ᒨᓯᓯ ᐱᖓᔪᖏᑦ 7:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑐᓂᕐᕈᓯᕐᑎᑦᓯᔨᐅᑉ ᑐᓐᓄᐃᑦ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ, ᐆᒪᔫᓪᓕ ᓴᑭᐊᖏᑦ ᐂᕉᓂᐅᑉ ᐃᕐᓂᖏᑕᓗ ᐱᑖᕆᓂᐊᕐᐹᑦ.

ᒨᓯᓯ ᐱᖓᔪᖏᑦ 7:31 Iomraidhean Croise

ᒨᓯᓯ ᐂᑉᐸᖏᑦ 29:26

“ᑖᑦᓱᒪᓕ ᑐᓂᕐᕈᑕᐅᔫᑉ ᓰᐱᐅᑉ ᐊᖑᓴᓪᓗᖓᑕ ᓴᑭᐊᖏᑦ ᐲᕐᓗᒋᑦ ᑐᓂᕐᕈᑎᒋᔭᒃᓴᕆᕙᑎᑦ ᐊᑕᓂᕐᒧᑦ ᐃᓴᐅᑎᓗᒋᑦ ᓄᓗᕋᐅᑎᒋᓗᒋᓪᓗ; ᑖᒃᑯᐊᓕ ᐃᕝᕕᑦ ᓂᕿᒃᓴᕐᑖᕆᔭᒃᓴᕆᕙᑎᑦ.

ᒨᓯᓯ ᐱᖓᔪᖏᑦ 3:11

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᕆᕔᑦ ᓂᕿᒃᓴᐅᖁᓪᓗᒋᑦ, ᑐᓂᕐᕈᑕᐅᓪᓗᑎᒃ ᐃᑯᒪᒃᑯᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 3:16

ᑐᓂᕐᕈᓯᕐᑎᐅᑉ ᐃᑯᐊᓚᑎᑕᒃᓴᕆᕔᑦ ᑐᓂᕐᕈᓯᕐᕕᖕᒥ ᓂᕿᒃᓴᐅᖁᓪᓗᒋᑦ, ᑖᒃᑯᐊ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᒃᓴᐅᖕᒪᑕ, ᑎᐱᖓᓗ ᒪᒪᕐᓗᓂ ᑐᓐᓄᓕᒫᖏᒃ ᐊᑕᓂᐅᑉ ᐱᒋᕔᑦ.

ᒨᓯᓯ ᐱᖓᔪᖏᑦ 3:5

ᐂᕉᓂᐅᓪᓗ ᐃᕐᓂᖏᑕ ᐃᑯᐊᓚᑎᑕᒃᓴᕆᕚᑦ ᑐᓂᕐᕈᓯᕐᕕᖕᒥ ᑐᓂᕐᕈᑏᑦ ᐃᑯᐊᓚᑎᑕᐅᔪᑦ ᖄᖏᓐᓂ ᕿᔪᐃᑦ ᖄᖏᓐᓃᑦᑐᓂ, ᑐᓂᕐᕈᑏᑦ ᑍᒤᑦᑐᑦ ᑐᓂᕐᕈᑎᐅᖕᒪᑕ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕙ.

ᒨᓯᓯ ᐱᖓᔪᖏᑦ 5:13

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᑎᑉᐹ ᐊᔪᕐᓃᑦ ᓇᓪᓕᐊᑐᐃᓐᓁᑦ ᐱᓪᓗᒋᑦ ᐊᔪᕐᑐᓕᓂᕆᔭᖏᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. ᐊᒥᐊᒃᑯᖏᓪᓕ ᑐᓂᕐᕈᓯᕐᑎᑦᓯᔨᐅᑉ ᐱᒋᕚ, ᓂᐊᖂᔭᖅ ᑐᓂᕐᕈᑕᐅᑎᓪᓗᒍ.”

ᒨᓯᓯ ᐱᖓᔪᖏᑦ 6:16

ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᐊᒥᐊᒃᑯᖓ ᓂᕆᔭᒃᓴᕆᕚᑦ, ᓂᕆᔭᐅᔭᕆᐊᖃᕐᐳᕐᓕ ᐳᕙᓪᓚᕐᓴᐅᑎᖃᖏᓪᓗᓂ ᐃᑦᔪᕐᓁᑦᑐᕕᖕᒥ; ᓂᕆᔭᕆᐊᖃᕐᐹᓪᓗ ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᐱᖓᔪᖏᑦ 6:26

ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᐱᖓᔪᖏᑦ 7:34

ᐃᓴᕆᐊᓕᒥᐅᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᖏᓐᓂᑦ, ᐆᒪᔫᑉ ᑐᓂᕐᕈᑎᐅᑉ ᓴᑭᐊᖏᒃ ᐊᐅᓪᓚᕐᑎᑕᒃᓴᐅᔫᑉ ᐊᑕᓂᐅᑉ ᓵᖓᓂ, ᐆᒪᔫᓪᓗ ᒥᒥᖓ ᑕᓕᕐᐱᒃ ᑐᓂᕐᕈᑕᐅᔪᖅ ᑖᒃᑯᐊ ᑐᓂᕙᒃᑲ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ ᐃᕐᓂᖏᓐᓄᓪᓗ ᑍᒤᑦᑐᓂᒃ ᐱᑎᑕᐅᖁᓪᓗᒋᑦ ᐃᓴᕆᐊᓕᒥᐅᓂᑦ.”

ᒨᓯᓯ ᐱᖓᔪᖏᑦ 8:29

ᑐᓂᕐᕈᑎᒃᓴᐅᓪᓗ ᓴᑭᐊᖏᑦ ᒨᓯᓯᐅᑉ ᐱᔭᒃᓴᖏᑦ, ᒨᓯᓯᐅᑉ ᑎᒍᕔᑦ ᐊᐅᓪᓚᕐᑎᑦᓯᓂᒃᑯᓪᓗ ᑐᓂᕐᕈᑎᒋᕔᑦ, ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᓯᑕᒪᖏᑦ 18:11

“ᐅᕝᕙᑦᑕᐅᖅ ᐃᓕᑦᓯ ᐱᒋᓂᐊᕐᒥᔭᓯ: ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓃᑦ ᐃᓄᐃᑦ ᑐᓂᕐᕈᑎᕕᓂᖏᑦ, ᐃᓚᖃᕐᓗᑎᒃ ᐃᓴᕆᐊᓕᒥᐅᓂᑦ ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓂᖏᓐᓂᒃ; ᐃᓕᖕᓄᑦ ᑖᒃᑯᐊ ᑐᓂᓯᒪᕙᒃᑲ ᐃᕐᓂᑎᑦ ᐸᓂᑎᓪᓗ ᑐᓂᖃᓯᐅᑎᓪᓗᒋ ᑕᒪᒃᑯᓂᖓ, ᑍᒪᓐᖓᓕᒫᖅ ᑕᒪᓐᓇ ᒪᓕᒐᐅᖁᓪᓗᒍ. ᑐᒃᓯᐊᕐᓂᑯᑦ ᓴᓗᒻᒪᕐᓯᒪᔪᓕᒫᑦ ᐃᓚᒌᖕᓂᑦᓯᓐᓂ ᐱᔪᑦ ᓂᕆᖃᑕᐅᔪᓐᓇᕐᐳᑦ.

ᒨᓯᓯ ᓯᑕᒪᖏᑦ 18:18

ᓂᕿᖏᑦ ᐃᓕᑦᓯ ᐱᓂᐊᕐᐸᓯ, ᓴᑭᐊᑦ ᐃᓵᒃᑕᕈᑕᐅᓯᒪᔪᑦ ᒥᒥᖏᓪᓗ ᑕᓕᕐᐱᖏᑦ ᐱᔭᕆᐊᖃᕋᕕᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:13

ᖃᐅᔨᒪᓐᖏᓚᓰ? ᑐᒃᓯᐊᕐᕕᒡᔪᐊᕐᒥ ᐃᖅᑲᓁᔭᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᓂᕆᕙᖕᒪᑕ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᑐᑦ ᑐᓂᕐᕈᑎᕕᓃᑦ ᐃᓚᖏᓐᓂᒃ ᐱᖃᑕᐅᕙᖕᒪᑕ.

ᒨᓯᓯ ᑕᓪᓕᒪᖏᑦ 18:3

“ᖃᖓᓕᒫᕐᓕ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᑐᓂᕐᕈᓯᕐᑐᖃᓕᕐᐸᑦ ᑐᖁᑕᒃᓴᒥᒃ, ᑕᕝᕙ ᑐᓂᕐᕈᓯᕐᑎᑦᓯᔩᑦ ᑐᓂᔭᐅᔪᒃᓴᐅᕗᑦ ᑭᐊᓯᖏᖕᓂᒃ, ᐊᒡᓕᕈᖏᖕᓂᒃ, ᕿᓴᕈᐊᖓᓂᒡᓗ.