ᒨᓯᓯ ᐱᖓᔪᖏᑦ 5:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᓇᓪᓕᐊᑐᐃᓐᓇᖅ ᐸᓯᔭᒃᓴᐅᒍᓂ ᑖᒃᑯᓄᖓ ᓇᓪᓕᐊᓐᓄᑐᐃᓐᓇᖅ ᑖᓐᓇ ᖃᕿᐊᓕᕆᐊᖃᕐᐳᖅ ᖃᓄᖅ ᐊᔪᕐᑐᓕᓚᐅᕐᒪᖔᕐᒥ,

ᒨᓯᓯ ᐱᖓᔪᖏᑦ 5:5 Iomraidhean Croise

ᔫᐱᐅᑉ ᐊᒡᓚᖏᑦ 33:27

ᐃᓄᐃᓪᓗ ᓵᖏᓐᓂ ᐅᖃᕆᒃᓴᐅᑎᒋᓂᐊᕐᐹ, ᐅᖃᕐᓗᓂ, ‘ᐊᔪᕐᑐᓕᓚᐅᕐᐳᖓ, ᓇᓛᒎᕐᓂᕐᒥᓗ ᐃᓅᓚᐅᕐᓇᖓ, ᒎᑎᐅᓪᓕ ᓂᑲᒋᓪᓗᖓ ᓴᐳᑎᓚᐅᕐᐹᖓ.

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᒨᓯᓯ ᐱᖓᔪᖏᑦ 16:21

ᐊᒡᒐᖕᒥᓄᑦ ᐃᒡᓗᒃᑐᑦ ᐸᑎᒻᒥᔭᕆᐊᖃᕐᐹ ᓂᐊᖁᐊᒍᑦ, ᖃᕿᐊᓕᕐᓗᓂᓗ ᐱᐅᖏᑦᑐᓕᓂᕐᓂᒃ ᓈᓚᖏᓐᓂᓕᒫᓂᒡᓗ ᐃᓴᕆᐊᓕᒥᐅᑦ ᐊᑐᕐᐸᒃᑕᖏᓐᓂᒃ, ᐊᔪᕐᑐᓕᓂᖏᓪᓗ ᓂᐊᖁᖓᓄᑦ ᐱᑎᓪᓗᒋᑦ. ᐊᐅᓪᓚᕐᑎᑕᒃᓴᕆᕚ ᐃᓄᖃᖏᑦᑐᒧᑦ ᑲᒪᔨᖃᕐᑎᓪᓗᒍ ᐊᖑᒻᒥᒃ ᑍᒤᑦᑐᒧᑦ ᑎᓕᔭᐅᓯᒪᔪᒥᒃ.

ᒨᓯᓯ ᐱᖓᔪᖏᑦ 26:40

“ᑭᖑᕚᓯᓕ ᖃᕿᐊᓕᕐᐸᑕ ᐊᔪᕐᓂᕐᒥᖕᓂᒃ ᓯᕗᓕᖏᑕᓗ ᐊᔪᕐᓂᖏᓐᓂᑦ, ᐅᕙᓐᓂᒃ ᐊᓚᐅᒪᓇᓱᐊᕐᓂᕐᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ,

ᒨᓯᓯ ᐱᖓᔪᖏᑦ 5:13

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᑎᑉᐹ ᐊᔪᕐᓃᑦ ᓇᓪᓕᐊᑐᐃᓐᓁᑦ ᐱᓪᓗᒋᑦ ᐊᔪᕐᑐᓕᓂᕆᔭᖏᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ. ᐊᒥᐊᒃᑯᖏᓪᓕ ᑐᓂᕐᕈᓯᕐᑎᑦᓯᔨᐅᑉ ᐱᒋᕚ, ᓂᐊᖂᔭᖅ ᑐᓂᕐᕈᑕᐅᑎᓪᓗᒍ.”

ᒨᓯᓯ ᓯᑕᒪᖏᑦ 5:7

ᑕᕝᕙ ᖃᕿᐊᓕᕆᐊᖃᕐᐳᖅ ᐊᔪᕐᑐᓕᓂᕆᓚᐅᕐᑕᒥᓂᒃ; ᓱᓇᒥᒡᓗᒋᑦ ᐅᑎᕐᑎᑦᓯᔭᕆᐊᖃᓕᕐᐳᖅ ᐊᔪᕐᑐᓕᓂᕆᓚᐅᕐᑕᒥᓂᒃ, ᑕᓪᓕᒪᐅᓕᓂᖓᑕ ᐊᕕᒃᑐᕐᓂᖓᓂᒃ ᐊᑕᐅᓯᕐᒥᒃ ᐃᓚᒃᑲᓐᓂᕐᓗᒍ ᐱᐅᖏᑦᑐᓕᕝᕕᒋᓚᐅᕐᑕᓂ ᑐᓂᓯᕕᒋᓗᒍ.

ᕉᒪᒥᐅᓄᑦ 10:10

ᐆᒻᒪᑎᒃᑰᕐᑐᒥᒃ ᐅᒃᐱᕐᓂᖃᕐᑐᖅ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ, ᖃᓂᕐᒥᒍᓪᓗ ᐅᖃᐅᓯᖃᕐᑐᖅ ᑖᓐᓇ ᐱᐅᓕᔭᐅᓂᐊᕐᐳᖅ.

ᔮᓱᐊᑉ ᐊᒡᓚᖏᑦ 7:19

ᔮᓱᐊᓪᓗ ᐂᑲᓐ ᐅᖃᐅᑎᕚ, “ᐃᕐᓃᒃ, ᓱᓕᔪᒥᒃ ᐅᖃᓚᐅᕆᑦ ᐊᑕᓂᐅᑉ ᓵᖓᓂ ᐃᓴᕆᐊᓕᒥᐅᑦ ᒎᑎᖓᑕ, ᖃᕿᐊᓕᕐᓗᑎᓪᓗ, ᐅᖃᐅᑎᓚᐅᓐᖓ ᖃᓄᐃᓕᐅᕐᓂᕐᒪᖔᕐᐱᑦ; ᐊᓐᖏᒍᑎᖏᓪᓗᖓ.”