ᒨᓯᓯ ᐱᖓᔪᖏᑦ 9:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᑐᓂᕐᕈᑏᓪᓗ ᐃᑯᐊᓚᒐᒃᓮᑦ ᓄᖑᑉᐰᑦ ᑐᓐᓄᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ. ᐃᓄᐃᓪᓗ ᑕᒪᑐᒥᖓ ᑕᑯᒐᒥᒃ, ᕾᒐᓛᕐᐳᑦ ᐹᒻᒪᒡᓗᑎᒡᓗ ᑮᓇᑎᒃ ᓄᓇᒧᑦ ᐊᒃᑐᕐᓗᒍ.

ᒨᓯᓯ ᐱᖓᔪᖏᑦ 9:24 Iomraidhean Croise

ᒨᓯᓯ ᓯᕗᓪᓖᑦ 15:17

ᓯᕿᓂᕐᓕ ᓂᐱᓯᒪᓕᕐᑎᓪᓗᒍ ᑖᕐᓯᖕᒪᑦ, ᑕᑯᒋᑦ, ᐃᑯᒪᔪᒥᒃ ᐳᔫᕐᑐᒥᒡᓗ ᐃᑯᐊᓚᔪᒥᒃ ᓇᓂᕈᐊᕐᒥᒃ ᓴᖅᑭᑦᑐᖃᕐᐳᖅ ᐆᒪᔪᕕᓃᓪᓗ ᐊᒡᒍᕐᓯᒪᔪᑦ ᖁᓛᑦᑎᒎᕐᓗᓂ.

ᒨᓯᓯ ᓯᕗᓪᓖᑦ 17:3

ᐂᑉᕋᒻᓗ ᐹᒻᒪᒃᐳᖅ ᑮᓇᓂ ᓄᓇᒧᑦ ᐳᓪᓗᓂᐅᒃ; ᒎᑎᐅᓪᓗ ᐅᖃᐅᑎᕚ,

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᑯᕉᓂᑲ ᓯᕗᓪᓖᑦ 21:26

ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᑐᓂᕐᕈᓯᕐᓗᓂᓗ ᐆᑕᒃᓴᓂᒃ ᓮᒻᒪᖃᑎᒌᒍᑎᒃᓴᒥᒡᓗ, ᐊᑕᓂᕐᒧᓪᓗ ᑐᒃᓯᐊᕐᐳᖅ, ᑖᑦᓱᒪᓗ ᑭᐅᕚ ᐃᑯᒪᒧᑦ ᕿᓚᖕᒥᑦ ᑲᑕᒃᑐᒧᑦ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᑐᓂᕐᕈᑎᒃᓮᑦ ᐃᑯᐊᓪᓚᒃᑎᑉᐰᑦ.

ᑯᕉᓂᑲ ᐂᑉᐸᖏᑦ 6:2

ᐃᒡᓗᓕᐅᓚᐅᕐᐸᒋᑦ ᐱᐅᔪᒻᒪᕆᐊᓗᖕᒥᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᐄᓱᕋᐅᑉ ᐊᒡᓚᖏᑦ 3:11

ᐃᓐᖏᓚᐅᕐᐳᑦ ᐊᑕᓂᕐᒥᒃ ᓂᕐᑐᐃᓪᓗᑎᒃ, ᓇᓪᓕᒃᑭᑕᕐᓗᑎᒃ ᐅᑎᕐᑕᕐᓂᖓᓂᒃ: “ᐊᑕᓂᖅ ᐱᐅᔫᕗᖅ, ᓇᒡᓕᖕᓂᖓᓗ ᐃᓴᕆᐊᓕᒧᑦ ᐃᓱᖃᖏᑦᑑᕗᖅ.” ᐱᕕᓕᒫᒥᖕᓄᑦ ᐃᓄᓕᒫᑦ ᕾᒐᓛᓚᐅᕐᐳᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐱᑦᔪᑎᖃᕐᓗᑎᒃ ᑐᒃᓯᐊᕐᕕᐅᑉ ᑐᓐᖓᕕᖓᑕ ᐱᒋᐊᕐᑕᐅᓂᖓᓂᒃ.

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᒨᓯᓯ ᐂᑉᐸᖏᑦ 3:2

ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᕐᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᕐᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᕐᐰᑦ ᐃᑭᑉᐸᓕᐊᖏᑦᑐᑦ.

