ᒨᓯᓯ ᐱᖓᔪᖏᑦ 6:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑲᔪᓯᓂᐊᕐᓂᕋᕐᓗᓂᓗ ᓴᒡᓗᓂᕆᓚᐅᕐᑕᒥᓂᒃ. ᐅᑎᕐᑎᑦᓯᑦᓯᐊᕆᐊᖃᕐᐳᖅ 20ᐳᓴᒥᒡᓗ ᐃᓚᒃᑲᓐᓂᕐᓗᒋᑦ ᐅᑎᕐᑎᑕᓂ ᐃᓄᐊᓄᑦ ᑖᑦᓱᒧᖓ, ᐅᓪᓗᒥ ᑖᑦᓱᒪᓂᑦᓮᓐᓇᖅ ᐸᓯᔭᒃᓴᐅᓂᓂ ᐱᓪᓗᒍ ᑐᓂᕐᕈᓯᕐᕕᖕᒥᓂ.

ᒨᓯᓯ ᐱᖓᔪᖏᑦ 6:5 Iomraidhean Croise

ᓴᒧᐃᓕ ᐂᑉᐸᖏᑦ 12:6

ᐱᓂᐊᕐᓂᕆᓚᐅᕐᑕᖓ ᐱᐅᖏᑦᑐᖅ ᐱᑦᔪᑎᒋᓪᓗᒍ, ᐊᑭᓖᔪᒃᓴᐅᕗᖅ ᓯᑕᒤᕐᑐᕐᓗᒍ ᑎᒍᓚᐅᕐᑕᒥᓂᒃ, ᓂᑲᒍᓱᖃᖏᑦᓯᐊᕐᒪᑦ.”

ᓂᕼᐃᒤᐊᐅᑉ ᐊᒡᓚᖏᑦ 10:35

ᐊᒻᒪ ᒪᓕᒐᒃᓴᓕᐅᕆᕗᒍᑦ ᓄᓇᖁᑎᑦᑕ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᓇᐹᕐᑐᐃᓪᓗ ᐸᐅᕐᖓᖏᑕ ᓯᕗᓪᓕᕐᐹᒥᒃ ᐱᕈᕐᑎᑕᓕᒫᖏᑦ, ᐊᕐᕌᒍᑕᒫᑦ, ᑐᓂᖃᑦᑕᕈᒪᓪᓗᑎᒍ ᐊᑕᓂᐅᑉ ᐃᒡᓗᖓᓄᑦ.

ᒨᓯᓯ ᐂᑉᐸᖏᑦ 22:1

“ᐃᓄᒃ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᓰᐱᒥᒡᓘᓐᓃᑦ ᑎᒡᓕᒃᐸᑦ, ᑎᒡᓕᒑᓂᓗ ᑐᖁᑉᐸᒍ ᐅᕝᕙᓗ ᓂᐅᕐᕈᑎᒋᒃᐸᒍ, ᑕᕝᕙ ᐊᑭᓖᔭᕆᐊᖃᕋᔭᕐᐳᖅ ᐊᖑᓴᓪᓗᕐᓂᒃ ᑕᓪᓕᒪᓂᒃ ᐊᖑᓴᓪᓗᕐᒧᑦ ᐊᑕᐅᓯᕐᒧᑦ, ᓰᐱᓂᒡᓗ ᓯᑕᒪᓂᒃ ᓰᐱᒧᑦ ᐊᑕᐅᓯᕐᒧᑦ. ᑎᒡᓕᒑᕕᓂᕐᒥᓂᒃ ᐊᑭᓖᔭᕆᐊᖃᕐᐳᖅ; ᐊᑭᓕᐅᑎᒃᓴᖃᖏᑉᐸᓪᓕ, ᑕᕝᕙ ᓂᐅᕐᕈᑎᒋᔭᐅᒐᔭᕐᐳᖅ ᓯᐊᓛᕐᑕᕆᔭᐅᓗᓂ ᑎᒡᓕᖕᓂᕕᓂᕐᒥᓄᑦ.

ᒨᓯᓯ ᐂᑉᐸᖏᑦ 22:4

ᑭᓯᐊᓂᓕ ᐅᓪᓗᒃᑯᑦ ᑎᒡᓕᒐᓱᐊᕐᑐᒥᒃ ᑍᒫᒃ ᑐᖁᑕᐅᔪᖃᕐᐸᑦ, ᑕᕝᕙ ᑐᖁᑦᓯᔪᖅ ᐸᓯᔭᒃᓴᐅᓕᕋᔭᕐᐳᖅ.

ᒨᓯᓯ ᐂᑉᐸᖏᑦ 22:7

“ᐃᓄᒡᓕ ᑮᓇᐅᔭᒥᓂᒃ ᐱᖁᑎᒥᓂᒡᓘᓐᓃᑦ ᐃᓅᖃᑎᒥᓄᑦ ᐱᓯᒪᔭᐅᖁᔨᒃᐸᑦ ᑲᒪᒋᔭᐅᖁᓗᓂᒋᓪᓘᓐᓃᑦ, ᑖᒃᑯᐊᓗ ᑲᒪᒋᔭᐅᖁᔭᖏᖅ ᑎᒡᓕᒐᐅᓐᓂᕐᐸᑕ ᐱᓯᒪᒃᓯᕐᑑᑉ ᐃᒡᓗᖓᓂᑦ, ᑎᒡᓕᒃᑐᕕᓂᕐᓗ ᖃᐅᔨᔭᐅᒃᐸᑦ, ᑖᓐᓇ ᑎᒡᓕᒃᑐᕕᓂᖅ ᐊᑭᓖᔭᕆᐊᖃᓕᕋᔭᕐᐳᖅ ᒪᕐᕈᕕᓪᓗᐊᕐᑐᓂᒃ.

