ᓘᑲᓯᐅᑉ ᐊᒡᓚᖏᑦ 18:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

Aglait Ijjurnaittut

¹⁴ Uqautivassi, taanna Ruumamiut kiinaujaiqtitsijinga Guutimut naammagijauniqsaulirluni aipparijaminit igluminut angirralauqpuq; nalliat imminik angijuruqtittuq Guutiup mikiglitirniaqpaa, immingnigli mikiglitiqtuq taanna angijuruqtitauniaqpuq.”

ᓘᑲᓯᐅᑉ ᐊᒡᓚᖏᑦ 18:14 Iomraidhean Croise

ᔫᐱᐅᑉ ᐊᒡᓚᖏᑦ 22:29

ᒎᑎᐅᑉ ᐱᐅᔪᕆᔪᑦ ᐅᕐᕈᑎᑉᐰᑦ, ᐱᐅᔪᕆᖏᑦᑐᓪᓕ ᐱᐅᓕᕔᑦ.

ᔫᐱᐅᑉ ᐊᒡᓚᖏᑦ 25:4

ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?

ᔫᐱᐅᑉ ᐊᒡᓚᖏᑦ 9:20

ᐸᓯᔭᒃᓴᐅᖏᒃᑲᓗᐊᕋᒪ, ᓇᖕᒥᓂᖅ ᐅᖃᐅᓯᓐᓄᑦ ᐸᓯᔭᒃᓴᕈᕋᔭᕐᐳᖓ; ᓵᑕᐅᑦᔪᑎᒃᓴᖃᖏᒃᑲᓗᐊᕈᒪ, ᑖᑦᓱᒪ ᑕᑯᑎᒐᔭᕐᐹᖓ ᓱᒋᐊᕐᑕᐅᔪᒃᓴᐅᓂᓐᓂᒃ.

ᐃᓐᖏᕈᑎᑦ 138:6

ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ.

ᐃᓐᖏᕈᑎᑦ 143:2

ᐱᔩᑦ ᐃᖅᑲᕐᑐᕐᓂᐊᕐᓇᒍ; ᓵᖕᓂ ᐃᓄᐃᑦ ᐃᓅᔪᑦ ᐸᓯᔭᒃᓴᐅᖏᑦᑐᖃᖏᒻᒪᑕ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:33

ᐊᑕᓂᕐᒥᒃ ᓯᕘᕋᓂᖅ ᐊᔪᕆᕐᑐᐃᓂᐅᕗᖅ ᓯᓚᑐᓂᕐᒥᒃ ᒥᑭᒡᓕᑎᕐᓯᒪᓂᖅ ᓯᕗᓪᓕᐅᕗᖅ ᐅᐱᒋᔭᐅᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:12

ᐊᓯᕈᕐᑕᐅᓂᖅ ᐱᒋᐊᓚᐅᕐᑎᓐᓇᒍ ᐃᓄᒃ ᐆᒻᒪᑎᒥᒍᑦ ᐱᔪᓐᓇᕋᓱᒋᓗᐊᕐᓂᖃᓲᖑᕗᖅ, ᒥᑭᒡᓕᑎᕐᓯᒪᓂᕐᓕ ᓯᕗᓪᓕᐅᓲᖑᕗᖅ ᐅᐱᒋᔭᐅᓂᖅ ᐊᑐᓚᐅᕐᑎᓐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:7

ᐱᐅᓂᕐᓴᐅᖕᒪᑦ ᐃᓕᖕᓄᑦ ᐅᖃᕐᐸᑦ, “ᒪᐅᖓ ᕾᓚᐅᕆᑦ,” ᐊᒃᐸᓯᖕᓂᕐᓴᒨᖁᔭᐅᒐᔭᕐᓂᕐᓂᑦ ᐊᖓᔪᖅᑳᕐᔪᐊᑉ ᑐᖏᓕᖏᑕ ᓇᔪᕐᓂᖓᓂᑦ, ᐃᔨᖕᓄᑦ ᑕᒪᓐᓇ ᑕᑯᓚᐅᕐᑍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:23

ᐊᖑᑦ ᐱᐅᔪᕆᓂᕐᒥᖕᓄᑦ ᑲᓐᖑᓱᒃᑎᑕᐅᔪᒫᕐᐳᖅ, ᐱᐅᔪᕆᖏᑦᑐᕐᓕ ᐊᓂᕐᓂᕐᒥᒍᑦ ᐅᐱᒋᔭᐅᓕᕈᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:34

ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 45:25

ᐊᑕᓂᕐᒥᓕ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᓵᓚᖃᕐᑎᑕᐅᔪᒫᕐᐳᑦ, ᓂᕐᑐᕐᓇᕐᑎᑕᐅᓗᑎᒡᓗ.’”

