ᒨᓯᓯ ᐱᖓᔪᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᓯᕆᐊᒃᓴᖅ ᐊᔪᕈᓂ ᒪᕐᕉᖕᓂᒃ ᑑᕖᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᑎᖃᕐᑐᒃᓴᐅᕗᖅ ᐊᔪᕐᓂᓂ ᐱᓪᓗᒋᑦ, ᐂᑉᐸᖓ ᑐᓂᕐᕈᑎᒋᓗᒍ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᐃᑯᐊᓚᒐᒃᓴᐅᑎᓪᓗᒍ ᑐᓂᕐᕈᑎᒋᓗᒍ.

ᒨᓯᓯ ᐱᖓᔪᖏᑦ 5:7 Iomraidhean Croise

ᒨᓯᓯ ᐱᖓᔪᖏᑦ 12:6

“ᐊᕐᓇᐅᑉ ᓴᓗᒻᒪᕐᓴᕐᑕᐅᕕᖏᑦ ᐅᓪᓗᑦ ᓈᒃᐸᑕ, ᐃᕐᓂᕐᑖᓚᐅᕈᓂᓘᓐᓃᑦ ᐸᓂᒃᑖᓚᐅᕈᓂᓘᓐᓃᑦ, ᑐᓂᕐᕈᓯᕐᑎᑦᓯᔨᒧᑦ ᐋᑦᓯᔪᒃᓴᐅᕗᖅ ᑐᐱᕐᒧᑦ ᑲᑎᒪᕕᖕᒧᑦ, ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᐃᑯᐊᓪᓚᓗᒍ ᑐᓂᕐᕈᑎᒃᓴᒥᒃ, ᐱᐊᕋᕕᓂᕐᒥᒡᓗ ᑎᖕᒥᐊᒥᒃ ᐱᑦᔭᓐᒥᒃ, ᐅᕝᕙᓗ ᑑᕕᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ.

ᒨᓯᓯ ᐱᖓᔪᖏᑦ 12:8

“ᐊᕐᓇᕐᓕ ᑐᓂᕐᕈᑎᒃᓴᖃᖏᑉᐸᑦ ᓰᐱᐅᑉ ᓄᕐᕋᖓᓂᒃ, ᒪᕐᕉᖕᓂᒃ ᑑᕖᖕᓂᒃ ᐊᖅᑭᒡᒋᐅᔮᕐᑑᖕᓂᒃ, ᐱᑦᔭᓐᓂᒡᓘᓐᓃᑦ ᐱᐊᕋᕕᓃᖕᓂᒃ ᒪᕐᕉᖕᓂᒃ ᐋᑦᓯᔪᒃᓴᐅᕗᖅ, ᐱᖃᑖ ᐃᑯᐊᓪᓚᒡᓗᒍ ᑐᓂᕐᕈᑎᒃᓴᒥᒃ, ᐂᑉᐸᖓᓗ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ. ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᓴᓗᒻᒪᕐᓂᐊᕐᐳᕐᓗ.”

ᒨᓯᓯ ᐱᖓᔪᖏᑦ 14:30

ᑕᕝᕙ ᑐᓂᕐᕈᑎᒋᔭᕆᐊᖃᕐᐹ ᑑᕕᒃ ᐅᕝᕙᓘᓐᓃᑦ ᐱᐊᕋᖅ ᐱᓐᔭᓐᒥᒃ ᑍᔭᐅᔪᖅ ᐱᔪᓐᓇᕐᑕᓂ ᒪᓕᒡᓗᒍ.

ᒨᓯᓯ ᐱᖓᔪᖏᑦ 14:31

ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ ᐱᖃᑖᓗ ᐃᑯᐊᓚᓗᓂ ᑐᓂᕐᕈᑕᐅᖁᓪᓗᒍ, ᐃᓚᖃᕐᓗᒍ ᓂᐊᖂᔭᒥᒃ ᑐᓂᕐᕈᑎᒃᓴᒥᒃ, ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ ᑖᓐᓇ ᓴᓗᒻᒪᕐᑎᑕᐅᔪᖅ.

ᒨᓯᓯ ᐱᖓᔪᖏᑦ 15:30

ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕆᐊᖃᕐᐳᖅ ᑎᖕᒥᐊᒥᒃ ᐊᑕᐅᓯᕐᒥᒃ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᑐᓂᕐᕈᑎᒋᓗᒍ ᐃᑯᐊᓪᓚᓗᒍ ᑐᓂᕐᕈᓯᕐᑎᑦᓯᔨᐅᑉ ᐊᕐᓇᖅ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ ᓴᓗᒤᑦᑐᖅ ᐊᐅᓈᕐᓂᕆᓚᐅᕐᑕᖓ ᐱᓪᓗᒍ.

ᒨᓯᓯ ᐱᖓᔪᖏᑦ 16:5

ᓄᓇᓕᖕᓂᑦ ᐃᓴᕆᐊᓕᒥᐅᓂᑦ ᐱᑎᑕᐅᔭᕆᐊᖃᕐᐳᖅ ᒎᑦᓰᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓵᖕᓂᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᑐᓂᕐᕈᑎᒃᓴᒥᒃ ᐃᑯᐊᓚᒐᒃᓴᒥᒃ.

