ᒨᓯᓯ ᐱᖓᔪᖏᑦ 8:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᒨᓯᓯ ᑍᒤᓕᐅᓚᐅᕐᐳᖅ ᐊᑕᓂᐅᑉ ᐱᖁᖕᒪᒍ, ᓄᓇᖃᑎᒌᑦ ᑲᑎᓚᐅᕐᐳᑦ ᑐᐱᐅᑉ ᑲᑎᒪᕕᐅᑉ ᐹᖓᑕ ᓴᓂᐊᓂ.

ᒨᓯᓯ ᐱᖓᔪᖏᑦ 8:4 Iomraidhean Croise

ᒨᓯᓯ ᐂᑉᐸᖏᑦ 39:1

ᐊᓐᓄᕌᓕᐅᕐᑐᓪᓗ ᐃᑦᔪᕐᓁᑦᑐᒃᓴᓂᒃ ᐊᓐᓄᕌᓕᐅᓚᐅᕐᐳᑦ ᑐᖑᔪᕐᑐᒥᒡᓗ ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᑐᕐᑕᐅᖃᑦᑕᕐᑐᒃᓴᓂᒃ ᐃᑦᔪᕐᓁᑦᑐᕕᖕᒥ ᐱᓇᓱᐊᕆᐊᓕᑐᐊᕈᑎᒃ. ᐂᕉᓂ ᐊᓐᓄᕌᓕᐅᕐᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔨᓯᐅᑎᓂᒃ ᐊᓐᓄᕌᓂᒃ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:21

ᓴᒡᕕᖕᒥᐅᑕᖅ ᓄᕐᓗᖏᑎᒍᑦ ᕿᓚᒃᓯᒪᕗᖅ ᑭᐊᑎᐅᑉ ᐃᐹᑎᐅᑉ ᓄᕐᓗᖏᓐᓄᑦ ᑐᖑᔪᕐᑐᒥᒃ ᕿᓚᕈᑎᖃᕐᓗᑎᒃ, ᑖᓐᓇ ᓴᒡᕕᖕᒥᐅᑕᖅ ᑭᐊᑎᒥᑦ ᐃᐹᑎᒥᒃ ᐊᑎᓕᖕᒥᑦ ᐲᖁᓇᒍ; ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:26

ᑕᒪᒃᑯᐊ ᓯᕙᓂᐅᑎᑯᓗᐃᑦ ᒎᓗᐃᑦ ᐸᒻᒥᕐᒍᓁᑎᓐᖑᐊᓪᓗ ᑕᕐᓴᓕᐊᕆᓯᒪᔪᑦ ᑖᑦᓱᒪ ᓄᐃᔭᒐᐅᑉ ᑭᒡᓕᓕᒫᖓᓃᐳᑦ ᐊᑐᒐᒃᓴᐅᖁᓪᓗᒍ ᐱᓇᓱᐊᕆᐊᕐᑐᕐᑐᓄᑦ; ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:29

ᑕᑦᓯᕈᑎᒃᓴᖏᓪᓗ ᖃᓪᓗᓈᕐᑕᑦᓯᐊᕔᑦ ᓵᑦᑐᑦ ᓴᓇᓯᒪᕗᑦ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᓪᓗ ᐊᐅᐸᕐᑐᓂᒡᓗ ᓄᕕᕐᓵᒃᓴᓂᑦ, ᑕᕐᓯᕐᑐᕐᓯᒪᓗᓂ ᐱᐅᓴᕐᓯᒪᕗᖅ ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:5

ᑕᒪᑐᒪᓗ ᖃᓪᓗᓈᕐᑕᐅᑉ ᐃᓚᖓᓂᒃ ᓄᕕᕐᓴᑦᑎᐊᕐᓯᒪᔪᒥᒃ ᑕᑦᓯᕈᑎᒃᓴᓕᐅᕐᐳᑦ, ᑕᒪᒃᑯᐊᓗ ᑕᕝᕗᖓ ᓴᒡᕕᖕᒥᐅᑕᒧᑦ ᐃᐹᑦᒧᑦ ᐃᓚᒋᓕᐅᑎᓯᒪᕗᑦ ᐊᑕᐅᓯᐅᓕᖅᑲᖓᓗᓂ ᐊᓐᓄᕌᕆᔭᐅᖁᓪᓗᒍ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:7

ᓴᒡᕕᖕᒥᐅᑕᕐᓗ ᐅᔭᑦᓯᐅᑕᐅᔭᖓᖕᓄᑦ ᐃᓚᓕᐅᑎᓯᒪᕗᖅ ᓴᒡᕕᖕᒥᐅᑕᕐᒧᑦ ᐃᐹᑦᑎᒥᒃ ᐊᑎᓕᖕᒧᑦ ᐃᓴᕆᐊᓕᐅᑉ ᑭᖑᕚᖏᓐᓂᒃ 12ᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒍ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐱᖓᔪᖏᑦ 8:13

ᐂᕉᓂᐅᓪᓗ ᐃᕐᓂᖏᑦ ᓯᕗᒧᐊᒃᑎᑉᐰᑦ, ᐅᕕᓂᕈᕐᑎᓪᓗᒋᓪᓗ ᑕᑭᔪᓂᒃ, ᓯᓕᒃᑐᓂᒡᓗ ᑕᑦᓯᕈᓯᕐᓗᒋᑦ, ᓂᐊᖂᓯᕐᓗᒋᓪᓗ ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.

