ᓘᑲᓯᐅᑉ ᐊᒡᓚᖏᑦ 18:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᑕᕝᕔᓐᓇᖅ ᑕᐅᑐᓕᕐᐳᖅ ᔩᓱᓯ ᒪᓕᓕᕐᓗᒍ, ᒎᑎᓗ ᓂᕐᑐᕐᐹ; ᐃᓄᓕᒫᑦ ᑕᒪᑐᒥᖓ ᑕᑯᒐᒥᒃ, ᒎᑎ ᓂᕐᑐᓕᕐᐹᑦ.

Aglait Ijjurnaittut

⁴³ Tavvainnaq tautuliqpuq Jiisusi malilirlugu, Guutilu niqtuqpaa; inulimaat tamatuminga takugamik, Guuti niqtuliqpaat.

ᓘᑲᓯᐅᑉ ᐊᒡᓚᖏᑦ 18:43 Iomraidhean Croise

ᐃᓐᖏᕈᑎᑦ 107:15

ᑖᒃᑯᐊ ᐊᑕᓂᖅ ᖁᔭᒋᓂᐊᕐᐹᑦ ᓇᒡᓕᒍᓱᐃᓐᓇᕐᓂᖓ ᐱᑦᔪᑎᒋᓪᓗᒍ, ᐱᐅᔪᐊᓗᖕᒥᒡᓗ ᐱᓇᓱᐊᕐᓯᒪᓂᖓ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒍ!

ᐃᓐᖏᕈᑎᑦ 107:8

ᑖᒃᑯᐊ ᐊᑕᓂᖅ ᖁᔭᒋᓕᑦᔪᒃ ᓇᒡᓕᒍᓱᑦᓮᓐᓇᕐᓂᖓ ᐱᓪᓗᒍ, ᐱᓂᐊᕐᓂᖏᓪᓗ ᑲᒪᓇᕐᑐᑦ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒋᑦ!

ᐃᓐᖏᕈᑎᑦ 146:8

ᐊᑕᓂᖅ ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᕗᖅ. ᐊᑕᓂᐅᑉ ᒥᑭᒡᓕᑎᕐᑐᑦ ᒪᑭᑎᑉᐰᑦ; ᐊᑕᓂᐅᑉ ᓇᓛᒎᕐᑐᑦ ᓇᒡᓕᒋᕔᑦ.

ᐃᓐᖏᕈᑎᑦ 30:2

ᐊᑕᓃᖅ, ᒎᑎᒐ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᒐᒪ, ᑕᕝᕙ ᑎᒥᒃᑯᑦ ᐋᖅᑭᓚᐅᕐᐸᕐᒪ.

ᐂᓮᐊᓯᐅᑉ ᐊᒡᓚᖏᑦ 35:5

ᑕᕝᕙ ᑕᐅᑐᖏᑦᑐᑦ ᐃᔨᖏᑦ ᑕᑯᓕᕈᒫᕐᐳᑦ, ᑐᓵᖏᑦᑐᓪᓗ ᓯᐅᑎᖏᑦ ᑐᓵᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 21:14

ᑕᐅᑐᖏᑦᑐᑦ ᑐᓯᐊᑦᑐᓪᓗ ᔩᓱᓯᒧᐊᕐᐳᑦ ᑐᒃᓯᐊᕐᕕᒡᔪᐊᕐᒥ, ᑖᒃᑯᐊ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 9:8

ᐃᓄᐃᓪᓕ ᑕᒪᑐᒥᖓ ᑕᑯᓐᓇᕐᑐᑦ, ᑲᒪᓂᐊᒻᒪᕆᒃᐳᑦ, ᒎᑎᒥᒃ ᓂᕐᑐᐃᓕᕐᓗᑎᒃ, ᐃᓄᖕᓄᑦ ᐱᔪᓐᓇᕐᓂᕐᒥᒃ ᑐᓂᓯᓯᒪᓂᖓᓄᑦ.

