ᓘᑲᓯᐅᑉ ᐊᒡᓚᖏᑦ 11:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐅᓪᓗᒥ ᐃᖅᑲᕐᑐᐃᕕᖕᒥ ᓂᓂᕕᒥᐅᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᑦ ᐃᖅᑲᕐᑐᕐᓗᒋᑦ ᓱᒋᐊᕐᑕᐅᖁᓪᓗᒋᑦ; ᑍᒃᑯᐊ ᓂᓂᕕᒥᐅᑦ ᖃᕿᐊᓕᓚᐅᕐᒪᑕ ᐱᐅᖏᑦᑐᓕᓂᕐᒥᖕᓂᒃ ᓇᓚᐅᑦᑍᔪᖅ ᔫᓇ ᐊᔪᕆᕐᑐᐃᑎᓪᓗᒍ ᑐᓵᒐᒥᒃ, ᑕᑯᒋᑦ ᐅᖃᐅᑎᕙᑦᓯ ᔫᓇᒥᑦ ᐊᖏᓂᕐᓴᒥᒃ ᐅᕙᓃᑦᑐᖃᕐᐳᖅ!”

Aglait Ijjurnaittut

³² Ullumi iqqaqtuivingmi Ninivimiut makittumaaqput maanna inuujut iqqaqturlugit sugiaqtauqullugit; taikkua Ninivimiut qaqialilaurmata piunngittulinirmingnik nalauttaijuq Juuna ajuriqtuitillugu tusaagamik, takugit uqautivassi Juunamit anginiqsamik uvaniittuqaqpuq!”

ᓘᑲᓯᐅᑉ ᐊᒡᓚᖏᑦ 11:32 Iomraidhean Croise

ᔫᓇᐅᑉ ᐊᒡᓚᖏᑦ 3:4

ᔫᓇᓗ ᐃᑎᓕᕐᐳᖅ ᐃᒡᓗᒐᓴᒡᔪᐊᓄᑦ, ᐅᓪᓗᓕᒫᕐᓕ ᐃᖏᕐᕋᓚᐅᕐᓗᓂ, ᓂᐱᖅᑯᕐᑐᓪᓗᓂ ᐅᖃᓕᕐᐳᖅ, “ᐅᓪᓗᑦ 40 ᓈᒃᐸᑕ ᓂᓂᕕ ᐊᓯᕈᕐᑕᐅᓂᐊᓕᕐᐳᖅ!”

ᔫᓇᐅᑉ ᐊᒡᓚᖏᑦ 3:5

ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.

ᔫᓇᐅᑉ ᐊᒡᓚᖏᑦ 4:9

ᒎᑎᐅᓪᓕ ᔫᓇ ᐅᖃᐅᑎᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ? ᑖᑦᓱᒧᖓ ᐱᕈᕐᑐᒧᑦ?” ᔫᓇᓗ ᐅᖃᕐᐳᖅ: “ᓂᓐᖓᖕᓂᕋ ᓈᒻᒪᓈᕐᐳᖅ, ᓂᓐᖓᖕᓂᕐᒧᑦ ᐊᒡᓛᑦ ᑐᖁᒐᓗᐊᕈᒪ ᖃᓄᐃᒃᓴᓐᖏᓚᖓ!”

ᒫᑎᐅᓯᐅᑉ ᐊᒡᓚᖏᑦ 12:39

ᔩᓱᓯᐅᑉ ᐅᖃᐅᑎᕔᑦ, “ᐅᓪᓗᒥᐅᔪᖅ ᐃᓄᐃᑦ ᐱᐅᖏᑦᑐᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓕᓂᕐᓂᒃ ᑕᑯᔪᒪᕗᑦ; ᑲᒪᓇᕐᑐᓕᓂᕐᒥᒃ ᑐᓂᓯᕕᐅᓂᐊᓐᖏᓚᑦ ᓇᓚᐅᑦᑍᔪᑉ ᔫᓇᐅᑉ ᑲᒪᓇᕐᑐᓕᓂᖓᑕ ᐊᓯᐊᓂᒃ.

ᒫᑎᐅᓯᐅᑉ ᐊᒡᓚᖏᑦ 12:41

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓂᓂᕕᒥᐅᑦ ᐃᓄᖏᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᓂᒃ ᐃᖅᑲᕐᑐᐃᓗᑎᒃ ᐃᒋᑕᒃᓴᕈᕐᑎᑦᓯᓗᑎᒡᓗ; ᐊᔪᕐᓂᕐᒥᖕᓂᑦ ᖃᕿᐊᓕᓚᐅᕐᒪᑕ ᔫᓇ ᓇᓚᐅᑦᑍᔪᖅ ᐅᖃᓪᓚᒃᑎᓪᓗᒍ ᑐᓴᕋᒥᒃ; ᑕᑯᒋᑦ, ᐅᖃᐅᑎᕙᑦᓯ, ᑕᕝᕙᓃᑦᑐᖃᕐᐳᖅ ᔫᓇᒥᑦ ᐊᔪᖏᓐᓂᕐᓴᐅᔪᒥᒃ!

ᓘᑲᓯᐅᑉ ᐊᒡᓚᖏᑦ 11:31

ᐅᓪᓗᖅ ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᕐᖄᔪᐊᖓᑦ ᐊᕐᓇᖅ ᓂᑯᕕᑦᑐᒫᕐᐳᖅ ᐃᖅᑲᕐᑐᐃᓗᓂ ᒫᓐᓇ ᐃᓅᔫᓂᒃ ᓱᒋᐊᕐᑕᐅᔪᒃᓴᐅᖁᓪᓗᒋᑦ; ᑍᓐᓇ ᓄᓇᒥᓂᑦ ᐅᖓᓯᒃᑐᐊᓗᖕᒥᑦ ᑎᑭᓚᐅᕐᒪᑦ ᑐᓵᔭᕐᑐᕐᓗᓂ ᓲᓗᒨᓂᐅᑉ ᓯᓚᑐᓂᖓᓂᒃ; ᑕᑯᒋᑦ, ᐅᖃᐅᑎᕙᑦᓯ ᓲᓗᒨᓂᒥᑦ ᐊᖏᓂᕐᓴᒥᒃ ᑕᒫᓃᑦᑐᖃᕐᐳᖅ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.