ᒨᓯᓯ ᐱᖓᔪᖏᑦ 7:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓂᕿ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᖅ ᐅᓪᓘᑉ ᐱᖓᔪᐊᓐᓂ ᓂᕆᔭᐅᒃᐸᑦ, ᑐᓂᕐᕈᑕᐅᓂᖓ ᐃᓚᓕᐅᕐᑕᐅᓂᐊᓐᖏᓚᖅ. ᑐᓂᕐᕈᓯᕐᑐᕕᓂᐅᓪᓗ ᑐᓂᕐᕈᓯᕐᓂᖓ ᐊᑐᕈᓐᓁᕐᓂᐊᕐᐳᖅ ᑍᒤᑦᑐᖅ ᐃᑦᔪᕐᓇᕐᓯᖕᒪᑦ, ᑍᒤᑦᑐᒥᒡᓗ ᓂᕆᔪᖅ ᐸᓯᔭᒃᓴᕈᕐᓂᐊᕐᐳᖅ ᑐᓂᕐᕈᓯᕐᑐᕕᓂᐅᑉ ᐸᓯᔭᒃᓴᐅᑦᔪᑎᖓᓂᒃ.

ᒨᓯᓯ ᐱᖓᔪᖏᑦ 7:18 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᐂᓮᐊᓯᐅᑉ ᐊᒡᓚᖏᑦ 65:4

ᐃᓗᕕᖃᕐᕕᖕᓃᒋᐊᕐᑐᖃᑦᑕᕐᐳᑦ, ᐅᓐᓄᐊᒃᑯᑦ ᐱᒑᕐᓗᑎᒃ ᐃᓗᕕᕐᓃᑉᐳᑦ ᐃᔨᕐᓯᒪᕕᖕᒥᖕᓂ; ᓂᕆᓪᓗᑎᒃ ᑰᒃᑰᓯᕕᓂᕐᓂᒃ, ᖃᔪᓕᐅᕐᐸᒃᓗᑎᒃ ᓇᕐᕈᓇᕐᑐᓂᒃ ᐅᒃᑯᓯᖕᒥᖕᓂ;

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 14:10

ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ ᐃᓄᖕᓄᑦ, “ᐅᕙᓐᓂᒃ ᕿᒤᖃᑦᑕᕐᓗᑎᒃ ᖁᕕᐊᓱᓚᐅᕐᐳᑦ, ᓄᖅᑲᖓᔭᕆᐊᒃᓴᖅ ᐊᔪᓚᐅᕋᒥᒃ; ᑍᒤᒻᒪᑦ ᐊᑕᓂᐅᑉ ᐃᓚᓕᐅᕈᓐᓃᕐᐰᑦ ᐱᐅᖏᑦᑐᓕᓂᖏᑦ ᐃᖅᑲᐅᒪᔭᑐᐊᕆᓕᕐᐰᑦ ᐊᔪᕐᑐᓕᓂᖏᓪᓗ ᐱᑦᔪᑎᒋᓪᓗᒋᑦ ᓱᒋᐊᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 18:20

ᑕᕐᓂᖅ ᐊᔪᕐᑐᓕᔪᖅ ᑭᓯᒥ ᑐᖁᔪᒃᓴᐅᕗᖅ. ᐃᕐᓂᖓᓕ ᐸᓯᔭᒃᓴᐅᑦᔪᑎᖃᕐᑐᒃᓴᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ, ᐅᕝᕙᓘᓐᓃᑦ ᐊᑖᑕᐅᔪᖅ ᐃᕐᓂᖓᑕ ᐊᔪᕐᑐᓕᓯᒪᓂᖓᓄᑦ ᐸᓯᔭᒃᓴᐅᑦᔪᑎᖃᕐᑐᒃᓴᐅᖏᓐᓂᕗᖅ; ᓈᒻᒪᓈᕐᑐᒥᒃ ᐃᓅᓯᖃᕐᑐᖅ ᓈᒻᒪᓈᕐᑐᒥᒃ ᐃᒻᒥᓄᑐᐊᖅ ᐊᑭᓕᕐᑕᐅᔪᒫᕐᐳᖅ, ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓄᑦ ᐃᒻᒥᓄᑐᐊᖅ ᐊᑭᓕᕐᑕᐅᑦᔪᒫᕆᕗᖅ.

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 10:19

ᐂᕉᓂᓗ ᑭᐅᕗᖅ ᒨᓯᓯᒧᑦ, “ᐅᓪᓗᒥ ᐃᓄᐃᑦ ᐊᔪᕐᓂᑎᒃ ᐱᓪᓗᒍ ᑐᓂᕐᕈᓯᕐᐳᑦ ᐃᑯᐊᓪᓚᒋᐊᓕᖕᓂᒡᓗ ᑐᓂᕐᕈᓯᕐᐳᑦ ᐊᑕᓂᕐᒧᑦ; ᑭᓯᐊᓂᓕ ᐅᕙᓐᓄᑦ ᑕᒪᓐᓇ ᐃᓱᒪᔮᕐᓇᕐᑐᖅ ᑎᑭᑉᐳᖅ! ᐅᓪᓗᒥ ᓂᕆᓚᐅᕈᒪ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᕐᒥᑦ, ᐊᑕᓂᐅᑉ ᑕᒪᓐᓇ ᓈᒻᒪᒋᒐᔭᕐᐸᐅᒃ?”

