ᒨᓯᓯ ᐱᖓᔪᖏᑦ 7:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᓇᖕᒥᓂᖅ ᑎᒍᒥᐊᕐᓗᓂ ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕆᐊᕐᑐᕆᐊᖃᕐᐳᖅ ᐊᑕᓂᕐᒧᑦ ᐃᑯᐊᓚᑦᓯᕕᖕᒧᑦ; ᑐᓐᓄᖏᖕᓂᒃ ᑐᓂᕐᕈᑎᒃᓴᖃᕆᐊᖃᕐᐳᖅ, ᓴᑭᐊᖏᒡᓗ ᐱᖃᓯᐅᑎᓗᒋᒃ, ᐆᒪᔫᑉ ᓴᑭᐊᖏᑦ ᐊᐅᓪᓚᕐᑎᑕᒃᓴᐅᓗᑎᒃ ᑐᓂᕐᕈᑕᐅᓂᕐᒧᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 7:30 Iomraidhean Croise

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᒨᓯᓯ ᐱᖓᔪᖏᑦ 10:14

ᑭᓯᐊᓂᓕ ᐆᒪᔫᑉ ᓴᑭᐊᖏᓐᓂᒃ ᐃᕝᕕᓪᓗ ᐃᕐᓂᑎᓪᓗ ᐸᓂᒃᑎᓪᓗ ᐊᐅᓪᓚᕐᑎᑕᐅᓪᓗᓂ ᑐᓂᕐᕈᑕᐅᓯᒪᔪᖅ ᒥᒥᖏᒡᓗ ᑐᓂᕐᕈᑕᐅᓯᒪᔪᖅ ᓂᕆᔭᒃᓴᕆᕙᓯ, ᑖᒃᑯᐊ ᓂᕆᓯᐅᒃ ᐅᒃᐱᕐᓂᐅᑉ ᐃᓕᖅᑯᓯᖓᑕ ᐃᑦᔪᕐᓁᓐᓂᕋᕐᑕᖓᓃᓪᓗᓯ ᑖᒃᑯᐊ ᑐᓂᔭᐅᖕᒪᑕ ᐃᓕᖕᓄᑦ ᕿᑐᕐᖓᕐᓄᓪᓗ ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓂᑦ ᐱᔪᑦ.

ᒨᓯᓯ ᐱᖓᔪᖏᑦ 10:15

ᒥᒥᖅ ᑐᓂᕐᕈᑕᐅᓯᒪᔪᖅ ᓴᑭᐊᒡᓗ ᐊᐅᓪᓚᕐᑎᑕᐅᓗᓂ ᑐᓂᕐᕈᑕᐅᓯᒪᔪᖅ ᐃᓚᖃᕐᓗᓂ ᑐᓐᓄᕐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᓂᒃ, ᐊᐅᓪᓚᕐᑎᑕᐅᓗᑎᒃ ᑐᓂᕐᕈᑎᒃᓮᑦ ᐊᑕᓂᕐᒧᑦ. ᑖᒃᑯᐊ ᑕᕝᕙ ᐃᕝᕕᑦ ᐱᑖᕆᔭᕆᐊᖃᕐᑕᑎᑦ ᕿᑐᕐᖓᕐᓄᓪᓗ, ᐊᑕᓂᖅ ᑍᒫᒃ ᐱᖁᔨᓚᐅᕐᒪᑦ.”

ᒨᓯᓯ ᐱᖓᔪᖏᑦ 3:14

ᑐᓂᕐᕈᑎᒃᓴᒥᓂᑦ ᑕᕝᕙᓐᖓᑦ ᑐᓂᕐᕈᓯᕐᑐᒃᓴᐅᕗᖅ ᐃᑯᐊᓚᑎᑦᓯᓐᓂᒃᑯᑦ ᐊᑕᓂᕐᒧᑦ; ᐆᒪᔫᑉ ᑭᒃᓴᐅᑎᓕᒫᖏᓐᓂᒃ, ᓴᓂᐊᓃᑦᑐᓕᒫᓪᓗ.

ᒨᓯᓯ ᐱᖓᔪᖏᑦ 3:9

ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᒥᒃ ᑐᑯᑕᒃᓴᒥᒃ ᑐᓂᕐᕈᓯᕐᑐᒃᓴᐅᕗᖅ ᐃᑯᐊᓚᑎᑦᓯᓂᒃᑯᑦ ᐊᑕᓂᕐᒧᑦ ᑐᓂᔭᒃᓴᒥᒃ; ᑐᓐᓄᖓᓂᒃ, ᑐᓐᓄᓕᒫᖏᒃ ᐸᒥᐅᖓ ᓇᑲᓯᒪᓗᓂ ᕿᒥᕐᓗᐊᑕ ᑭᒡᓕᖓᒍᑦ, ᑭᒃᓴᐅᑎᓕᒫᖏᑦ ᐃᕐᕋᕕᖏᓐᓂᒃ ᐅᓕᒃᓯᓯᒪᔪᑦ ᐅᕝᕙᓘᓐᓃᑦ ᓴᓂᐊᓃᑦᑐᓕᒫᑦ.

ᒨᓯᓯ ᐱᖓᔪᖏᑦ 8:27

ᑖᒃᑯᐊᓗ ᐃᓕᕔᑦ ᐂᕉᓂᐅᓪᓗ ᐃᕐᓂᖏᑕᓗ ᐊᒡᒐᖏᓐᓄᑦ ᐊᐅᓪᓚᕐᑎᑉᐹᓪᓗ ᐊᑕᓂᐅᑉ ᓵᖓᓂ, ᐊᐅᓪᓚᕐᑎᑦᓯᓂᕐᒥᒃ ᑐᓂᕐᕈᑎᒥᒃ ᑍᔭᐅᔪᒥᒃ.