ᒨᓯᓯ ᐱᖓᔪᖏᑦ 27:8

“ᓇᓪᓕᐊᑦ ᐊᖏᕈᑎᖃᕋᓱᐊᕐᑐᖅ ᐊᔪᕐᓴᓗᐊᕐᐸᑦ, ᐃᓅᓪᓗ ᐊᑭᒋᔭᕆᐊᖃᕐᑕᖓᓂᒃ ᐊᑭᓖᔪᓐᓇᕋᓂ, ᐃᓄᒃ ᐊᑭᓕᕈᒪᔭᓂ ᑐᓂᕐᕈᓯᕐᑎᑦᓯᔨᒧᑦ ᐱᑎᑕᒃᓴᕆᕚ, ᑐᓂᕐᕈᓯᕐᑎᑦᓯᔨ ᐊᑭᖓᓂᒃ ᐋᖅᑭᒃᓯᒐᔭᕐᒪᑦ ᑖᑦᓱᒪ ᐊᑭᓕᕈᓐᓇᕐᑕᖓᓂᒃ.

ᒨᓯᓯ ᐱᖓᔪᖏᑦ 5:11

“ᑑᕖᖕᓂᒡᓕ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᓯᕆᐊᒃᓴᖅ ᐊᔪᕐᐸᑦ ᐊᑕᓂᕐᒧᑦ ᑕᕝᕙ ᕾᑦᓯᔭᕆᐊᖃᕐᐳᖅ ᓂᐊᖂᔭᒃᓴᒥᒃ 2ᐸᐅᓐᒥᒃ ᐅᖁᒤᓐᓂᓕᖕᒥᒃ ᓯᖃᓕᑦᓯᐊᕐᓯᒪᔪᒥᒃ ᐊᔪᕐᓂᓂ ᐱᓪᓗᒍ. ᓂᐊᖂᔭᖅ ᐅᕐᓯᕆᐊᖃᓐᖏᓚᖅ ᑎᐱᑦᓯᐊᕆᒃᑐᒥᒡᓘᓐᓃᑦ ᐃᓐᓴᓐᓯᒥᒃ ᐃᓚᔭᕆᐊᖃᓐᖏᓚᖅ, ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᖕᒪᑦ.

ᒨᓯᓯ ᐱᖓᔪᖏᑦ 7:1

“ᐅᑯᐊ ᑕᕝᕙ ᒪᓕᒊᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᑦ ᑐᓂᕐᕈᑎᒃᓮᑦ, ᑕᒪᓐᓇᓗ ᐃᑦᔪᕐᓁᓐᓂᕐᐹᖑᓪᓗᓂ.

ᒨᓯᓯ ᐱᖓᔪᖏᑦ 9:3

ᐃᓴᕆᐊᓕᒥᐅᓪᓗ ᐅᖃᐅᑎᒃᑭᑦ ᑐᓂᕐᕈᑎᒃᓴᖃᕆᑦᓯ ᒎᑦᓯᒥᒃ ᐊᖑᓴᓪᓗᕐᒥᒃ ᐊᔪᕐᓂᓯ ᐱᓪᓗᒋᑦ, ᐃᒻᒧᒃᓯᐅᒐᐅᓪᓗ ᓄᕐᕋᖓᓂᒃ, ᓰᐱᐅᓪᓗ ᓄᕐᕋᖓᓂᒃ ᑖᒃᑯᐊᒡᓗ ᐊᕐᕌᒍᖃᕐᑐᒃᓴᐅᕘᒃ ᐊᑕᐅᓯᕐᒥᒃ ᐊᑐᓂᑦ ᖃᓄᐃᓐᓂᖃᖏᑦᓯᐊᕐᓗᑎᒡᓗ, ᑖᒃᑯᐊᒃ ᐃᑯᐊᓚᓗᑎᒃ ᑐᓂᕐᕈᑎᒃᓴᐅᖁᓪᓗᒋᒃ,

ᒨᓯᓯ ᓯᑕᒪᖏᑦ 5:6

“ᐃᓴᕆᐊᓕᐅᑉ ᕿᑐᕐᖓᖏᑦ ᐅᖃᐅᑎᓚᐅᒃᑭᑦ: ‘ᐊᖑᑎᑦ ᐊᕐᓁᓪᓘᓐᓃᑦ ᐊᔪᕐᑐᓕᒃᐸᑕ ᐃᓄᐃᑦ ᐊᔪᕐᑐᓕᓂᕆᕙᒃᑕᖏᓐᓄᑦ ᐊᑕᓂᕐᒧᑦ ᑲᔪᓯᖃᑦᑕᖏᓐᓂᕐᒧᑦ, ᑍᒤᓕᐅᕐᑐᖅ ᐸᓯᔭᒃᓴᐅᕗᖅ,

