ᒨᓯᓯ ᐱᖓᔪᖏᑦ 8:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᒨᓯᓯ ᐱᖓᔪᖏᑦ 8:15 Iomraidhean Croise

ᑯᕉᓂᑲ ᐂᑉᐸᖏᑦ 29:24

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑖᒃᑯᓂᖓ ᑐᖁᑦᓯᕗᑦ ᐊᐅᖏᓪᓗ ᑐᓂᕐᕈᓯᕐᕕᖕᒧᐊᕈᑎᕔᑦ ᐊᔪᕐᓂᕐᒧᑦ ᑐᓂᕐᕈᑎᐅᖁᓪᓗᒋᑦ, ᐃᓴᕆᐊᓕᒥᐅᓕᒫᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ. ᐊᖓᔪᖅᑳᕐᔪᐊᖅ ᑎᓕᓯᓚᐅᕐᒪᑦ ᐃᑯᐊᓪᓔᓂᕐᒧᑦ ᑐᓂᕐᕈᑏᑦ ᐊᔪᕐᓂᕐᒧᓪᓗ ᑐᓂᕐᕈᑏᑦ ᐃᓴᕆᐊᓕᒥᐅᓕᒫᓄᑦ ᑐᕌᖓᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 45:20

ᑕᖅᑭᐅᑉ ᐅᓪᓗᖏᑕ 7ᖓᓐᓂ ᑍᒫᑦᓮᓐᓇᖅ ᐱᓇᓱᐊᕐᑐᒃᓴᐅᕗᓯ ᑕᒻᒪᕈᑎᕕᓃᑦ ᓇᓗᓂᕐᒧᓪᓘᓐᓃᑦ ᐊᔪᕐᑐᓕᓂᕕᓃᑦ ᐱᑦᔪᑎᒋᓗᒋᑦ; ᑍᒤᓕᐅᕐᓗᓯ ᑕᕝᕙ ᑐᒃᓯᐊᕐᕕᒡᔪᐊᖅ ᐃᑦᔪᕐᓁᑎᑕᒃᓴᕆᕙᓯ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒨᓯᓯ ᐱᖓᔪᖏᑦ 1:11

“‘ᑐᓂᕐᕈᓯᕐᓂᐊᕐᑑᑉ ᑐᖁᑕᒃᓴᕆᕚ ᑐᓂᕐᕈᓯᕐᕕᐅᑉ ᐅᓐᓄᐊᓪᓗᐊᖓᑕ ᓇᓛᓂ ᐊᑕᓂᐅᑉ ᑕᒃᑯᐊᓂ, ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖏᑦ ᓯᕐᐸᕐᓴᕈᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 1:5

ᑕᕝᕙᓂᓗ ᑐᖁᑕᒃᓴᕆᕚ ᐊᖑᓴᓪᓗᖅ ᐊᑕᓂᐅᑉ ᑕᒃᑯᐊᓂ, ᐂᕉᓂᒃᑯᓐᓂᓪᓗ ᑐᓂᕐᕈᓯᕐᑎᑦᓯᔨᐅᔪᓂᑦ ᐆᒪᔫᑉ ᐊᐅᖓ ᐊᒡᔭᕐᑕᐅᔪᒃᓴᐅᕗᖅ ᓯᕐᐸᕐᓴᐅᑎᒋᓗᒍᓗ ᑐᓂᕐᕈᓯᕐᕕᐅᑉ ᐃᑎᕐᑕᕐᕕᖓᑕ ᐊᕙᓗᖏᓐᓄᑦ ᑐᐱᕐᒥ ᑲᑎᒪᕕᖕᒦᑦᑐᒧᑦ.

ᒨᓯᓯ ᐱᖓᔪᖏᑦ 16:20

ᐂᕉᓂ ᐃᑦᔪᕐᓁᑎᑦᓯᔭᕇᕈᓂ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓂᒃ, ᑐᐱᕐᒥᒡᓗ ᑲᑎᒪᕕᖕᒥᒃ, ᑐᓂᕐᕈᓯᕐᕕᖕᒥᒡᓗ, ᒎᑦᓯ ᐆᒪᔪᖅ ᑕᒪᐅᓐᖓᕐᑎᑕᒃᓴᕆᕚ.

ᒨᓯᓯ ᐱᖓᔪᖏᑦ 3:2

ᐆᒪᔪᖅ ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᓴᓂᐊᓂ. ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 3:8

ᐊᒡᒐᓂ ᐃᓕᔭᒃᓴᕆᕔᑦ ᐆᒪᔫᑉ ᓂᐊᖁᐊᓄᑦ ᑐᖁᓪᓗᓂᐅᒡᓗ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᖃᓂᒋᔮᓂ. ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 4:25

ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:30

ᑕᕝᕙ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᐃᑯᐊᓚᔪᓂᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ, ᐊᐅᓪᓗ ᐊᒥᐊᒃᑯᐊ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:7

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᒨᓯᓯ ᐱᖓᔪᖏᑦ 6:30

ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”

ᒨᓯᓯ ᓯᑕᒪᖏᑦ 8:12

ᓕᕔᑎᑦ ᑕᕝᕙ ᐸᖕᓃᑦ ᐃᒻᒧᒃᓯᐅᒊᑦ ᐃᓐᓇᐅᖏᑦᑐᑦ ᓂᐊᖁᖏᑎᒍᑦ ᐸᑎᒻᒥᔭᕆᐊᖃᕐᐰᑦ, ᑐᓂᕐᕈᓯᕆᐊᖃᕐᐳᑦ ᑕᕝᕙ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᒥᒃ ᐂᑉᐸᖓᓗ ᐆᑕᒃᓴᐅᓗᓂ ᑐᓂᕐᕈᑎ ᐊᑕᓂᕐᒧᑦ, ᓕᕔᑎᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ.

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᐃᐱᓯᒥᐅᓄᑦ 2:16

ᑐᖁᓂᕐᒥᒍᓪᓗ ᓴᓐᓂᖓᔪᓕᖕᒥ ᐊᑭᕋᕇᖕᓂᖅ ᓄᖑᑎᓚᐅᕐᐹ; ᓴᓐᓂᖓᔪᓕᒃᑯᓪᓗ ᐊᑕᐅᓯᓐᖑᕐᑎᓚᐅᕐᐹᑎᒍᑦ ᑎᒥᒥ ᐃᓅᖃᑎᒌᓕᕐᑎᓪᓗᑕᓗ ᒎᑎᒧᑦ ᐅᑎᕐᑎᓪᓗᑕ.

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.