ᒨᓯᓯ ᐱᖓᔪᖏᑦ 8:29

ᑐᓂᕐᕈᑎᒃᓴᐅᓪᓗ ᓴᑭᐊᖏᑦ ᒨᓯᓯᐅᑉ ᐱᔭᒃᓴᖏᑦ, ᒨᓯᓯᐅᑉ ᑎᒍᕔᑦ ᐊᐅᓪᓚᕐᑎᑦᓯᓂᒃᑯᓪᓗ ᑐᓂᕐᕈᑎᒋᕔᑦ, ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐱᖓᔪᖏᑦ 9:20

ᑖᒃᑯᐊ ᓴᑭᐊᖏᒃᑕ ᖄᖏᓐᓄᑦ ᐃᓕᕔᑦ, ᐂᕉᓂᐅᓪᓗ ᐃᑯᐊᓪᓚᒃᐰᑦ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 9:21

ᐂᕉᓂᐅᓪᓗ ᐆᒪᔫᑉ ᓴᑭᐊᖏᑦ ᒥᒥᖓᑕᓗ ᑕᓕᕐᐱᐊ ᑐᓂᕐᕈᑎᒋᕔᑦ ᐊᑕᓂᐅᑉ ᓵᖓᓂ, ᑍᒫᒃ ᑐᓂᕐᕈᑎᒋᕔᑦ ᒨᓯᓯᐅᑉ ᐱᖁᔨᓂᖓ ᒪᓕᒡᓗᒍ.

ᒨᓯᓯ ᓯᑕᒪᖏᑦ 6:20

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᐃᓵᒃᑕᕐᓂᕐᒧᑦ ᑐᓂᕐᕈᑎᒋᔭᒃᓴᕆᕔᑦ ᐊᑕᓂᐅᑉ ᓵᖓᓂ, ᐃᓚᖃᕐᓗᑎᒃ ᓰᐱᐅᑉ ᓴᑭᐊᖏᓐᓂᒃ ᐃᓵᒃᑕᕐᓂᕐᒧᑦ ᑐᓂᕐᕈᑕᐅᓗᑎᒃ ᓰᐱᐅᓪᓗ ᐊᖑᓴᓪᓘᑉ ᒥᒥᖓ ᑭᕕᖃᑦᑕᕐᓗᒍ ᑐᓂᕐᕈᑕᐅᓗᓂ, ᑖᒃᑯᐊ ᑕᕝᕙ ᐃᑦᔪᕐᓁᓕᔪᑦ ᑐᓂᕐᕈᓯᕐᑎᑦᓯᔨᐅᑉ ᓂᕿᒃᓴᖏᑦ, ᐱᔭᕇᕐᐸᑦ ᑕᕝᕙ ᓈᓴᕅᑎ ᕔᓂᒥᒃ ᐃᒥᕈᓐᓇᕐᓯᓂᐊᕐᐳᖅ.

ᒨᓯᓯ ᓯᑕᒪᖏᑦ 8:11

ᐂᕉᓂᐅᓪᓗ ᓕᕔᑎᑦ ᐊᑕᓂᕐᒧᑦ ᑐᓂᔭᕆᐊᖃᕐᐰᑦ ᐃᓵᒃᑕᕈᑎᔭᐅᓗᑎᒃ ᑐᓂᕐᕈᑕᐅᔪᑎᑐᑦ ᐃᓴᕆᐊᓕᐅᑉ ᑭᑐᕐᖓᖏᓐᓂᑦ ᐱᓗᓂ, ᐊᑕᓂᐅᑉ ᐱᓂᐊᕐᑕᐅᖁᔭᖏᓐᓂᒃ ᐱᓇᓱᐊᕐᑎᐅᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 10:18

ᐃᓅᓯᓐᓂᒃ ᐊᕐᓵᕐᑕᐅᔪᓐᓇᓐᖏᓚᖓ ᑭᓇᒧᓪᓘᓐᓃᑦ, ᓇᖕᒥᓂᕐᓕ ᐃᓱᒪᕐᓱᕐᓗᖓ ᑐᓂᕐᕈᑎᒋᕙᕋ. ᐱᔪᓐᓇᕐᓂᖃᕐᐳᖓ ᑐᓂᕐᕈᑎᒋᓗᒍ, ᐱᔪᓐᓇᕐᓂᖃᕆᕗᖓᓗ ᐊᒻᒪ ᐅᑎᕐᑎᓪᓗᒍ; ᑕᒪᑐᒥᖓ ᑍᒫᒃ ᐊᑖᑕᒪ ᐱᖁᓚᐅᕐᐹᖓ ᐱᓇᓱᐊᖁᓪᓗᖓ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᒨᓯᓯ ᑕᓪᓕᒪᖏᑦ 18:3

“ᖃᖓᓕᒫᕐᓕ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᑐᓂᕐᕈᓯᕐᑐᖃᓕᕐᐸᑦ ᑐᖁᑕᒃᓴᒥᒃ, ᑕᕝᕙ ᑐᓂᕐᕈᓯᕐᑎᑦᓯᔩᑦ ᑐᓂᔭᐅᔪᒃᓴᐅᕗᑦ ᑭᐊᓯᖏᖕᓂᒃ, ᐊᒡᓕᕈᖏᖕᓂᒃ, ᕿᓴᕈᐊᖓᓂᒡᓗ.