ᒨᓯᓯ ᓯᑕᒪᖏᑦ 6:10

ᐅᓪᓗᐃᓪᓕ 8ᖓᓂ ᑎᖕᒥᐊᖕᓂᒃ ᒪᕐᕉᖕᓂᒃ ᑑᕕᓂᒃ ᐊᑎᖃᕐᑐᓂᒃ ᐅᕝᕙᓘᓐᓃᑦ ᑎᖕᒥᐊᖕᓂᒃ ᒪᕐᕉᖕᓂᒃ ᐱᑦᔨᓐᓯᓂᒃ ᐊᑎᖃᕐᑐᓂᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ, ᑐᐱᕐᔪᐊᑉ ᑲᑎᒪᕕᐅᑉ ᐅᒃᑯᐊᖓᓂ;

ᒨᓯᓯ ᓯᑕᒪᖏᑦ 6:11

ᑕᕝᕙ ᑐᓂᕐᕈᓯᕐᑎᑦᓯᔨ ᐊᑕᐅᓯᕐᒥᒃ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᑦᔪᑎᒋᓪᓗᒍ, ᐂᑉᐸᖓᓗ ᐆᑕᒃᓴᒧᑦ ᑐᓂᕐᕈᑎᒋᓗᒍ, ᑖᑦᓱᒪ ᐃᓱᒪᒋᔪᓐᓁᕐᕕᐅᓂᖓᓄᑦ ᑐᓂᕐᕈᑎᒋᓗᒋᑦ, ᑎᒥ ᑐᖁᖓᔪᖅ ᐱᓪᓗᒍ ᐊᔪᕐᑐᓕᓚᐅᕐᒪᑦ; ᐅᓪᓗᒥᓗ ᑍᑦᓱᒪᓂ ᓂᐊᖁᓂ ᐃᑦᔪᕐᓁᓕᑎᑦᓴᕆᐊᖃᕐᐹ.

ᒫᑎᐅᓯᐅᑉ ᐊᒡᓚᖏᑦ 10:16

“ᑕᑯᒋᑦ ᓰᐱᑎᑐᑦ ᑎᓕᕙᑦᓯ ᐊᒪᕈᐃᑦ ᐊᑯᕐᖓᓐᓄᑦ; ᑍᒤᒻᒪᑦ ᖁᒡᓗᒋᐊᑎᑐᑦ ᐅᑦᔨᕐᓱᑎᐊᕆᑦᓯ, ᑑᕕᑎᑐᓪᓗ ᐱᖁᓐᓂᕐᑎᒋᓗᓯ.

ᒫᑎᐅᓯᐅᑉ ᐊᒡᓚᖏᑦ 21:12

ᔩᓱᓯ ᑐᒃᓯᐊᕐᕕᒡᔪᐊᕐᒧᐊᕋᒥ ᑕᕝᕙᓃᑦᑐᓕᒫᑦ ᐊᓂᑎᑉᐰᑦ ᓂᐅᕕᕋᓱᒃᑐᑦ ᓂᐅᕐᕈᑎᖃᕐᑐᓪᓗ, ᑮᓇᐅᔭᓂᒡᓗ ᑕᐅᕐᓰᔩᑦ ᓵᖏᑦ ᐅᕐᕈᑎᑉᐰᑦ ᐊᕿᒡᒋᐅᔮᕐᑐᓂᒡᓗ ᓂᐅᕐᕈᑎᓖᑦ ᐃᒃᓯᕙᐅᑕᖏᑦ ᐅᕐᕈᑎᒃᑭᕔᑦ,

ᒫᑎᐅᓯᐅᑉ ᐊᒡᓚᖏᑦ 3:16

ᔩᓱᓯ ᐹᑉᑎᑕᐅᔭᕇᕋᒥ ᐃᒫᓂᑦ ᖃᑭᕗᖅ, ᖃᑭᖕᒪᓪᓗ ᑕᑉᕔᓐᓇᖅ ᑕᑯᒋᑦ ᕿᓚᒃ ᐊᖕᒪᕐᐳᖅ, ᒎᑎᐅᑉ ᐊᓂᕐᓂᖓ ᐊᖅᑲᕐᑐᑦ ᑕᑯᕚ ᑎᖕᒥᐊᑎᑐᑦ ᑑᕕᑐᑦ, ᔩᓱᓯᒦᓕᕐᓗᓂ.

ᓘᑲᓯᐅᑉ ᐊᒡᓚᖏᑦ 2:24

ᔫᓯᐱᒃᑯᒃ ᑐᓂᓯᔭᕆᐊᖃᓚᐅᕐᐴᒃ ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᑎᖕᒥᐊᖕᓂᒃ ᒪᕐᕉᖕᓂᒃ, ᑑᕕᖕᓂᒡᓘᓐᓃᑦ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ, ᐊᑭᒡᒋᐅᔮᕐᑑᖕᓂᒡᓗ ᒪᕐᕉᖕᓂᒃ ᖃᑯᕐᑕᐅᖏᑦᑑᖕᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.