ᓘᑲᓯᐅᑉ ᐊᒡᓚᖏᑦ 11:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔩᓱᓯᐅᑉ ᐅᖃᐅᑎᕔᑦ, “ᑐᒃᓯᐊᓕᕌᖓᑦᓯ ᐃᒫᒃ ᐅᖃᖃᑦᑕᕆᑦᓯ: ᐊᑖᑖᒃ, ᐊᑎᕐᐱᑦ ᐃᑦᔪᕐᓁᓐᓂᖓ ᐃᓱᒪᒋᔭᐅᑦᓯᐊᕐᓕ; ᐊᑕᓂᐅᓃᑦ ᕾᓚᐅᕐᓕ,

Aglait Ijjurnaittut

² Jiisusiup uqautivait, “Tuksialiraangassi imaak uqaqattarissi: Ataataak, atiqpit ijjurnainninga isumagijautsiarli; Ataniuniit qailaurli,

ᓘᑲᓯᐅᑉ ᐊᒡᓚᖏᑦ 11:2 Iomraidhean Croise

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᑯᕉᓂᑲ ᐂᑉᐸᖏᑦ 20:6

ᐅᖃᕐᓗᓂᓗ, “ᐊᑕᓃᖅ ᓯᕗᓕᑦᑕ ᒎᑎᖓᑦ, ᒎᑎᐅᓐᖏᓚᑏᑦ ᕿᓚᖕᒥ? ᐊᐅᓚᑦᓯᓐᖏᓚᑏᑦ ᐊᑕᓂᐅᕕᓕᒫᓂᒃ ᐃᓅᖃᑎᒌᒡᔪᐊᓂᒡᓗ? ᐱᔪᓐᓇᕐᓂᕐᔪᐊᖅ ᐊᔪᖏᑦᑐᕐᔪᐊᖑᓂᕐᓗ ᐊᒡᒐᖕᓃᑉᐳᑦ, ᓇᓪᓕᐊᓐᓄᓪᓘᓐᓃᑦ ᐊᑭᒪᔭᐅᔪᓐᓇᓐᖏᓚᑎᑦ.

ᐃᓐᖏᕈᑎᑦ 103:20

ᐊᑕᓂᖅ ᓂᕐᑐᕐᓯᐅᒃ, ᐃᓕᑦᓯ ᐂᖏᓕᖁᑕᐅᔪᓯ ᑖᑦᓱᒧᖓ, ᐃᓕᑦᓯ ᐊᔪᖏᑦᑐᕐᔪᐊᖑᔪᓯ ᐅᖃᐅᓯᖓᓂᒃ ᓈᓚᒃᑐᓯ, ᒪᓕᑦᓯᐊᕐᑐᓯ ᐅᖃᐅᓯᖓᑕ ᓂᐱᖓᓂᒃ!

ᐃᓐᖏᕈᑎᑦ 108:5

ᐊᖏᔪᕈᕐᑎᑕᐅᒋᑦ ᒎᑏ, ᕿᓚᖕᒥᑦ ᖁᕝᕙᓯᖕᓂᕐᓴᒥᒃ, ᓂᕐᑐᕐᓇᕐᓃᓪᓗ ᓄᓇᕐᔪᐊᕐᒥᑦ ᐊᖏᓂᕐᓴᐅᓗᓂ.

ᐃᓐᖏᕈᑎᑦ 11:4

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.

ᐃᓐᖏᕈᑎᑦ 57:11

ᒎᑏ, ᐊᖏᔪᕈᕐᑎᑕᐅᓕᕆᑦ, ᕿᓔᑦ ᐅᖓᑖᓄᑦ; ᓂᕐᑐᕐᓇᕐᓃᑦ ᓄᓇᕐᔪᐊᕐᒥᒃ ᐅᓕᒃᓯᓕ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:2

ᖃᓃᑦ ᑐᐊᕕᕐᑎᓐᓂᐊᕐᓇᒍ, ᐆᒻᒪᑏᓪᓗ ᑐᐊᕕᕐᓗᓂ ᓂᓪᓕᐊᑎᓐᓂᐊᕐᓇᒍ ᒎᑎᐅᑉ ᓵᖓᓂ. ᒎᑎ ᕿᓚᖕᒦᒻᒪᑦ, ᐃᕝᕕᓗ ᓄᓇᒦᓐᓇᕕᑦ; ᑍᒤᒻᒪᑦ ᐅᖃᐅᓯᕐᑎᑦ ᐅᓄᕐᓯᑎᓐᓂᐊᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᑖᓂᐊᓕᐅᑉ ᐊᒡᓚᖏᑦ 2:28

ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 7:18

ᖁᑦᓯᖕᓂᕐᐹᖑᔫᓪᓕ ᐃᑦᔪᕐᓁᑦᑐᖁᑎᖏᑦ ᐊᖓᔪᖅᑲᐅᕕᖕᒥᒃ ᑐᓂᓯᔭᐅᔪᒫᕐᐳᑦ, ᐱᓯᒤᓐᓇᓕᕐᓗᒍᓗ, ᐃᓱᖃᖏᑦᑐᒧᑦ, ᐃᓛᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.’

