ᓘᑲᓯᐅᑉ ᐊᒡᓚᖏᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᑯᒋᑦ, ᐅᖃᕈᓐᓁᓪᓕᓂᐊᕐᐳᑎᑦ ᓂᓪᓕᕈᓐᓁᓪᓕᓗᑎᓪᓗ ᐅᓪᓗᖅ ᑍᓐᓇ ᐅᖃᐅᓯᕆᔭᕋ ᓇᓪᓕᐅᑎᓚᐅᖅᑳᕐᑎᓐᓇᒍ, ᐅᖃᐅᓯᒃᑲ ᐅᒃᐱᕆᖏᓐᓇᕕᒋᑦ, ᓇᓪᓕᐅᑎᕝᕕᓴᖓ ᑎᑭᑉᐸᑦ ᓇᓚᐅᑦᓯᓛᕐᐳᑦ.”

Aglait Ijjurnaittut

²⁰ Takugit, uqarunnailliniaqputit nillirunnaillilutillu ulluq tainna uqausirijara nalliutilauqqaaqtinnagu, uqausikka ukpirinnginnavigit, nalliutivvisanga tikippat nalautsilaaqput.”

ᓘᑲᓯᐅᑉ ᐊᒡᓚᖏᑦ 1:20 Iomraidhean Croise

ᐊᑕᓃᑦ ᐂᑉᐸᖏᑦ 7:19

ᑍᓐᓇᓕ ᐅᓇᑕᕐᑎᓄᑦ ᐊᖓᔪᖅᑳᖅ, ᑭᐅᓚᐅᕐᑐᖅ ᒎᑎᐅᑉ ᐃᓄᖁᑎᖓᓄᑦ ᐅᖃᕐᓗᓂ, “ᑕᑯᒋᑦ ᐊᑕᓂᐅᑉ ᕿᓚᐅᑉ ᐃᒐᓛᖏᑦ ᐅᒃᑯᐃᕈᓐᓇᕋᓗᐊᕐᐸᒋᑦ, ᑍᒤᑐᖃᕈᓐᓇᕐᓯᓇᔭᕐᐹ?” ᒎᑎᐅᑉ ᐃᓄᖁᑎᖓᑕ ᑭᐅᕚ, “ᑕᑯᔪᓐᓇᕐᓯᓛᕐᐳᑎᑦ ᑕᒪᑐᒥᖓ ᑭᓯᐊᓂᓕ ᓂᕆᖃᑕᐅᕕᒋᓂᐊᓐᖏᓚᑦ.”

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᒨᓯᓯ ᐂᑉᐸᖏᑦ 4:11

ᐊᑕᓂᐅᓪᓕ ᐅᖃᐅᑎᕚ, “ᑭᐊᓕ ᐃᓅᑉ ᖃᓂᖓ ᓴᓇᓚᐅᕐᐸᐅᒃ? ᑭᐊᓗ ᐅᖃᕈᓐᓇᕈᓐᓃᕐᑎᑉᐸᐅᒃ, ᐅᕝᕙᓗ ᑭᐊ ᑐᓵᔪᓐᓃᕐᑎᑉᐸᐅᒃ, ᑭᐊᓗ ᑕᑯᔪᓐᓇᕐᑎᑉᐸᐅᒃ, ᑕᐅᑐᒍᓐᓃᕐᑎᓪᓗᓂᐅᒡᓘ? ᐅᕙᖓ ᐊᑕᓂᐅᔪᖓ ᑖᒃᑯᓂᖓ ᓴᓇᓚᐅᓐᖏᓚᖔ?

ᐂᓮᐊᓯᐅᑉ ᐊᒡᓚᖏᑦ 7:9

ᐃᕗᕅᒥᐅᓪᓗ ᓂᐊᖁᕆᕚ ᓴᒥᐊᕆᐊ, ᓴᒥᐊᕆᐊᓪᓗ ᓂᐊᖁᕆᕚ ᕆᒪᓔᐊᐅᑉ ᐃᕐᓂᖓ. “‘“ᐅᒃᐱᕆᖏᒃᑯᑦᓯᐅᒃ ᑕᒪᓐᓇ, ᑕᕝᕙ ᑲᔪᓯᔪᓐᓇᕐᓂᐊᓐᖏᓚᓯ.”’”

