕙ ᐂᒃᓯᕐᐳᖅ ᐊᓈᓇᒥᓄᓪᓗ ᑐᓂᓪᓗᒋᒃ; ᐊᓈᓇᖓᓗ ᓂᕿᓕᐅᕐᐳᖅ ᒪᒪᕐᑐᓂᒃ, ᐊᑖᑕᖓᑕ ᒪᒪᕆᕙᒃᑕᖓᓂᒃ.

ᐃᓐᖏᕈᑎᑦ 35:8

ᐊᓯᕈᕐᑕᐅᓇᕐᑐᒧᑦ ᓂᕆᐅᓇᖏᑦᑐᒧᑦ ᑎᑭᑕᐅᓕᑦ, ᓄᓗᐊᓄᓪᓗ ᐃᔨᕐᑐᐊᒥᓄᑦ ᓇᖕᒥᓂᖅ ᐱᔭᕆᓕᕐᓕᑦ; ᐊᓯᕈᕐᓇᕐᑐᒧᑦ ᑍᑯᖓᓪᓗᐊᖅ ᑲᑕᓕᕐᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:4

ᐱᔪᓐᓇᕋᓱᒋᓂᖅ ᐆᒻᒪᑎᒃᑯᓪᓗ ᐱᐅᔪᕆᓂᖅ, ᐱᐅᖏᑦᑐᓕᔪᑦ ᐱᓇᓱᐊᒐᒃᓴᓕᐊᖏᑦ, ᐊᔪᕐᑐᓕᓂᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:20

ᕔᓂᒧᑦ ᐋᖓᔮᕐᑎᑦ ᐃᓚᒋᓂᐊᕐᓇᒋᑦ, ᓂᕿᒥᒡᓗ ᓂᕆᓗᐊᕐᐸᒃᑐᑦ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 28:7

ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᐋᖓᔮᓗᐊᕐᓂᕐᒧᑦ ᐅᕐᕈᔮᓕᕐᐳᑦ, ᐃᒥᓗᐊᕐᓂᕐᒧᓪᓗ ᕔᓂᒥᒃ ᓴᓐᖏᔪᒥᒡᓗ ᐅᕐᕈᖃᑦᑕᑐᐃᓐᓇᓕᕐᐳᑦ; ᕔᓂᑐᕐᓂᕐᒧᑦ ᓇᓗᓕᕐᓯᒪᓕᕐᐳᑦ, ᐅᕐᕈᔮᕐᐳᑦ ᐃᒥᓗᐊᒧᑦ ᓴᓐᖏᔪᒧᑦ; ᑕᑯᓐᓇᕐᑕᖏᑦ ᐱᐅᔪᓐᓃᕐᓗᑎᒃ, ᑕᒻᒪᖃᑦᑕᓕᕐᐳᑦ ᐃᖅᑲᕐᑐᐃᓇᓱᐊᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 4:11

“ᐃᓄᖁᑎᒃᑲ ᕔᓂᒧᑦ ᓄᑕᐅᖏᑦᑐᓄᑦ ᓄᑖᓄᓪᓗ, ᑐᑭᓯᔪᓐᓇᕐᓂᖏᑦ ᐊᓯᕈᕐᑕᐅᓕᕐᐳᑦ.

ᒨᓯᓯ ᐱᖓᔪᖏᑦ 10:9

“ᐃᕝᕕᑦ ᐃᕐᓂᑎᓪᓗ ᕔᓂᒥᒃ ᐃᒥᕆᐊᖃᓐᖏᓚᓯ, ᐊᓯᐊᓂᒡᓘᓐᓃᑦ ᐃᒥᐊᓗᓕᐊᕆᓯᒪᔪᒥᒃ ᐃᒥᕆᐊᖃᓐᖏᓚᓯ ᑐᐱᐅᑉ ᑲᑎᒪᕕᐅᑉ ᐃᓗᐊᓃᑎᓪᓗᓯ, ᑍᒤᓕᐅᕈᑦᓯ ᑐᖁᔪᒫᕐᐳᓯ, ᑕᒪᓐᓇ ᒪᓕᒐᐅᓂᐊᕐᐳᖅ ᑭᖑᕚᒃᓴᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 13:22

ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

ᒫᑯᓯᐅᑉ ᐊᒡᓚᖏᑦ 13:9

“ᐃᓕᑦᓯ ᓇᖕᒥᓂᖅ ᖃᐅᔨᓴᕆᑦᓯ; ᑎᒍᔭᐅᔪᒫᕐᐳᓯ ᐃᖅᑲᕐᑐᐃᕕᖕᒧᑦ ᐱᑎᑕᐅᓗᓯ; ᐋᓐᓂᕐᓯᕐᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ; ᐋᑕᐅᔪᒫᕐᐳᓯ ᐊᐅᓚᑦᓯᔨᓄᑦ ᐊᖓᔪᖅᑳᕐᔪᐊᓄᓪᓗ ᓇᖏᖁᓪᓗᓯ ᓵᖏᓐᓂ ᐅᕙᖓ ᐱᑦᔪᑎᒋᓗᖓ, ᓇᓗᓁᕐᓯᔪᓐᓇᖁᓪᓗᓯ ᑖᒃᑯᓄᖓ.