ᒨᓯᓯ ᐱᖓᔪᖏᑦ 11:41

“ᐆᒪᔪᐃᑦ ᒥᑭᔪᑦ ᓄᓇᒥ ᐹᕐᖑᕐᑐᓕᒫᑦ ᐃᑦᔪᕐᓇᕐᐳᑦ; ᓂᕆᔭᐅᔭᕆᐊᖃᕋᑎᒡᓗ.

ᒨᓯᓯ ᐱᖓᔪᖏᑦ 17:16

ᐊᓐᓄᕌᓂ ᐅᐊᓴᖏᑉᐸᒋᑦ ᐅᕕᓂᓕᒫᓂᓗ ᐅᐊᓴᖏᑉᐸᒍ ᐃᒥᕐᒧᑦ ᑕᕝᕙ ᐸᓯᔭᒃᓴᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 19:5

“ᐊᑕᓂᕐᒧᑦ ᑐᓂᕐᕈᓯᕈᑦᓯ ᑐᖁᑕᒃᓴᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒥᒃ, ᑐᓂᕐᕈᑎᒋᓯᐅᒃ ᐱᖁᔭᐅᓯᒪᔪᑦ ᒪᓕᑦᓯᐊᕐᓗᒋᑦ ᐃᓚᓕᐅᕐᑕᐅᑦᓯᐊᖁᓪᓗᒍ ᐃᓕᑦᓯ ᐱᓪᓗᓯ.

ᒨᓯᓯ ᐱᖓᔪᖏᑦ 20:17

“ᐊᖑᑦ ᓄᓕᐊᓂᒃᐸᑦ ᓇᔭᖕᒥᓂᒃ, ᐊᑖᑕᒥ ᐸᓂᖓᓂᒡᓘᓐᓃᑦ, ᐊᓈᓇᒥ ᐸᓂᖓᓂᒡᓘᓐᓃᑦ, ᑖᒃᑯᐊᒃ ᐱᖃᑎᒌᒃᐸᑎᒃ, ᑕᒪᓐᓇ ᓇᕐᕈᓇᕐᓂᐅᕗᖅ ᐃᓄᐃᑦ ᑕᒃᑯᐊᓂ ᐃᓅᖃᑎᒌᓂᑦ ᐊᕕᑕᐅᔭᕆᐊᖃᕐᐳᒃ; ᐊᖑᑎᐅᑉ ᓇᔭᓂ ᐅᐱᒋᖏᒻᒪᒍ ᑖᓐᓇᓗ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 20:19

“ᐊᖑᑦ ᐃᓐᓇᖓᖃᑎᖃᕐᐸᑦ ᐊᓈᓇᖓᑕ ᓄᑲᖓᓂᒃ ᐊᖓᔪᐊᓂᒡᓘᓐᓃᑦ ᐊᑖᑕᖓᑕᓘᓐᓃᑦ ᓇᔭᖓᓂᒃ, ᐃᓚᒋᔭᒥᓂᒃ ᓇᕐᕈᓇᕐᓯᑎᑦᓯᕗᖅ, ᑕᒪᕐᒥᒃ ᑕᕝᕙ ᐸᓯᔭᒃᓴᐅᓕᕐᓂᐊᕐᐳᑦ.

ᒨᓯᓯ ᐱᖓᔪᖏᑦ 22:16

ᐱᑎᑕᐅᔭᕆᐊᖃᖏᑦᑐᓂᒃ ᓂᕆᑎᑦᓯᖃᑦᑕᕐᐸᑕ ᑍᒤᑦᑐᓂᒡᓗ ᐸᓯᔭᒃᓴᐅᓕᕐᑎᓯᖁᓇᒋᑦ ᓱᒋᐊᕐᑕᐅᔭᕆᐊᖃᓕᕐᓗᑎᒃ. ᐅᕙᖓ ᐊᑕᓂᐅᒐᒪ ᐃᑦᔪᕐᓁᑎᑦᓯᔪᖅ.”

ᒨᓯᓯ ᐱᖓᔪᖏᑦ 22:23

ᑭᓯᐊᓂᓕ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᓯᕈᓐᓇᕋᓗᐊᕐᐳᓯ ᓂᕐᔪᑎᒥᒃ ᐱᕈᕈᓐᓇᖏᓐᓂᑯᒥᒃ ᐃᓗᓯᕐᓗᒃᑐᒥᒡᓘᓐᓃᑦ, ᑭᓯᐊᓂ ᐃᓚᓕᐅᕐᑕᐅᒐᔭᓐᖏᓚᖅ ᐊᖏᕈᑎᒋᓇᓱᐊᕐᑕᓕᒫᑦᓯᓐᓄᑦ.

