ᒨᓯᓯ ᐱᖓᔪᖏᑦ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓴᕆᐊᓕᒥᐅᓪᓗ ᐅᖃᐅᑎᒃᑭᑦ ᑐᓂᕐᕈᑎᒃᓴᖃᕆᑦᓯ ᒎᑦᓯᒥᒃ ᐊᖑᓴᓪᓗᕐᒥᒃ ᐊᔪᕐᓂᓯ ᐱᓪᓗᒋᑦ, ᐃᒻᒧᒃᓯᐅᒐᐅᓪᓗ ᓄᕐᕋᖓᓂᒃ, ᓰᐱᐅᓪᓗ ᓄᕐᕋᖓᓂᒃ ᑖᒃᑯᐊᒡᓗ ᐊᕐᕌᒍᖃᕐᑐᒃᓴᐅᕘᒃ ᐊᑕᐅᓯᕐᒥᒃ ᐊᑐᓂᑦ ᖃᓄᐃᓐᓂᖃᖏᑦᓯᐊᕐᓗᑎᒡᓗ, ᑖᒃᑯᐊᒃ ᐃᑯᐊᓚᓗᑎᒃ ᑐᓂᕐᕈᑎᒃᓴᐅᖁᓪᓗᒋᒃ,

ᒨᓯᓯ ᐱᖓᔪᖏᑦ 9:3 Iomraidhean Croise

ᒨᓯᓯ ᓯᕗᓪᓖᑦ 37:31

ᑕᕝᕙ ᔫᓯᐱᐅᑉ ᐅᓕᖓ ᑖᒃᑯᐊ ᑎᒍᕚᑦ, ᒎᑦᓯᒥᒡᓗ ᑐᖁᑦᓯᓪᓗᑎᒃ, ᐅᓕᒡᓗ ᐊᐅᖕᒧᑦ ᒥᓱᒃᑎᕐᐹᑦ.

ᐄᓱᕋᐅᑉ ᐊᒡᓚᖏᑦ 10:19

ᑖᒃᑯᐊ ᐊᖏᓚᐅᕐᐳᑦ ᓄᓕᐊᒥᖕᓂᒃ ᐊᕕᑦᓯᔪᒪᓪᓗᑎᒃ; ᐸᓯᔭᒃᓴᐅᓂᕐᒥᖕᓄᑦ ᑐᓂᕐᕈᓯᓚᐅᕐᐳᑦ ᓰᐱᐅᑉ ᐊᖑᓴᓪᓗᖓᓂᒃ ᐊᔪᕐᑐᓕᓂᑎᒃ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 6:17

ᐃᑦᔪᕐᓁᑎᑦᓯᑎᓪᓗᒋᑦ ᑐᒃᓯᐊᕐᕕᒡᔪᐊᒥᒃ ᑐᓂᕐᕈᓯᓚᐅᕐᐳᑦ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 100ᓂᒃ, ᓰᐱᐅᓪᓗ ᐊᖑᓴᓪᓗᖏᓐᓂᒃ 200ᓂᒃ, ᓰᐱᐅᓪᓗ ᓄᕐᕋᐅᔭᖏᓐᓂᒃ 400ᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ 12ᓂᒃ ᐊᔪᕐᓂᕐᒧᑦ ᑐᓂᕐᕈᑎᓂᒃ, ᐃᓴᕆᐊᓕᒥᐅᑦ ᑭᖑᕚᕇᖏᑦ ᐊᑐᓂᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 12:5

ᓄᕐᕋᐅᔭᖅ ᓂᕆᓂᐊᕐᑕᓯ ᖃᓄᐃᑦᔪᑎᖃᖏᑦᓯᐊᕆᐊᖃᕐᐳᖅ, ᐊᖑᑕᐅᓗᓂ ᐊᕐᕌᒍᖃᕐᓗᓂ ᐊᑕᐅᓯᕐᒥᒃ; ᓇᓪᓕᐊᓐᓂᑐᐃᓐᓇᖅ ᐱᔪᓐᓇᕐᐳᓯ ᓰᐱᒥᒡᓘᓐᓃᑦ ᒎᑦᓯᒥᒡᓘᓐᓃᑦ;

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᒨᓯᓯ ᐱᖓᔪᖏᑦ 10:16

ᒨᓯᓯᓗ ᐊᐱᖅᑯᑎᖃᕐᒪᑦ ᒎᑦᓯᒥᒃ ᐊᔪᕐᓃᑦ ᐱᓪᓗᒋᑦ ᑐᓂᕐᕈᑕᐅᓯᒪᔪᒥᒃ ᖃᐅᔨᑎᑕᐅᓪᓗᓂᓗ ᐃᑯᐊᓪᓚᒃᑕᐅᔪᕕᓂᐅᖕᒪᑦ, ᐃᓕᓯᕆᓗ ᐃᑕᒫᕐᓗ ᓂᓐᖓᒡᕕᒋᕔᑦ, ᐂᕉᓂᐅᑉ ᐃᕐᓂᖏᒃ ᐊᒥᐊᒃᑰᒃ, ᐊᐱᕆᓪᓗᒋᒡᓗ,

