ᓘᑲᓯᐅᑉ ᐊᒡᓚᖏᑦ 15:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ “ᓇᓕᕐᓯ ᓰᐱᖁᑎᖃᕈᓂ 100ᓂᒃ, ᐃᓚᖓᑦ ᐊᑕᐅᓯᖅ ᐊᓯᐅᒃᐸᑦ, ᑖᒃᑯᐊ 99 ᐃᓄᖃᖏᑦᑐᒧᑦ ᕿᒪᒃᑲᔭᓐᖏᓔᑦ, ᑍᓐᓇ ᐊᑕᐅᓯᖅ ᕿᓂᕆᐊᕐᓗᒍ ᕿᓃᓐᓇᕋᔭᓐᖏᓚᐅᒃ ᓇᓂᖅᑳᕐᓇᒍ?

Aglait Ijjurnaittut

⁴ “Naliqsi siipiqutiqaruni 100-nik, ilangat atausiq asiukpat, taakkua 99 inuqanngittumut qimakkajanngilait, tainna atausiq qiniriarlugu qiniinnarajanngilauk naniqqaarnagu?

ᓘᑲᓯᐅᑉ ᐊᒡᓚᖏᑦ 15:4 Iomraidhean Croise

ᐃᓐᖏᕈᑎᑦ 119:176

ᓰᐱᑎᑐᑦ ᐊᓯᐅᓯᒪᔪᑎᑐᑦ ᑕᒻᒪᓚᐅᕐᐳᖓ; ᐱᔩᑦ ᕿᓂᕆᐊᓚᐅᕈᒃ, ᐱᖁᔭᑎᑦ ᐳᐃᒍᓚᐅᖏᓐᓇᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 33:13

ᖃᖅᑲᒦᑦᑐᑦ ᐃᒡᓗᒐᓮᑦ, ᓇᑎᕐᓇᓂ ᓄᓇᖃᕐᑐᑦ, ᔫᑕᒥᐅᓪᓗ ᐅᓪᓗᓪᓗᐊᖓᑕ ᓇᓛᓂᒥᐅᑦ ᓂᒋᑉᒥ, ᐱᓐᔭᒥᓂᐅᓪᓗ ᓄᓇᖓᓂ, ᓄᓇᓖᓪᓗ ᔨᕉᓴᓕᐅᑉ ᖃᓂᒋᔭᖓᓃᑦᑐᑦ, ᔫᑕᐅᓪᓗ ᐃᒡᓗᒐᓴᖏᓐᓃᑦᑐᑦ, ᓰᐱᓕᕆᔨᖏᑦ ᓈᓮᔪᓐᓇᕐᓯᔪᒫᕆᕗᑦ ᓰᐱᖁᑎᒥᖕᓂᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:31

ᓰᐱᖁᑎᒋᕙᑦᓯᓗ, ᓂᕆᑎᖃᑦᑕᕐᐸᑦᓯ, ᒎᑎᒋᕙᑦᓯᓐᖓᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 34:4

ᓴᓐᖐᑦᑐᑦ ᓄᑭᒃᑖᑎᓐᖏᓚᓯ, ᖃᓂᒪᔪᓪᓗ ᐋᖅᑭᖕᓇᒋᑦ, ᑭᓕᕐᓯᒪᔪᑦ ᒪᑦᑐᓯᕐᐸᓐᖏᓚᓯ, ᐊᕝᕗᑎᔪᑦ ᐅᑎᕐᑎᑉᐸᓐᖏᓚᓯ, ᐊᓯᐅᔪᑦ ᕿᓂᕐᐸᖕᓇᒋᑦ; ᐃᓱᒪᓯᐅᕐᓇᒋᓪᓗ ᐊᐅᓚᑉᐸᒃᐸᓯ ᐃᓴᒋᖏᑦᓯᐊᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:8

ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᓰᐱᖁᑎᒃᑲ ᑐᖁᑕᐅᖃᑦᑕᓕᕐᐳᑦ, ᐆᒪᔪᓄᓪᓗ ᐃᕐᓯᓇᕐᑐᓄᑦ ᖃᓄᐃᑦᑐᑐᐃᓐᓇᓄᑦ ᓂᕿᒋᔭᐅᖃᑦᑕᓕᕐᐳᑦ, ᐰᕐᓯᔨᖃᖏᓐᓇᒥᒃ; ᐰᕐᓯᔨᖁᑎᒃᑲ ᕿᓂᕆᐊᓚᐅᕐᓯᒪᖏᒻᒪᑕ ᓰᐱᖁᑎᓐᓂᒃ, ᐰᕐᓯᔩᑦ ᐃᒥᖕᓃᓐᓇᖅ ᓂᕆᑎᑐᐃᓐᓇᖃᑦᑕᕐᒪᑕ, ᓰᐱᖁᑎᒃᑲᓗ ᓂᕆᑎᓚᐅᕐᓯᒪᓇᒋᑦ;

ᒫᑎᐅᓯᐅᑉ ᐊᒡᓚᖏᑦ 12:11

ᔩᓱᓯᐅᑉ ᐅᖃᐅᑎᕔᑦ, “ᓇᓪᓕᓯᓕ ᖃᓄᖅ ᐱᒐᔭᕐᐹ ᓰᐱᖁᑎᖃᕐᑑᑉ, ᓴᐸᑎᐅᑎᓪᓗᒍ ᓰᐱᖁᑎᖓ ᐃᑎᕐᓴᒧᑦ ᐃᓗᑐᔪᒧᑦ ᑲᑕᒃᐸᑦ, ᑎᒍᓗᒍ ᖃᕝᕕᕐᑎᓐᓇᓱᐊᕋᔭᓐᖏᓚᐅᒃ?

ᓘᑲᓯᐅᑉ ᐊᒡᓚᖏᑦ 13:15

ᐊᑕᓂᐅᑉ ᑭᐅᕚ ᐅᖃᕐᓗᓂ, “ᐃᓕᑦᓯ ᑕᒃᑯᕐᒨᕐᑐᓯ! ᐆᒪᔪᖁᑎᑦᓯᓐᓂᒃ ᓯᐅᑎᖅᑯᕐᑐᔪᖁᑎᒥᓂᒡᓘᓐᓃᑦ ᐃᓂᖓᓂᑦ ᐱᑐᐃᑦᔮᕐᓯᕙᒃᐳᓯ ᐃᒥᕐᑎᒋᐊᕐᑐᕐᓗᒍ ᓴᐸᑎᐅᑎᓪᓗᒎ?

ᓘᑲᓯᐅᑉ ᐊᒡᓚᖏᑦ 15:3

ᐊᑦᔨᐅᔪᒥᒃ ᐆᒥᖓ ᐅᖃᐅᑎᕔᑦ:

ᓘᑲᓯᐅᑉ ᐊᒡᓚᖏᑦ 19:10

ᐃᓅᑉ ᐃᕐᓂᖓ ᑎᑭᓯᒪᖕᒪᑦ ᐊᓯᐅᓯᒪᔪᑦ ᕿᓂᕆᐊᕐᓗᒋᑦ ᐱᐅᓕᔭᕐᑐᕐᓗᒋᓪᓗ.”

ᕉᒪᒥᐅᓄᑦ 2:1

ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᓐᖏᓚᑎᑦ, ᐊᓯᖕᓂᒃ ᐃᖅᑲᕐᑐᐃᔪᑎᑦ; ᐃᖅᑲᕐᑐᐃᑦᔪᑎᒋᔭᕐᓄᑦ ᐃᓕᖕᓂᒃ ᓇᖕᒥᓂᖅ ᐸᓯᔭᒃᓴᓐᖑᕐᑎᑉᐳᑎᑦ, ᐃᖅᑲᕐᑐᐃᑦᔪᑎᒋᔭᕐᓂᒃ ᑍᒫᓪᓗᐊᖅ ᐱᓇᓱᐊᕋᕕᑦ.

ᐲᑦᑐᕉᓯ ᓯᕗᓪᓖᑦ 2:25

ᓰᐱᑎᑐᑦ ᐊᖅᑯᑎᒋᔭᒥᖕᓂᑦ ᐊᓯᐅᔨᔪᑎᑐᑦ ᑍᒤᓚᐅᕋᑦᓯ, ᒫᓐᓇᓕ ᐅᑎᕐᑎᑕᐅᓯᒪᕗᓯ ᐰᕐᓯᔨᒧᑦ ᑲᒪᔨᐅᔪᒧᓪᓗ ᑕᕐᓂᑦᓯᓐᓂᒃ.