ᓘᑲᓯᐅᑉ ᐊᒡᓚᖏᑦ 19:44 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁴ ᐊᓯᕈᕐᑕᐅᔪᒫᕐᐳᓯ ᐊᕙᓗᕐᔪᐊᑦ ᐃᓗᐊᓃᑦᑐᓕᒫᑦ ᓄᖑᑕᐅᓗᓯ ᕿᑐᕐᖓᓕᒫᓯᓗ, ᐅᔭᕅᓪᓗ ᓴᓇᓯᒪᔪᑦ ᐊᑕᐅᓯᕐᒥᒡᓘᓐᓃᑦ ᖃᓕᕇᒃᑐᖃᕈᓐᓃᕈᒫᕐᐳᑦ; ᒎᑎᐅᑉ ᓴᐳᑦᔨᔭᕐᑐᕐᓂᖓ ᐃᓕᑦᓯᓐᓂᒃ ᑲᒪᒋᓚᐅᖏᓐᓇᑦᓯᐅᒃ.”

Aglait Ijjurnaittut

⁴⁴ Asiruqtaujumaaqpusi avalurjuat iluaniittulimaat nungutaulusi qiturngalimaasilu, ujaraillu sanasimajut atausirmigluunniit qaliriiktuqarunniirumaaqput; Guutiup sapujjijaqturninga ilissinnik kamagilaunnginnassiuk.”

ᓘᑲᓯᐅᑉ ᐊᒡᓚᖏᑦ 19:44 Iomraidhean Croise

ᐃᓐᖏᕈᑎᑦ 137:9

ᖁᕕᐊᓱᒍᒫᕐᐳᖅ ᒥᑭᔪᓛᖁᑎᑦᓯᓐᓂᒃ ᑎᒍᓯᔪᖅ ᐃᒋᑦᓯᔪᕐᓗ ᐅᔭᖅᑲᓄᑦ.

ᐂᓮᐊᓯᐅᑉ ᐊᒡᓚᖏᑦ 10:3

ᖃᓄᐃᓕᐅᕈᒫᕐᐱᓰ ᐅᓪᓗᒥ ᓱᒋᐊᕐᑕᐅᕕᖕᒥ? ᐊᓯᕈᐃᔪᒧᑦ ᑎᑭᑕᐅᓕᕈᑦᓯ ᐅᖓᓯᒃᑐᒥᑦ ᐱᔪᒧᑦ? ᑭᓇᒧᑦ ᕿᒫᓛᕐᐱᓰ ᐃᑲᔪᕐᑕᐅᔪᒪᓗᓯ? ᐊᔪᕐᓴᖏᑦᔪᑎᓯ ᓇᒧᑦ ᕿᒪᓛᕐᐱᓯᒋᑦ?

ᐂᓮᐊᓯᐅᑉ ᐊᒡᓚᖏᑦ 29:3

ᓯᓚᑎᑦᓯᓐᓂ ᑕᖕᒫᕐᓯᒪᔪᒫᕐᐳᖓ ᐊᕙᑕᖏᕐᓯᒪᓗᑎᑦ, ᐃᒡᓗᒐᓴᒡᔪᐊᓂᒃ ᓵᓚᖃᕋᓱᒃᑐᕐᓯᐅᑎᓂᒃ ᓴᓇᔪᒫᕐᐳᖓ ᐳᕐᑐᔪᓂᒡᓗ ᐃᒡᓗᓕᐅᕐᓗᖓ, ᐃᒡᓗᒐᓴᒡᔪᐊᓂᒃ ᓵᓚᖃᕋᓲᑎᓂᒃ ᓴᓇᔪᒪᕗᖓ ᐃᓕᖕᓂᒃ ᐊᑭᕋᕐᑐᕐᓗᖓ.

