ᒨᓯᓯ ᐱᖓᔪᖏᑦ 6:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ “ᐃᒤᑦᑐᒥᒃ ᐂᕉᓂ ᐃᕐᓂᖏᓪᓗ ᑐᓂᕐᕈᓯᕆᐊᖃᕐᐳᑦ ᐅᓪᓗᒥ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᕕᖕᒥᖕᓂ: ᐅᖁᒤᓐᓂᐅᑉ ᓇᑉᐹᓂᒃ ᐅᖁᒤᑎᒋᔪᒥᒃ ᓂᐊᖂᔭᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᑉ ᑐᓂᕐᕈᑕᐅᓂᖓᓂᒃ, ᑖᑦᓱᒪ ᓇᑉᐹ ᐅᓪᓛᒃᑯᑦ ᑐᓂᕐᕈᑎᒋᓗᒍ ᓇᑉᐹᓗ ᐅᓐᓄᒃᐸᑦ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 6:20 Iomraidhean Croise

ᑯᕉᓂᑲ ᓯᕗᓪᓖᑦ 23:29

ᑲᒪᔨᐅᖁᓪᓗᒋᓪᓗ ᓂᐊᖂᔭᓂᒃ ᒎᑎᒧᑦ ᑐᓂᔭᐅᓯᒪᔪᓂᒃ, ᓂᕿᒃᓴᓂᒡᓗ ᑐᓂᕐᕈᑕᐅᓯᒪᔪᓂᒃ, ᐳᕙᓪᓚᕐᓴᐅᑎᖃᖏᑦᑐᓂᒡᓗ ᐆᓯᒪᔪᓂᒃ, ᐆᓯᒪᔪᓂᒡᓗ ᓂᐊᖂᔭᓂᒃ ᑐᓂᕐᕈᑕᐅᓯᒪᔪᓂᒃ, ᐊᓯᖏᓐᓂᒡᓗ ᐅᕐᓱᒃᓴᓂᒃ, ᐆᒃᑑᑎᓂᒡᓗ ᓱᓇᑐᐃᓐᓇᓂᒃ ᐊᖏᓕᕇᓂᒃ ᐊᑦᔨᒌᖏᑦᑐᓂᒃ;

ᒨᓯᓯ ᐂᑉᐸᖏᑦ 16:36

(ᖃᓪᓗᑎᐅᑉ ᓇᑉᐸᖓ ᐸᓂᕐᓯᕐᓯᒪᔪᓄᑦ ᐊᑐᕐᑕᐅᕙᓚᐅᕐᑐᖅ ᐊᑦᔨᖃᐸᓗᒍᓐᓇᕐᑐᖅ ᖃᓪᓗᑎᓂᒃ ᑕᓪᓕᒪᓂᒃ.)

ᒨᓯᓯ ᐂᑉᐸᖏᑦ 29:2

ᓂᐊᖂᔭᒃᓴᓂᓪᓗ ᐱᐅᓂᕐᐹᓂᑦ ᐱᓯᒪᔪᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᖂᔭᓂᒃ ᓇᒃᓴᕐᑐᒃᓴᐅᕗᑎᑦ, ᓂᐊᖂᔭᓂᒃ ᓇᒃᓴᕐᑐᒃᓴᐅᒋᕗᑎᑦ ᓇᐹᕐᑑᑉ ᐅᕐᓱᖓᓂᒃ ᐃᓚᓯᒪᔪᓂᒃ, ᓯᕙᓂᒡᓗ ᐸᓂᕐᑎᓯᒪᔪᓂᒃ ᐅᕐᓱᒧᑦ ᒥᖑᐊᕐᓯᒪᔪᓂᒃ.

ᒨᓯᓯ ᐱᖓᔪᖏᑦ 23:13

ᐃᓚᓗᒍ ᓂᐊᖂᔭᒥᒃ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐸᐅᕐᖎᑦ ᐅᕐᓱᖓᓂᒃ ᐃᓚᓗᒍ, ᑖᒃᑯᐊ ᑐᓂᔭᐅᔭᕆᐊᖃᕐᐳᖅ ᐃᑯᐊᓚᑦᓯᓂᒃᑯᑦ, ᑎᐱᖓ ᐊᑕᓂᐅᑉ ᒪᒪᕆᖕᒪᒍ. ᐃᓚᖃᕆᐊᖃᕆᕗᖅ ᐃᒥᒐᒃᓴᒥᒃ ᑐᓂᕐᕈᑎᒥᒃ ᕔᓂᒥᒃ 1ᓖᑕᒥᒃ ᐊᖏᓂᖃᕐᑐᒥᒃ.

