ᓘᑲᓯᐅᑉ ᐊᒡᓚᖏᑦ 21:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

Aglait Ijjurnaittut

²⁴ Ilangit savigjuamut tuqutaujumaaqput, ilangillu tigujaulutik aullarujjaujumaaqput Juutiunngittunut; Jiruusalimlu tulliraqsaujumaaqpuq Juutiunngittunut, piviksangat isulilaunginningani.”

ᓘᑲᓯᐅᑉ ᐊᒡᓚᖏᑦ 21:24 Iomraidhean Croise

ᒨᓯᓯ ᓯᕗᓪᓖᑦ 34:26

ᕼᐊᒧᕆ ᐃᕐᓂᖓᓗ ᓯᑭᒻᒥ ᓴᕕᒡᔪᐊᒧᑦ ᑐᖁᑉᐹᒃ, ᑍᓇᓗ ᑎᒍᓪᓗᒍ ᓯᑭᒻᒥᐅᑉ ᐃᒡᓗᖓᓂᑦ, ᑕᕝᕙᓐᖓᓪᓗ ᐊᓂᓪᓗᑎᒃ.

ᒨᓯᓯ ᐂᑉᐸᖏᑦ 17:13

ᑍᒫᒡᓗ ᑕᕝᕙ ᔮᓱᐊᑉ ᐊᒪᓕᒃᒥᐅᑦ ᓵᓚᒋᒻᒪᕆᓚᐅᕐᐰᑦ ᓴᕕᒡᔪᐊᒧᑦ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 63:18

ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 66:12

ᐊᑕᓂᖅ ᐃᒫᒃ ᐅᖃᕐᐳᖅ: “ᑕᑯᒋᑦ, ᐊᔪᕐᓴᖏᓐᓂᖅ ᐊᖏᔪᕈᕐᑎᑦᓱᒫᕐᐸᕋ ᑰᒃᑎᑐᑦ ᑯᕕᓕᕈᒫᕐᒪᑦ, ᐃᓅᖃᑎᒌᒡᔪᐊᓪᓗ ᐊᒡᓗᐃᓂᖏᑦ ᑰᒐᓛᑎᑐᑦ ᑕᑕᓯᒪᔪᑎᑐᑦ ᑰᓕᕈᒫᕐᐳᑦ, ᐊᒫᒪᒍᒫᕐᐳᓯ ᓴᕐᓕᐊᕐᑕᐅᓗᓯ, ᐊᐅᓚᑲᑦᑖᕐᑎᑕᐅᔪᒫᕐᐳᓯᓗ ᖁᒃᑐᕋᖏᒃᑕ ᖄᖓᓂ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 8:13

ᑐᓴᕐᐳᖓᓗ ᐃᑦᔪᕐᓁᑦᑐᒥᒃ ᐃᑦᔪᕐᓁᑦᑑᖃᑎᒥᓄᑦ ᐅᖃᕐᑐᒥᒃ, “ᖃᓄᖅ ᐊᑯᓂᐅᑎᒋᔪᖅ ᑕᑯᑎᑕᐅᑦᔪᑎ ᓇᓪᓕᐅᑎᓇᓱᐊᕐᓂᐊᕐᐹ? ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖅ, ᐅᓇᑕᕐᓂᕐᓗ ᓱᓇᖃᕈᓐᓁᕐᑎᑦᓯᔪᖅ, ᐃᑦᔪᕐᓁᑦᑐᕕᐅᓪᓗ ᑐᓂᔭᐅᓯᒪᓂᖓ, ᐃᑦᔪᕐᓁᑦᑐᓪᓗ ᑐᓪᓕᕋᕐᑕᐅᓂᖏᑦ?”

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓘᑲᓯᐅᑉ ᐊᒡᓚᖏᑦ 21:25

“ᑲᒪᓇᕐᑐᖃᕈᒫᕐᐳᖅ ᓯᕿᓂᕐᒥ ᑕᖅᑭᕐᒥᓗ ᐅᓪᓗᕆᐊᓂᓗ, ᓄᓇᕐᔪᐊᕐᒥᓗ ᐃᓅᖃᑎᒌᒡᔪᐊᓕᒫᑦ ᓇᓗᓕᕐᓇᕐᑐᒦᑦᓱᒫᕐᐳᑦ ᑲᑉᐱᐊᓱᒻᒪᕆᒡᓗᑎᒡᓗ ᐃᒪᕐᔪᐊᑉ ᐃᒃᑑᓕᔮᕐᓂᖓᓄᑦ ᐃᖏᐅᓕᐊᓗᖕᓄᓪᓗ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᐄᑉᕈᐃᓄᑦ 11:34

ᐃᑯᐊᓚᔪᕐᔪᐊᓂᒡᓗ ᖃᒥᑦᓯᓚᐅᕐᐳᑦ, ᓴᕕᒡᔪᐊᒥᑦ ᐊᓐᓇᓚᐅᕐᐳᑦ, ᓴᓐᖐᓐᓂᕐᒥᑦ ᐱᔪᓐᓇᕐᓂᕐᑖᓚᐅᕐᐳᑦ; ᐅᓇᑕᕐᓂᕐᒥ ᐊᔪᖏᑦᑐᕐᔪᐊᖑᓚᐅᕐᐳᑦ, ᓄᓇᑐᖃᖃᖏᑦᑐᑦ ᐅᓇᑕᕐᑐᒃᓴᖏᑦ ᕿᒫᑎᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2

ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.