ᔨᕆᒤᐊᐅᑉ ᐊᒡᓚᖏᑦ 11:23

ᐊᒥᐊᒃᑯᖃᕐᓂᐊᓐᖏᓚᓪᓗ, ᐊᓇᑑᑎᒥᐅᑦ ᐃᓄᖏᑦ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᕐᐳᑦ, ᐊᕐᕌᒍᒥ ᓱᒋᐊᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᑖᓂᐊᓕᐅᑉ ᐊᒡᓚᖏᑦ 9:26

ᓇᓪᓕᐅᓐᓃᑦ 62 7ᐃᕐᑐᕐᓯᒪᔪᑦ ᐊᓂᒍᕐᐸᑕ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᑐᖁᑕᐅᔪᒫᕐᐳᖅ ᐃᒻᒥᓂᒃ ᐱᑦᔪᑎᒋᓇᓂ: ᐊᖓᔪᖅᑳᕐᓗ ᑎᑭᑦᓱᒫᕐᐳᖅ ᐃᒡᓗᒐᓮᑦ ᓱᕋᒃᑎᕐᓗᒋᑦ ᐃᑦᔪᕐᓁᑦᑐᕕᒡᓗ. ᐃᓱᐊ ᑕᕝᕙ ᓇᓪᓕᐅᑎᔪᒫᕐᐳᖅ ᓄᓇᑐᑦ ᖄᒥᑦᑐᒥᑦ ᑎᑭᑕᐅᔪᑐᑦ; ᐅᓇᑕᕐᓂᕐᓗ ᑲᔪᓰᓐᓇᕈᒫᕐᐳᖅ ᐃᓱᐊᓄᑦ, ᑲᑉᐱᐊᓇᕐᑐᑦ ᐊᑐᕈᒫᕐᓂᖏᑦ ᐋᖅᑭᒃᑕᐅᔭᕇᕐᒪᑕ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”

ᒫᑯᓯᐅᑉ ᐊᒡᓚᖏᑦ 13:2

ᔩᓱᓯᐅᑉ ᐅᖃᐅᑎᕚ, “ᐃᒡᓗᓕᐊᕆᓯᒪᔪᑦ ᒪᒃᑯᐊ ᓴᓇᒪᑦᓯᐊᕐᑐᑦ ᑕᑯᕕᒌᑦ? ᐅᔭᕋᒃᑕᖏᑦ ᐊᑕᐅᓯᕐᓘᓐᓃᑦ ᐃᓂᒥᓃᑦᑐᖃᕈᓐᓃᕈᒫᕐᐳᑦ, ᑕᒪᕐᒥᑦᓯᐊᖅ ᐅᕐᕈᑎᑕᐅᔪᒫᕐᒪᑕ.”

ᓘᑲᓯᐅᑉ ᐊᒡᓚᖏᑦ 1:68

“ᐊᑕᓂᖅ ᓮᒻᒪᕐᑎᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᐃᓄᖁᑎᓂ ᐊᖅᑲᕐᕕᒋᓪᓗᒋᑦ ᓴᐳᑎᔭᕐᑐᕐᒪᒋᑦ,

ᓘᑲᓯᐅᑉ ᐊᒡᓚᖏᑦ 1:78

ᒎᑎᑦᑕ ᓂᑲᒍᓱᖕᓂᕐᔪᐊᖓᒍᑦ, ᐱᐅᓕᔭᐅᓂᖅ ᖃᐅᓕᕐᑐᑐᑦ ᐅᓪᓛᑐᑦ ᓴᖅᑭᑎᑦᓱᒫᕐᐹ ᐅᕙᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 19:42

ᐅᖃᕐᓗᓂ, “ᖃᐅᔨᓚᐅᕐᓯᐅᒃᑐᖅ ᐊᑭᕋᕐᑑᑎᖏᑦᔪᑎᒃᓴᖅ! ᒫᓐᓇᓕ ᑭᓯᐊᓂ ᑐᑭᓯᔪᓐᓇᓐᖏᓚᓯ!

ᓘᑲᓯᐅᑉ ᐊᒡᓚᖏᑦ 21:6

“ᑕᑯᔭᓯ ᑕᒪᒃᑯᐊ, ᐅᓪᓗᓂ ᓇᓪᓕᐅᑎᔪᒫᕐᑐᓂ ᐅᔭᕋᓕᒫᑦᓯᐊᑦ ᐊᑕᐅᓯᕐᒥᒡᓘᓐᓃᑦ ᐃᓂᒋᔭᒥᓂ ᐃᓕᓯᒪᔪᖃᕈᓐᓃᕈᒫᕐᐳᑦ ᐅᕐᕉᑎᑕᐅᔪᒫᕐᒪᑕ.”

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.