ᒨᓯᓯ ᐱᖓᔪᖏᑦ 22:25

“ᑍᒤᑦᑐᓂᒃ ᓂᕐᔪᑎᓂᒃ ᐃᓚᓕᐅᕆᔭᕆᐊᖃᓐᖏᓚᓯ ᐃᓴᕆᐊᓕᒥᐅᖑᖏᑦᑐᓂᑦ ᓂᕿᒃᓴᐅᓗᑎᒃ ᒎᑎᒧᑦ ᑐᓂᕐᕈᑎᒋᔭᐅᓇᓱᐊᕐᑐᓂᒃ. ᑍᒤᑦᑐᑦ ᐃᓚᓕᐅᕐᑕᐅᓂᐊᓐᖏᓚᑦ ᐃᓕᑦᓯ ᐱᑦᔪᑎᒋᓗᓯ, ᑎᒥᖏᑦ ᐱᐅᓯᕐᓗᖕᒪᑕ ᐃᓗᓯᕐᓗᒡᓗᑎᒡᓗ.”

ᒨᓯᓯ ᐱᖓᔪᖏᑦ 5:17

“ᐃᓄᐃᓪᓕ ᓇᓪᓕᐊᑦ ᐊᔪᕐᑐᓕᒃᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ, ᐃᓄᒃ ᓇᖕᒥᓂᖅ ᖃᐅᔨᖏᒃᑲᓗᐊᕐᓗᓂ ᑕᕝᕙ ᐸᓯᔭᒃᓴᐅᕗᖅ ᓱᒋᐊᒐᒃᓴᐅᓪᓗᓂᓗ, ᐱᓕᕆᔭᕆᐊᖃᕐᓗᓂᓗ ᐱᖁᔭᖅ ᒪᓕᒡᓗᒍ.

ᒨᓯᓯ ᐱᖓᔪᖏᑦ 7:19

ᓂᕿ ᐊᑐᕐᓯᒪᔪᖅ ᓱᓇᑐᐃᓐᓇᕐᒧᑦ ᐅᒃᐱᕐᓂᐅᑉ ᐃᓕᖅᑯᓯᖓᒍᑦ ᓴᓗᒤᓐᓂᕋᕐᑕᐅᔪᒧᑦ ᓂᕆᔭᐅᔭᕆᐊᖃᓐᖏᓚᖅ ᐃᑭᑕᐅᔭᕆᐊᖃᕐᐳᓪᓕ. ᐅᒃᐱᕐᓂᐅᑉ ᐃᓕᖅᑯᓯᖓᒍᑦ ᓴᓗᒪᓂᕋᕐᑕᐅᔪᑦ ᑕᒪᕐᒥᒃ ᓂᕆᔪᓐᓇᕐᐳᑦ.

ᐂᒨᓯᐅᑉ ᐊᒡᓚᖏᑦ 5:22

ᐅᕙᓐᓄᑦ ᑐᓂᕐᕈᓯᕋᓗᐊᕋᑦᓯ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᓂᒃ, ᓂᐊᖂᔭᒃᓴᓂᒡᓗ ᑐᓂᕐᕈᓯᕋᓗᐊᕋᑦᓯ ᐃᓚᓕᐅᕐᓂᐊᓐᖏᓚᒃᑲ, ᑐᓂᕐᕈᓯᕋᓗᐊᕈᑦᓯᓗ ᐃᓚᒋᔭᐅᑦᓯᐊᕈᒪᓂᕐᒧᑦ ᖁᐃᒃᑎᓴᕐᑕᐅᓯᒪᔪᓂᒃ ᐃᒃᐱᒋᓂᐊᓐᖏᓚᒃᑲ.

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᒪᓚᑬᑉ ᐊᒡᓚᖏᑦ 1:13

‘ᐃᕿᐊᓐᖑᓇᕐᓯᕗᑦ,’ ᓇᕐᕈᒋᓪᓗᖓᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑎᒡᓕᒐᕕᓃᑦ ᐂᑦᑑᑎᒋᕙᓯ, ᑐᓯᐊᑦᑐᑦ, ᖃᓂᒪᔪᓪᓗ, ᑕᒪᒃᑯᐊᓗ ᑐᓂᕐᕈᑎᒋᓪᓗᒋᑦ! ᐃᓚᓕᐅᕆᐊᖃᕐᐸᒃᑳ ᑐᓂᕐᕈᑎᓰ? ᐊᑕᓂᖅ ᐅᖃᕐᐳᖅ.

ᒨᓯᓯ ᓯᑕᒪᖏᑦ 18:27

ᐃᓵᒃᑕᕈᑎᒋᓗᒍ ᑐᓂᕐᕈᑎᓯ ᐊᑦᔨᖃᕆᐊᖃᕐᐳᖅ ᓂᐊᖂᔭᒃᓴᓂᒃ ᐃᕖᔧᕕᐅᑉ ᓇᑎᖓᓂ ᐊᒥᐊᒃᑯᕐᓗᑯᑎᑐᑦ, ᕔᓂᓕᐅᕐᕕᐅᓪᓘᓐᓃᑦ ᑕᑕᓗᐊᕈᑎᖓᑐᑦ.

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.