ᒨᓯᓯ ᐱᖓᔪᖏᑦ 10:2

ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᐃᓅᒃ ᑖᒃᑯᐊᒃ ᓄᖑᓪᓗᒋᒃ, ᑖᒃᑯᐊᒃ ᑐᖁᕘᒃ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 6:13

ᑐᓂᕐᕈᓯᕐᕕᖕᒥ ᐃᑯᒪ ᐃᑯᒤᓐᓇᕆᐊᖃᕐᐳᖅ ᑍᒪᓐᖓᑦ, ᖃᒥᑦᓴᕆᐊᖃᓐᖏᓚᖅ.”

ᒨᓯᓯ ᓯᑕᒪᖏᑦ 14:5

ᑕᕝᕙ ᒨᓯᓯ ᐂᕉᓂᓗ ᐹᒻᒪᖓᕘᒃ ᑮᓇᑎᒃ ᓄᓇᒧᑦ ᑐᓐᖓᓪᓗᒋᒃ ᐃᓄᒋᐊᒃᑐᕐᔪᐊᑦ ᑲᑎᒪᔪᑦ ᐃᓴᕆᐊᓕᒥᐅᑦ ᓵᖓᓂ.

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᒨᓯᓯ ᓯᑕᒪᖏᑦ 23:21

ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:9

ᐆᒪᔪᐃᑦ ᓂᕐᑐᐃᓕᕌᖓᒥᒃ ᐅᐱᒍᓱᖃᑦᑕᕐᐳᑦ ᖁᔭᓕᓪᓗᑎᒡᓗ ᑖᑦᓱᒥᖓ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᒃ, ᐃᓅᑦᓮᓐᓇᕐᑐᒥᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:11

ᐂᖏᓕᓕᒫᓪᓗ ᐃᒃᓯᕙᐅᑕᕐᔪᐊᑉ ᐊᕙᑖᓂ ᓇᖏᕐᐳᑦ ᐊᖓᔪᖅᑳᓪᓗ ᐆᒪᔪᓪᓗ ᓯᑕᒪᑦ ᐊᕙᑖᓃᖃᑕᐅᕗᑦ, ᑖᒃᑯᐊᓗ ᐹᒻᒪᒡᓗᑎᒃ ᐃᒃᓯᕙᐅᑕᕐᔪᐊᑉ ᓵᖓᓄᑦ ᒎᑎ ᓂᕐᑐᕐᐹᑦ,

ᐃᓗᐊᕐᓮᔩᑦ ᐊᒡᓚᖏᑦ 13:23

ᓄᓕᐊᖓᑕᓕ ᐅᖃᐅᑎᕚ, “ᐊᑕᓂᐅᑉ ᑐᖁᑦᓱᒪᒃᐸᑎᒍᒃ, ᐃᑯᒪᒧᑦ ᑐᓂᕐᕈᑎᑦ ᓂᐊᖂᔭᕐᓗ ᓈᒻᒪᒋᒐᔭᕐᓂᓐᖏᓔᑦ ᑐᓂᕐᕈᑎᕗᒃ, ᐅᕝᕙᓘᓐᓃᑦ ᑕᑯᑎᒃᑲᔭᓚᐅᓐᖏᓛᑎᒍᒃ ᑕᒪᒃᑯᓂᖓ, ᐅᕝᕙᓘᓐᓃᑦ ᐅᖃᐅᑎᒐᔭᓚᐅᓐᖏᓛᑎᒍᒃ ᑕᒪᒃᑯᓂᖓ ᒫᓐᓇ.”

ᐃᓗᐊᕐᓮᔩᑦ ᐊᒡᓚᖏᑦ 6:21

ᐊᑕᓂᐅᑉ ᐂᖏᓕᖓᑕ ᑎᒃᑯᐊᕐᐰᑦ ᐊᔭᐅᑉᐱᐊᑉ ᓄᕗᐊᓄᑦ ᑎᒍᒥᐊᕐᑕᒥᓄᑦ. ᐅᔭᕋᖕᒥᑦ ᐃᑯᒪ ᓴᖅᑭᑉᐳᖅ ᓂᕿ ᓂᐊᖂᔭᕐᓗ ᓄᖑᓪᓗᒋᑦ; ᐊᑕᓂᐅᓪᓗ ᐂᖏᓕᖓ ᑕᑯᒃᓴᐅᔪᓐᓃᕐᐳᖅ ᑕᕝᕙᓐᖓᑦ.