ᒨᓯᓯ ᐱᖓᔪᖏᑦ 7:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ “ᑭᓯᐊᓂᓕ ᑐᓂᕐᕈᑎᖃᕐᑐᖃᕐᐸᑦ ᐊᖏᕐᓯᒪᓂᓂ ᐱᑦᔪᑎᒋᓗᒍ, ᐅᕝᕙᓘᓐᓃᑦ ᑐᓂᕐᕈᓯᕆᐊᖃᕐᓂᕐᒧᑦ ᐃᓱᒪᒥᓂᒃ ᑐᓂᕐᕈᓯᕐᑐᖃᕐᐸᑦ, ᑐᓂᕐᕈᑎᖓ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ, ᐊᒥᐊᒃᑯᖃᕐᐸᓪᓗ ᐅᓪᓘᑉ ᐂᑉᐸᖓᓂ ᓄᖑᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 7:16 Iomraidhean Croise

ᐃᓐᖏᕈᑎᑦ 116:14

ᐊᑕᓂᖅ ᐊᖏᕈᑎᒋᓯᒪᔭᓐᓂᒃ ᑐᓂᓯᕕᒋᓂᐊᕐᐸᕋ ᐃᓄᖁᑎᖏᑦ ᑕᒪᕐᒥᒃ ᓇᔫᑎᑎᓪᓗᒋᑦ.

ᐃᓐᖏᕈᑎᑦ 116:18

ᐊᑕᓂᖅ ᐊᖏᕈᑎᒋᓯᒪᔭᓐᓂᒃ ᑐᓂᓯᕕᒋᓂᐊᕐᐸᕋ ᐃᓄᖁᑎᖏᑦ ᑕᒪᕐᒥᒃ ᓇᔫᑎᑎᓪᓗᒋᑦ.

ᐃᓐᖏᕈᑎᑦ 66:13

ᑐᒃᓯᐊᕐᕕᒃᔪᐊᖁᑎᖕᓄᑦ ᐂᓂᐊᕐᐳᖓ ᐆᑕᒃᓴᓂᒃ ᑐᓂᕐᕈᓯᕆᐊᕐᑐᕐᓗᖓ; ᐊᑭᓕᕈᒪᕙᒋᑦ ᐊᖏᒻᒪᕆᒍᑎᒋᓯᒪᔭᓐᓂᒃ.

ᒨᓯᓯ ᐂᑉᐸᖏᑦ 35:29

ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:14

“ᑐᓂᕐᕈᓯᕆᐊᖃᖅᑲᐅᒐᒪ, ᐅᓪᓗᒥ ᐊᖏᕈᑎᒃᑲ ᐊᑭᓕᖅᑲᐅᕙᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 46:12

“ᐊᖓᔪᖅᑳᖅ ᐃᓱᒪᕐᓱᕐᓗᓂ ᑐᓂᕐᕈᑎᒋᔪᒪᔭᒥᓂᒃ ᑐᓂᓯᔪᒪᒃᐸᑦ ᐊᑕᓂᕐᒧᑦ, ᐃᑯᐊᓚᑎᑕᒃᓴᒥᒃ ᐃᓅᖃᑎᖃᑦᓯᐊᕐᓂᕐᒧᖔᔪᒥᒡᓘᓐᓃᑦ ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒃᑯᑦ ᐃᑎᕐᑐᒃᓴᐅᕗᖅ; ᑐᓂᕐᕈᓯᕐᑐᒃᓴᐅᕗᕐᓗ ᓴᐸᑎᒥ ᑐᓂᕐᕈᓯᕐᓗᓂ ᐱᐅᓯᕆᕙᒃᑕᒥᑐᑦ. ᐱᔭᕇᕈᓂ ᑕᕝᕙᓐᖓᑦ ᐊᓂᔪᒃᓴᐅᕗᖅ, ᐊᓂᔭᕇᕐᐸᓪᓗ ᐃᑎᕐᑕᕐᕕᒃ ᐅᒃᑯᐊᕐᑕᐅᔪᒃᓴᐅᕗᖅ.”

ᒨᓯᓯ ᐱᖓᔪᖏᑦ 22:23

ᑭᓯᐊᓂᓕ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᓯᕈᓐᓇᕋᓗᐊᕐᐳᓯ ᓂᕐᔪᑎᒥᒃ ᐱᕈᕈᓐᓇᖏᓐᓂᑯᒥᒃ ᐃᓗᓯᕐᓗᒃᑐᒥᒡᓘᓐᓃᑦ, ᑭᓯᐊᓂ ᐃᓚᓕᐅᕐᑕᐅᒐᔭᓐᖏᓚᖅ ᐊᖏᕈᑎᒋᓇᓱᐊᕐᑕᓕᒫᑦᓯᓐᓄᑦ.

