11 ᓂᕿᖓᓕ ᐊᒥᖓᓗ ᐃᑯᐊᓪᓚᒃᐹ ᓄᓇᓖᑦ ᓯᓚᑖᓂ.
ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.
ᐃᒻᒧᒃᓯᐅᒐᐅᓪᓕ ᐸᖕᓂᖓ ᐊᒥᖓᓗ ᐱᖃᓯᐅᑎᓪᓗᒍ ᓂᕿᖓᓗ ᐃᕐᕋᕕᖏᑕᓗ ᐃᓗᖏᑦ, ᐃᑯᐊᓪᓚᒃᐰᑦ ᓄᓇᓖᑦ ᓯᓚᑖᓂ, ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.
ᑐᓂᕐᕈᓯᕐᕕᐅᓪᓗ ᖄᖓᓂ ᑐᓐᓄᖓ ᐃᑯᐊᓪᓚᒃᐹ, ᑕᕐᑐᖏᒡᓗ ᑎᖑᖓᑕᓗ ᑭᒃᓴᐅᑎᖓ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᑦ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.
ᑐᓂᕐᕈᑎᒃᓴᕐᓗ ᐃᑯᐊᓚᒐᒃᓴᖅ ᑐᖁᑉᐹ. ᐃᕐᓂᖏᑕᓗ ᑐᓂᕐᕈᑎᐅᔫᑉ ᐊᐅᖓ ᑐᓂᕐᕈᑎᒋᕚᑦ, ᑐᓂᕐᕈᓯᕐᕕᐅᓪᓗ ᓴᓂᕋᖏᒃ ᓯᕐᐸᕐᓴᕐᐰᑦ.