ᓘᑲᓯᐅᑉ ᐊᒡᓚᖏᑦ 13:17

ᑍᒫᒃ ᐅᖃᕐᒪᑦ, ᐊᑭᕋᕐᑐᕋᓱᐊᕐᑐᓕᒫᑦ ᑲᓐᖑᓱᓕᕐᐳᑦ; ᐃᓄᓕᒫᑦ ᖁᕕᐊᓱᒃᑐᐊᓘᓕᕐᓗᑎᒃ, ᔩᓱᓯᐅᑉ ᑲᒪᓇᕐᑎᑕᓕᒫᖏᑦ ᐱᑦᔪᑎᒋᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 19:37

ᔨᕉᓴᓕᒻᒧᑦ ᖃᒡᓕᒐᒥᒃ, ᖃᖅᑲᖅ ᓇᐹᕐᑐᓕᒃ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᑉ ᐊᖅᑯᑖᓄᐊᕐᐳᑦ, ᒪᓕᒃᑎᖏᑦ ᐅᓄᕐᑐᐊᓗᐃᑦ ᖁᕕᐊᓱᕐᒪᕆᓕᕐᐳᑦ ᒎᑎ ᓂᕐᑐᕐᐹᑦ ᓂᐱᖅᑯᕐᑐᓪᓗᑎᒃ; ᔩᓱᓯᐅᑉ ᑲᒪᓇᕐᑐᓕᓂᖏᑦ ᑕᑯᓯᒪᔭᑎᒃ ᐱᑦᔪᑎᒋᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 4:39

ᔩᓱᓯᐅᑉ ᐅᐸᒃᑲᒥᐅᒃ ᐃᒡᓕᖓᑕ ᓴᓂᐊᓂ ᓇᖏᕐᓗᓂ, ᐋᓐᓂᐊᖓ ᐆᑎᕐᓇᕐᑐᖅ ᐊᓂᖁᕚ, ᑕᕝᕙᓐᖓᑦ ᐊᓂᕗᖅ; ᐊᕐᓇᖅ ᑕᕝᕔᓐᓇᖅ ᒪᑭᓐᓇᒥ ᑕᕝᕙᓃᑦᑐᑦ ᐱᔨᑦᓯᕋᓕᕐᐰᑦ.

ᓘᑲᓯᐅᑉ ᐊᒡᓚᖏᑦ 5:26

ᑕᕝᕙᓃᑦᑐᓕᒫᑦ ᑲᒪᒻᒪᕆᓕᕐᐳᑦ, ᑲᑉᐱᐊᓱᒡᓗᑎᒃ, ᒎᑎ ᓂᕐᑐᕐᓗᒍ ᐅᖃᕐᐳᑦ, “ᐅᓪᓗᒥ ᑕᑯᓚᐅᕐᓯᒪᓐᖏᑕᑦᑎᓐᓂᒃ ᑕᑯᕗᒍᑦ.”

ᓘᑲᓯᐅᑉ ᐊᒡᓚᖏᑦ 9:43

ᐃᓄᓕᒫᑦ ᑲᒪᕕᒃᔪᐊᕐᐳᑦ ᒎᑎᐅᑉ ᐊᔪᖏᓐᓂᐊᓗᐊᓂᒃ. ᐃᓄᐃᑦ ᑲᒪᔪᐊᓘᑎᓪᓗᒋᑦ ᓱᓕ ᔩᓱᓯᐅᑉ ᐱᓂᐊᕐᓂᖓᓂᒃ, ᐃᓕᓐᓂᐊᕐᑎᓂ ᐅᖃᐅᑎᕔᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 4:21

ᑲᑎᒪᔨᕐᔪᐊᑦ ᑖᒃᑯᓂᖓ ᓯᕘᕋᓵᕐᓗᒋᒃ ᐃᓂᕐᑎᕆᒃᑲᓐᓂᕐᐳᑦ, ᐊᓂᑎᓪᓗᒋᒃ, ᓱᒋᐊᕐᑕᐅᑦᔫᑎᒃᓴᖏᖕᓂᒃ ᓇᓂᓯᖏᓐᓇᒥᒃ, ᐃᓄᐃᑦ ᐱᑦᔪᑎᒋᓪᓗᒋᑦ; ᐃᓄᓕᒫᑦ ᒎᑎᒥᒃ ᓂᕐᑐᐃᓕᕐᒪᑕ ᐋᖅᑭᒃᑕᐅᔪᖅ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 1:24

ᑍᒤᒻᒪᑦ ᐅᕙᓐᓂᒃ ᐱᑦᔪᑎᖃᕐᓗᑎᒃ ᒎᑎᒥᒃ ᓂᕐᑐᐃᖃᑦᑕᕐᐳᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.