ᒨᓯᓯ ᐱᖓᔪᖏᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᐅᑯᐊ ᑕᕝᕙ ᐱᖁᔧᑦ ᓂᐊᖂᔭᑦ ᑐᓂᕐᕈᑎᒃᓮᑦ ᐱᓪᓗᒋᑦ: ᐂᕉᓂᐅᑉ ᐃᕐᓂᖏᑦ ᑖᒃᑯᓂᖓ ᐊᑕᓂᐅᑉ ᓇᔪᒐᖓᓄᐊᕐᓯᔭᕆᐊᖃᕐᐳᑦ ᑐᓂᕐᕈᓯᕐᕕᖕᒧᑦ.

ᒨᓯᓯ ᐱᖓᔪᖏᑦ 6:14 Iomraidhean Croise

ᑯᕉᓂᑲ ᓯᕗᓪᓖᑦ 9:31

ᒪᑎᑍᐊᓗ ᓕᕔᑎᑦ ᐃᓚᖓᑦ, ᓴᓗᒻᒥᐅᑉ ᐊᖓᔪᒃᓯᕐᐹᖁᑎᖓ ᑰᕋᕼᐂᑎᒥᐅᑕᖅ, ᐊᖓᔪᖅᑳᖑᓚᐅᕐᐳᖅ ᐆᑕᐅᓯᒪᔪᓂᒃ ᐴᒍᑕᕐᓄᑦ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 10:12

ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ ᐊᒥᐊᒃᑰᔫᖕᓄᑦ, “ᑎᒍᓯᓕᕆᑦᓯ ᓂᐊᖂᔭᒥᒃ ᑐᓂᕐᕈᑕᐅᓯᒪᔪᒥᒃ ᑐᓂᕐᕈᑎᓂᒃ ᐊᑕᓂᕐᒧᑦ ᐃᑯᐊᓪᓚᒃᑕᐅᓗᑎᒃ ᑐᓂᕐᕈᑎᕕᓂᕐᒥᒃ ᓴᓇᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᓗᒍᓗ ᑐᓂᕐᕈᓯᕐᕕᐅᑉ ᓴᓂᐊᓂ, ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 6:13

ᑐᓂᕐᕈᓯᕐᕕᖕᒥ ᐃᑯᒪ ᐃᑯᒤᓐᓇᕆᐊᖃᕐᐳᖅ ᑍᒪᓐᖓᑦ, ᖃᒥᑦᓴᕆᐊᖃᓐᖏᓚᖅ.”

ᒨᓯᓯ ᐱᖓᔪᖏᑦ 6:15

ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᓂᐊᖂᔭᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐅᕐᓱᒥᒡᓗ ᐃᓚᖃᕐᓗᒍ ᑎᐱᑦᓯᐊᕆᒃᑐᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓴᓐᓯᒥᒃ ᑐᓂᕐᕈᑎᒃᓴᖅ ᓂᐊᖂᔭᖅ, ᑖᓐᓇᓗ ᐃᑯᐊᓪᓚᒃᑎᓪᓗᒍ ᑐᓂᕐᕈᓯᕐᕕᖕᒥ ᓇᓗᓁᒃᑯᑕᐅᓗᓂ ᐃᖅᑲᐅᒪᑦᔪᑎᒃᓴᒥᒃ ᓂᐊᖂᔭᖅ ᑖᓐᓇ ᑐᓂᕐᕈᑕᐅᖕᒪᑦ ᑎᐱᖓᓗ ᒪᒪᕆᔭᐅᓪᓗᓂ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 15:4

ᓇᓪᓕᐊᑦ ᑐᓂᕐᕈᓯᕐᑐᖅ ᐊᑕᓂᕐᒧᑦ ᐱᖃᓯᐅᑦᔨᔭᕆᐊᖃᕐᐳᖅ ᑐᓂᕐᕈᑎᒃᓴᒥᒃ ᓂᐊᖂᔭᒃᓴᒥᒃ ᐆᒃᑑᑦ ᐄᕙ 1/10ᒥᒃ ᓂᐊᖂᔭᒃᓴᖅ ᓯᖃᓕᓯᒪᑦᓯᐊᕐᓗᒍ ᐊᑯᓯᒪᓗᒍ ᐅᕐᓱᒥᒃ ᐆᒃᑑᑦ 1/4ᕼᐃᓐᒥᒃ;

ᒨᓯᓯ ᓯᑕᒪᖏᑦ 15:6

ᓰᐱᐅᓪᓕ ᐊᖑᓴᓪᓗᖓᓂᒃ ᑐᓂᕐᕈᓯᕐᓂᐊᕈᑦᓯ, ᓂᐊᖂᔭᒃᓴᒥᒃ ᐆᒃᑑᑦ 2/10ᐄᕙᒥᒃ, ᐃᓚᓗᒍ ᐅᕐᓱᒥᒃ ᐆᒃᑑᑦ 1/3ᕼᐃᓐᒥᒃ;

ᒨᓯᓯ ᓯᑕᒪᖏᑦ 15:9

ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᑐᓂᕐᕈᑕᐅᔭᕆᐊᖃᕐᐳᖅ ᐃᓚᖃᕐᓗᓂ ᓂᐊᖂᔭᒃᓴᒥᒃ ᐆᒃᑑᑦ 3/10ᐄᕙᒥᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐃᓚᖃᕐᓗᒍ ᐅᕐᓱᒥᒃ ᐆᒃᑑᑦ 1/2ᕼᐃᓐᒥᒃ:

ᔪᐊᓇᓯᐅᑉ ᐊᒡᓚᖏᑦ 6:32

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᒨᓯᓯᐅᑉ ᓂᐊᖂᔭᒥᒃ ᕿᓚᖕᒥᑦ ᐱᔪᒥᒃ ᑐᓂᓯᕕᒋᓚᐅᓐᖏᓛᓯ; ᐊᑖᑕᒪᓕ ᓂᐊᖂᔭᒥᒃ ᓂᕿᒃᓴᓪᓚᕆᖕᒥᒃ ᑐᓂᓯᕕᒋᕚᓯ ᕿᓚᖕᒥᑦ ᐱᔪᒥᒃ.