ᒨᓯᓯ ᐱᖓᔪᖏᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐅᕝᕙᓘᓐᓃᑦ ᐃᓄᒃ ᐊᒃᑐᕐᓯᒃᐸᑦ ᓱᓇᑐᐃᓐᓇᕐᒥᒃ ᐅᒃᐱᕐᓂᕐᒧᑦ ᓴᓗᒤᓐᓂᕋᕐᑕᐅᔪᒥᒃ ᐃᒤᑦᑐᓂᒃ: ᐆᒪᔪᕕᓂᕐᓂᒃ ᑐᖁᖓᔪᓂᒃ ᓄᔪᐊᕐᑐᓂᒃ ᐅᕝᕙᓘᓐᓃᑦ ᐆᒪᔪᖁᑎᒋᔭᐅᔪᒥᒃ ᑐᖁᖓᔪᒥᒃ ᐅᕝᕙᓘᓐᓃᑦ ᐆᒪᔪᓂᒃ ᓄᓇᒥ ᐹᕐᖑᕐᑎᓂᒃ ᓴᓗᒤᑦᑐᓂᒃ ᖃᐅᔨᖏᒃᑲᓗᐊᕐᓗᓂ ᖃᓄᐃᓕᐅᕐᓂᕐᒥᓂᒃ ᑍᒤᓕᐅᕐᑐᖅ ᓴᓗᒤᓕᕐᒪᑦ ᐸᓯᔭᒃᓴᐅᓕᕐᓗᓂᓗ.

ᒨᓯᓯ ᐱᖓᔪᖏᑦ 5:2 Iomraidhean Croise

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᒨᓯᓯ ᐱᖓᔪᖏᑦ 11:11

ᐃᓕᑦᓯᓐᓄᑦ ᓇᕐᕈᓇᕐᒪᑕ ᑕᒪᒃᑯᐊ ᓂᕆᔭᕆᐊᖃᓐᖏᓚᓯ, ᑐᖁᖓᒃᐸᑕᓗ ᑎᒥᖏᑦ ᐊᒃᑐᕆᐊᖃᓐᖏᓚᓯ ᓴᓗᒤᒻᒪᑕ ᐃᓕᑦᓯᓐᓄᑦ.

ᒨᓯᓯ ᐱᖓᔪᖏᑦ 11:8

ᑍᒤᑦᑐᑦ ᓂᕿᖏᑦ ᓂᕿᒋᔭᒃᓴᕆᓐᖏᓚᓯ, ᑎᒥᖏᓪᓘᓐᓃᑦ ᑐᖁᖓᒃᐸᑕ ᐊᒃᑐᕆᐊᖃᓐᖏᓚᓯ; ᓴᓗᒤᒻᒪᑕ ᐃᓕᑦᓯᓐᓄᑦ.

ᒨᓯᓯ ᐱᖓᔪᖏᑦ 4:13

“ᐃᓴᕆᐊᓕᒥᐅᓪᓕ ᓄᓇᖅᑲᑎᒌᓕᒫᑦ ᐱᔮᕆᖏᓪᓗᑎᒃ ᐊᔪᕐᑐᓕᒃᐸᑕ ᐊᑕᓂᐅᓪᓗ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑕ, ᓄᓇᓖᑦ ᖃᐅᔨᖏᒃᑲᓗᐊᕐᑎᓪᓗᒋᑦ, ᑕᕝᕙ ᑕᒪᕐᒥᒃ ᐸᓯᔭᒃᓴᐅᓕᕐᐳᑦ.

ᒨᓯᓯ ᐱᖓᔪᖏᑦ 5:17

“ᐃᓄᐃᓪᓕ ᓇᓪᓕᐊᑦ ᐊᔪᕐᑐᓕᒃᐸᑦ ᐱᓕᕆᒃᐸᓪᓗ ᐊᑕᓂᐅᑉ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ, ᐃᓄᒃ ᓇᖕᒥᓂᖅ ᖃᐅᔨᖏᒃᑲᓗᐊᕐᓗᓂ ᑕᕝᕙ ᐸᓯᔭᒃᓴᐅᕗᖅ ᓱᒋᐊᒐᒃᓴᐅᓪᓗᓂᓗ, ᐱᓕᕆᔭᕆᐊᖃᕐᓗᓂᓗ ᐱᖁᔭᖅ ᒪᓕᒡᓗᒍ.

ᒨᓯᓯ ᐱᖓᔪᖏᑦ 5:3

“ᐅᕝᕙᓘᓐᓃᑦ ᐊᒃᑐᐃᒃᐸᑦ ᐃᓅᑉ ᓴᓗᒤᑎᑕᖓᓂᒃ: ᓱᓇᑐᐃᓐᓇᕐᒥᒃ ᐃᓅᑉ ᓴᓗᒤᑦᔪᑎᒋᔪᓐᓇᕐᑕᖓᓂᒃ: ᐃᓄᒃ ᑖᓐᓇ ᖃᐅᔨᖏᒃᑲᓗᐊᕐᓗᓂ, ᖃᐅᔨᒍᓂᓕ ᑍᒤᓐᓂᕐᒥᓂᒃ ᑕᕝᕙ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 5:4

