ᒨᓯᓯ ᐱᖓᔪᖏᑦ 7:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐱᖁᔭᖅ ᑕᒪᓐᓇ ᑐᕌᕐᐳᖅ ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓂᕐᒧᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᓯᕐᓂᕐᒧᑦ: ᑐᓂᕐᕈᑎᕕᓃᑦ ᑐᓂᕐᕈᓯᕐᑎᑦᓯᔨᐅᑉ ᐱᒋᕔᑦ ᑐᓂᕐᕈᓯᕈᑦᔨᔨᐅᑉ ᐃᓄᖕᓂᒃ.

ᒨᓯᓯ ᐱᖓᔪᖏᑦ 7:7 Iomraidhean Croise

ᐊᑕᓃᑦ ᐂᑉᐸᖏᑦ 12:16

ᑮᓇᐅᔧᑦ ᑐᓂᕐᕈᑕᐅᔪᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᓄᑦ ᐊᔪᕐᑐᓕᓂᕐᒧᓪᓗ ᐃᓱᒪᒋᔪᓐᓁᕐᑕᐅᔪᕐᓯᐅᑏᑦ ᑐᒃᓯᐊᕐᕕᒡᔪᐊᕐᒧᑦ ᑐᓂᕐᕈᑕᐅᓚᐅᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᑭᓯᐊᓂ ᑐᕌᖓᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 12:17

ᑍᑦᓱᒪᓂᐅᑎᓪᓗᒍ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᕼᐊᔧᐅᓪ ᐅᓇᑕᕆᐊᕐᑐᓚᐅᕐᐳᖅ ᒑᑎᒥᐅᓂᒃ ᓵᓚᒋᓪᓗᒋᓪᓗ ᑎᒍᕔᑦ, ᑖᒃᑯᓂᖓᓗ ᑎᒍᓯᒐᒥ ᔨᕉᓴᓕᒥᐅᓂᒃᑕᐅᖅ ᐱᓇᓱᐊᕈᒪᓕᓚᐅᕆᕗᖅ.

ᒨᓯᓯ ᐱᖓᔪᖏᑦ 14:13

ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ.

ᒨᓯᓯ ᐱᖓᔪᖏᑦ 2:10

ᑐᓂᕐᕈᑎᐅᑉ ᐊᒥᐊᒃᑯᖓ ᓂᐊᖂᔭᖅ ᐂᕉᓂᐅᑉ ᐃᕐᓂᖏᑕᓗ ᐱᒋᕚᑦ; ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑖᑦᓱᒪᓂ ᑐᓂᕐᕈᑎᒥ ᐊᑕᓂᕐᒧᑦ ᑐᓂᔭᐅᔪᓂᑦ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 2:3

ᑖᑦᓱᒪᓕ ᑐᓂᕐᕈᑎᐅᑉ ᐊᒥᐊᒃᑯᖓ ᐂᕉᓂᐅᑉ ᐃᕐᓂᖏᑕᓗ ᐱᑖᕆᓂᐊᕐᐹᑦ, ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑐᓂᕐᕈᑎ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᖅ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 6:17

ᐳᕙᓪᓚᕐᓴᐅᑎᒥᒃ ᐃᓚᖃᕐᓗᓂ ᐃᒐᔭᐅᔭᕆᐊᖃᓐᖏᓚᖅ; ᐅᕙᖓ ᑐᓂᒐᒃᑯ ᑖᒃᑯᓄᖓ ᓂᕆᖃᑎᒋᓗᒋᑦ ᑐᓂᕐᕈᑎᒥᒃ ᐅᕙᓐᓄᑦ ᑐᓂᔭᐅᔪᒥᒃ ᐃᑯᒪᒃᑯᑦ. ᑍᒫᒃ ᓱᓕ ᐊᔪᕐᓂᖅ ᐱᓪᓗᒍ ᑐᓂᕐᕈᑎᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᑎᑐᑦ, ᑍᒤᑦᑐᖅ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 7:8

ᑐᓂᕐᕈᓯᕐᑎᑦᓯᔨ ᐃᑯᐊᓚᒐᒃᓴᓂᒃ ᑐᓂᕐᕈᓯᕐᐸᒃᑐᖅ ᐆᒪᔫᑉ ᐊᒥᖏᑦ ᓇᖕᒥᓂᕐᑖᕆᓗᒋᑦ ᐱᑖᕆᔭᒃᓴᕆᕔᑦ.

ᒨᓯᓯ ᓯᑕᒪᖏᑦ 5:8

ᐃᓄᒡᓕ ᐃᓚᖃᖏᑉᐸᑦ ᐅᑎᕐᑎᑦᓯᕕᐅᔪᒃᓴᒥᒃ ᐊᔪᕐᑐᓕᓂᖅ ᐱᓪᓗᒍ, ᐊᔪᕐᑐᓕᓂᕐᒧᑦ ᐅᑎᕐᑎᑦᓯᒍᑎ ᑐᓂᔭᐅᔭᕆᐊᖃᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᒧᑦ ᑐᓂᓗᒍ, ᐃᓚᓗᒍᓗ ᓰᐱᒥᒃ ᐊᖑᓴᓪᓗᕐᒥᒃ ᐃᓱᒪᒋᔭᐅᔪᓐᓁᕈᑎᒃᓴᒥᒃ, ᑖᑦᓱᒧᖓ ᑕᕝᕙ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:18

ᐃᓴᕆᐊᓕᒥᐅᑦ ᐃᓱᒪᒋᓯᐅᒃ; ᑐᓂᕐᕈᑕᐅᔪᓂᒃ ᒎᑎᒧᑦ ᓂᕆᔪᑦ ᐱᖃᑕᐅᓐᖏᓛᑦ ᑐᓂᕐᕈᓯᕐᕕᖕᒥᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:13

ᖃᐅᔨᒪᓐᖏᓚᓰ? ᑐᒃᓯᐊᕐᕕᒡᔪᐊᕐᒥ ᐃᖅᑲᓁᔭᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᓂᕆᕙᖕᒪᑕ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᑐᑦ ᑐᓂᕐᕈᑎᕕᓃᑦ ᐃᓚᖏᓐᓂᒃ ᐱᖃᑕᐅᕙᖕᒪᑕ.