ᒨᓯᓯ ᐱᖓᔪᖏᑦ 6:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᒫᒡᓗ ᐊᑐᕐᑕᓂ ᑖᒃᑯᐊ ᐲᕐᓗᒋᑦ ᐊᓯᖏᓐᓂᒡᓗ ᐊᑎᓯᔪᒃᓴᐅᕗᖅ, ᐊᕐᔭᓕᓃᑦ ᑖᒃᑯᐊ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ ᐃᓕᖅᑯᓯᖅ ᒪᓕᒡᓗᒍ ᓴᓗᒻᒪᕐᓴᕐᑕᐅᓯᒪᔪᒧᑦ.

ᒨᓯᓯ ᐱᖓᔪᖏᑦ 6:11 Iomraidhean Croise

ᒨᓯᓯ ᐂᑉᐸᖏᑦ 29:37

ᑍᒤᓕᐅᕐᑐᒃᓴᐅᕗᑎᑦ ᖃᐅᑕᒫᑦ ᐅᓪᓗᓂᒃ 7ᓂᒃ, ᑕᕝᕙ ᑕᒪᑐᒪ ᑭᖑᕐᖓᒍᑦ ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᒻᒪᕆᖕᓂᐊᕐᐳᖅ, ᓱᓇᑐᐃᓐᓇᕐᓗ ᑐᓂᕐᕈᓯᕐᕕᖕᒧᑦ ᐊᒃᑑᑎᔪᖅ ᑕᕝᕙ ᐃᑦᔪᕐᓁᓕᕐᓂᐊᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 44:19

ᐊᓂᓕᕈᑎᒃ ᑐᕐᓲᖑᔭᕐᒧᑦ ᓯᓚᕙᓯᖕᓂᕐᓴᒧᑦ ᐃᓄᐃᑦ ᓇᔪᒐᖓᓐᓄᑦ, ᐊᓐᓄᕌᑦ ᐊᑐᕋᑖᕐᑕᑎᒃ ᐱᓇᓱᐊᕐᓗᑎᒃ ᐲᕐᑕᒃᓴᕆᕔᑦ, ᐃᒡᓗᕈᓯᕐᒧᑦ ᐃᑦᔪᕐᓁᑦᑐᒃᑯᕕᖕᒧᑦ ᐃᓕᓗᒋᑦ; ᐊᓯᖏᓐᓂᒃ ᐊᓐᓄᕌᕐᑐᒃᓴᐅᕗᑦ, ᐃᑦᔪᕐᓁᑦᑐᒥᒃ ᐱᓇᓱᐊᕈᕆᑎᒋᓚᐅᕐᑕᖏᑦ ᐃᓄᖕᓂᒃ ᖃᓄᐃᓕᑎᑦᓯᖁᓇᒋᑦ.

ᒨᓯᓯ ᐱᖓᔪᖏᑦ 16:27

ᐃᒻᒧᒃᓯᐅᒐᐅᑉ ᐸᖕᓂᖓ ᒎᑦᓯᓗ ᑐᓂᕐᕈᑎ ᐊᔪᕐᓂᖅ ᐱᓪᓗᒍ, ᐊᐅᖓ ᐊᑐᕐᑕᐅᓚᐅᕐᑐᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓄᑦ ᐃᑦᔪᕐᓁᓕᑎᕈᑎᒃᓴᒧᑦ, ᑖᒃᑯᐊ ᓄᓇᓖᑦ ᓯᓚᑖᓄᑦ ᐱᑎᑕᐅᔭᕆᐊᖃᕐᐳᒃ, ᐊᒥᖏᓪᓗ ᐃᕐᕋᕕᖏᓪᓗ ᐃᑯᐊᓪᓚᑕᐅᒋᐊᖃᕐᐳᑦ.

ᒨᓯᓯ ᐱᖓᔪᖏᑦ 24:9

ᐂᕉᓂᓗ ᑭᖑᕚᖏᓪᓗ ᑭᓯᐊᓂ ᐃᑦᔪᕐᓁᑦᑐᕕᖕᒥ ᓂᕆᔪᓐᓇᕐᑐᑑᕗᑦ, ᑕᕝᕙᓂ ᑐᓂᕐᕈᑕᐅᔪᑦ ᐃᑦᔪᕐᓁᓐᓂᕐᐹᖑᖕᒪᑦ ᑖᒃᑯᐊᓗ ᓂᖀᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᑦ ᑐᓂᕐᕈᓯᕐᑎᑦᓯᔨᓄᑦ ᐃᑦᔪᕐᓁᓐᓂᕐᐹᖑᒪᑕ ᐊᑕᓂᕐᒧᑦ ᑐᓂᕐᕈᑕᐅᓯᒪᔪᓂᑦ.”

