ᓘᑲᓯᐅᑉ ᐊᒡᓚᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕔᑦ, ᐊᑕᓂᐅᓪᓗ ᓂᕐᑐᕐᓇᕐᓂᖓᑕ ᖃᐅᒻᒪᒡᕕᒋᕔᑦ, ᑲᑉᐱᐊᓱᓕᕐᓗᑎᒃ.

Aglait Ijjurnaittut

⁹ Ataniup aingilingata saqqivvigivait, Ataniullu niqturnarningata qaummagvigivait, kappiasulirlutik.

ᓘᑲᓯᐅᑉ ᐊᒡᓚᖏᑦ 2:9 Iomraidhean Croise

ᐊᑕᓃᑦ ᓯᕗᓪᓖᑦ 8:11

ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕈᓐᓁᓪᓕᓚᐅᕐᐳᑦ ᐱᓇᓱᐊᕐᑕᒥᖕᓂᒃ ᓄᕗᔭ ᐱᑦᔪᑎᒋᓪᓗᒍ; ᐊᑕᓂᐅᑉ ᓂᕐᑐᕐᓇᕐᓂᖓᑕ ᑕᑕᓚᐅᕐᒪᒍ ᐊᑕᓂᐅᑉ ᐃᒡᓗᖓ.

ᒨᓯᓯ ᐂᑉᐸᖏᑦ 16:10

ᐂᕉᓂᓗ ᐅᖃᓪᓚᓕᕐᑎᓪᓗᒍ ᑖᒃᑯᓄᖓ ᓄᓇᖅᑲᑎᒌᓕᒫᓄᑦ ᐃᓴᕆᐊᓕᒥᐅᓄᑦ, ᓄᓇᒧᓪᓗ ᐃᓄᖃᖏᑦᑐᒧᑦ ᑕᑯᓴᕋᒥᒃ ᐊᑕᓂᐅᑉ ᖃᐅᒪᓂᖓ ᓴᖅᑭᑉᐳᖅ ᓄᕗᔭᒥᑦ.

ᒨᓯᓯ ᐂᑉᐸᖏᑦ 16:7

ᐅᓪᓛᒃᑯᑦ ᐊᑕᓂᐅᑉ ᓇᔫᑎᓂᖓᑕ ᖃᐅᒪᓂᖓ ᑕᑯᓂᐊᕐᐸᓯ, ᓈᒻᒪᒃᓴᖏᑦᔪᑎᒋᔭᓯ ᑖᑦᓱᒪ ᑐᓴᕐᒪᒋᑦ, ᓱᖕᒪᑦ ᓈᒻᒪᒃᓴᖏᑦᑐᒃᓴᐅᕕᑖ? ᑕᑦᓱᒪ ᒪᓕᒃᑕᐅᖁᔭᖏᓐᓂᒃ ᒪᓕᒃᑎᑐᐃᓐᓇᐅᕗᒍᑦ.”

ᐂᓮᐊᓯᐅᑉ ᐊᒡᓚᖏᑦ 35:2

ᐊᒥᒐᖏᑦᑐᓂᒃ ᐱᕈᕐᑐᖃᓕᕈᒫᕐᐳᖅ ᖁᕕᐊᓱᓕᕐᓗᓂᓗ, ᓂᕐᑐᐃᔪᒫᕐᐳᖅ ᖁᕕᐊᓱᖕᓂᕐᒧᑦ ᐃᓐᖏᕐᓗᓂᓗ. ᓕᐸᓇᓂᐅᑉ ᑕᑯᒥᓇᕐᓂᖓᓂᒃ ᑐᓂᓯᕕᐅᔪᒫᕐᐳᖅ, ᑳᕐᒥᐅᓕᐅᓪᓗ ᓵᕋᓂᐅᓪᓗ ᓇᑎᕐᓇᖏᑎᑐᑦ ᑲᑦᔮᕐᓇᕐᑐᒥᒃ, ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑯᔪᒫᕐᐳᑦ, ᒎᑎᑦᑕ ᐊᖓᔪᖅᑳᕐᔪᐊᑦᓯᐊᖑᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᐂᓮᐊᓯᐅᑉ ᐊᒡᓚᖏᑦ 60:1

“ᒪᑭᓪᓗᓯ ᖃᐅᒪᓕᕆᑦᓯ; ᖃᐅᒻᒪᖅᑯᑎᓯ ᑎᑭᒻᒪᑦ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᖃᐅᒻᒪᒡᕕᒋᖕᒪᓯ.

ᐃᓯᑭᐊᓕᐅᑉ ᐊᒡᓚᖏᑦ 3:23

ᒪᑭᓐᓇᒪ ᓇᑎᕐᓇᒧᓐᖓᐅᕗᖓ; ᑕᑯᒋᓪᓗ, ᐊᑕᓂᐅᑉ ᐱᓐᓇᕐᓇᕐᓂᖓ ᑕᑯᓕᕆᕙᕋ, ᑰᑉ ᓰᐸᕆᐅᑉ ᖃᓂᒋᔮᓂ ᑕᑯᓚᐅᕐᑕᑦᑐᑦ ᐱᓐᓇᕐᓇᕐᑎᒋᔪᖅ; ᑕᕝᕙ ᓄᓇᒧᑦ ᐹᒻᒪᒃᐳᖓ ᑮᓇᕋ ᓄᓇᒧᑦ ᐳᓪᓗᒍ,

ᒫᑎᐅᓯᐅᑉ ᐊᒡᓚᖏᑦ 1:20

ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ.