ᐃᓯᑭᐊᓕᐅᑉ ᐊᒡᓚᖏᑦ 24:27

ᐅᓪᓗᒥ ᑕᕝᕙᓂᑦᓮᓐᓇᖅ ᕿᒫᔪᒧᑦ ᑎᑭᑕᐅᒍᕕᑦ ᐅᖃᕈᓐᓇᕐᓯᔪᒫᕐᐳᑎᑦ, ᐅᖃᓪᓚᓕᕐᓗᑎᓪᓗ ᐅᖃᕈᓐᓇᖏᑦᑑᔪᓐᓃᕐᓗᑎᑦ. ᑍᒤᒻᒪᑦ ᓇᓗᓁᒃᑯᑕᐅᔪᒫᕐᐳᑎᑦ ᐃᓄᖕᓄᑦ; ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 3:26

ᐅᕾᑦ ᖃᓂᕐᐱᑦ ᕿᓚᖓᓄᑦ ᓂᐱᑎᑦᓱᒫᕐᐸᕋ, ᑕᕝᕙ ᐅᖃᕈᓐᓁᓪᓕᔪᒫᕐᐳᑎᑦ ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑐᑦ ᐃᓂᕐᑎᕈᓐᓇᕐᓂᐊᓐᖏᓚᑎᑦ.

ᑖᓂᐊᓕᐅᑉ ᐊᒡᓚᖏᑦ 10:15

ᑍᒫᒃ ᐅᕙᓐᓄᑦ ᐅᖃᓪᓚᒃᑎᓪᓗᒍ, ᐅᑯᖓᓚᐅᕐᐳᖓ ᑮᓇᕋ ᒪᓂᖅᑲᒧᑦ ᓵᓐᖓᓪᓗᒍ ᐅᖃᕈᓐᓁᕐᓗᖓᓗ.

ᒨᓯᓯ ᓯᑕᒪᖏᑦ 20:12

ᐊᑕᓂᐅᓪᓗ ᒨᓯᓯ ᐂᕉᓂᓗ ᐅᖃᐅᑎᕚᒃ, “ᐅᕙᓐᓂᒃ ᐅᒃᐱᕈᓱᖏᓐᓇᑦᓯᒃ, ᐅᕙᓐᓂᒡᓗ ᐃᑦᔪᕐᓁᑎᑦᓯᓚᐅᖏᓐᓇᑦᓯᒃ ᐃᓴᕆᐊᓕᒥᐅᑦ ᑕᒃᑯᐊᓂ, ᑍᒤᒻᒪᑦ ᐃᓄᒋᐊᒃᑐᕐᔪᐊ ᐅᑯᐊ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑎᑭᓕᕐᐸᑕ ᑕᓯᐅᕐᑎᐅᔪᒫᕈᓐᓁᕐᐳᓯᒃ.”

ᒫᑯᓯᐅᑉ ᐊᒡᓚᖏᑦ 16:14

ᑭᖑᓂᖓᒍᑦ ᔩᓱᓯ ᓴᖅᑭᒃᑭᕗᖅ ᐃᓕᓐᓂᐊᕐᑎᒥᓄᑦ 11ᓄᑦ ᓂᕆᖃᑎᒌᒃᑎᓪᓗᒋᑦ; ᔩᓱᓯᐅᑉ ᓱᐊᒃᐰᑦ ᐅᒃᐱᖏᒻᒪᑕ ᐆᒻᒪᑎᖏᓪᓗ ᓯᑎᔫᓪᓗᑎᒃ, ᐅᒃᐱᕈᓱᓚᐅᖏᒻᒪᑕ ᔩᓱᓯ ᐆᒪᓕᕐᑎᓪᓗᒍ ᑕᑯᓚᐅᕐᑐᑦ ᐅᖃᐅᓯᖏᓐᓂᒃ.

ᒫᑯᓯᐅᑉ ᐊᒡᓚᖏᑦ 9:19

ᑕᑉᕙ ᐅᖃᐅᑎᕔᑦ, “ᐃᓅᖃᑎᒌᖑᔪᓯ ᐅᒃᐱᕐᓂᖃᖏᓚᓯ, ᖃᓄᖅ ᓯᕕᑐᑎᒋᔪᒥᒃ ᓇᔪᕆᐊᖃᕐᐸᑦᓰ? ᖃᓄᕐᓗ ᓯᕕᑐᑎᒋᔪᒥᒃ ᕿᓄᐃᓵᕈᑎᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᕾᑎᓚᐅᕐᓯᐅᒃ.”

