ᓘᑲᓯᐅᑉ ᐊᒡᓚᖏᑦ 11:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᐱᐅᖏᑦᑐᓕᕕᒋᔨᕗᑦᑕᐅᖅ ᐃᓱᒪᒋᔪᓐᓁᕐᕕᒋᕙᒃᑲᑦᑎᒍ; ᐱᐅᓐᖏᑐᒥᒃ ᐱᔪᒥᓵᕐᑕᐅᓇᕐᑐᒧᑦ ᑎᑭᑎᑦᑍᓕᑎᒍᑦ.”

Aglait Ijjurnaittut

⁴ Piunngittulinivut isumagijunnaikkit, Piunngittulivigijivuttauq isumagijunnairvigivakkattigut; Piunngittumik pijumisaaqtaunaqtumut tikitittailitigut.”

ᓘᑲᓯᐅᑉ ᐊᒡᓚᖏᑦ 11:4 Iomraidhean Croise

ᒨᓯᓯ ᓯᕗᓪᓖᑦ 48:16

ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”

ᐊᑕᓃᑦ ᓯᕗᓪᓖᑦ 8:34

ᕿᓚᖕᒥᑦ ᑐᒃᓯᐊᕐᓂᖏᑦ ᑐᓴᒃᑭᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐃᓄᖁᑎᑎᑦ ᐃᓴᕆᐊᓕᒥᐅᑦ ᐊᔪᕐᓂᖏᓐᓂᒃ, ᐅᑎᕐᑎᓪᓗᒋᓪᓗ ᓄᓇᒧᑦ ᑐᓂᓚᐅᕐᑕᕐᓄᑦ ᓯᕗᓕᕕᓂᖏᓐᓄᑦ.

ᐊᑕᓃᑦ ᓯᕗᓪᓖᑦ 8:36

ᕿᓚᖕᒥᑦ ᑐᓴᒃᑭᑦ, ᐃᓱᒪᒋᔪᓐᓁᕐᓗᒋᓪᓗ, ᐱᔨᕕᑦ ᐊᔪᕐᑐᓕᓂᖏᑦ, ᐃᓄᖁᑎᑎᑦ ᐃᓴᕆᐊᓕᒥᐅᑦ, ᐊᔪᕆᕐᑐᕐᓗᒋᓪᓗ ᐃᓅᓯᕐᒥᒃ ᐱᐅᔪᒥᒃ ᐊᑐᕆᐊᖃᕐᑕᖏᓐᓂᒃ; ᑕᕝᕙ ᓯᓚᓗᒃᑎᑦᓯᓕᕐᓗᑎᑦ ᓄᓇᖁᑎᖕᓄᑦ, ᑐᓂᓚᐅᕐᑕᕐᓄᑦ ᐃᓄᖁᑎᖕᓄᑦ ᓄᓇᑖᕆᔭᐅᖁᓪᓗᒍ.

ᐃᓐᖏᕈᑎᑦ 121:7

ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐱᐅᖏᑦᑐᓕᒫᓂᑦ; ᐃᓅᓰᓪᓗ ᓴᐳᑎᓯᒪᓂᐊᕐᐹ.

ᐃᓐᖏᕈᑎᑦ 25:11

ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.

ᐃᓐᖏᕈᑎᑦ 25:18

ᐋᓐᓂᐊᕐᓂᒃᑲ ᑕᑯᓐᓈᑭᑦ ᐅᖁᒤᓪᓕᐅᕐᓂᒃᑲᓗ; ᐊᔪᕐᓂᒃᑲᓗ ᑕᒪᕐᒥᒃ ᐃᓱᒪᒋᔪᓐᓁᓚᐅᒃᑭᑦ.

ᑖᓂᐊᓕᐅᑉ ᐊᒡᓚᖏᑦ 9:19

ᐊᑕᓃᖅ ᑐᓵᓚᐅᕆᑦ! ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᒃᑭᑦ! ᐊᑕᓃᖅ, ᑐᓵᔭᑎᑦ ᒪᓕᒡᓗᒋᑦ ᐱᓇᓱᐊᓕᕆᑦ ᐅᑕᕿᖏᓪᓗᑎᑦ! ᐃᓕᖕᓂᒃ ᐱᑦᔪᑎᒋᓪᓗᑎᑦ, ᒎᑎᒐ ᐅᑕᕿᓐᖏᓚᐅᕆᑦ, ᐃᒡᓗᒐᓴᖁᑎᑎᑦ ᐃᓄᖁᑎᑎᓪᓗ ᐃᕝᕕᑦ ᐊᑎᕐᓂᒃ ᑍᒍᓯᖃᕐᒪᑕ.”

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 18:35

“ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”

ᒫᑎᐅᓯᐅᑉ ᐊᒡᓚᖏᑦ 26:41

ᖃᐅᔨᓴᕆᓯ ᑐᒃᓯᐊᕐᓗᓯᓗ ᐱᐅᖏᑦᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ; ᐊᓂᕐᓂᖅ ᐱᔪᒪᑦᓯᐊᕋᓗᐊᕐᐳᖅ, ᑎᒥᓕ ᓴᓐᖐᑉᐳᖅ.”