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᕼᐊᐸᑲᐅᑉ ᐊᒡᓚᖏᑦ 2:4

‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”

ᒫᑎᐅᓯᐅᑉ ᐊᒡᓚᖏᑦ 23:12

ᐃᒻᒥᓂᒃ ᐊᖏᔪᕈᕐᑎᑦᑐᖅ ᑖᓐᓇ ᒥᑭᒡᓕᑎᑕᐅᓂᐊᕐᐳᖅ, ᐃᒻᒥᓂᒡᓗ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 5:3

“ᓮᒪᓇᕐᑐᒦᑉᐳᑦ ᐊᓂᕐᓂᒃᑯᑦ ᐊᔪᕐᓴᕐᑐᑦ; ᒎᑎᐅᑉ ᐊᑕᓂᐅᕕᖓᓂᒃ ᐱᖃᓕᕐᒪᑕ.

ᓘᑲᓯᐅᑉ ᐊᒡᓚᖏᑦ 1:52

ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖏᓐᓂᑦ ᐅᕐᕈᑎᑉᐰᑦ, ᐱᔪᓐᓇᕐᓂᖃᖏᑦᑐᓪᓗ ᓂᑯᕕᑎᑉᐰᑦ.

ᓘᑲᓯᐅᑉ ᐊᒡᓚᖏᑦ 10:29

ᐱᖁᔭᓂᒃ ᐃᓕᓮᔨ ᓈᒻᒪᑦᑎᐊᕐᑐᒦᓐᓂᕐᒥᖕᓂᒃ ᖃᐅᔨᒪᔭᐅᔪᒪᓕᕋᒥ ᔩᓱᓯ ᐊᐱᕆᕚ, “ᑭᓇᓕ ᑍᒪ ᐃᓅᖃᑎᒋᕙᕋ?”

ᓘᑲᓯᐅᑉ ᐊᒡᓚᖏᑦ 14:11

ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 4:5

ᐃᓄᒡᓕ ᐅᒃᐱᕐᑐᖅ ᐱᓇᓱᐊᕐᓂᕐᒥᓄᑦ ᐱᓇᓂ; ᑕᑎᖃᕐᓗᓂᓗ ᒎᑎᒥᒃ ᐱᐅᖏᑦᑐᓕᔪᓂᒃ ᐸᓯᔭᒃᓴᐅᔪᓐᓃᕐᑎᑦᓯᔪᒥᒃ, ᐅᒃᐱᕐᓂᕐᒥᓄᑦ ᐃᓗᐊᕐᑑᓂᕋᕐᑕᐅᕗᖅ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 8:33

ᒎᑎᐅᑉ ᓂᕈᐊᕐᓯᒪᔭᖏᑦ ᑭᐊ ᐊᑭᕋᕐᑐᕈᓐᓇᕐᐰᑦ? ᒎᑎ ᑖᓐᓇ ᐸᓯᔭᒃᓴᐅᔪᓐᓃᕐᑎᑦᓯᑎᓪᓗᒍ;

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”

ᓴᒧᐃᓕ ᓯᕗᓪᓖᑦ 1:18

ᕼᐋᓇ ᑭᐅᕗᖅ, “ᐱᔩᑦ ᖁᕕᐊᒋᓗᒍ ᐃᓱᒪᒋᑦᓯᐊᕈᒃ,” ᑕᕝᕙ ᐊᕐᓇᖅ ᑕᕝᕙᓐᒐᑦ ᐊᓂᒐᒥ ᓂᕆᓕᓚᐅᕐᐳᖅ, ᑮᓇᖓᓗ ᖁᕕᐊᓱᖏᓐᓂᕐᒧᑦ ᑕᑯᑦᓱᓇᕈᓐᓃᕐᓗᓂ.