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐱᖓᔪᖏᑦ 22:23

ᑭᓯᐊᓂᓕ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᓯᕈᓐᓇᕋᓗᐊᕐᐳᓯ ᓂᕐᔪᑎᒥᒃ ᐱᕈᕈᓐᓇᖏᓐᓂᑯᒥᒃ ᐃᓗᓯᕐᓗᒃᑐᒥᒡᓘᓐᓃᑦ, ᑭᓯᐊᓂ ᐃᓚᓕᐅᕐᑕᐅᒐᔭᓐᖏᓚᖅ ᐊᖏᕈᑎᒋᓇᓱᐊᕐᑕᓕᒫᑦᓯᓐᓄᑦ.

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 10:32

“ᑭᓇᑐᐃᓐᓇᖅ ᐃᓄᖕᓄᑦ ᐅᖃᐅᓯᖃᕐᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᑍᒫᑦᓮᓐᓇᖅ ᐅᖃᐅᓯᕆᓛᕐᐸᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᓘᑲᓯᐅᑉ ᐊᒡᓚᖏᑦ 11:1

ᔩᓱᓯᐅᑉ ᐅᐸᒃᑕᓂ ᑎᑭᓇᒥᐅᒃ ᑐᒃᓯᐊᕐᐳᖅ, ᑐᒃᓯᐊᕇᕐᒪᑦ ᐃᓕᓐᓂᐊᕐᑎᖏᑕ ᐃᓚᖓᑦᑕ ᐅᖃᐅᑎᕚ, “ᐊᑕᓃᖅ, ᑐᒃᓯᐊᕐᓂᕐᒥᒃ ᐊᔪᕆᕐᑐᕐᑎᒍᑦ, ᔪᐊᓇᓯᐅᑦᑕᐅᖅ ᐃᓕᓐᓂᐊᕐᑎᓂ ᐊᔪᕆᕐᑐᓚᐅᕐᒪᒋᑦ.”

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:3

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓮᒻᒪᕐᑎᑦᓯᓂᕐᒥᓄᓪᓗ ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯ ᙭ᔅᑑᓯᐅᑉ ᐃᓚᒋᓕᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᐃᐱᓯᒥᐅᓄᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᕐᒥᓄᑦ ᐱᔪᓐᓇᕐᑎᑦᓯᓂᒥᓂᒃ ᓮᒻᒪᕐᑎᑦᓯᓂᕐᒥᓂᒡᓗ ᑐᓂᓯᕕᒋᓕᓯ.

ᐱᓕᐱᒥᐅᓄᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᖃᓄᐃᖏᑦᓯᐊᕐᑎᑦᓯᓂᖓᑕᓗ ᐃᓚᒋᓕᓯ.

ᐱᓕᐱᒥᐅᓄᑦ 4:20

ᒎᑎᕗᑦ ᐊᑖᑕᕗᓪᓗ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᑯᓘᓯᐊᒥᐅᓄᑦ 1:2

ᐃᑦᔪᕐᓁᑎᑕᐅᓯᒪᔪᓄᑦ ᑯᓘᓯᐊᒦᑦᑐᓄᑦ, ᐅᒃᐱᕐᑑᖃᑎᑦᑎᓐᓄᑦ ᐅᒃᐱᕐᓂᕐᒥᑦᓯᐊᕐᑐᓄᑦ: ᒎᑎᐅᑉ ᐊᑖᑕᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᖃᓄᐃᖏᑦᓯᐊᕐᑎᓪᓕᓯᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᒥᓗ ᔩᓱᓯ ᙭ᔅᑑᓯᒥ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᓕᓇᕐᑑᓪᓗ ᐃᓚᒋᓕᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:6

ᑕᕝᕙ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ, ᐃᒪᕐᔪᐊᓪᓗ ᐃᒃᑑᓕᔮᕐᓂᕆᔮᕐᑕᖏᓐᓂᒃ ᑲᓪᓘᓪᓗ ᐃᒃᑐᓚᐅᕐᓂᖓᑐᑦ ᑕᒤᑦᑑᔮᕐᑐᓂᒃ, ᐅᖃᕐᑐᓂᒃ, “ᐋᓕᓘᔭ! ᐊᑕᓂᖅ ᒎᑎᕗᑦ ᐊᔪᒐᖃᖏᑦᑐᖅ ᐊᖓᔪᖅᑳᕐᔪᐊᖑᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.