ᓘᑲᓯᐅᑉ ᐊᒡᓚᖏᑦ 11:5

ᐅᖃᐅᑎᒃᑲᓐᓂᕐᐰᑦ, “ᓇᓕᕐᓯ ᐃᓚᓐᓇᕆᔭᖃᕈᓂ, ᐅᓐᓄᐊᕌᓗᒃᑯᑦ ᐅᐸᒃᓗᒍ ᐅᖃᐅᑎᒐᔭᕈᓂᐅᒃ, ‘ᐃᓚᓐᓈᒃ ᐅᑎᕐᑎᓛᕐᑕᓐᓂᒃ ᐂᑦᑐᓚᐅᓐᖓ ᓂᐊᖂᔭᓂᒃ ᐱᖓᓱᓂᒃ;

ᓘᑲᓯᐅᑉ ᐊᒡᓚᖏᑦ 13:4

ᐅᕝᕙᓘᓐᓃᑦ ᑍᒃᑯᐊ ᐃᓄᐃᑦ 18 ᓇᐸᔪᐊᓗᖕᒧᑦ ᓮᓗᐊᒥ ᐅᕐᕈᕕᐅᓚᐅᕐᑐᑦ ᑐᖁᓪᓗᑎᒃ, ᓇᓗᓁᒃᑯᑕᐅᓇᓱᒋᕕᓯᐅᒃ ᑍᒃᑯᐊ ᐱᐅᖏᑦᑐᓕᓂᕐᐹᖑᓇᓱᒋᓪᓗᓯᐅᒃ ᔨᕉᓴᓕᒻᒥ?

ᓘᑲᓯᐅᑉ ᐊᒡᓚᖏᑦ 22:46

ᐅᖃᐅᑎᓪᓗᒋᑦ, “ᓱᖕᒪᑦ ᓯᓂᒃᐱᓰ? ᒪᑭᒋᑦᓯ ᑐᒃᓯᐊᕐᓗᓯ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ.”

ᓘᑲᓯᐅᑉ ᐊᒡᓚᖏᑦ 8:13

ᐱᕈᕐᓯᐊᒃᓮᑦ ᐅᔭᕋᓛᓄᑦ ᐃᑦᔪᑭᑦᑐᒧᑦ ᑲᑕᒃᑐᑦ ᑖᒃᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓚᓕᐅᕐᓯᔪᓪᓗ ᖁᕕᐊᓱᒡᓗᑎᒃ; ᑭᓯᐊᓂᓕ ᐊᒫᑭᓐᓇᒥᒃ ᓄᓇᒧᑦ ᒪᖑᒃᓯᒪᔪᓂᒃ, ᐅᒃᐱᕈᓱᓚᐅᕋᓗᐊᕐᓗᑎᒃ ᐱᐅᓐᖏᑐᒥᒃ ᐱᔪᒥᓵᕐᑕᐅᓕᕋᒥᒃ ᑲᑕᒃᐳᑦ.

ᔪᐊᓇᓯᐅᑉ ᐊᒡᓚᖏᑦ 17:15

ᑐᒃᓯᐊᓐᖏᓚᖓ ᑖᒃᑯᓂᖓ ᓯᓚᕐᔪᐊᕐᒥᑦ ᐲᕐᑕᐅᖁᔨᓗᖓ, ᓴᐳᑦᔨᓯᒪᖁᓪᓗᑎᓪᓕ ᑖᒃᑯᓂᖓ ᐱᐅᖏᑦᑐᒥᑦ ᓵᑖᓇᓯᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:13

ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᑕᐅᕙᒃᐳᓯ ᐃᓄᐃᑦ ᐊᑐᕐᐸᒃᑕᖏᓐᓄᑦ ᑭᓯᐊᓂ. ᒎᑎᓕ ᓱᖁᓯᔪᐃᑦᑑᒐᒥ, ᐱᔪᓐᓇᕐᑕᑦᓯ ᐅᖓᑖᓄᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᑎᓐᓂᐊᓐᖏᓛᓯ. ᐱᐅᓐᖏᑐᒧᓪᓕ ᐱᔪᒥᓵᕐᑕᐅᑎᓪᓗᓯ ᓵᓚᒃᓴᕈᑎᒃᓴᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᓵᓚᒋᔭᐅᖁᓇᓯ.

ᑯᓘᓯᐊᒥᐅᓄᑦ 3:13

ᐃᓕᑦᓯᓐᓄᑦ ᐃᑲᔪᕐᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᕐᑐᖃᕐᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᕐᓯᖃᑦᑕᕆᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:3

ᐊᑕᓂᕐᓕ ᓱᖁᓯᔪᐃᑦᑑᖕᒪᑦ; ᑖᑦᓱᒪ ᓴᓐᖏᔫᑎᓐᓂᐊᕐᐹᓯ ᓴᐳᑎᓗᓯᓗ ᓵᑖᓇᓯᒥᑦ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.