ᒨᓯᓯ ᐱᖓᔪᖏᑦ 5:1

“ᐃᓄᒃ ᐊᔪᕐᑐᓕᒃᐸᑦ ᐃᖅᑲᕐᑐᐃᔪᖃᕐᑎᓪᓗᒍ ᐅᖃᐅᓯᖃᖏᑦᑐᖅ ᐅᖃᕆᐊᖃᕋᓗᐊᕐᓗᓂ ᑕᑯᓚᐅᕐᑕᒥᓂᒃ ᖃᐅᔨᓚᐅᕐᑕᒥᓂᒡᓗ ᑖᓐᓇ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 5:11

“ᑑᕖᖕᓂᒡᓕ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᓯᕆᐊᒃᓴᖅ ᐊᔪᕐᐸᑦ ᐊᑕᓂᕐᒧᑦ ᑕᕝᕙ ᕾᑦᓯᔭᕆᐊᖃᕐᐳᖅ ᓂᐊᖂᔭᒃᓴᒥᒃ 2ᐸᐅᓐᒥᒃ ᐅᖁᒤᓐᓂᓕᖕᒥᒃ ᓯᖃᓕᑦᓯᐊᕐᓯᒪᔪᒥᒃ ᐊᔪᕐᓂᓂ ᐱᓪᓗᒍ. ᓂᐊᖂᔭᖅ ᐅᕐᓯᕆᐊᖃᓐᖏᓚᖅ ᑎᐱᑦᓯᐊᕆᒃᑐᒥᒡᓘᓐᓃᑦ ᐃᓐᓴᓐᓯᒥᒃ ᐃᓚᔭᕆᐊᖃᓐᖏᓚᖅ, ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 6:11

ᑍᒫᒡᓗ ᐊᑐᕐᑕᓂ ᑖᒃᑯᐊ ᐲᕐᓗᒋᑦ ᐊᓯᖏᓐᓂᒡᓗ ᐊᑎᓯᔪᒃᓴᐅᕗᖅ, ᐊᕐᔭᓕᓃᑦ ᑖᒃᑯᐊ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ ᐃᓕᖅᑯᓯᖅ ᒪᓕᒡᓗᒍ ᓴᓗᒻᒪᕐᓴᕐᑕᐅᓯᒪᔪᒧᑦ.

ᒨᓯᓯ ᐱᖓᔪᖏᑦ 6:19

ᐊᑕᓂᐅᑉ ᒨᓯᓯ ᐅᖃᐅᑎᒋᕚ,

ᒨᓯᓯ ᓯᑕᒪᖏᑦ 28:10

ᑍᒫᒃ ᐃᑯᐊᓚᑎᑕᒃᓴᖅ ᓴᐸᑎ ᑕᒫᑦ, ᖃᐅᑕᒫᑦ ᑐᓂᕐᕈᑎᑦ ᐃᓚᒋᒃᑲᓐᓂᕆᐊᖃᕐᑕᖓ.”

ᒨᓯᓯ ᓯᑕᒪᖏᑦ 28:3

“ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.

ᒨᓯᓯ ᓯᑕᒪᖏᑦ 4:16

“ᐃᓕᓯᕆᐅᓪᓕ ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᑕ ᐱᔭᒃᓴᖓ ᖃᐅᒻᒪᖅᑯᑏᑦ ᐅᕐᓱᒃᓴᖓᓂᒃ ᑲᒪᔨᐅᓗᓂ, ᐳᔫᕐᑎᑕᒐᕐᒥᒡᓗ ᑎᐱᑦᓯᐊᕆᒃᑐᒥᒃ, ᓂᐊᖂᔭᒃᓴᒥᒡᓗ ᖃᐅᑕᒫᑦ ᑐᓂᕐᕈᑕᐅᔭᕆᐊᖃᕐᑐᒥᒃ, ᐅᕐᓱᒥᒡᓗ ᒥᖑᐊᕐᓯᑦᔪᑕᐅᕙᒃᑐᒥᒃ, ᑐᐱᕐᔪᐊᕐᓗ ᑲᑎᒪᕕᒃ ᑕᒪᕐᒥᒃ ᐃᓗᓕᖏᓪᓗ ᖃᐅᔨᓴᕐᓗᓂᒋᑦ.”

ᐄᑉᕈᐃᓄᑦ 5:1

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᕐᑐᑦ ᐃᓅᖃᑎᒌᓂᑦ ᓂᕈᐊᕐᑕᐅᓲᖑᕗᑦ ᑎᓕᔭᐅᓪᓗᑎᒡᓗ ᒎᑎᒥᒃ ᐱᔨᑦᓯᖁᓪᓗᒋᑦ ᐃᓄᐃᑦ ᐱᑦᔪᑎᒋᓪᓗᒋᑦ, ᑐᖁᑦᓯᓗᑎᒃ ᑐᓂᕐᕈᓯᖁᓪᓗᒋᑦ ᐊᔪᕐᓃᑦ ᐱᑦᔪᑎᒋᓗᒋᑦ ᑐᓂᕐᕈᓯᖁᓪᓗᒋᑦ.

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.