ᓘᑲᓯᐅᑉ ᐊᒡᓚᖏᑦ 15:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐅᕝᕙᓗ ᐊᕐᓇᖅ, 10ᓂᒃ ᑮᓇᐅᔭᖁᑎᖃᕐᑐᖅ, ᐊᑕᐅᓯᕐᒥᒃ ᐊᓯᐅᔨᒍᓂ, ᓇᓂᕈᐊᒥᒃ ᐃᑭᑦᓯᒐᔭᓐᖏᓛᖅ, ᐃᒡᓗ ᓴᓂᕐᓗᒍ ᕿᓂᑦᓯᐊᕋᔭᓐᖏᓚᐅᒃ ᓇᓂᖅᑳᕐᓇᒍ?

Aglait Ijjurnaittut

⁸ “Uvvalu arnaq, 10-nik kiinaujaqutiqaqtuq, atausirmik asiujiguni, naniruamik ikitsigajanngilaq, iglu sanirlugu qinitsiarajanngilauk naniqqaarnagu?

ᓘᑲᓯᐅᑉ ᐊᒡᓚᖏᑦ 15:8 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᒫᑎᐅᓯᐅᑉ ᐊᒡᓚᖏᑦ 5:15

ᓇᓂᕈᐊᕐᒥᒃ ᐃᑭᑦᓯᔪᖃᕐᐸᒃᐹ ᖃᑦᑕᕐᒧᑦ ᐳᓯᑦᔪᑎᓂᐊᕐᑕᒥᓂᒃ; ᖃᐅᒻᒪᖅᑯᓪᓕ ᐃᑭᑕᐅᓲᖑᕗᖅ ᐃᓂᖓᓄᐊᕐᑕᐅᓪᓗᓂ, ᐃᒡᓗᒦᑦᑐᓕᒫᑦ ᖃᐅᒻᒪᒃᑎᑕᐅᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 15:7

ᑍᒫᒃᑕᐅᖅ ᐅᖃᐅᑎᕙᑦᓯ, ᐊᖏᓂᕐᓴᒥᒃ ᕿᓚᖕᒥ ᖁᕕᐊᓲᑎᒋᔭᐅᓂᐊᕐᐳᖅ ᐊᔪᕐᑐᓕᔪᖅ ᐊᑕᐅᓯᖅ ᓵᒋᐊᕐᐸᑦ ᐊᒡᓛᑦ ᑍᒃᑯᓇᓐᖓᑦ 99ᓂᑦ ᐃᓗᐊᕐᑐᓂᑦ ᓵᒋᐊᕆᐊᖃᖏᑦᑐᓂᑦ ᖁᕕᐊᓲᑕᐅᓂᕐᓴᐅᕗᖅ.”

ᓘᑲᓯᐅᑉ ᐊᒡᓚᖏᑦ 15:9

ᓇᓂᒍᓂᐅᒃ, ᐃᓚᓐᓈᕆᔭᓂ ᐃᓅᖃᑎᓂᓗ ᕾᖁᒐᔭᕐᐰᑦ ᐅᖃᐅᑎᓗᒋᑦ, ‘ᖁᕕᐊᓱᖃᑎᒋᓯᓐᖓ, ᑮᓇᐅᔭᕋ ᐊᓯᐅᔨᓯᒪᓚᐅᕐᑕᕋ ᓇᓂᒐᒃᑯ.’

ᓘᑲᓯᐅᑉ ᐊᒡᓚᖏᑦ 19:10

ᐃᓅᑉ ᐃᕐᓂᖓ ᑎᑭᓯᒪᖕᒪᑦ ᐊᓯᐅᓯᒪᔪᑦ ᕿᓂᕆᐊᕐᓗᒋᑦ ᐱᐅᓕᔭᕐᑐᕐᓗᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:19

ᐊᒥᓱᑦ ᐊᖓᒃᑰᓚᐅᕐᑐᑦ, ᐅᖃᓕᒫᒐᕐᓂᒃ ᐊᖓᒃᑰᑦᔪᑎᒥᖕᓂᒃ ᕾᑦᓯᕗᑦ ᐃᑭᓪᓗᒋᑦ ᐃᓄᐃᑦ ᑕᒃᑯᐊᓂ; ᐊᖓᒃᑰᑦᔪᑎᑦ ᐃᑭᑕᐅᔪᑦ ᐊᑭᖏᑦ ᖃᐅᔨᓇᓱᐊᕋᒥᑦᔪᒃ ᑲᑎᓪᓗᒋᑦ ᐊᑭᖃᓚᐅᕐᐳᑦ 50,000ᓂᒃ ᓯᐅᓪᕕᕆᓂᒃ.

ᐃᐱᓯᒥᐅᓄᑦ 2:17

ᑎᑭᓚᐅᕆᕗᖅ ᐅᖃᐅᓯᖃᕐᓗᓂ ᑕᒤᓐᓄᑦ ᐃᓅᖃᑎᒌᑦᓯᐊᓕᕐᓇᕐᑐᒥᒃ ᐃᓕᑦᓯᓐᓄᑦ ᐅᖓᓯᒃᑐᒦᓚᐅᕐᑐᓄᑦ ᖃᓂᑦᑐᒦᓚᐅᕐᑐᓄᓪᓗ;