ᓘᑲᓯᐅᑉ ᐊᒡᓚᖏᑦ 14:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᖓᔪᖅᑳᖓ ᐅᖃᕐᐳᖅ ᐱᔨᒥᓄᑦ, ‘ᐃᒡᓗᒐᓮᑦ ᓯᓚᑖᓃᑦᑐᓄᑦ ᐊᖅᑯᑎᓄᑦ, ᓄᓇᓕᖕᓄᕆᐊᓄᓪᓗ ᐂᓕᕆᑦ, ᐃᓄᐃᑦ ᕾᖁᓗᒋᑦ ᐃᒡᓗᒐ ᑕᑕᑦᑕᐅᖁᓪᓗᒍ.

Aglait Ijjurnaittut

²³ Angajuqqaanga uqaqpuq pijiminut, ‘Iglugasait silataaniittunut aqqutinut, nunalingnurianullu ailirit, inuit qaiqulugit igluga tatattauqullugu.

ᓘᑲᓯᐅᑉ ᐊᒡᓚᖏᑦ 14:23 Iomraidhean Croise

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 21:43

“ᑍᒤᒻᒪᑦ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᐊᕐᓵᕐᑕᐅᔪᒫᕐᐳᓯ ᑐᓂᔭᐅᖔᕐᓗᓂ ᐃᓄᖕᓄᑦ ᐱᕈᕐᑐᖃᕐᑎᑦᓯᔪᓐᓇᕐᑐᓄᑦ. [

ᒫᑎᐅᓯᐅᑉ ᐊᒡᓚᖏᑦ 5:41

ᐅᓇᑕᕐᑐᒃᓴᒧᑦ ᐊᒡᔭᕐᓯᖁᔭᐅᒍᕕᑦ 1ᒤᓕᒥᒃ ᐅᖓᓯᖕᓂᓕᖕᒧᑦ, ᐊᒡᔭᕐᓯᓚᐅᕆᑦ 2ᒤᓕᒥᒃ.

ᓘᑲᓯᐅᑉ ᐊᒡᓚᖏᑦ 14:22

ᐊᑯᓂᐅᖏᑦᑐᖅ ᐱᔨ ᐅᖃᕆᐊᕐᑐᕆᕗᖅ, ‘ᐊᖓᔪᖅᑳᖅ, ᑍᒫᒃ ᐱᖁᔨᖅᑲᐅᒐᕕᑦ ᐱᔭᕇᕐᐳᖅ, ᓱᓕᓕ ᐃᓂᒃᓴᖃᕐᐳᖅ.’

ᓘᑲᓯᐅᑉ ᐊᒡᓚᖏᑦ 14:24

ᐅᖃᐅᑎᕙᒋᑦ, ᑍᒃᑯᐊ ᕾᖁᓚᐅᕐᑕᕋᓗᐊᒃᑲ ᓂᕆᓂᐊᕐᑕᑦᑎᓐᓂᒃ ᐆᒃᓯᓂᐊᓐᖏᓚᓪᓘᓐᓃᑦ.’”

ᓘᑲᓯᐅᑉ ᐊᒡᓚᖏᑦ 24:29

ᑖᒃᑯᐊᒃ ᓄᖅᑲᖁᔨᓕᕐᐴᒃ, ᐅᖃᐅᑎᓪᓗᒍ, “ᐅᕙᑦᑎᓐᓃᓚᐅᕆᑦ, ᐅᓐᓄᓕᓕᕐᒪᑦ ᑖᕐᓯᕙᓪᓕᐊᓕᕐᓗᓂ.” ᔩᓱᓯᐅᑉ ᐃᒡᓗᒧᐊᖃᑎᒋᕚᒃ ᑖᒃᑯᓇᓃᓕᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 16:15

ᑭᖑᓂᖓᒍᑦ ᐹᑉᑎᑕᐅᕗᖅ ᐃᒡᓗᒥᐅᖃᑎᓕᒫᖏᓪᓗ, ᑖᑦᓱᒪ ᑐᓐᖓᓴᕐᐹᑎᒍᑦ ᐅᖃᕐᓗᓂ, “ᕾᒋᑦᓯ, ᐃᒡᓗᓐᓂ ᑐᔪᕐᒥᓚᐅᕆᑦᓯ ᓱᓕᔪᒥᒃ ᐊᑕᓂᕐᒧᑦ ᐅᒃᐱᓕᕋᓱᒋᒍᑦᓯᓐᖓ.” ᐃᓇᒻᒪᑎᒍᑦ ᑕᕝᕙᓃᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:28

“ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 10:18

ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ: “ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:11

ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.