“ᐅᕝᕙᓘᓐᓃᑦ ᓱᓕᑦᓯᐊᕐᓂᕋᕐᓗᓂ ᐊᖏᕈᑎᓕᐅᕐᐸᑦ ᓱᓇᑐᐃᓐᓇᕐᒥᒃ ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ: ᓱᓇᑐᐃᓐᓇᕐᒥᒃ ᐃᓅᑉ ᐅᑦᔨᕈᓱᖏᓪᓗᓂ ᐊᖏᕈᑎᒋᔪᓐᓇᕐᑕᖓᓂᒃ, ᐃᓄᒃ ᑖᓐᓇ ᖃᐅᔨᖏᒃᑲᓗᐊᕐᓗᓂ, ᖃᐅᔨᓕᕈᓂᓗ ᐱᓂᐊᕐᓂᕆᔭᒥᓂᒃ ᑕᕝᕙ ᐸᓯᔭᒃᓴᐅᕗᖅ.

ᒨᓯᓯ ᐱᖓᔪᖏᑦ 7:21

ᓇᓪᓕᐊᑦ ᐅᒃᐱᕐᓂᐅᑉ ᐃᓕᖅᑯᓯᖓ ᒪᓕᒡᓗᒍ ᓴᓗᒤᓐᓂᕋᕐᑕᐅᔪᒥᒃ ᐊᒃᑐᐃᒃᐸᑦ, ᐃᓅᑉ ᓴᓗᒤᓐᓂᕋᕐᑕᐅᓂᖓᓂᒡᓘᓐᓃᑦ ᐅᕝᕙᓘᓐᓃᑦ ᐆᒪᔪᒥᒃ ᓴᓗᒤᓐᓂᕋᕐᑕᐅᔪᒥᒃ, ᓱᓇᑐᐃᓐᓇᕐᒥᒡᓘᓐᓃᑦ ᓴᓗᒤᓐᓂᕋᕐᑕᐅᔪᒥᒃ, ᑍᒤᑦᑐᖅ ᓇᕐᕈᓇᕐᓯᕗᖅ, ᓂᕿᒥᒡᓗ ᓂᕆᒃᐸᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᒥᒃ ᐊᑕᓂᕐᒧᑦ, ᐃᓄᒃ ᑖᓐᓇ ᐃᓅᖃᑎᒥᓄᑦ ᐊᕕᑕᐅᔪᒃᓴᐅᕗᖅ.”

ᕼᐊᒊᑉ ᐊᒡᓚᖏᑦ 2:13

ᕼᐊᒊ ᐅᖃᕐᐳᖅ, “ᓇᓪᓕᐊᑦ ᐃᑦᔪᕐᓇᕐᓯᑎᑕᐅᒃᐸᑦ ᐊᒃᑐᕐᓯᓂᕐᒥᓄᑦ ᑐᖁᖓᔪᒥᒃ, ᐃᑦᔪᕐᓇᕐᓯᒐᔭᕐᐹ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᑭᐅᕗᑦ ᐅᖃᕐᓗᑎᒃ, “ᐃᑦᔪᕐᓇᕐᓯᒐᔭᕐᐳᖅ.”

ᒨᓯᓯ ᓯᑕᒪᖏᑦ 19:22

ᓇᓪᓕᐊᑦ ᓴᓗᒤᓕᓯᒪᔪᖅ ᓱᓇᑐᐃᓐᓁᑦ ᐊᒃᑐᕐᑕᖏᑦ ᓴᓗᒤᕐᑑᓕᕐᐳᑦ; ᓇᓪᓕᐊᑦᓗ ᐊᒃᑐᕐᑕᕕᓂᖏᓐᓂᒃ ᐊᒃᑐᕐᓯᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.”

ᓘᑲᓯᐅᑉ ᐊᒡᓚᖏᑦ 11:44

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ! ᐃᓗᕕᕐᑎᑐᑦ ᓇᓗᓁᒃᑯᑕᖃᖏᑦᑐᑎᑐᑦ ᑍᒤᓐᓇᑦᓯ, ᐃᓄᖕᓄᑦ ᑐᓪᓕᕋᕐᑕᐅᓪᓗᑎᒃ ᐱᓱᒃᕕᐅᕗᑦ ᖃᐅᔨᒪᔭᐅᓇᑎᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᒨᓯᓯ ᑕᓪᓕᒪᖏᑦ 14:8

ᑰᒃᑰᓯᓂᒃ ᓂᕆᔪᒃᓴᐅᓐᖏᓚᓯ, ᑕᒪᒃᑯᐊ ᓴᓗᒪᖏᑦᑑᓂᕋᕐᑕᐅᔪᒃᓴᐅᖕᒪᑕ; ᐃᑎᒐᖏᑦ ᑯᑭᖃᕐᑑᒐᓗᐊᑦ ᒪᕐᕉᓕᖅᑲᖓᔪᓂᒃ ᑭᓯᐊᓂᓕ ᑕᒧᓗᕋᐅᔭᕐᐸᖏᒻᒪᑕ; ᑕᒪᒃᑯᐊ ᑕᒪᑦᔭ ᓂᕐᔪᑏᑦ ᓂᕆᔭᕆᐊᖃᓐᖏᑕᓯ ᑐᖁᖓᑎᓪᓗᒋᓪᓘᓐᓃᑦ ᐊᒃᑐᕆᐊᖃᓐᖏᓚᓯ.