ᓘᑲᓯᐅᑉ ᐊᒡᓚᖏᑦ 1:28

ᐂᖏᓕᐅᑉ ᒥᐊᕆ ᓴᖅᑭᕝᕕᒋᕚ ᐅᖃᐅᑎᓪᓗᒍ, “ᖁᕕᐊᓱᓕᕆᑦ, ᒎᑎᒧᑦ ᖁᕕᐊᒋᔭᐅᒐᕕᑦ, ᐊᑕᓂᐅᑉ ᐃᓚᒋᕚᑎᑦ!”

ᓘᑲᓯᐅᑉ ᐊᒡᓚᖏᑦ 2:8

ᐱᑦᓕᐊᒻᓗ ᖃᓂᒋᔮᓂ ᐰᕐᓯᔨᑕᖃᓚᐅᕐᐳᖅ ᓰᐱᖁᑎᒥᖕᓂᒃ ᒥᐊᓂᕐᓯᔪᓂᒃ ᐅᓐᓄᐊᒃᑯᑦ.

ᓘᑲᓯᐅᑉ ᐊᒡᓚᖏᑦ 24:4

ᑕᕝᕙᓂ ᓇᓗᓕᐅᖅᑲᑎᓪᓗᒋᑦ, ᑕᑯᒋᑦ, ᓇᖏᖃᑎᖃᓕᕐᐳᑦ ᐊᖑᑏᖕᓂᒃ ᒪᕐᕉᖕᓂᒃ ᖃᐅᒪᔪᓂᒃ ᕿᓪᓕᕐᑐᓂᒃ ᐊᓐᓄᕌᓖᖕᓂᒃ.

ᔪᐊᓇᓯᐅᑉ ᐊᒡᓚᖏᑦ 12:41

ᐂᓮᐊᓯ ᑍᒫᒃ ᐅᖃᓚᐅᕐᐳᖅ ᔩᓱᓯᐅᑉ ᓂᕐᑐᕐᓇᕐᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 12:7

ᑕᑯᒋᑦ, ᑕᕝᕔᓐᓇᖅ ᐊᑕᓂᐅᑉ ᐂᖏᓖᖓ ᓴᖅᑭᑉᐳᖅ, ᑎᒍᔭᐅᓯᒪᕕᐅᓪᓗ ᐃᓗᐊ ᖃᐅᒻᒪᒃᑎᐹ; ᐲᑦᑐᕉᓯ ᑐᐃᖓᒍᑦ ᐊᒃᑐᕐᓗᒍ ᑐᐹᕐᐹ ᐅᖃᐅᑎᓪᓗᒍ, “ᑐᐊᕕᕐᓗᑎᑦ ᒪᑭᒋᑦ.” ᐊᕐᓵᕐᑑᔧᑦ ᐊᒡᒐᐅᑎᖏᖕᓂᑦ ᑲᑕᒃᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 27:23

ᐅᓐᓄᐊᖅ ᒎᑎᐅᑉ ᐱᔨᑦᓯᕐᑕᒪ ᐂᖏᓕᖓ ᓴᓂᓐᓂ ᓇᖏᓚᐅᕐᐳᖅ,

ᐋᐴᓯᑕᓖᑦ ᐱᓂᐊᕐᓂᖏᑦ 5:19

ᐅᓐᓄᐊᖑᓕᕐᑎᓪᓗᒍ ᐊᑕᓂᐅᑉ ᐂᖏᓕᖓᑕ ᑎᒍᔭᐅᓯᒪᕕᐅᑉ ᐅᒃᑯᐊᖏᑦ ᒪᑐᐃᕐᐰᑦ, ᐊᓂᑎᓪᓗᒋᑦ ᐅᖃᐅᑎᕔᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐄᑉᕈᐃᓄᑦ 12:21

ᑕᑯᔭᖏᓪᓗ ᑲᑉᐱᐊᓇᕐᑐᐊᓘᖕᒪᑕ ᒨᓯᓯ ᐅᖃᓚᐅᕐᐳᖅ, “ᑲᑉᐱᐊᓱᖕᓂᕐᒧᑦ ᓴᔪᓕᕐᐳᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:1

ᑕᒪᑐᒪ ᑭᖑᕐᖓᒍᑦ ᐂᖏᓕᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᐱᔪᓐᓇᕐᑎᑕᐅᓂᕐᔪᐊᖃᕐᑐᒥᒃ; ᓄᓇᕐᔪᐊᕐᓗ ᖃᐅᒻᒪᒃᑎᑕᐅᕗᖅ ᑖᑦᓱᒪ ᖃᐅᒪᓂᕐᔪᐊᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.