ᓘᑲᓯᐅᑉ ᐊᒡᓚᖏᑦ 17:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓲᕐᓗ ᓄᐊᖅ ᐃᓅᑎᓪᓗᒍ ᑍᒤᓚᐅᕐᒪᑦ, ᑍᒤᑦᓱᒫᕆᕗᕐᑕᐅᖅ ᐃᓅᑉ ᐃᕐᓂᖓᑕ ᐅᓪᓗᖓᑕ ᓇᓪᓕᐅᓐᓂᖓᓂ.

Aglait Ijjurnaittut

²⁶ Suurlu Nua inuutillugu taimailaurmat, taimaittumaarivuqtauq Inuup Irningata ullungata nalliunningani.

ᓘᑲᓯᐅᑉ ᐊᒡᓚᖏᑦ 17:26 Iomraidhean Croise

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᒨᓯᓯ ᓯᕗᓪᓖᑦ 6:8

ᓄᐊᓕ ᐊᑕᓂᐅᑉ ᑕᑯᓪᓗᓂᐅᒃ ᖁᕕᐊᒋᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 22:13

ᖁᕕᐊᓱᒡᓗᓯᓕ ᐊᓕᐊᓁᒍᓱᓚᐅᕐᐳᓯ, ᓂᕆᕕᒡᔪᐊᕐᓂᐊᕐᑕᑦᓯᓐᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᑐᖁᑦᓯᓚᐅᕐᐳᓯ, ᓂᕆᓪᓗᓯ ᐃᒥᕐᓗᓯᓗ ᕔᓂᒥᒃ: ᐅᖃᕐᓗᓯ, “ᓂᕆᓚᐅᕐᑕ ᐃᒥᕐᓗᑕᓗ, ᖃᐅᒃᐸᑦ ᑐᖁᓂᐊᓕᕋᑦᑕ!”

ᓘᑲᓯᐅᑉ ᐊᒡᓚᖏᑦ 17:22

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐅᑎᔪᖃᓛᒦᔪ, ᐃᓅᑉ ᐃᕐᓂᖓᑕ ᐅᓪᓗᕐᒥᒃ ᓴᖅᑭᑉᕕᒃᓴᖓᓂᒃ ᑕᑯᔪᒪᓪᓕᕐᕕᒋᓯᒪᔭᑦᓯᓐᓂᒃ ᑭᓯᐊᓂ ᐅᓪᓗᕐᒥᒃ ᑕᑯᕕᒃᓴᕐᑕᖃᓛᒋᑦᑐᖅ.

ᓘᑲᓯᐅᑉ ᐊᒡᓚᖏᑦ 17:24

ᓲᕐᓗ ᖃᐅᒻᒫᓪᓚᒃ ᖃᐅᒪᑎᑦᓯᑬᓐᓇᓲᖑᖕᒪᑦ ᓯᓚᒃᑯᑦ ᐃᖏᕐᕋᓪᓗᓂ ᓱᒃᑲᔪᒥᒃ, ᑍᒤᑦᓱᒫᕆᕗᕐᑕᐅᖅ ᐃᓅᑉ ᐃᕐᓂᖓᑕ ᐅᓪᓗᖓᓂ.

ᓘᑲᓯᐅᑉ ᐊᒡᓚᖏᑦ 17:27

ᑍᑦᓱᒪᓂ ᓄᐊᑉ ᓇᓪᓕᐅᓐᓂᖓᓂ, ᐃᓄᐃᑦ ᓂᕆᓚᐅᕐᐳᑦ ᐃᒥᕐᓗᑎᒡᓗ, ᓄᓕᐊᓂᒃᐳᑦ ᐅᐃᓂᒡᓗᑎᒡᓗ, ᐅᓪᓗᖅ ᓄᐊᑉ ᐅᒥᐊᕐᔪᐊᒧᑦ ᐃᑎᕐᕕᖓ ᑎᑭᓪᓗᒍ, ᐅᓕᕕᒡᔪᐊᖅ ᑎᑭᒻᒪᑦ ᑍᒃᑯᐊᓕᒫᑦ ᑐᖁᓚᐅᕐᐳᑦ.

ᓘᑲᓯᐅᑉ ᐊᒡᓚᖏᑦ 17:7

“ᓇᓪᓕᓯ ᐱᔨᖃᕈᓂ ᐱᕈᕐᓰᕕᖕᒥ ᓄᓇᓕᕆᔪᒥᒃ ᐆᒪᔪᓂᒡᓘᓐᓃᑦ ᓰᐱᓂᒃ ᑲᒪᔪᒥᒃ, ᕾᒃᐸᑦ ᐅᖃᐅᑎᒐᔭᕐᐱᐅᒃ ‘ᑐᐊᕕᕐᓗᑎᑦ ᓂᕆᓕᕆᑦ?’

ᓘᑲᓯᐅᑉ ᐊᒡᓚᖏᑦ 18:8

ᐅᖃᐅᑎᕙᑦᓯ, ᐃᓄᖁᑎᓂ ᑕᕝᕔᓐᓇᖅ ᐃᑲᔪᕈᒪᒐᔭᕐᐰᑦ. ᐃᓅᑉ ᐃᕐᓂᖓ ᓄᓇᕐᔪᐊᕐᒧᑦ ᑎᑭᒃᑯᓂ, ᐅᒃᐱᕐᓂᖃᑦᓯᐊᕐᑐᓂᒃ ᓇᓂᓯᒐᔭᕐᐹ?”

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐲᑦᑐᕉᓯ ᐂᑉᐸᖏᑦ 2:5

ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.

ᐲᑦᑐᕉᓯ ᐂᑉᐸᖏᑦ 3:6

ᐃᒪᕐᒧᑦᑕᐅᖅ ᓯᓚᕐᔪᐊᖅ ᐅᓕᕕᒡᔪᐊᕐᑎᓪᓗᒍ ᐊᓯᐅᑎᑕᐅᓚᐅᕐᐳᖅ.