ᒨᓯᓯ ᐱᖓᔪᖏᑦ 8:17

ᐃᒻᒧᒃᓯᐅᒐᐅᓪᓕ ᐸᖕᓂᖓ ᐊᒥᖓᓗ ᐱᖃᓯᐅᑎᓪᓗᒍ ᓂᕿᖓᓗ ᐃᕐᕋᕕᖏᑕᓗ ᐃᓗᖏᑦ, ᐃᑯᐊᓪᓚᒃᐰᑦ ᓄᓇᓖᑦ ᓯᓚᑖᓂ, ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.

ᒨᓯᓯ ᐱᖓᔪᖏᑦ 8:29

ᑐᓂᕐᕈᑎᒃᓴᐅᓪᓗ ᓴᑭᐊᖏᑦ ᒨᓯᓯᐅᑉ ᐱᔭᒃᓴᖏᑦ, ᒨᓯᓯᐅᑉ ᑎᒍᕔᑦ ᐊᐅᓪᓚᕐᑎᑦᓯᓂᒃᑯᓪᓗ ᑐᓂᕐᕈᑎᒋᕔᑦ, ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐱᖓᔪᖏᑦ 8:3

ᓄᓇᖃᑎᒌᓕᒫᓪᓗ ᑲᑎᖁᒃᑭᑦ ᑐᐱᐅᑉ ᑲᑎᒪᕕᐅᑉ ᐹᖓᑕ ᓴᓂᐊᓂ.”

ᒨᓯᓯ ᐱᖓᔪᖏᑦ 8:35

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᓴᕆᐊᖃᕐᐳᓯ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐅᓪᓗᓂᒃ 7ᓂᒃ ᐊᑕᓂᐅᓪᓗ ᐱᖁᔭᖓᓂᒃ ᒪᓕᒡᓗᓯ, ᑍᒤᒃᑯᑦᓯ ᑐᖁᓂᐊᓐᖏᓚᓯ, ᑍᒫᒃ ᑕᕝᕙ ᐱᖁᔭᐅᓯᒪᕗᖓ.”

ᒨᓯᓯ ᐱᖓᔪᖏᑦ 8:5

ᒨᓯᓯᐅᑉ ᐃᓄᐃᑦ ᐅᖃᐅᑎᕔᑦ, “ᐃᒫᒃ ᑕᕝᕙ ᐊᑕᓂᖅ ᐱᖁᔨᕗᖅ.”

ᒨᓯᓯ ᐱᖓᔪᖏᑦ 8:9

ᓇᓴᕐᑎᑉᐹᓗ ᓂᐊᖁᐊᓄᑦ ᐃᒻᒧᓯᐅᑎᓯᒪᔪᒥᒃ ᒎᓗᒥᒃ ᓯᕗᒥᐅᑕᖃᕐᑐᒥᒃ ᒎᑎᐅᑉ ᐊᖓᔪᖅᑳᖁᑎᖓᓂᒃ ᓇᓗᓁᒃᑯᑕᕐᒥᒃ ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:23

ᐊᑕᓂᕐᒥᑦ ᐱᓚᐅᕐᑕᕋ ᐃᓕᑦᓯᓐᓄᑦ ᐅᖃᐅᓯᕆᓕᕐᐸᕋ, ᐊᑕᓂᐅᑉ ᔩᓱᓯᐅᑉ ᐅᓐᓄᒃᑯᑦ ᑍᑦᓱᒪᓂ ᐱᔭᐅᒃᑲᕐᑕᐅᓂᐊᓕᕐᑎᓪᓗᒍ ᓂᐊᖂᔭᖅ ᑎᒍᕚ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:3

ᐱᔭᕆᐊᖃᓪᓚᕆᒃᑐᑦ ᑐᓂᕐᕈᓯᐊᕆᓚᐅᕐᑕᒃᑲ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ, ᐃᒫᒃ ᙭ᔅᑑᓯ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᑐᖁᓚᐅᕐᐳᖅ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ,

ᒨᓯᓯ ᑕᓪᓕᒪᖏᑦ 12:32

“ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”