ᓘᑲᓯᐅᑉ ᐊᒡᓚᖏᑦ 17:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑍᑦᓱᒪᓂ ᓄᐊᑉ ᓇᓪᓕᐅᓐᓂᖓᓂ, ᐃᓄᐃᑦ ᓂᕆᓚᐅᕐᐳᑦ ᐃᒥᕐᓗᑎᒡᓗ, ᓄᓕᐊᓂᒃᐳᑦ ᐅᐃᓂᒡᓗᑎᒡᓗ, ᐅᓪᓗᖅ ᓄᐊᑉ ᐅᒥᐊᕐᔪᐊᒧᑦ ᐃᑎᕐᕕᖓ ᑎᑭᓪᓗᒍ, ᐅᓕᕕᒡᔪᐊᖅ ᑎᑭᒻᒪᑦ ᑍᒃᑯᐊᓕᒫᑦ ᑐᖁᓚᐅᕐᐳᑦ.

Aglait Ijjurnaittut

²⁷ Taissumani Nuap nalliunningani, inuit nirilauqput imirlutiglu, nulianikput uiniglutiglu, ulluq Nuap umiarjuamut itirvinga tikillugu, ulivigjuaq tikimmat taikkualimaat tuqulauqput.

ᓘᑲᓯᐅᑉ ᐊᒡᓚᖏᑦ 17:27 Iomraidhean Croise

ᒨᓯᓯ ᓯᕗᓪᓖᑦ 7:23

ᐊᑕᓂᐅᑉ ᐆᒪᔪᓐᓇᕐᑐᓕᒫᑦ ᓄᓇᕐᔪᐊᕐᒥ, ᐃᓄᐃᑦ, ᐆᒪᔪᑦ, ᐹᕐᖑᕐᑐᓪᓗ, ᑎᖕᒥᐊᓗ ᖃᖓᑕᕙᒃᑐᑦ; ᓄᖑᓚᐅᕐᐰᑦ ᓄᓇᒥ. ᓄᐊ ᐊᒥᐊᒃᑯᑑᓚᐅᕐᐳᖅ, ᐅᒥᐊᕐᔪᐊᕐᒦᖃᑎᖏᓪᓗ.

ᒨᓯᓯ ᓯᕗᓪᓖᑦ 7:7

ᓄᐊᓗ ᓄᓕᐊᖓᓗ, ᐃᕐᓂᖏᑕᓗ ᓄᓕᐊᖏᑦ ᐃᓚᒋᓪᓗᒋᑦ, ᐅᒥᐊᕐᔪᐊᒧᑦ ᐃᑎᓚᐅᕐᐳᑦ, ᐅᓕᕕᒃᔪᐊᒥᑦ ᓴᐳᑎᔭᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 21:4

ᓂᐊᖁᕋᓗ ᐅᐃᑦᔭᓐᖑᓕᕐᓗᓂ ᑲᑉᐱᐊᓱᖕᓂᕐᒧᓪᓗ ᓴᔪᓗᓕᕐᓗᖓ, ᐅᓐᓄᖕᓂᐊᕐᑐᖅ ᐊᑯᓂᒋᓕᓚᐅᕐᐸᕋ ᑎᑭᐅᑎᒐᓗᐊᕐᒪᓪᓗ ᐱᐅᓂᕐᓴᒦᓚᐅᓐᖏᓚᖓ ᑲᑉᐱᐊᓇᕐᑐᓄᑦ ᑎᑭᑕᐅᒃᑲᓐᓂᑐᐃᓐᓇᓚᐅᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 47:11

ᐱᐅᖏᑦᑐᐊᓗᖕᒧᑦ ᑎᑭᑕᐅᔪᒫᕐᐳᓯ, ᐊᖓᒃᑯᖁᑎᑦᓯᒍᑦ ᐊᔪᕐᑕᑦᓯᓐᓂᒃ; ᐊᓯᕈᕐᑕᐅᓇᕐᑐᒧᑦ ᑎᑭᑲᓪᓚᒡᕕᐅᔪᒫᕋᑦᓯ ᓴᖑᑎᑦᓱᓐᓇᓐᖏᑕᑦᓯᓐᓄᑦ. ᓱᒃᑯᑕᐅᓂᕐᒧᑦ ᑎᑭᑕᐅᔪᒫᕋᑦᓯ ᑕᕝᕔᓐᓇᖅ ᓂᕆᐅᒋᓚᐅᓐᖏᑕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 22:30

ᑐᖁᖓᔪᓂᑦ ᒪᑭᑦᑐᑦ ᓄᓕᐊᓂᒋᐊᖃᕈᒫᓐᖏᓚᑦ ᐂᑉᐸᕐᑖᖃᑦᑕᖏᓪᓗᑎᒡᓗ, ᐂᖏᓕᑎᑐᑦ ᕿᓚᖕᒥᐅᑕᑎᑐᑦ ᑍᒤᑦᓱᒫᕐᐳᑦ.

ᓘᑲᓯᐅᑉ ᐊᒡᓚᖏᑦ 17:26

ᓲᕐᓗ ᓄᐊᖅ ᐃᓅᑎᓪᓗᒍ ᑍᒤᓚᐅᕐᒪᑦ, ᑍᒤᑦᓱᒫᕆᕗᕐᑕᐅᖅ ᐃᓅᑉ ᐃᕐᓂᖓᑕ ᐅᓪᓗᖓᑕ ᓇᓪᓕᐅᓐᓂᖓᓂ.

ᓘᑲᓯᐅᑉ ᐊᒡᓚᖏᑦ 17:28

ᓲᕐᓗᑦᑕᐅᖅ ᓘᑎ ᐃᓅᑎᓪᓗᒍ ᐃᓄᐃᑦ ᓂᕆᓚᐅᕐᐳᑦ, ᐃᒥᕐᓗᑎᒡᓗ, ᓂᐅᕕᕐᓗᑎᒃ, ᓂᐅᕐᕈᑎᖃᕐᓗᑎᒡᓗ, ᓂᕿᒃᓴᓂᒃ ᐱᕈᕐᓰᕗᑦ, ᐃᒡᓗᓕᐅᕐᓗᑎᒡᓗ,

ᓴᒧᐃᓕ ᓯᕗᓪᓖᑦ 30:16

ᑕᕝᕙ ᑕᓯᐅᓚᐅᕐᐰᑦ ᑍᕕᑎᒃᑯᑦ ᑍᒃᑯᓄᖓ. ᐅᓇᑕᕆᐊᕐᓯᒪᓚᐅᕐᑐᑦ ᓯᐊᒻᒪᖓᓚᐅᕐᐳᑦ ᓇᒧᑐᐃᓐᓇᖅ, ᓂᕆᓪᓗᑎᒃ ᐃᒥᕐᓗᑎᒡᓗ, ᖁᕕᐊᓱᒍᑎᖃᑦᓱᑎᒃ ᑎᒍᔭᕕᓂᕐᒥᖕᓂᒃ ᐱᓕᔅᑍᓂᐅᒥᐅᓂᑦ ᔫᑕᒥᐅᓂᓪᓗ.