ᒨᓯᓯ ᐂᑉᐸᖏᑦ 22:9

“ᑲᒪᑎᑕᐅᒍᑎᒥᓂᒡᓕ ᑲᒪᑦᓯᐊᖏᓐᓂᕅᔪᖃᕐᓗᓂ ᐂᕙᐅᑎᔪᖃᓕᕐᐸᑦ, ᓇᓪᓕᐊᓐᓄᑐᐃᓐᓇᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓄᑦ, ᐅᕝᕙᓗ ᓯᐅᑎᖅᑯᕐᑐᔪᒧᑦ, ᐅᕝᕙᓗ ᓰᐱᒧᑦ, ᐅᕝᕙᓗ ᐊᓐᓄᕌᓄᑦ, ᐅᕝᕙᓗ ᓱᓇᑐᐃᓐᓇᕐᒧᑦ ᐊᓯᐅᔨᔭᐅᓯᒪᔪᒧᑦ, ᐃᓅᒃ ᒪᕐᕉᒃ ᐊᑐᓂᑦ ᐱᖃᕐᑐᐃᓐᓇᐅᓂᕋᕐᐸᑎᒃ ᑕᕝᕙ ᑖᒃᑯᐊᒃ ᒎᑎᒧᑦ ᐱᑎᑕᐅᔪᒃᓴᐅᕘᒃ. ᑕᕝᕙᓂᓗ ᒎᑎᐅᑉ ᐊᖑᑦ ᐸᓯᔭᒃᓴᐅᓂᕋᕐᑕᖓ ᑖᓐᓇ ᐊᑭᓖᔪᒃᓴᐅᕗᖅ ᒪᕐᕈᕕᓪᓗᐊᕐᑐᓂᒃ ᐂᕙᖃᑎᒋᓚᐅᕐᑕᒥᓄᑦ.

ᒨᓯᓯ ᐂᑉᐸᖏᑦ 30:7

ᐅᓪᓛᑕᒫᑦ ᐂᕉᓂ ᓇᓂᕈᐊᓂᒃ ᐊᑐᐃᓐᓇᕈᕐᑎᑦᓯᒋᐊᕐᑐᓕᕈᓂ, ᐃᓯᕐᓗᐊᕐᓂᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐃᑯᐊᓪᓔᔪᒃᓴᐅᕗᖅ ᑐᓂᕐᕈᓯᕐᕕᐅᑉ ᖄᖓᓂ.

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 58:9

ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 33:15

ᐊᔪᕐᑐᓕᔪᖅ ᐊᑐᕐᑐᐊᕐᓯᒪᔭᕕᓂᕐᒥᓂᒃ ᐅᑎᕐᑎᑦᓯᒃᐸᑦ, ᑎᒡᓕᒃᓯᒪᔭᕕᓂᓂᓗ ᐅᑎᕐᑎᑉᐸᒋᑦ, ᐃᓅᑦᓯᐊᓕᕐᐸᓪᓗ, ᐱᐅᖏᑦᑐᓕᔪᓐᓃᕐᓗᓂ; ᑖᓐᓇ ᐃᓅᓂᐊᓕᕐᐳᖅ, ᑐᖁᓂᐊᕈᓐᓃᕐᓗᓂ.

ᒨᓯᓯ ᐱᖓᔪᖏᑦ 5:16

ᐃᓄᒃ ᑖᓐᓇ ᐊᑭᓖᒋᐊᖃᕐᐳᖅ ᐱᔭᕆᐊᖃᓚᐅᕐᑕᒥᓂᒃ ᐱᓐᖏᓮᓐᓇᕐᓂᑯᒥᓂᒃ ᐃᑦᔪᕐᓁᑎᑕᐅᔪᑦ ᓇᓛᓄᑦ, ᓱᓕᓗ ᐊᑭᓖᒃᑲᓐᓂᕐᓗᓂ 20ᐳᓴᒥᒃ ᐊᑭᓕᕆᐊᖃᕐᑕᒥ ᐅᖓᑖᓄᑦ ᑐᓂᕐᕈᓯᕐᑎᒧᑦ ᑐᓂᓗᒋᑦ. ᑖᑦᓱᒪ ᑐᓂᕐᕈᓯᕈᑎᓂᐊᕐᐹ ᓰᐱᐅᑉ ᐊᖑᓴᓪᓗᖓᓂᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ.

ᓘᑲᓯᐅᑉ ᐊᒡᓚᖏᑦ 19:8

ᓴᑭᐊᓯ ᓂᑯᕕᓪᓗᓂ ᐊᑕᓂᕐᒧᑦ ᐅᖃᕐᐳᖅ, “ᑕᑯᒋᑦ ᐊᑕᓃᖅ, ᐱᖁᑎᒪ ᐊᕝᕙᖏᑦ ᑐᓂᓂᐊᕐᐸᒃᑲ ᐊᒃᖢᔪᓄᑦ; ᓴᒡᓗᕿᑦᓯᓯᒪᓐᓂᕈᒪᓗ ᓇᓪᓕᐊᓐᓂᑐᐃᓐᓇᖅ ᐅᑎᕐᑎᑦᓯᕕᒋᓂᐊᕐᐸᕋ ᓯᑕᒤᕐᓱᓪᓗᐊᕐᑐᒥᒃ.”

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”