ᒫᑯᓯᐅᑉ ᐊᒡᓚᖏᑦ 4:19

ᐃᓅᓯᐅᑉ ᑕᒪᑐᒪ ᐃᓱᒪᔮᕐᓇᕐᓂᖓᓄᑦ, ᐊᔪᕐᓴᖏᑦᑐᒪᓂᕐᒧᓪᓗ, ᐊᓯᖏᓐᓄᓪᓗ ᐱᔪᒪᕕᒃᔪᐊᕐᓂᕐᓄᑦ ᑎᑭᕝᕕᐅᓕᕋᒥᒃ ᐅᖃᐅᓰᑦ ᐃᐱᑎᑕᐅᕗᑦ ᑕᒪᒃᑯᓄᖓ, ᐱᕈᕐᕕᐅᔪᓐᓇᕐᓯᓇᑎᒃ.

ᓘᑲᓯᐅᑉ ᐊᒡᓚᖏᑦ 10:41

ᐊᑕᓂᐅᑉ ᑭᐅᕚ, “ᒫᑖ, ᒫᑖ, ᐃᓱᒪᔮᕈᑎᖃᓗᐊᕋᕕᑦ ᐱᓇᓱᐊᒐᒃᓴᕕᑦ ᐅᓄᕐᓂᖏᓐᓂᒃ;

ᓘᑲᓯᐅᑉ ᐊᒡᓚᖏᑦ 12:40

ᐃᓕᑦᓯᑦᑕᐅᖅ ᐅᐸᓗᖕᒊᕐᓯᒪᔭᕆᐊᖃᕐᐳᓯ; ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐃᑲᕐᕋᒥ ᓂᕆᐅᒡᕕᒋᓐᖏᑕᑦᓯᓐᓂ.”

ᓘᑲᓯᐅᑉ ᐊᒡᓚᖏᑦ 17:3

ᐱᓂᐊᕐᓂᕆᔭᑦᓯᓐᓂᒃ ᖃᐅᔨᒪᓇᓱᐊᑎᐊᖃᑦᑕᕆᑦᑎ; ᖃᑕᓐᖑᑏᑦ ᐊᔪᕐᑐᓕᒃᐸᑦ ᐃᓂᕐᑎᕈᒃ, ᖃᕿᐊᓕᕐᐸᓪᓗ ᐃᓱᒪᒋᔪᓐᓁᕐᕕᒋᓗᒍᒃ;

ᓘᑲᓯᐅᑉ ᐊᒡᓚᖏᑦ 21:35

ᑕᒪᓐᓇ ᑎᑭᑦᓱᒫᕐᒪᑦ ᐃᓄᓕᒫᓄᑦ ᓄᓇᕐᔪᐊᕐᒦᑦᑐᓄᑦ.

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᓘᑲᓯᐅᑉ ᐊᒡᓚᖏᑦ 8:14

ᐊᒻᒪ ᐱᕈᕐᓯᐊᒃᓴᑦ ᐅᕐᐱᖕᓄᑦ ᑲᑭᓪᓚᐅᑎᓕᖕᓄᑦ ᑲᑕᒃᑐᑦ ᐅᑯᐊᖑᒋᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓱᒪᔮᕐᓂᕐᒧᓪᓕ ᐱᖁᑎᑖᕈᒪᓂᕐᓄᓪᓗ, ᐱᕈᕐᓯᐊᒃᓴᖏᓪᓗ ᐱᕈᕈᓐᓇᕐᓯᓇᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11

ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐲᑦᑐᕉᓯ ᐂᑉᐸᖏᑦ 3:10

ᐊᑕᓂᐅᓪᓕ ᐅᓪᓗᖓ ᑎᑭᑦᓱᒫᕐᐳᖅ ᑎᒡᓕᒋᐊᑐᕐᑐᑐᑦ ᕿᓚᒡᓗ ᓄᖑᔪᒫᕐᐳᖅ ᓂᐱᖅᑯᕐᑐᔪᐊᓘᓗᓂ, ᕿᓚᖕᒦᑦᑐᓪᓗ ᓄᖑᔪᒫᕐᐳᑦ ᐃᑯᐊᓪᓚᒡᓗᑎᒃ, ᓄᓇᕐᔪᐊᕐᒥᑦᑐᑦ ᓱᓇᑐᐃᓐᓇᓕᒫᓪᓗ ᐱᓇᓱᐊᕐᑕᐅᓯᒪᔪᑦ ᑕᑉᕙᓂ ᓴᖅᑭᑎᑕᐅᓗᑎᒃ.

ᐲᑦᑐᕉᓯ ᐂᑉᐸᖏᑦ 3:14

ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:3

ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.

ᓴᒧᐃᓕ ᓯᕗᓪᓖᑦ 25:36

ᐊᐱᒊᓕᓗ ᐅᑎᓚᐅᕐᐳᖅ ᓁᐳᓪᒧᑦ; ᓁᐳᓕ ᐊᖏᕐᕋᕐᓯᒪᓚᐅᕐᐳᖅ ᓂᕆᕕᒃᔪᐊᕐᓗᓂ ᐊᖓᔪᖅᑳᕐᔪᐊᒧᑦ ᓈᒻᒪᑦᑐᓂᒃ. ᐋᖓᔮᒻᒪᕆᓕᓚᐅᕐᐳᖅ ᖁᕕᐊᓱᓕᕐᓗᓂᓗ; ᑍᒤᒻᒪᑦ ᐅᖃᐅᑎᓚᐅᓐᖏᓛ, ᖃᐅᓚᐅᕐᑎᓐᓇᒍ.