ᒨᓯᓯ ᐱᖓᔪᖏᑦ 6:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᕝᕙᓘᓐᓃᑦ ᐊᓯᐅᔨᔭᐅᓯᒪᔪᓂᒃ ᓇᓂᓯᓗᓂ ᓴᒡᓗᑦᔪᑎᒋᒃᐸᒋᑦ, ᐊᖏᕈᑎᖃᕐᐸᓪᓗ ᓱᓕᑦᓯᐊᕈᑎᒥᒃ ᓱᓕᖏᓪᓗᓂ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᔪᕐᑐᓕᒃᐸᑦ ᓇᓪᓕᐊᓐᓂᒃ ᐃᓄᐃᑦ ᐊᔪᕐᑐᓕᓂᕆᕙᒃᑕᖏᓐᓂᒃ.

ᒨᓯᓯ ᐱᖓᔪᖏᑦ 6:3 Iomraidhean Croise

ᒨᓯᓯ ᐂᑉᐸᖏᑦ 23:4

“ᐊᑭᕋᕐᑐᕐᑎᕕᑦ ᐆᒪᔪᖁᑎᖓᓂᒃ ᑕᑯᒍᕕᑦ ᐃᒻᒧᒃᓯᐅᒐᖁᑎᖓᓂᒃ ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᐃᐱᕐᓯᒪᖏᑦᑐᒥᒃ, ᑕᕝᕙ ᐅᑎᕐᑎᑕᒃᓴᕆᕙᑦ ᐃᓄᐊᓄᑦ.

ᒨᓯᓯ ᐂᑉᐸᖏᑦ 28:42

ᖃᓪᓗᓈᕐᑕᒥᒃ ᖃᕐᓕᓕᐅᕐᑕᒃᓴᕆᕙᓯ, ᕿᑎᖏᓐᓂᑦ ᐱᒋᐊᕐᓗᒍ ᖁᒃᑐᕋᖓᓄᑦ ᑎᑭᐅᒪᔪᓂᒃ, ᑲᓐᖑᓇᕐᓂᖏᑦ ᑕᑯᔭᐅᖁᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:28

ᐃᖅᑲᕐᑐᐃᕕᖕᒥ ᖃᐅᔨᓚᐅᕐᑐᑐᑦ ᐃᓚᐅᓂᐊᕐᓇᒃ ᐃᓅᖃᑎᖕᓄᑦ ᐱᑦᔪᑎᖃᖏᑦᑐᒧᑦ, ᐅᐃᕕᕆᒃᓯᒐᔭᕋᕕᑦ ᓱᓕᖏᑦᑐᒥᒃ ᐅᖃᕈᕕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 44:19

ᐊᓂᓕᕈᑎᒃ ᑐᕐᓲᖑᔭᕐᒧᑦ ᓯᓚᕙᓯᖕᓂᕐᓴᒧᑦ ᐃᓄᐃᑦ ᓇᔪᒐᖓᓐᓄᑦ, ᐊᓐᓄᕌᑦ ᐊᑐᕋᑖᕐᑕᑎᒃ ᐱᓇᓱᐊᕐᓗᑎᒃ ᐲᕐᑕᒃᓴᕆᕔᑦ, ᐃᒡᓗᕈᓯᕐᒧᑦ ᐃᑦᔪᕐᓁᑦᑐᒃᑯᕕᖕᒧᑦ ᐃᓕᓗᒋᑦ; ᐊᓯᖏᓐᓂᒃ ᐊᓐᓄᕌᕐᑐᒃᓴᐅᕗᑦ, ᐃᑦᔪᕐᓁᑦᑐᒥᒃ ᐱᓇᓱᐊᕈᕆᑎᒋᓚᐅᕐᑕᖏᑦ ᐃᓄᖕᓂᒃ ᖃᓄᐃᓕᑎᑦᓯᖁᓇᒋᑦ.

ᒨᓯᓯ ᐱᖓᔪᖏᑦ 1:16

ᑐᓂᕐᕈᓯᕐᓂᐊᕐᑑᑉ ᑎᖕᒥᐊᑉ ᐳᕕᐊᖓ ᐲᕐᓗᓂᐅᒃ ᐃᓗᓕᖏᓪᓗ ᐃᒋᓪᓗᒋᑦ ᑐᓂᕐᕈᓯᕐᕕᐅᑉ ᓴᓂᕌᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓄᑦ, ᐊᕐᔭᓂᓗᒃᑯᕕᖕᒧᑦ.

ᒨᓯᓯ ᐱᖓᔪᖏᑦ 16:4

ᐊᑐᕆᐊᖃᕐᐳᖅ ᖃᓪᓗᓈᕐᑕᒥᒃ ᐅᕕᓂᕈᕐᒥᒃ ᑕᑭᔪᒥᒃ, ᐃᓗᓪᓖᓪᓗ ᓵᑦᑐᑦ ᐊᑐᕐᓗᒋᑦ; ᑕᑦᓯᕈᓯᕐᓯᒪᓗᓂᓗ ᖃᓪᓗᓈᕐᑕᒥᒡᓗ ᓇᓴᕐᓯᒪᓗᓂ, ᑖᒃᑯᐊ ᐊᓐᓄᕌᑦ ᐃᑦᔪᕐᓁᑦᑑᖕᒪᑕ; ᐊᓐᓄᕌᖏᓐᓂᕐᒥᓂ ᐃᒥᕐᒧᑦ ᐅᐊᓴᕆᐊᖃᕐᐳᖅ ᑎᒥᓕᒫᒥᓂᒃ.

ᒨᓯᓯ ᐱᖓᔪᖏᑦ 19:12

ᐊᖏᕐᓗᑎᑦ ᓱᓕᓂᕋᕈᑎᖃᕆᐊᖃᓐᖏᓚᑎᑦ ᐅᕙᖓ ᐊᑎᓐᓂᒃ, ᐊᖏᕈᑎᒋᔭᕐᓂᒃ, ᓱᓕᖏᒃᑯᕕᑦ ᒎᑎᕕᑦ ᐊᑎᖓ ᓇᕐᕈᓇᕐᓯᑎᓐᓂᐊᕋᕕᐅᒃ, ᐅᕙᖓ ᐊᑕᓂᐅᒐᒪ.

ᓴᑲᕅᐊᐅᑉ ᐊᒡᓚᖏᑦ 5:4

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᒪᑦ, ᓱᒋᐊᕐᑕᐅᑦᔪᑎᒃᓮᑦ ᑖᒃᑯᐊ ᐊᐅᓪᓚᕐᑎᓐᓂᐊᕐᓂᕋᕐᓗᒋᑦ, ᐃᑎᕐᓂᐊᕐᐳᓪᓗ ᑎᒡᓕᒃᐸᒃᑐᓕᒫᑦ ᐃᒡᓗᖏᓐᓄᑦ, ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᓪᓗ ᐃᒡᓗᖏᓐᓄᑦ. ᐅᐸᒃᑕᒥᓂᓗ ᐃᒡᓗᒥ ᑕᕝᕙᓃᖏᓐᓇᕐᓂᐊᕐᐳᖅ ᓯᖁᒥᓐᓂᐊᕐᐹᓗ, ᕿᔪᐃᓪᓗ ᐅᔭᕋᖏᓪᓗ.”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”