ᒨᓯᓯ ᐱᖓᔪᖏᑦ 12:6

“ᐊᕐᓇᐅᑉ ᓴᓗᒻᒪᕐᓴᕐᑕᐅᕕᖏᑦ ᐅᓪᓗᑦ ᓈᒃᐸᑕ, ᐃᕐᓂᕐᑖᓚᐅᕈᓂᓘᓐᓃᑦ ᐸᓂᒃᑖᓚᐅᕈᓂᓘᓐᓃᑦ, ᑐᓂᕐᕈᓯᕐᑎᑦᓯᔨᒧᑦ ᐋᑦᓯᔪᒃᓴᐅᕗᖅ ᑐᐱᕐᒧᑦ ᑲᑎᒪᕕᖕᒧᑦ, ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᐃᑯᐊᓪᓚᓗᒍ ᑐᓂᕐᕈᑎᒃᓴᒥᒃ, ᐱᐊᕋᕕᓂᕐᒥᒡᓗ ᑎᖕᒥᐊᒥᒃ ᐱᑦᔭᓐᒥᒃ, ᐅᕝᕙᓗ ᑑᕕᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ.

ᒨᓯᓯ ᐱᖓᔪᖏᑦ 14:10

“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 16:15

ᑕᕝᕙ ᑐᖁᑦᓴᕆᐊᖃᕐᐹ ᒎᑦᓯ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐃᓄᐃᑦ ᑐᓂᕐᕈᓯᕈᑎᓗᒋᑦ ᐊᐅᖓ ᑖᓗᑕᐅᑉ ᐅᖓᑖᓄᐊᕈᑎᔭᕆᐊᖃᕐᐹ ᑍᒫᒃᑕᐅᖅ ᐃᒻᒧᒃᓯᐅᒐᐅᑉ ᐸᖕᓂᐅᑉ ᐊᐅᖓᑐᑦ ᐱᔭᕆᐊᖃᕐᐹ ᓯᕐᐸᕐᓴᕈᑎᒋᔭᕆᐊᖃᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓᓄᑦ ᓵᖓᓄᓪᓗ.

ᒨᓯᓯ ᐱᖓᔪᖏᑦ 16:5

ᓄᓇᓕᖕᓂᑦ ᐃᓴᕆᐊᓕᒥᐅᓂᑦ ᐱᑎᑕᐅᔭᕆᐊᖃᕐᐳᖅ ᒎᑦᓰᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓵᖕᓂᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᑐᓂᕐᕈᑎᒃᓴᒥᒃ ᐃᑯᐊᓚᒐᒃᓴᒥᒃ.

ᒨᓯᓯ ᐱᖓᔪᖏᑦ 23:12

ᐅᓪᓗᒥ ᑕᕝᕙᓂ ᐱᕈᕐᑐᓂᒃ ᑐᓂᕐᕈᑎᖃᕕᑦᓯᓐᓂ, ᑐᓂᕐᕈᓯᕆᐊᖃᕐᐳᓯ ᐆᑕᒃᓴᒥᒃ ᐊᑕᓂᕐᒧᑦ ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 4:23

ᓇᓗᔪᓐᓁᕐᑎᑕᐅᒃᐸᓪᓗ ᐊᔪᕐᑐᓕᓂᕆᔭᖓᓂᒃ, ᑐᓂᕐᕈᑎᒃᓴᖃᕆᐊᖃᕐᐳᖅ ᒎᑦᓯᒥᒃ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᐱᖓᔪᖏᑦ 9:2

ᐂᕉᓂᓗ ᐅᖃᐅᑎᕚ, “ᑐᓂᕐᕈᑎᒃᓴᖃᕆᑦ ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᐊᖑᒻᒥᒃ ᐊᔪᕐᓂᑎᑦ ᐱᓪᓗᒋᑦ, ᑐᓂᕐᕈᑎᒃᓴᖃᒃᑲᓐᓂᕆᓪᓗ ᓰᐱᐅᑉ ᐊᖑᓴᓪᓗᖓᓂᒃ ᐃᑯᐊᓚᓗᒍ ᑐᓂᕐᕈᑎᒃᓴᒥᒃ, ᑕᒪᖏᒡᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᑖᒃᑯᐊᒃ ᐊᑕᓂᐅᑉ ᓵᖓᓄᑦ ᐱᑎᒃᑭᒃ.

ᒨᓯᓯ ᐱᖓᔪᖏᑦ 9:4

ᐃᒻᒧᒃᓯᐅᒐᕐᒥᒡᓗ ᓰᐱᐅᓪᓗ ᐊᖑᓴᓪᓗᖓᓂᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒋᓗᒋᒃ, ᐃᑯᐊᓪᓚᓗᒋᒡᓗ ᐊᑕᓂᐅᑉ ᓵᖓᓂ, ᐱᖃᓯᐅᑦᔨᓗᓯᓗ ᓂᐊᖂᔭᓂᒃ ᑐᓂᕐᕈᑎᒃᓴᓂᒃ ᐅᕐᓱᒥᒃ ᐃᓚᖃᕐᓗᒋᑦ. ᐅᓪᓗᒥ ᐊᑕᓂᖅ ᓴᖅᑭᓐᓂᐊᕐᒪᑦ ᐃᓕᑦᓯᓐᓄᑦ.”

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.