ᓘᑲᓯᐅᑉ ᐊᒡᓚᖏᑦ 10:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙᓂ ᐃᑲᕐᕋᒥ ᔩᓱᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᖁᕕᐊᓱᒃᑎᑕᐅᕗᖅ ᐅᖃᕐᓗᓂ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᒥᓗ, ᑕᒪᒃᑯᐊ ᐃᓕᓯᒪᔪᓄᑦ ᓯᓚᑐᔪᓄᓪᓗ ᐃᔨᕐᓯᒪᒐᕕᒋᑦ, ᓄᑕᕋᕐᑎᑑᕐᑐᓄᓪᓕ ᑕᒪᒃᑯᐊ ᓇᓗᓇᕈᓐᓁᕐᑎᓐᓇᕕᒋᑦ; ᐄᓛᒃ, ᐊᑖᑖᒃ, ᑍᒫᒃ ᐱᖁᓯᒪᒐᕕᐅᒃ ᖁᕕᐊᒋᒐᕕᐅᒡᓗ.

Aglait Ijjurnaittut

²¹ Tavvani ikarrami Jiisusi Anirnikkut Ijjurnaittukkut quviasuktitauvuq uqarluni, “Ataataak, qujagivagit, Ataniujutit qilangmi nunamilu, tamakkua ilisimajunut silatujunullu ijiqsimagavigit, nutaraqtituuqtunulli tamakkua nalunarunnaiqtinnavigit; iilaak, Ataataak, taimaak piqusimagaviuk quviagigaviuglu.

ᓘᑲᓯᐅᑉ ᐊᒡᓚᖏᑦ 10:21 Iomraidhean Croise

ᐃᓐᖏᕈᑎᑦ 24:1

ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓄᓇᕐᔪᐊᕐᒦᑦᑐᓕᒫᓪᓗ, ᓯᓚᕐᔪᐊᕐᓗ, ᑕᕝᕙᓂᓗ ᐃᓂᖃᕐᑐᑦ.

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᐃᓐᖏᕈᑎᑦ 8:2

ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑎᐅᓯᐅᑉ ᐊᒡᓚᖏᑦ 21:16

ᑕᕝᕙ ᑖᒃᑯᐊ ᔩᓱᓯ ᐅᖃᐅᑎᕚᑦ, “ᑐᓵᕖᑦ, ᓱᕈᓰᑦ ᖃᓄᐃᓕᖕᒪᖔᑕ?” ᔩᓱᓯᐅᑉ ᑭᐅᕔᑦ, “ᑐᓵᑦᓯᐊᕐᐸᒃᑲ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ, ‘ᓱᕈᓯᑯᓗᖕᓂᑦ ᓄᑕᕋᓛᓂᓪᓗ ᐊᒪᒪᒃᑐᓂᑦ ᐊᑐᐃᓐᓇᕈᐃᓚᐅᕐᐳᑎᑦ ᖃᓂᖏᑎᒍᑦ ᓂᕐᑐᕐᑕᐅᔪᒪᓪᓗᑎᑦ.’”

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᒫᑯᓯᐅᑉ ᐊᒡᓚᖏᑦ 10:15

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑕᑉᕗᖓ ᐃᑎᕐᓂᐊᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 15:5

ᓇᓂᒍᓂᐅᒃ, ᖁᕕᐊᓱᒡᓗᓂ ᐃᕐᓱᓕᕋᔭᕐᐹ.

ᓘᑲᓯᐅᑉ ᐊᒡᓚᖏᑦ 15:9

ᓇᓂᒍᓂᐅᒃ, ᐃᓚᓐᓈᕆᔭᓂ ᐃᓅᖃᑎᓂᓗ ᕾᖁᒐᔭᕐᐰᑦ ᐅᖃᐅᑎᓗᒋᑦ, ‘ᖁᕕᐊᓱᖃᑎᒋᓯᓐᖓ, ᑮᓇᐅᔭᕋ ᐊᓯᐅᔨᓯᒪᓚᐅᕐᑕᕋ ᓇᓂᒐᒃᑯ.’

ᔪᐊᓇᓯᐅᑉ ᐊᒡᓚᖏᑦ 11:41

ᑕᕝᕙ ᐅᔭᕋᒃ ᐲᕐᐹᑦ ᐃᓗᕕᕐᒥᑦ. ᔩᓱᓯ ᖁᒻᒧᑦ ᑕᑯᓴᕐᓗᓂ, ᐅᖃᕐᐳᖅ, “ᐊᑖᑕᒃ, ᖁᔭᒋᕙᒋᑦ ᑐᓴᓚᐅᕋᕕᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:3

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᑎᒋᔭᕗᑦ ᒪᑐᓯᒪᒃᐸᑕ, ᐊᓯᐅᓂᐊᕐᑐᓄᑦ ᑭᓯᐊᓂ ᒪᑐᓯᒪᕗᑦ.

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐃᐱᓯᒥᐅᓄᑦ 1:5

ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.