ᓘᑲᓯᐅᑉ ᐊᒡᓚᖏᑦ 1:19

ᐂᖏᓕᐅᑉ ᑭᐅᕚ, “ᒊᐳᕆᐅᓕᐅᕗᖓ, ᒎᑎᐅᑉ ᓇᔪᒐᖓᓂᓐᖔᕐᐳᖓ; ᑖᑦᓱᒪ ᑎᓕᕚᖓ ᐃᓕᖕᓄᑦ ᐅᖃᕆᐊᕐᑐᖁᓪᓗᖓ; ᑕᒪᑐᒥᖓ ᑐᓴᕈᒥᓇᕐᑐᒥᒃ ᐅᖃᐅᑦᔭᐅᖁᖕᒪᑎᑦ.

ᓘᑲᓯᐅᑉ ᐊᒡᓚᖏᑦ 1:21

ᐃᓄᐃᑦ ᐅᑕᖅᑭᓚᐅᕐᐳᑦ ᓴᑲᕅᐊᒥᒃ, ᐃᓱᒪᓪᓗᑎᒃ ᓱᖕᒪᑦ ᐊᑯᓂᐅᓗᐊᓕᕐᒪᖔᑦ.

ᓘᑲᓯᐅᑉ ᐊᒡᓚᖏᑦ 1:22

ᐊᓂᒐᒥ, ᐃᓄᖕᓄᑦ ᐅᖃᕈᓐᓇᓚᐅᓐᖏᓚᖅ, ᐃᓄᐃᑦ ᖃᐅᔨᓪᓗᑎᒃ ᑕᑯᑎᑕᐅᔪᕕᓂᐅᓂᖓᓂᒃ ᑐᒃᓯᐊᕐᕕᒃᔪᐊᕐᒦᑎᓪᓗᒍ; ᓴᑲᕅᐊ ᐅᖃᕈᓐᓇᖏᓐᓇᒥ ᐃᓄᐃᑦ ᐆᒃᑐᕋᕐᕕᒋᕔᑦ ᐊᒡᒐᖕᒥᓄᑦ.

ᓘᑲᓯᐅᑉ ᐊᒡᓚᖏᑦ 1:45

ᖁᕕᐊᓱᖕᓃᑦ ᑐᓱᓐᓇᒻᒪᕆᒃᐳᖅ ᐅᒃᐱᕈᓱᒃᑲᕕᑦ ᐊᑕᓂᕐᒧᑦ ᐅᖃᐅᑦᔭᐅᓯᒪᓂᕐᓂᒃ ᓇᓪᓚᐅᑦᓯᔪᒫᕐᑐᒥᒃ.”

ᓘᑲᓯᐅᑉ ᐊᒡᓚᖏᑦ 1:64

ᑕᕝᕔᓐᓇᖅ ᓴᑲᕅᐊᓯ ᐅᖃᕈᓐᓇᕐᓯᒋᕗᖅ, ᒎᑎ ᓂᕐᑐᕐᓗᒍ ᐅᖃᓪᓚᓕᕐᐳᖅ.

ᕉᒪᒥᐅᓄᑦ 3:3

ᐃᓚᖏᓪᓕ ᐅᒃᐱᕐᓂᖃᑦᓯᐊᖏᑉᐸᑕ? ᒎᑎᐅᑉ ᓱᖁᓯᔪᐃᑦᑑᓂᖓ ᐊᑐᕈᓐᓃᕐᑎᒐᔭᕐᐸᑦᔫᒃ?

ᑎᒧᑎᒧᑦ ᐂᑉᐸᖏᑦ 2:13

ᐅᒃᐱᖏᒃᑲᓗᐊᕈᑦᑕ, ᑖᓐᓇ ᓱᕐᕋᖕᓂᐊᓐᖏᓚᖅ, ᐃᒻᒥᓂᒃ ᒥᓯᐊᕈᑎᒋᔪᓐᓇᖏᓐᓇᒥ.”

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.