ᒨᓯᓯ ᐱᖓᔪᖏᑦ 4:12

ᐃᒫᒃ, ᐊᖑᓴᓪᓘᑉ ᐊᒥᐊᒃᑯᓕᒫᖏᑦ ᑐᓂᕐᕈᓯᕐᑎᑦᓯᔨᐅᑉ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ. ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᑕᐅᓯᒪᔪᒧᑦ, ᐊᕐᔭᓕᓂᕐᓂᒃ ᐃᒋᑦᓯᕕᖕᒧᑦ, ᑕᕝᕙᓂᓗ ᐊᕐᔭᓕᓃᑦ ᖄᖏᓐᓂ ᕿᔪᓕᕐᓯᒪᔪᒥ ᐃᑯᐊᓚᑎᑕᒃᓴᕆᕚ.

ᒨᓯᓯ ᐱᖓᔪᖏᑦ 4:21

ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 6:10

ᑐᓂᕐᕈᓯᕐᑎᑦᓯᔨ ᑕᕝᕙ ᐊᑎᓯᔭᕆᐊᖃᕐᐳᖅ ᐃᓗᓪᓕᕐᒥᓂᒃ ᓵᑦᑐᓂᒃ. ᐅᕕᓂᕈᕐᒥᒃ ᓵᑦᑐᒥᒃ ᖃᕐᓕᖕᒥᓂᒡᓗ ᓵᑦᑐᓂᒃ, ᐲᕐᓗᒋᓪᓗ ᑐᓂᕐᕈᑎᕕᓂᐅᑉ ᐊᕐᔭᓕᓂᖏᑦ ᐃᑯᐊᓚᑕᐅᓗᑎᒃ ᑐᓂᕐᕈᑎᕕᓃᑦ ᐃᑯᒪᒧᑦ ᓄᖑᑕᐅᓯᒪᔪᑦ, ᑐᓂᕐᕈᓯᕐᕕᐅᓪᓗ ᓴᓂᐊᓄᑦ ᐃᓕᓗᒋᑦ.

ᒨᓯᓯ ᐱᖓᔪᖏᑦ 6:12

ᐃᑯᒪ ᑐᓂᕐᕈᓯᕐᕕᖕᒦᑦᑐᖅ ᐃᑯᒤᓐᓇᕆᐊᖃᕐᐳᖅ; ᖃᒥᑦᓴᕆᐊᖃᓐᖏᓚᖅ. ᐅᓪᓛᑕᒫᑦ ᑐᓂᕐᕈᓯᕐᑎᑦᓯᔨ ᐃᓕᓯᔭᕆᐊᖃᕐᐳᖅ ᕿᔪᖕᓂᒃ ᐃᑯᐊᓚᒐᒃᓮᓪᓗ ᑐᓂᕐᕈᑏᑦ ᐋᖅᑭᒃᓱᒃᑲᓐᓂᕐᐸᒡᓗᒋᑦ, ᑐᓐᓄᕐᓂᒡᓗ ᐃᑯᐊᓪᓚᖅᑯᓯᕐᐸᒡᓗᒋᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᕕᓃᑦ ᖄᖏᓐᓃᑦᑐᑦ.

ᒨᓯᓯ ᐱᖓᔪᖏᑦ 6:20

“ᐃᒤᑦᑐᒥᒃ ᐂᕉᓂ ᐃᕐᓂᖏᓪᓗ ᑐᓂᕐᕈᓯᕆᐊᖃᕐᐳᑦ ᐅᓪᓗᒥ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᕕᖕᒥᖕᓂ: ᐅᖁᒤᓐᓂᐅᑉ ᓇᑉᐹᓂᒃ ᐅᖁᒤᑎᒋᔪᒥᒃ ᓂᐊᖂᔭᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᑉ ᑐᓂᕐᕈᑕᐅᓂᖓᓂᒃ, ᑖᑦᓱᒪ ᓇᑉᐹ ᐅᓪᓛᒃᑯᑦ ᑐᓂᕐᕈᑎᒋᓗᒍ ᓇᑉᐹᓗ ᐅᓐᓄᒃᐸᑦ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 6:22

ᑖᒃᑯᐊᓗ ᐃᕐᓂᖓᑦ ᑭᖑᕝᕕᐅᑎᓂᐊᓕᕈᓂ ᒥᖑᐊᕐᑕᐅᕕᖏᓐᓂ ᐅᕐᓱᒧᑦ, ᑍᒥᑦᑐᒥᒃ ᓴᓇᔭᕆᐊᖃᕐᐳᖅ. ᑖᓐᓇ ᐊᑕᓂᐅᑉ ᐱᔭᒃᓴᕆᖕᒪᒍ ᑕᒪᒃᑭᕐᓗᒍ ᐃᑯᐊᓚᑎᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 7:6

ᐊᖑᑎᓂᑦ ᑐᓂᕐᕈᓯᕐᑎᑦᓯᔨᐅᑉ ᐃᓚᖏᓐᓂᑦ ᓂᕆᔭᐅᔪᓐᓇᕐᐳᖅ, ᑭᓯᐊᓂᓕ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᕐᐳᖅ: ᑍᒤᑦᑐᑦ ᐃᑦᔪᕐᓁᓐᓂᕐᐹᖑᖕᒪᑕ.