ᒨᓯᓯ ᐱᖓᔪᖏᑦ 22:29

ᑐᓂᕐᕈᓯᕈᑦᓯ ᐆᑕᒃᓴᒥ ᖁᔭᓕᑦᔪᑎᒥᒃ ᐊᑕᓂᕐᒧᑦ, ᑐᓂᕐᕈᓯᕐᑐᒃᓴᐅᕗᓯ ᐱᖁᔭᐅᔪᓂᒃ ᒪᓕᑦᓯᐊᕐᓗᓯ ᐃᓚᓕᐅᕐᑕᐅᑦᓯᐊᖁᓪᓗᓯ;

ᒨᓯᓯ ᐱᖓᔪᖏᑦ 23:38

ᑖᒃᑯᐊ ᑐᓂᕐᕈᓯᕐᓃᑦ ᐊᑕᓂᐅᑉ ᓴᐸᑎᖏᑕ ᐊᓯᐊᒍᑦ ᑐᓂᕐᕈᓯᕐᓂᐅᕗᑦ, ᐊᒻᒪ ᓱᓕ ᑐᓂᕐᕈᓯᕆᐊᖃᕐᓂᑦᓯ ᐱᔭᕆᐊᖃᕐᑐᑦ ᖄᒃᑲᓐᓂᐊᒎᕆᕗᑦ ᐊᖏᕈᑎᖃᕈᒪᓂᕐᒧᓪᓘᓐᓃᑦ, ᑐᓂᕐᕈᓯᕈᒪᓂᕐᒧᓪᓘᓐᓃᑦ.)

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᒨᓯᓯ ᓯᑕᒪᖏᑦ 15:3

ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:17

ᐊᑕᓂᕐᒧᓪᓕ ᑐᓂᕐᕈᑎᒃᓴᕆᔭᓯ ᓄᓇᒥ ᓇᔪᕐᑕᑦᓯᓐᓂ ᓂᕆᔭᒃᓴᕆᓐᖏᓚᓯ: ᑕᓪᓕᒪᐅᔪᐃᕈᑎᒋᒍᑦᓯᐅᒃ ᐱᕈᕐᑐᕕᓂᐅᒃᐸᑦ ᓂᐊᖂᔭᒃᓴᖅ, ᕔᓂᒃᓴᖅ, ᓇᐹᕐᑑᓪᓗ ᐱᕈᕐᑐᖓ ᐅᕐᓱᒃᓴᐅᒃᐸᑦ, ᐃᒻᒧᒃᓯᐅᒐᖁᑎᑦᓯᓗ ᕿᑐᕐᖏᕐᖓᐅᑎᒋᒃᐸᒍ ᓰᐱᖁᑎᑦᓯᓘᓐᓃᑦ, ᐊᑕᓂᕐᒧᑦ ᐊᖏᕈᑎᒋᓯᒪᒍᕕᐅᒃ ᑐᓂᕐᕈᑎᒃᓴᕆᔪᒪᓗᒍ, ᐃᓱᒪᕐᓱᕐᓗᑎᑦ ᑐᓂᔪᒪᔭᕐᓂᒃ ᑐᓂᕐᕈᓯᕐᓂᐊᕈᕕᑦ, ᐊᓯᖏᓐᓂᒡᓘᓐᓃᑦ ᑐᓂᕐᕈᑎᒃᓴᕆᔭᕐᓂᒃ.

ᒨᓯᓯ ᑕᓪᓕᒪᖏᑦ 12:26

ᐊᑕᓂᐅᓪᓕ ᑐᒃᓯᐊᕐᕕᒃᓴᐅᑎᑕᖓᓄᑦ ᐊᑕᐅᓯᕐᒧᑦ ᐋᑦᓯᔪᒃᓴᐅᕗᑎᑦ ᑐᓂᕐᕈᑎᒃᓴᕆᔭᕐᓂᒃ ᑐᓂᔭᒃᓴᕆᔭᕐᓂᒡᓗ ᐊᑕᓂᕐᒧᑦ ᐊᖏᕈᑎᒋᓯᒪᔭᕐᓂᒃ.

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;